Morgunblaðið - 02.09.2003, Side 6
FRÉTTIR
6 ÞRIÐJUDAGUR 2. SEPTEMBER 2003 MORGUNBLAÐIÐ
Spennandi tækifæri
Til leigu húsnæði
fyrir sjúkraþjálfun og sjúkranudd
Í Egilshöllinni er lögð áhersla
á íþróttaiðkun, afþreyingu og ýmsa þjónustu.
Áhugasamir vinsamlega hafið samband í síma 568 9600 eða netfangið pall@egilshollin.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
O
L
21
95
9
0
8/
20
03
REYKJAVÍK er ein þeirra norrænu stórborga
þar sem koltvísýringsmengun frá umferð fer vax-
andi vegna aukinnar bílaeignar. Sömu sögu er að
segja um Gautaborg, en í Stokkhólmi, Kaup-
mannahöfn og Málmey er koltvísýringsmengun að
minnka. Þetta kemur fram í samnorrænni skýrslu
um umhverfis- og heilbrigðismál í sjö norrænum
stórborgum, Stokkhólmi, Helsinki, Osló, Kaup-
mannahöfn, Gautaborg, Málmey og Reykjavík.
Skýrsluhöfundar er tíu, en meðal þeirra eru Örn
Sigurðsson og Hjalti Guðmundsson hjá Umhverf-
isstofu Reykjavíkur. Um Reykjavík segja höfund-
ar að nær allir íbúar borgarinnar aki einkabifreið-
um og lítið sé notast við almenningssamgöngur.
Þá séu reiðhjól ekki notuð sem samgöngutæki.
Koltvísýringsmengun frá umferð fer vaxandi en á
móti kemur að nær öll önnur orkunotkun fer fram
með endurnýjanlegum orkugjöfum án koltvísýr-
ingsmengunar. Koltvísýringsmengun í Reykjavík
hefur aukist úr tæpum 2 tonnum árlega á íbúa upp
í rúmlega 2 tonn á árunum 1996 til 2001 og er nú
nánast sú sama í tonnum talið og í Osló sem er
fimm sinnum fjölmennari en Reykjavík. Í Helsinki
er koltvísýringsmengunin mest, þar sem tæp 9
tonn á íbúa voru losuð út í andrúmsloftið árið 1995
en hafði lækkað niður í rúm 8 tonn árið 2001.
Hávaðamengun telst þá lítil í Reykjavík, ólíkt
Kaupmannahöfn og Osló. Hvað snertir vinnslu
heimilissorps í Reykjavík, kemur fram að 65%
sorpsins er urðað en afgangurinn endurnýttur.
Tekið er fram að Reykjavík hefur ekki yfirlýsta
stefnu um neyslu lífrænna matvæla og á það sam-
eiginlegt með Helsinki. Kaupmannahöfn stendur
aftur á móti fremst í flokki norrænna borga hvað
snertir notkun lífrænna matvæla. Þrátt fyrir hvað
minnsta koltvísýringsmengun í Stokkhólmi, rúm 3
tonn á íbúa, er mengun vegna svifryks í lofti þar
mest í samanburði við hinar borgirnar. Sömu sögu
er að segja um Osló, sem hefur þó minnsta koltví-
sýringsmengun á hvern íbúa, einkum vegna mik-
illar notkunar á endurnýjanlegri orku. Þá er borg-
in rík af náttúruauðlindum og stutt í græn svæði.
Kostir Kaupmannahafnar í mengunarlegu tilliti
eru þeir að orkunotkun er lítil og koltvísýrings-
mengun hefur minnkað áberandi mest, eða úr
rúmum 7 tonnum í 5 tonn frá 1955 til 2001. Kaup-
mannahafnarbúar nota reiðhjól mikið, eins og al-
þekkt er, en engu að síður segja skýrsluhöfundar
að enn sé koltvísýringsmengun mikil á heildina lit-
ið og eykst vegna umferðar. Þá telst mengun
vegna svifryks mikil í borginni.
Mælingar sýna að mikil einkabílanotkun í Reykjavík segir verulega til sín
Koltvísýringsmengun í
Reykjavík vaxandi vandamál
KENNSLA samkvæmt stundaskrá
hófst í Klébergsskóla á Kjalarnesi í
gær, viku seinna en áætlað var, en
framkvæmdir við skólahúsnæðið ollu
seinkuninni fjórða haustið í röð.
Gerður Óskarsdóttir, fræðslustjóri í
Reykjavík, segir að röskun á skóla-
starfi sé óhjákvæmileg við svona að-
stæður.
Gerður Óskarsdóttir segir að
byggingaframkvæmdir sem þessar
séu á vegum Fasteignastofu Reykja-
víkurborgar, sem ráði verktaka í
byggingaframkvæmdir, en sumir
verktakar ljúki verkum ekki á til-
settum tíma og framkvæmdirnar við
Klébergsskóla hafi staðið yfir í þrjú
ár. „Mér kemur þetta við þegar þarf
að fresta skóla,“ segir hún og segir
það ástæðu þess að hún hafi farið í
vettvangsskoðun og rætt við verk-
takana í næst síðustu viku. Stjórn-
endur allra verkanna hefðu sagt að
þeir myndu ljúka verkinu þá um
helgina en það hefði því miður ekki
gengið eftir.
Stefán Jón Hafstein, formaður
Fræðsluráðs Reykjavíkurborgar,
sagði við sama tækifæri fyrir um ári
að málið hefði klúðrast. Verktakinn
hefði ekki staðið í skilum en búið
væri að grípa í taumana og ráða nýj-
an verktaka. „Mér kemur á óvart að
þetta [frestun skólastarfsins] hafi
orðið heil vika. Mér finnst auðvitað
mjög slæmt að nemendur missi daga
úr,“ segir Gerður.
Erfiðar aðstæður í
Árbæjarskóla og Hlíðaskóla
Gerður bendir á að eftir að skóla-
árið hafi verið lengt sé minni tími til
framkvæmda en áður og því verði
alltaf truflanir á skólastarfinu. „Það
er ekkert hægt að gera við þessu,“
segir hún. „Við verðum bara að búa
við þetta,“ bætir hún við og áréttar
að ekki sé byggt við sama skóla
nema á nokkurra áratuga fresti.
„Hlíðaskóli og Árbæjarskóli hafa bú-
ið við mjög erfiðar aðstæður í tvö ár
og næst hefjast framkvæmdir við
Laugarnesskóla,“ segir Gerður.
„Mikið rask á skólahaldi meðan
byggingar standa yfir er óhjákvæmi-
legt.“
Að sögn Gerðar á borgin 100 fær-
anlegar kennslustofur en þær séu í
notkun um alla borg. Hins vegar geti
skólar sinnt útiveru, náttúruskoðun
og öðru námi utan skóla þegar fram-
kvæmdir standi yfir í stuttan tíma og
það sé gjarnan gert. „Við höfum
byggt við um 30 skóla á undanförn-
um árum og það koma oftast upp ein-
hver vandamál vegna þess.“
Röskun á skólastarfi vegna
framkvæmda óhjákvæmileg
HALLDÓR Ásgrímsson utan-
ríkisráðherra hefur sent frá sér
yfirlýsingu þar sem hryðju-
verkaárásin í helgistaðnum
Najaf í Írak sl. föstudag er harð-
lega fordæmd. Ráðherra vottar
aðstandendum látinna samúð.
„Þessi mannskæða árás var
gerð á mikilvægum tímamótum
í endurreisnarstarfi í Írak og
augljóslega ætluð til að stuðla að
upplausn og óöryggi í landinu.
Af því tilefni lýsa íslensk stjórn-
völd yfir stuðningi við áfram-
haldandi starf Íraska stjórnun-
arráðsins og viðleitni til að
tryggja stöðugleika í Írak,“ seg-
ir í yfirlýsingunni.
Fordæmir
árásina í
Najaf
FULLTRÚAR landssambanda í
samráðsnefnd vegna virkjunarsamn-
ings segja að einungis sé búið að
ljúka við 68 herbergi í vinnubúðum
ítalska verktakafyrirtækisins Impr-
egilo við Kárahnjúka. Segja þeir að
þetta sé ekki viðunandi og ekki í
samræmi við fyrri yfirlýsingar fyr-
irtækisins, um að 122 herbergi yrðu
tilbúin 1. september. Samkvæmt
upplýsingum Morgunblaðsins hafa
tafir orðið vegna rafmagnsmála en
búist er við að þessi herbergi verði
klár í dag.
Landssamböndin í nefndinni eru
ASÍ, Starfsgreinasambandið, Sam-
iðn, Rafiðnaðarsambandið og MAT-
VÍS. Í tilkynningu frá þeim segir að
á fundi samráðsnefndarinnar 21.
ágúst sl. hafi fulltrúi Impregilo lagt
fram áætlun um uppbyggingu starfs-
mannabúða við Kárahnjúka þar sem
gert hafi verið ráð fyrir að á tíma-
bilinu 21. ágúst til 1. september yrðu
tilbúin 54 herbergi í aðalbúðum og 68
herbergi í svonefndum Adit-2 búð-
um, eða samtals 122 herbergi.
Í tilkynningunni segir að fulltrúar
landssambanda í samráðsnefndinni
taki það sérstaklega fram að erlendir
starfsmenn við Kárahnjúkavirkjun
hafi að öllu leyti sama rétt og íslensk-
ir starfsmenn varðandi laun og önn-
ur starfskjör, þ.m.t. til fullnægjandi
aðbúnaðar í starfsmannabúðum.
Ekki til að gera veður út af
Sigurður St. Arnalds, sem sér um
almannatengsl fyrir Landsvirkjun
við Kárahnjúka, segir að eftirlits-
maður Landsvirkjunar á svæðinu
hafi ekkert út á gang mála að setja
hjá Impregilo þessa dagana. Góður
gangur sé á verkinu sjálfu og allt
samkvæmt áætlun. Lítilsháttar tafir
hafi hins vegar orðið á uppsetningu
vinnubúðanna vegna bilana í raf-
magnstengingum. Herbergin 122
sem hafi átt að vera tilbúin 1. sept-
ember, samkvæmt áætlun Impreg-
ilo, verði tilbúin 2. september, eða í
dag.
„Við teljum að það sé búið að
standa við gefin loforð. Það er ekki
mál til að gera veður út af í verki sem
tekur mörg ár ef 122 herbergjum er
lofað 1. september og helmingurinn
er klár þann dag og hinn helming-
urinn 2. september,“ segir Sigurður.
Þingnefndir eru farnar að kynna
sér framkvæmdirnar við Kára-
hnjúkavirkjun. Samgöngunefnd Al-
þingis var á ferðinni á svæðinu í gær,
iðnaðarnefndin er væntanleg síðar í
vikunni og fjárlaganefnd í næstu
viku.
Telja stöðuna
við Kárahnjúka
óviðunandi
Herbergi sögð verða tilbúin í
dag sem ljúka átti í gær
FLYTJA þurfti þrjá menn á slysa-
deild Landspítalans í kjölfar spilli-
efnaslyss í Holtagörðum í gær.
Mennirnir fundu til flökurleika eft-
ir að efni úr óþekktum hraðpóst-
pakka barst fyrir vit þeirra. Pakk-
inn var á leið til Austurríkis frá
Kína en mun hafa lent hér á landi
fyrir mistök. Maður sem handlék
pakkann fékk uppköst.
Morgunblaðið/Júlíus
Spilliefnaslys í Holtagörðum
BJÖRN Bjarnason dómsmálaráð
herra segir að brugðist verði á efnis-
legum forsendum og á grundvelli
þunga málsins við beiðni ríkislög-
reglustjóra um 25 milljóna kr. fjár-
veitingu vegna væntanlegrar athug-
unar á þeim gögnum, sem Sam-
keppnisstofnun hefur undir höndum,
og varða olíufélögin og þá einstak-
linga sem tengjast þeim.
„Hér er komið upp nýtt og stórt
verkefni sem ríkislögreglustjóri
gerði ekki ráð fyrir í sínum áætlun-
um,“ segir Björn „Það hvíla mörg
þung og umfangsmikil verkefni á
embætti hans og því verður að leggja
efnislegt mat á ósk hans um fleiri
starfsmenn tímabundið til að verða
við tilmælum ríkissaksóknara vegna
olíufélaganna,“ segir Björn.
Tillaga um aukafjárveitingu
fyrir Alþingi
Björn segist ekki málsvari þess, að
stofnanir fari fram úr fjárheimildum
en á hinn bóginn þurfi að meta verk-
efni og fjárþörf vegna þeirra hverju
sinni og heimilt sé að leggja tillögu
um aukafjárveitingu fyrir alþingi
með atbeina ríkisstjórnar. Fái rík-
islögreglustjóri fjárveitinguna mun
embættið ráða fjóra rannsóknarlög-
reglumenn og einn lögfræðing til að
fara í gegnum málefni olíufélaganna.
Samkeppnisstofnun hefur í á ann-
að ár haft meint samráð milli olíufé-
laganna þriðjja til rannsóknar. Emb-
ætti ríkislögreglustjóra hefur óskað
eftir afriti af gögnum málsins.
Ráðherra um fjárveit-
ingu til lögreglunnar
Bregðumst
við á efnis-
legum
forsendum