Morgunblaðið - 02.09.2003, Blaðsíða 2

FRÉTTIR
2 ÞRIÐJUDAGUR 2. SEPTEMBER 2003 MORGUNBLAÐIÐ
EKKI YFIRTAKA
Björgólfur Guðmundsson, for-
maður bankaráðs Landsbankans,
segir að markmiðið með viðskiptum
bankans með hlutabréf í Fjárfest-
ingarfélaginu Straumi sé að losa um
flókin eignatengsl í félögum og auka
arðsemi þeirra. „Yfirtaka á Straumi
hefur ekki verið markmið Lands-
bankans eða Samsons. Við viljum
komast í aðstöðu til að auka virði
fjárfestinga Straums,“ segir í yf-
irlýsingu frá Björgólfi vegna við-
skiptanna.
Ólögmæt ákvörðun
Kærunefnd útboðsmála hefur
komist að þeirri niðurstöðu að
ákvörðun Vegagerðarinnar um að
hafna öllum tilboðum í Héðinsfjarð-
argöng hafi verið ólögmæt. Nefndin
telur að Vegagerðin sé skaðabóta-
skyld gagnvart verktökum sem áttu
lægsta tilboð.
Hamas-liði fellur
Ísraelskar herþyrlur skutu í gær
flugskeytum á bíl liðsmanna palest-
ínsku hreyfingarinnar Hamas á fjöl-
farinni götu í Gaza-borg í gær og
urðu að minnsta kosti einum þeirra
að bana. Um 25 Palestínumenn
særðust í árásinni.
Suu Kyi í mótmælasvelti?
Bandaríkja-
stjórn fullyrðir
að Aung San
Suu Kyi,
stjórnarand-
stöðuleiðtogi í
Búrma, hafi
hafið mót-
mælasvelti í
fangelsi. Her-
foringjastjórn-
in í Búrma segir þó ekkert hæft í
þessari fullyrðingu.
Óttast fleiri hryðjuverk
Lögreglan í borginni Kufah í Suð-
ur-Írak handtók í gær alls fjóra
menn eftir að hafa fundið tvo bíla,
hlaðna sprengjum. Óttast er að
stuðningsmenn Saddams Husseins
eða al-Qaeda séu að undirbúa fleiri
hryðjuverk gegn sjítum í landinu.
KR Íslandsmeistari
Knattspyrnufélag Reykjavíkur,
KR, varð Íslandsmeistari í knatt-
spyrnu karla í gærkvöldi þegar það
sigraði Grindavík á útivelli, 3:1.
Fylkir tapaði á sama tíma fyrir ÍA á
heimavelli, 1:0. Þetta er í 24. sinn
sem KR verður Íslandsmeistari í
karlaflokki og í fjórða sinn á síðustu
fimm árum.
Y f i r l i t
Í dag
Sigmund 8 Viðhorf 32
Viðskipti 14/15 Skák 34
Úr verinu 15 Umræðan 34/35
Erlent 16/18 Minningar 36/39
Höfuðborgin 19 Bréf 42
Akureyri 20 Dagbók 44/45
Suðurnes 22 Kirkjustarf 45
Austurland 23 Íþróttir 46/49
Landið 24 Fólk 50/53
Neytendur 26 Bíó 50/53
Listir 27/33 Ljósvakar 54
Forystugrein 28 Veður 55
* * *
ÞAÐ var mikið um að vera í
Borgarleikhúsinu í gær þegar
þar var efnt til leikhúsmessu í
fyrsta skipti. Leikhúsmessan var
ætluð fulltrúum grunnskólanna
og leikskólanna í Reykjavík, en
þar gafst þeim tækifæri til að
skoða leikverk til að auðvelda
þeim að velja sýningar í skólana í
vetur. Yfir 40 leikverk voru
kynnt á leikhúsmessunni, sem er
samstarfsverkefni Fræðslu-
miðstöðvar Reykjavíkur, Al-
þjóðlegra samtaka um barna- og
unglingaleikhús, Leikskóla
Reykjavíkur og skrifstofu menn-
ingarmála Reykjavíkurborgar.
Yfirskrift leikhúsmessunnar var:
Eflum leikhúsmenningu í skóla-
starfi.
Á myndinni eru Pétur Eggerz
og Hrefna Hallgrímsdóttir frá
Möguleikhúsinu að kynna fjöl-
breytta dagskrá leikhússins.
Morgunblaðið/Árni Sæberg
Leikhúsmessa í Borgarleikhúsinu
JÓHANN K. Jóhannsson, verkefn-
isstjóri fyrir umferðarátak Slysa-
varnafélagsins Landsbjargar og
Umferðarstofu, segist sáttur við
hvernig umferðin gekk í sumar, þótt
ýmislegt hefði mátt betur fara. Þetta
var sjöunda árið í röð sem efnt var til
umferðarátaks þessara tveggja aðila
en hlutverk þeirra var að koma á
framfæri áróðri gegn umferðarslys-
um, fylgjast með öryggisþáttum við
vegi, skoða öryggisþætti við hafnir,
gera umferðarkannanir, heimsækja
börn á leikskólum, skoða hálendis-
vegi og taka við ábendingum frá al-
menningi um það sem betur mætti
fara í umferðarmálum.
„Sýnileg löggæsla skilaði miklu í
sumar, en á Akureyri gerðum við
könnun á beltanotkun á sama stað
með og án lögreglunnar og kom þá í
ljós að beltanotkunin var 8% verri
þegar lögreglan var ekki með,“ segir
Jóhann. „Við náðum einnig að vekja
fólk til umhugsunar um mikilvægi
viðbótarhliðarspegla á bílum með
fellihýsi og tjaldvagna og vorum
mjög ánægðir með þá umræðu sem
skapaðist um þennan öryggisbúnað.
Einnig fengum við mikið af ábend-
ingum frá vegfarendum, t.d. um um-
ferðarmerkingar og stórgrýti í veg-
köntum sem skapar mikla hættu við
útafakstur. Það var farið eftir mörg-
um ábendingum og einfaldari hlutum
kippt í liðinn án mikillar fyrirhafnar.
Við höfum líka fengið aðrar ábend-
ingar sem kostar meira að fara eftir.“
Jóhann segir að of lítil bílbelta-
notkun atvinnubílstjóra sé hins veg-
ar áhyggjuefni og beina þurfi for-
vörnum að þessum hópi ökumanna.
Einnig þurfi að huga að umferðarör-
yggi og forvarnarstarfi meðal öku-
manna 67 ára og eldri. Eins þurfi að
efla áróður í eldri bekkjum grunn-
skóla.
Ölvunarakstur
oftast í kjölfar ósættis
Varðandi ölvunarakstur var öku-
mönnum boðið upp á áfengismæl-
ingu á bryggjunni í Þorlákshöfn í lok
verslunarmannahelgar og mæltist
hún mjög vel fyrir. Spurður um
brotavilja ökumanna viðvíkjandi ölv-
unarakstri, það er hvort mikið sé um
beinan ásetning, segir Jóhann að
heimildir sínar hermi að algengasti
aðdragandi ölvunaraksturs sé ósætti
milli fólks, þar sem einhver rýkur á
dyr og á ekki möguleika á að koma
sér heim eða að heiman nema á bíln-
um. Þannig sé t.d. oft tilkynnt um
ölvaða ökumenn á leið úr sumarbú-
staðahverfum. Ennfremur virðist sá
hópur stækka sem leggur of snemma
af stað á bílnum daginn eftir
drykkju.
Þá segir Jóhann að sá hópur fari
líka stækkandi sem álítur það í lagi
að drekka tvo til þrjá bjóra með mat
og aka heim að því loknu. Nauðsyn-
legt er að ná til þessara hópa með
forvörnum og fræðslu að mati Jó-
hanns.
Umferðarátak Slysavarnafélagsins Landsbjargar og Umferðarstofu
Of lítil bílbeltanotkun og
ölvunarakstur áhyggjuefni
Guðbjartsdóttir, lögmaður, hefur
verið skipuð skiptastjóri búsins.
Kaupfélag Árnesinga er stærsti
eigandi eignarhaldsfélagsins Brúar
með 63% eignarhlut, en félagið
keypti og sá um endurbyggingu Hót-
els Selfoss. Skuldir Brúar nema
HÉRAÐSDÓMUR Suðurlands
samþykkti í gær gjaldþrotaskipta-
beiðni Eignarhaldsfélagsins Brúar,
en félagið er eigandi að fasteigninni
Hótel Selfossi.
Í tilkynningu frá stjórn félagsins
segir að þar sem eignarhaldsfélagið
sé eingöngu eignarhaldsfélag um
Eyrarveg 2 á Selfossi en ekki rekstr-
araðili Hótel Selfoss leiði gjaldþrotið
sem slíkt ekki til stöðvunar á rekstri
hótelsins.
Skuldir Brúar um milljarður
Það sé mat stjórnarinnar að með
gjaldþrotinu opnist slíkar heimildir
hjá veðhöfum og skiptastjóra búsins
að hægt verði að tryggja rekstur
hótelsins til framtíðar og ljúka því
verki sem félagið byrjaði á. Steinunn
rúmum einum milljarði króna og þar
af eru veðskuldir um 550 milljónir
króna.
Á fundi með almennum kröfuhöf-
um í félagið í síðustu viku kom fram
að kröfuhafar í búið eru um fimmtíu
talsins.
Eignarhaldsfélagið Brú
tekið til gjaldþrotaskipta
Morgunblaðið/Árni Sæberg
Stærsta eign Brúar er Hótel Selfoss, en starfsemi þess raskast ekki þrátt
fyrir gjaldþrotið. Uppbygging hótelsins varð félaginu hins vegar dýr.
Hótel Selfoss
heldur áfram
starfsemi
EKKERT varð úr því að Flosa Arn-
órssyni stýrimanni sem setið hefur í
fangelsi í nágrenni Abu Dhabi, höf-
uðborgar Sameinuðu arabísku
furstadæmanna, vegna ólöglegs
vopnaburðar, yrði sleppt úr haldi í
gærdag, eins og til stóð. Vonir
standa til að honum verði sleppt í dag
eða næstu daga.
Að sögn Péturs Ásgeirssonar,
rekstrarstjóra utanríkisráðuneytis-
ins, virðist sem stjórn fangelsisins
hafi ekki fengið nægilega skýr fyr-
irmæli um það frá yfirvöldum í Abu
Dhabi að Flosa skyldi sleppt úr
haldi. Pétur segir að embættismenn
norska sendiráðsins í Sameinuðu ar-
abísku furstadæmunum séu að reyna
að leysa úr málunum þannig Flosi
geti aftur orðið frjáls ferða sinna.
Flosi var handtekinn á flugvellin-
um í Dubai í Sameinuðu arabísku
furstadæmunum í lok apríl sl. fyrir
að vera með byssu í fórum sínum.
Ekki leyst-
ur úr haldi
32 ÁRA karlmaður fannst látinn af
slysförum í Grenlæk á föstudag og
rannsakar lögreglan á Vík í Mýrdal
tildrög málsins. Dánarorsök liggur
ekki fyrir að sögn lögreglunnar, en
komið var að hinum látna í nágrenni
staðar þar sem hann var að veiðum
ásamt félögum sínum. Mennirnir
höfðu dreift sér um veiðistaðina og
varð enginn var við það þegar félagi
þeirra féll í vatnið, að því er virðist.
Hinn látni hét Páll Guðmundsson,
til heimilis að Fagradal 1, Vogum.
Hann var fæddur 24. júní árið 1971 og
lætur eftir sig eiginkonu og þrjú börn.
Lést af
slysförum
KARLMAÐURINN, sem lést á
sunnudagskvöld er hann varð fyrir
bifreið á Hringbraut, hét Elías Tóm-
asson, til heimilis að Grandavegi 37.
Elías var fæddur þann 15. mars 1929.
Hann var ókvæntur og barnlaus.
Lést í bílslysi
♦ ♦ ♦