Morgunblaðið - 01.09.2003, Blaðsíða 12
SIGURVEGARAR á HM fengu all-
ir 60.000 dollara (um 4,8 milljónir
króna) fyrir sigurinn. Eunice Barber
langstökkvari fékk hins vegar 60.001
fyrir sigurinn því hún hafði veðjað
dollar við vinkonu sína. „Við rifum
dollaraseðil í sundur, ég hélt öðrum
helmingnum og hún hinum. Nú lím-
um við hann saman þegar ég kem
heim og þá á ég hann,“ sagði Barber,
sem tryggði sér sigurinn með því að
stökkva 6,99 m í síðustu umferðinni.
KIM Collins og Felix Sanchez
voru ánægðir með sigurinn á HM en
þeir hafa áður unnið til verðlauna á
stórmótum. Nú gátu landar þeirra
hins vegar í fyrsta sinn fylgst með
því í beinni útsendingu sjónvarps, en
Collins er frá St. Kitts and Nevis og
Sanchez frá Dóminíska lýðveldinu.
TIRUNESH Dibaba, eþíópísk tán-
ingsstúlka sigraði í 5.000 metra
hlaupi kvenna á HM, en þetta var í
fyrsta sinn sem hún keppir á mótinu.
Dibaba er heimsmeistari unglinga í
víðavangshlaupi og heimsmethafi
unglinga í 5.000 metra hlaupi. „Ég
trúi þessu varla, fyrsta HM mótið
mitt og sigur, þetta er frábært,“
sagði hin 18 ára gamli sigurvegari.
CATHERINE Ndereba frá Kenýa
sigraði í maraþonhlaupi kvenna á
2:23.55 og setti mótsmet. Gamla
metið átti Rosa Mota frá Portúgal en
hún hljóp vegalengdina á 2:25.17 árið
1987 í Róm.
KEPPNIN í 800 metra laupi karla
var jöfn og spennandi en á loka-
sprettinum gaf Rússinn Juriy
Borzakovskíj eftir og Djabir Said-
Guerni frá Alsír stakk sér framúr og
sigraði á 1.44,81 en Rússinn var á
1.44,84 og Mbulaeni Mulaudzi frá S-
Afríku þriðji. Fjórði var síðan Wil-
son Kipketer frá Danmörku.
EYÐIMERKURPRINSINN frá
Marokkó, Hicham El Guerrouj, varð
að sætta sig við annað sætið í 5.000 m
hlaupi karla, en þar ætlaði hann sér
sigur. Kenýamaðurinn Eliud Kipch-
oge varð hlutskarpari, hljóp á
12.52,79 en El Guerrouj á 12.52,83,
gaf eftir á síðustu metrunum.
JAN Zelezný frá Tékklandi náði
fjórða sætinu í spjótkasti karla, kast-
aði 84,09 metra en sigurvegari varð
Sergey Makarov frá Rússlandi með
85,44. Eistinn Andrus Värnik varð
annar með 85,17 metra og Boris
Henry frá Þýskalandi þriðji.
BANDARÍSKA sveitin sigraði
óvænt í 4x400 metra hlaupi kvenna,
kom í mark á besta tíma ársins,
3.22,63, aðeins á undan Rússum, sem
þóttu sigurstranglegastar, en þær
rússnesku fengu tímann 3.22,91 sem
er besti tími þeirra í ár.
KARLASVEIT Bandaríkjanna
sigraði einnig í 4x400 metra hlaupi
karla og þar urðu Frakkar í öðru
sæti á nýu frönsku meti, 2.58,96 en
Bandaríkjamenn hlupu á 2.58,88.
ANJU Bobby George, 26 ára
indversk stúlka, kom öllum á óvart
þegar hún varð þriðja í langstökki
kvenna og vann þar með til fyrstu
verðlauna sem Indverji vinnur til á
heimsmeistaramóti í frjálsum.
„Þetta er gjöf til Indlands,“ sagði
stúlkan hæstánægð með bronsið.
MIKE Powell, heimsmethafinn í
langstökki, 8,95 metrar, hefur að-
stoðað George og eiginmann hennar,
sem sér um þjálfun hennar. „Hún er
náttúrubarn og næst er að auka
hraða hennar og tækni enn frekar og
þá vona ég að hún kræki sér í gull í
Aþenu,“ segir Powell.
EIGINMAÐURINN er hæst-
ánægður líka. „Ég þurfti aðstoð við
þjálfunina og Powell er svo sannar-
lega betri en enginn í þeim efnum.
Nú er markmiðið að heyra indverska
þjóðsönginn á Ólympíuleikvanginum
í Aþenu á næsta ári,“ sagði Bobby
George, eiginmaður og þjálfari
Anju.
FÓLK
EDWIN Moses, grindahlauparinn
frægi, tilkynnti í gær að hann ætl-
aði sér að keppa í grindahlaupi á
nýjan leik og stefnan væri að kom-
ast á úrtökumótið fyrir bandaríska
ólympíuliðið. Moses, sem varð 48
ára í gær, notaði afmælisdaginn til
að tilkynna þetta á HM í frjálsum í
París. Í gær voru 20 ár liðin síðan
hann setti síðast heimsmet, hljóp
400 metra grindahlaup á 47,02
sekúndum í Koblenz í Þýskalandi.
Það er enn annar besti tími sem
náðst hefur.
Moses sagðist ekki búast við að
hann myndi ógna Felix Sanchez á
hlaupabrautinni og sagði að þetta
væri „tímabundin endurkoma“ hjá
sér.
„Sanchez myndi láta mig líta illa
út, rétt eins og ég gerði við aðra
sem hlupu á sama tíma og ég var
upp á mitt besta. Ég verð trúlega
heimsmeistari í 46–50 ára flokki
og það verður gaman, en ég geri
mér fyllilega grein fyrir því að ég
hef ekkert að gera í þessa ungu
hlaupara, sem gætu verið synir
mínir.
Ég ætla að ná að komast á úr-
tökumót bandaríska liðsins og
standa mig vel þar. Ólympíu-
leikarnir í Aþenu væru auðvitað
draumurinn, en ég er mjög meðvit-
aður um að það er aðeins draum-
ur. Ég held ég geti varla hlaupið á
48–49 sekúndum en 50 sekúnd-
urnar ættu að vera viðráð-
anlegar,“ sagði kappinn.
Fjórtán ár eru síðan Moses hætti
keppni, en hann var ósigrandi í um
áratug í greininni, varð tvívegis ól-
ympíumeistari og sigraði 122 sinn-
um í röð.
Þegar hann tilkynnti endurkomu
sína var hann minntur á þegar
sundkappinn Mark Spitz sneri aft-
ur. „Hann var frá keppni miklu
lengur en ég og ég veit ekki
hversu alvarlega hann tók þetta.
Hluti af ástæðunni fyrir því að
ég ætla að gera þetta er að setja
löndum mínum fordæmi. Allt of
margir Bandaríkjamenn, ungir
sem gamlir, eiga við offituvanda-
mál að stríða og hreyfa sig ekki
nægilega mikið. Með þessu ætla ég
að sýna fólki hvað hægt er að gera
þótt aldurinn færist yfir,“ sagði
Moses.
Moses snýr aftur
Um hlaupið sjálft sagði hann:„Þetta var ekki besta hlaupið
mitt – langt frá því – en það dugði
til sigurs og það er það sem skiptir
máli.“
Johnson varð heimsmeistari
1995, 1997 og 2001 auk þess sem
hann varð ólympíumeistari 1996.
Hann var samt alltaf í skugga
Michaels Johnson. Síðan tók Mar-
ion Jones við – athyglin beindist
að henni þrátt fyrir góðan árangur
Johnson og nú síðast hefur Maur-
ice Greene stolið senunni.
„Ég kippi mér ekki upp við
þetta, en pabbi er alveg vitlaus yf-
ir þessu,“ sagði kappinn.
Á laugardaginn virtist hans tími
fyrir athygli loks kominn. En áður
en hann fór í startblokkirnar kom
frétt í L’Equipe um lyfjanotkun
White og blaðamenn tóku varla
eftir að Johnson sigraði eins og
venjulega.
Sergei Bubka stangarstökkvari
varð heimsmeistari á sex mótum í
röð frá 1983 til 1997 en frá 1983 til
1991 var heimsmeistaramótið hald-
ið á fjögurra ára fresti.
Suetsugu þjóðhetja í Japan
Shingo Suetsugu, fljótasti hlaup-
ari Japana, varð í þriðja sæti í 200
metra hlaupinu á HM og varð um
leið þjóðhetja í heimalandi sínu en
besti árangur Japana hafði áður
verið sjöunda sætið. Verðlauna-
peningurinn sem hann fékk er sá
fyrsti sem Japani fær fyrir sprett-
hlaup á stórmóti – HM og Ólymp-
íuleikum og því mikil hamingja í
Japan.
„Draumur Japana hefur ræst,“
voru fyrirsagnir dagblaða þar í
landi og blöðin voru með nokkrar
blaðsíður um draumapiltinn.
Móðir piltsins var ánægð með
strák en sagði samt að hún vor-
kenndi honum aðeins. „Hann hefur
lagt svo rosalega mikið á sig að ég
vorkenni honum dálítið. En þetta
er það sem hann hefur valið sér og
ég stend með honum í því,“ sagði
Kazuko, móðir hans.
Tími hans var talsvert frá hans
besta, 20,38 sekúndur en það
dugði hinum 23 ára gamla hlaup-
ara í þriðja sætið á eftir Banda-
ríkjamönnunum Capel og Patton
og 0,01 sekúndu á undan Bret-
anum Darren Campbell.
White gæti misst verðlaunin
Kelli White, bandaríska stúlkan
sem sigraði bæði í 100 og 200
metra hlaupi á HM – og varð fyrst
kvenna til slíks – gæti átt á hættu
að missa gullverðlaun sín þar sem
sýni um ólögleg efni fundust í sýn-
um sem tekin voru eftir að hún
sigraði í 100 metra hlaupinu. Nið-
urstaða úr sýnum sem tekin voru
eftir 200 metra hlaupið liggur ekki
fyrir og á meðan svo er ætlar Al-
þjóðafrjálsíþróttasambandið ekk-
ert að aðhafast.
White segist ekki hafa tekið
ólögleg lyf, heldur hafi hún að
undanförnu tekið lyf samkvæmt
læknisráði til að losna við svefn-
truflanir sem eru ættgengar. Lyfið
sem um ræðir er Modafin.
„Ég hef aldrei tekið lyf til að
bæta árangur minn,“ segir White
og bendir á að lyfið sé ekki á
bannlista, verði sett á hann á
næsta ári. Það sé ástæðan fyrir því
að hún gaf ekki upp lyfið áður en
keppnin hófst eins og íþrótta-
mönnum ber að gera. Hún segist
hafa tekið lyfið fyrir keppni í
Bandaríkjunum, Lundúnum og
Osló og aldrei fallið á lyfjaprófi.
„Ég átti ekki von á að þetta kæmi
upp núna,“ sagði hún.
Komist IAAF að þeirri niður-
stöðu að White hafi neytt ólög-
legra lyfja verður hún svipt verð-
laununum og fær auk þess nokkuð
langt keppnisbann.
Johnson heims-
meistari í fjórða sinn
BANDARÍSKI grindahlauparinn
Allen Johnson varð heims-
meistari í 110 metra grinda-
hlaupi í París á laugardaginn og
varð þar með fyrsti íþróttamað-
urinn til að verða heimsmeistari
í greininni fjórum sinnum í röð.
En eins og svo oft áður fór ekki
eins mikið fyrir afreki Johnsons
og efni stóðu til. Ástæðan var
meint lyfjamisferli Kelli White.
„Þannig virðist þetta alltaf vera
hjá mér – eitthvað skyggir alltaf
á það sem ég er að gera. Mér er
nokk sama þótt ég verði ekki á
forsíðum blaðanna. Ég er samt
fyrstur til að verða fjórfaldur
heimsmeistari í grindahlaupi og
er ánægður með það,“ sagði
Johnson.
Reuters
Jerome Young frá Bandaríkjunum, gullverðlaunahafi í 400 m hlaupi, kemur í mark í 4x400 metra
hlaupi rétt á undan Marc Requil frá Frakklandi, en Frakkar settu landsmet í hlaupinu.