Morgunblaðið - 02.09.2003, Qupperneq 15

VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 2. SEPTEMBER 2003 15
Ingólfur G. Gissurarson, logg. fast. - www.valholl.is - Opið virka daga frá kl. 9.00-17.30.
Í einkasölu glæsileg 100 fm íbúð á 8. hæð í
þessu vandaða lyftuhúsi. Húsið er allt klætt
að utan og nær viðhaldsfrítt. Íbúðin er öll
endurnýjuð að innan. Glæsilegt eldhús og
baðherbergi. Parket. Tvennar svalir. Eign í
sérflokki. Verð 14,8 millj.
Ljósheimar
- lyftuhús með glæsilegu útsýni
ÚR VERINU
DRAGNÓTAVEIÐAR í Faxaflóa
hófust í gær og var mikið um að
vera á miðunum, eins og jafnan á
fyrsta degi veiðanna. „Hér er þétt
setinn bekkurinn en allir að fá
glimrandi veiði,“ sagði Svavar
Ágústsson, skipstjóri á dragnóta-
bátnum Rúnu RE, í samtali við
Morgunblaðið í gær. Alls hafa 14
bátar leyfi til dragnótaveiða í Faxa-
flóa og voru þeir að sögn Svavars
allir að veiðum á sama svæði í Garð-
sjónum í gær. „Aflabrögðin eru
jafnan best fyrsta mánuðinn en við
megum vera við þessar veiðar fram
til 20. desember. Við höfum verið
að fá þrjú til fjögur tonn í hali, af
fallegum kola. Núna erum við að-
allega í sandkolanum en snúum
okkur síðan að skarkolanum þegar
líður á haustið. Þetta er mjög góð
byrjun og mér líst vel á fram-
haldið.“
Svavar sagði þessa góðu byrjun
ekki síðri en upphaf síðustu vertíð-
ar en hún var sú besta í Faxaflóan-
um til margra ára. „Það var algjört
mok fyrsta mánuðinn í fyrra, við
fengum um 140 tonn í tiltölulega
fáum róðrum. Þá vorum við með 17
tonn fyrsta daginn og mér sýnist
allt stefna í meiri afla í dag,“ sagði
Svavar.
Glimrandi
byrjun í
Flóanum
Ljósmynd/Muggur
Dragnótabáturinn Aðalbjörg RE að veiðum í Garðsjónum í gær.
RÚSSNESK stjórnvöld hafa tekið
upp nýja aðferð við úthlutun afla-
heimilda. Frá og með 1. janúar á
næsta ári verður uppboði á aflaheim-
ildum hætt og munu útgerðir þurfa að
greiða sérstakan skatt vilji þær nýta
auðlindina.
Heildarkvótanum verður skipt í
fimm flokka. Strandveiðiflotinn, eða
skip sem stunda veiðar innan 20 sjó-
mílna, fær 20% kvótans og munu ein-
stakar héraðsstjórnir annast úthlut-
un hans.
Stjórnvöld úthluta 70% kvótans til
fiskveiða innan efnahagslögsögunnar,
6% kvótans er úthlutað samkvæmt al-
þjóðlegum samningum, 1% til vís-
indaveiða og 3% til byggða í norður-
hluta landsins.
Veiðiheimildum innan efnahagslög-
sögunnar verður aðeins úthlutað til
útgerða sem tóku þátt í kvótauppboð-
um á árunum 2001–2003 og verður
aflahlutdeild þeirra byggð á meðal-
veiði síðustu fimm ára. Útgerðunum
verður heimilt að selja frá sér þær
heimildir sem þær geta ekki notað.
Þessi ráðstöfun hefur ekki fallið í
kramið hjá héraðsstjórum í Rússlandi
en þeir höfðu barist hvað harðast
gegn uppboði á aflaheimildum, sem
hefur verið notað í Rússlandi frá
árinu 2001 til að úthluta 40% af leyfi-
legum heildarafla. Héraðsstjórarnir
segja að með þessu verði þeim sem
ekki búi að neinni aflareynslu gert
ókleift að hefja útgerð nema með því
að kaupa kvóta af þeim fyrirtækjum
sem fyrir eru í greininni. Yfirvöld
segja hinsvegar að með því að draga
úr áhrifum héraðsstjóranna við út-
hlutun kvótans dragi sömuleiðis úr
spillingu, enda hafi margir héraðs-
stjórar augastað á hinum verðmætu
veiðiheimildum.
Rússar hætta kvóta-
uppboðum á næsta ári
EIMSKIP í Belgíu hefur hafið sam-
starf við norska skipafélagið Lys-
Line um flutninga á milli Antwerpen í
Belgíu og hafna í Oslófirði í Noregi.
Lys-Line var áður í samstarfi við
Samskip en tilkynnti í síðastliðinni
viku að því samstarfi hefði verið slitið
vegna þess að Samskip ætlaði sjálft
að hefja siglingar á milli Noregs, Hol-
lands og Belgíu.
Eimskip fær með samstarfinu við
Lys-Line umboð fyrir Lys-Line í Ant-
werpen og sér jafnframt um sölu og
markaðssetningu á því svæði.
Að sögn Garðars Jóhannssonar,
framkvæmdastjóra utanlandssviðs
Eimskips, má rekja upphaf málsins til
þess að norska skipafélagið Laline,
sem Eimskip hefur haft umboð fyrir á
umræddri leið frá árinu 1999, hætti
rekstri fyrir um viku. Á sama tíma hóf
Samskip eigin flutninga á milli Belgíu
og Noregs og segir Garðar að Lys-
Line hafi í kjölfarið slitið samstarfs-
samningi félagsins við Samskip,
væntanlega á þeim forsendum að með
nýrri siglingaleið Samskips væri ekki
grundvöllur fyrir samstarfi félag-
anna.
Leituðu til Eimskips
Lys-Line hefði í kjölfarið leitað til
Eimskips um að félagið gerðist um-
boðsaðili Lys-Line í Antwerpen og
samningar hefðu tekist þar um enda
telji Eimskip þetta áhugaverðan sam-
starfsaðila. Hann segir að Eimskip í
Antwerpen hafi undanfarin ár verið
að byggja upp flutningaþjónustu milli
Antwerpen og Noregs og samningur-
inn falli því vel að núverandi starfsemi
og veiti Eimskipi jafnframt aðgang að
öflugu siglingakerfi og þjónustuneti
Lys-Line á ákveðnum leiðum.
„Við sáum þarna ágætis tækifæri í
að viðhalda og auka enn frekar umsvif
okkar gagnvart Oslófirðinum. Við
sjáum þetta líka sem tækifæri til að
útvíkka og þróa samstarfið við Lys-
Line enda félagið áhugavert og
traust“, segir Garðar Jóhannsson.
Skipafélagið Lysline var stofnað
árið 1969 og sérhæfir sig í flutninga-
lausnum fyrir fyrirtæki í Skandinav-
íu. Félagið rekur víðtækt siglinga-
kerfi með þjónustu á milli Belgíu,
Hollands, Bretlands og Noregs en
Antwerpen var nýlega bætt við þjón-
ustunetið, að því er segir í tilkynn-
ingu.
„Samskip hefur ekki lengur þörf
fyrir samstarf við Lys-Line“
Samskip átti í samstarfi við Lys-
Line frá árinu 2000 og allt þar til í síð-
ustu viku. Ásbjörn Gíslason, forstjóri
Samskips, segir að þegar Laline,
keppinautur Samskips og Lys-Line
og fyrrum samstarfsaðili Eimskips,
hafi farið í þrot hafi Samskip tekið yf-
ir flutningsleið skipafélagsins og eitt
gámaskip. Hann segir að Samskip
hafi með þessum breytingum og
brottfalli keppinautar styrkt stöðu
sína verulega á þessum markaði. Það
hafi ógnað stöðu Lys-Line, sem hafi
brugðist við með því að slíta samstarf-
inu.
„Samskip er nú, ásamt Lys-Line,
markaðsleiðandi félag í gámaflutn-
ingum frá meginlandi Evrópu og
Bretlandi inn í Óslófjörð.“ Segir Ás-
björn að Lys-Line hafi stafað ógn af
Samskipi og séu aðgerðir þeirra við-
brögð við nýrri stöðu á markaðinum.
„Samskip hefur ekki lengur þörf fyrir
samstarf við Lys-line í þeirri mynd
sem var enda er félagið búið að tvö-
falda flutningamagn sitt á undanförn-
um tveimur vikum.“
Lys-Line slítur samstarfi við Samskip
Eimskip í Belgíu
í samstarf
við Lys-Line
HAGNAÐUR samstæðu Kers hf. á
fyrri helmingi þessa árs nam 1.828
milljónum króna eftir skatta en 864
milljónum á sama tímabili á síðasta
ári. Skýringin á þessari miklu aukn-
ingu milli ára stafar af söluhagnaði af
hlutabréfum.
Rekstrartekjur samstæðunnar í ár
nema 7.854 milljónum króna, sem er
292 milljónum hærri fjárhæð en fyrir
sama tímabil á fyrra. Hreinar rekstr-
artekjur samstæðunnar á þessu ári
nema 2.468 milljónum króna sam-
anborið við 2.278 milljónir á fyrra
ári. Rekstrargjöld án afskrifta nema
1.755 milljónum króna sem er 53
milljónum króna hærri fjárhæð en
fyrir sama tímabil á fyrra ári. Af-
skriftir nema 212 milljónum og er
það 37 milljónum króna hærri fjár-
hæð og fyrir sama tímabil á fyrra ári.
Fjármagnsliðir eru jákvæðir um 217
milljónir samanborið við 837 millj-
ónir fyrir sama tímabil á fyrra ári.
Aðrar tekjur og gjöld á árshluta-
reikningnum nema 1.488 milljónum
króna, sem er söluhagnaður af hluta-
bréfum. Þessi liður var neikvæður
um 155 milljónir í fyrra.
Heildareignir Kers hf. og dóttur-
félaga voru í júnílok 22,7 milljarðar
króna og hafa hækkað um rúman
einn milljarð frá áramótum. Fasta-
fjármunir nema 14,6 milljörðum og
hafa lækkað um 990 milljónir frá ára-
mótum. Eigið fé nemur 9,8 millj-
örðum og hefur hækkað um 616
milljónir króna á fyrstu sex mán-
uðum ársins. Eiginfjárhlutfall er
43,2% en var í byrjun árs 42,5%.
Í tilkynningu segir að rekstur fé-
lagsins á öðrum fjórðungi ársins sé í
samræmi við rekstraráætlanir að því
undanskildu að söluhagnaður hluta-
bréfa hafi numið mun hærri fjárhæð
en ráð hafi verið fyrir gert. Afkoma
félagsins á tímabilinu endurspeglist
af stöðugu gengi og jákvæðri gengis-
þróun sem verið hafi frá ársbyrjun þó
svo að gengi krónunnar hafi heldur
veikst á síðustu vikum. Gert sé ráð
fyrir góðri afkomu það sem eftir árs.
Aukinn hagnaður Kers
Mikill hagnaður af sölu hlutabréfa