Morgunblaðið - 02.09.2003, Blaðsíða 27
LISTIR
MORGUNBLAÐIÐ ÞRIÐJUDAGUR 2. SEPTEMBER 2003 27
Skógarhlíð 18, sími 595 1000. www.heimsferdir.is
Fegursta borg Evrópu
og eftirlæti Íslendinga
sem fara nú hingað í
þúsundatali á hverju ári
með Heimsferðum.
Fararstjórar Heimsferða
gjörþekkja borgina og
kynna þér sögu hennar
og heillandi menningu.
Góð hótel í hjarta Prag,
frábærir veitinga- og
skemmtistaðir.
Munið Mastercard
ferðaávísunina
Prag
í haust
frá kr. 29.950
Fimmtudaga og mánudaga
í október og nóvember 3,4 eða 7 nætur
Verð kr. 29.950
Flug og hótel í 3 nætur. M.v. 2 í herbergi
á Quality Hotel, 3. nóvember, með
8.000.- kr. afslætti. Skattar innifaldir.
Gildir frá mánudegi til fimmtudags.
Bókaðu meðan
enn er laust
Verð kr. 39.950
Flug og hótel í 4 nætur, helgarferð 13.
nóv. M.v. 2 í herbergi á Quality Hotel.
Skattar innifaldir
Hvenær er laust
25. sept. – 19 sæti
28. sept. – laust
2. okt. – uppselt
6. okt. – laust
9. okt. – 11 sæti
13. okt. – laust
16. okt. –uppselt
20. okt. – 22 sæti
23. okt. – 32 sæti
27. okt. – laust
30. okt. – 25 sæti
3. nov. – laust
6. nov. – uppselt
Ferðir til og frá flugvelli kr. 1.800.-
LEIKÁR Þjóðleikhússinshefst nú um mánaða-mótin. Stefán BaldurssonÞjóðleikhússtjóri segir að-
aláherslu leikhússins vera á þá
miklu fjölbreytni sem Þjóðleikhús
verður að bjóða upp á. „Þar verða
allir að geta fundið eitthvað við sitt
hæfi, bæði almenningur sem vill fara
í leikhús til að létta lundina og
skemmta sér, en líka kröfuharðari
áhorfendur – leikhúsástríðufólk sem
vill sjá virkilega mikil og dramatísk
átakaverk. Sem betur fer er það all-
ur fjöldinn sem vill góða blöndu af
þessu tvennu, og ég held að hún sé
vel saman sett í vetur. Við erum með
þrjú klassísk meistaraverk, Ríkharð
þriðja eftir Shakespeare, Jón Gabrí-
el Borkmann eftir Henrik Ibsen og
Sorgin klæðir Elektru eftir Eugene
O’Neill, en leikrit Ibsens og O’Neills
haf aldrei verið leikin á íslensku sviði
áður, og því finnst okkur þetta sæta
miklum tíðindum. Annað sem ein-
kennir leikárið er ótrúlega mikill
fjöldi af nýjum íslenskum leik-
verkum á öllum sviðum. Litla sviðið
er alfarið tileinkað íslensku verk-
unum, tvö á stóra sviðinu og eitt á
Smíðaverkstæðinu og í Leiksmiðj-
unni er verið að undirbúa tvö ný
verk eftir unga höfunda. Það er
merkilegt að íslensku höfundarnir
eru allir að skrifa um samtímann
þannig að þetta eru verk sem skipta
okkur máli, verk sem taka á hlutum
á spennandi, brennandi og brýnan
hátt og eru mjög ólík,“ segir Stefán
Baldursson. Tvö verk verða frum-
sýnd í mánuðinum, og tvö verk,
Veislan og Með fulla vasa af grjóti
verða tekin upp frá síðasta leikári.
Lilli og Mikki ríða á vaðið
Fyrsta frumsýning vetrarins er
leikrit Thorbjörns Egners, Dýrin í
Hálsaskógi en það verður frumsýnt
á Stóra sviðinu 13. september.
Þröstur Leó Gunnarsson fer með
hlutverk Mikka refs og Atli Rafn
Sigurðarson er hinn söngelski Lilli
klifurmús en fjöldi annarra leikara
Þjóðleikhússins tekur þátt í upp-
setningunni, auk þess sem nokkur
börn stíga á svið. Það er Sigurður
Sigurjónsson sem leikstýrir upp-
færslunni. Á Litla sviðinu verður
frumsýnt í september nýtt íslenskt
leikrit, Pabbastrákur eftir Hávar
Sigurjónsson. Í þessu verki fjallar
höfundurinn á óvenjulegan hátt um
fjölskyldur, fordóma og ást í ólíkum
myndum. „Þetta er fólk sem elskar
hvað annað,“ segir Hávar, „það vill
gera rétt og vel en rekur sig í sífellu
á eigin fordóma og alls kyns skilyrði
um ást sem það hefur sett ástvinum
sínum. Þau finna öll sök hjá sjálfum
sér en líklega er ekkert af því sem
gerist neinum að kenna; það sem
gerðist var bara lífið.“ Leikendur
eru Ívar Örn Sverrisson, Atli Rafn
Sigurðarson, Edda Heiðrún Back-
man og Valdimar Örn Flygenring.
Leikstjóri er Hilmar Jónsson.
Hilmir Snær verður
Ríkharður þriðji
Fyrsta kvöldfrumsýningin á Stóra
sviðinu verður í byrjun október, þeg-
ar eitt magnaðasta leikrit Williams
Shakespeares, Ríkarður þriðji, verð-
ur frumsýnt. Litháíski leikstjórinn
Rimas Tuminas tekst hér á við þetta
meistaraverk á nýstárlegan hátt. Í
titilhlutverkinu er Hilmir Snær
Guðnason en alls taka 18 leikarar
þátt í sýningunni, þar á meðal Stein-
unn Ólína Þorsteinsdóttir, Edda
Heiðrún Backman, Guðrún Gísla-
dóttir, Pálmi Gestsson, Nanna
Kristín Magnúsdóttir og Jóhann
Sigurðarson.
Í nóvember verður eitt af höfuð-
verkum Henriks Ibsen sýnt á Stóra
sviðinu, Jón Gabríel Borkmann í
nýrri þýðingu Þórarins Eldjárns en
eins og Stefán Baldurson sagði hef-
ur leikritið ekki verið flutt áður á
sviði hérlendis. Arnar Jónsson fagn-
ar fjörutíu ára leikafmæli í titilhlut-
verkinu, í öðrum stærstu hlutverk-
um eru Anna Kristín Arngríms-
dóttir, Ragnheiður Steindórsdóttir
og Sigurður Skúlason en leikstjóri
er Kjartan Ragnarsson.
Jólaverkefnið að þessu sinni er
leikgerð hinnar vinsælu skáldsögu
Hallgríms Helgasonar, Þetta er allt
að koma, eftir Baltasar Kormák í
leikstjórn hans. Hallgrímur Helga-
son segist ímynda sér að þetta sé
svipað og að eiga barn í lausaleik –
hann hafi lítil afskipti af verkinu í
höndum Baltasars. „Baltasar er að
vinna að leikgerðinni og ég læt hann
um þetta – þarf lítið að sinna þessu
en hlakka til að sjá verkið,“ segir
Hallgrímur.
Frumsýning á nútímaklassík
Eftir áramótin er komið að magn-
aðri nútímaklassík, Sorgin klæðir
Elektru eftir Eugene O’Neill og er
þetta frumflutningur verksins á ís-
lensku leiksviði. Leikstjóri er Stefán
Baldursson. Þegar líður á leikárið
verður sýndur nýr íslenskur söng-
leikur um Edith Piaf eftir Sigurð
Pálsson. Brynhildur Guðjónsdóttir
verður í titilhlutverkinu en leikstjóri
er Hilmar Jónsson. „Þetta er í raun
leikverk með söngvum. Edith Piaf,
aðalpersónan, er nánast sú eina sem
syngur,“ segir höfundurinn, Sig-
urður Pálsson. „Aðalfókusinn er á
manneskjuna á bak við goðsögnina
og klisjurnar sem allir þekkja. Þetta
er sagan um það hvernig Edith
Gassion varð Edith Piaf. Þetta er ein
ótrúlegasta rödd 20. aldar, rödd sem
ekki deyr, vegna þess að hún býr
yfir einhverju kraftaverki. Það er
líka svo margt við sögu Piaf sem er
líka kraftaverk – eins og það hvernig
þessi ómenntaða götustelpa varð að
svo djúpum listamanni.“
Traust eða fjötrar
Á litlu sviðunum í vetur verða ný
samtímaverk, bæði íslensk og erlend
í fyrirrúmi. Eins og fyrr sagði er
fyrsta verkefni Litla sviðisins leikrit
eftir Hávar Sigurjónsson en næsta
verkefni er Græna landið eftir Ólaf
Hauk Símonarson. Það verk verður
reyndar frumsýnt í Keflavík í októ-
ber. Leikendur eru Gunnar Eyjólfs-
son, Kristbjörg Kjeld og Björn
Thors en leikstjóri er Þórhallur Sig-
urðsson. Síðar á leikárinu verður
boðið upp á nýtt leikrit eftir Kristján
Þórð Hrafnsson, Böndin á milli okk-
ar, leikstjóri er Hilmir Snær Guðna-
son. Með stærstu hlutverk fara Rún-
ar Freyr Gíslason og Sólveig
Arnarsdóttir. Kristján Þórður segir
verk sitt sálfræðilegt átakaverk um
vald og valdleysi í mannlegum sam-
skiptum. „Það fjallar um fjórar ung-
ar manneskjur í Reykjavík nútímans
og samskipti þeirra. Þetta snýst um
böndin á milli okkar, fjölskyldubönd,
vináttubönd, tilfinningabönd og
varpar fram spurningum um það
hvenær böndin séu tengsl sem við
treystum á og hvenær þau eru fjötr-
ar sem halda okkur föstum,“ segir
Kristján Þórður.
Snillingur í einskismannslandi
Í kjölfar Veislunnar á Smíðaverk-
stæðinu fylgir nýtt verk eftir Bjarna
Jónsson, Vegurinn brennur. Leik-
stjóri er Viðar Eggertsson. Svört
mjólk eftir Vasílij Sígarjov er
splunkunýtt leikrit eftir kornungan
höfund sem hefur vakið gífurlega at-
hygli í leikhúslífi Evrópu. Heillandi
ítalskur einleikur, Nítjánhundruð
eftir Alessandro Baricco, verður
einnig sýndur í vetur í leikstjórn
Melkorku Teklu Ólafsdóttur. Þar er
sagt frá ævi drengs sem finnst í
kassa í flygli á stóru skemmtiferða-
skipi og er nefndur eftir skipinu,
Nítjánhundruð. Hann bindur ást við
hljóðfærið og verður mikill píanó-
leikari. Hann lifir ævi sína á enda
um borð í skipinu, þar sem hann
skemmtir gestum.
Það verður mikill kraftur í Leik-
smiðju Þjóðleikhússins í vetur, en
Leiksmiðjan er tilraunavettvangur
sem býður upp á óvenjulegar sýn-
ingar fyrir alla þá sem hafa gaman
af að láta koma sér á óvart. Sýningin
Á floti er unnin af leikskáldinu Völu
Þórsdóttur og leikstjóranum Ágústu
Skúladóttur, í samvinnu við nokkra
leikara Þjóðleikhússins. Nýtt verk
eftir ungan höfund, Jón Atla Jónas-
son verður einnig sýnt í Leiksmiðj-
unni í leikstjórn Egils Heiðars Ant-
ons Pálssonar og er þetta fyrsta
verkefni hans við Þjóðleikhúsið. Jón
Atli samdi verkið í lok síðasta árs og
byrjun þessa. „Ég datt inn í Leik-
smiðjuna og það ferli sem þar er.
Stóra sviðið er alveg bókað – hefði
verið gaman að sýna verkið þar. Það
fólk sem sækir stóra sviðið er þó
kannski eldra og ræður síður við
sprengingarnar og skothríðirnar.“
Verk Jóns Atla er sem sagt stríðs-
leikrit og sögusviðið Víetnam, Bosn-
ía og Reykjavík þar sem fólk bíður
heima eftir fréttum af ástvinum í
stríði. „Í Víetnam er þetta aksjón, en
meira stofudrama í Reykjavík. Þetta
verður öðru vísi kvöldstund, en von-
andi skemmtileg,“ segir Jón Atli.
Þekktur leikstjóri með
gestasýningu frá Tiblisi
Í lok leikársins verður sýning í
samstarfi við Listahátíð í Reykjavík
sem vakið hefur mikla athygli,
Þrettándakvöld eftir William Shake-
speare. Sýningin er gestaleikur frá
þjóðleikhúsinu í Tbilisi í Georgíu.
Stefán Baldursson segir mikið lán að
fá þessa sýningu hingað, en henni
leikstýrir einn frægasti leikstjóri
samtímans, Robert Sturua. Aðeins
verða tvær sýningar, 14. og 15. maí
2004 en Þrettándakvöld er opnunar-
sýning Listahátíðar í Reykjavík.
Auk verkanna Með fulla vasa af
grjóti og Veislunnar verða söngleik-
urinn Með fullri reisn, farsinn Allir á
svið og barnaleikritið Karíus og
Baktus tekin aftur til sýninga.
Morgunblaðið/Kristinn
Fimm af átta íslensku höfundanna sem eiga verk í Þjóðleikhúsinu í vetur:
Sigurður Pálsson, Kristján Þórður Hrafnsson, Hávar Sigurjónsson, Hall-
grímur Helgason og Jón Atli Jónasson. Á myndina vantar Ólaf Hauk Sím-
onarson, Völu Þórsdóttur og Bjarna Jónsson.
„Þetta eru verk sem
skipta okkur máli“
Þrjú stórvirki leikbókmenntanna, nýtt ís-
lenskt söngleikrit, Dýrin í Hálsaskógi og sjö
íslensk verk eru meðal þess sem Þjóðleik-
húsið býður leikhúsgestum upp á í vetur.