Morgunblaðið - 02.09.2003, Side 38

MINNINGAR
38 ÞRIÐJUDAGUR 2. SEPTEMBER 2003 MORGUNBLAÐIÐ
Fyrir réttum fjöru-
tíu og fjórum árum hóf
Gísli Þorvaldsson störf
í hlaðdeild Flugfélags
Íslands hf., þá aðeins 18 ára gamall.
Strax við fyrstu kynni varð ljóst að
þarna fór dugmikill og áræðinn
piltur sem hafði metnað og skor-
aðist ekki undan því að sinna
ábyrgðarmiklum störfum fyrir fé-
lagið. Á þessum tíma, eða árið 1959,
rak félagið umfangsmikla starf-
semi, en bæði innanlands- og milli-
landaflug var gert út frá Reykja-
víkurflugvelli. Var oft unnið við
mjög erfiðar aðstæður, svo sem að
finna skýlispláss fyrir þann stóra
flugflota sem þá var gerður út, eins
og DC 4, DC 6, Viscount, DC 3 og
Katalina flugvélar. Þessar vélar
voru allar í rekstri á þessum tíma
GÍSLI
ÞORVALDSSON
✝ Gísli Þorvalds-son fæddist í
Reykjavík 12. októ-
ber 1941. Hann lést á
krabbameinsdeild
Landspítalans – há-
skólasjúkrahúss við
Hringbraut 19. ágúst
síðastliðinn og var
útför hans gerð frá
Fossvogskirkju 25.
ágúst.
og eins og nærri má
geta reyndi oft á
snerpu og áræði
þeirra sem unnu í
hlaðdeildinni og var
Gísli hinn ungi enginn
eftirbátur hinna eldri.
Gísli var snjall
knattspyrnumaður og
gerðist strax liðsmað-
ur knattspyrnuliðs
flugfélagsins, Faxa og
spilaði með þeim á
mótum, bæði hér
heima og erlendis. Þá
var hann í bridgeliði
félagsins sem atti
kappi við erlend flugfélög og hafð-
ist oft sigur á þessum mótum.
Eins og getið var í upphafi skor-
aðist Gísli ekki undan því að axla
ábyrgð og tók hann að sér verk-
stjórn í hlaðdeildinni. Kom fljótt í
ljós að hann kunni að fara með
mannaforráð og naut hann trausts
yfirmanna sinna allan starfsferil
sinn hjá Flugfélagi Íslands hf., síð-
ar Flugleiðum og Icelandair, en þar
var hann lagerstjóri til hinsta dags.
Ég þakka Gísla áratuga samstarf
og vináttu og votta aðstandendum
hans mína dýpstu samúð. Veri hann
að eilífu guði falinn.
Aðalsteinn Dalmann Októsson.
✝ Hallfríður Sig-urðardóttir,
Halla, fæddist í
Helgafelli í Svarfað-
ardal 5. janúar 1924.
Hún lést á Dvalar-
heimilinu Hlíð á Ak-
ureyri 23. ágúst síð-
astliðinn. Foreldrar
hennar voru Rósa
Sigurðardóttir, f.
1894, d. 1941, og Sig-
urður Sigurðsson, f.
1885, d. 1977. Systur
Höllu voru: 1) Soffía,
f. 1921, d. 1968, maki
Jón Blöndal, f. 1921,
d. 1950, 2) Aðalheiður, f. 1925,
maki Kristján Loftur Jónsson, f.
1925, og 3) Árdís, f. 1935. Fóst-
ursystkini Höllu voru: 1) Ingunn
Klemenzdóttir, f. 1929, maki Ólaf-
ur Sigfússon, f. 1933, d. 1997, 2)
Rafn Garðarsson, f. 1940, d. 1970,
og 3) Leonóna Müller, f. 1944,
maki Einar Müller, f. 1942.
Dóttir Höllu og Steingríms
Eiðssonar er Sigrún Hulda Stein-
grímsdóttir, f. 1956, maki Ingvar
Engilbertsson, f. 1952. Börn
þeirra eru: 1) Halla, f. 1977. 2)
Engilbert, f. 1981,
maki Aðalbjörg
Rósa Sigurðardóttir,
f. 1983. Dóttir þeirra
er Sigrún María, f.
2001. 3) Adda Soffía,
f. 1986.
Halla ólst upp í
Helgafelli. Eftir að
móðir hennar lést
héldu þær systur
heimili með föður
sínum í Helgafelli.
Næstu árin skiptust
þær systur á að fara
sem kaupakonur í
tíma og tíma, bæði í
Svarfaðardal og Eyjafirði, og hélt
Halla því nær óslitið áfram þar til
hún fór að starfa á Elliheimilinu
Skjaldarvík árið 1965. Þar vann
hún til ársins 1986 þegar hún
þurfti að hætta störfum af heilsu-
farsástæðum. Næstu fjögur árin
bjó hún hjá Huldu dóttur sinni á
Dalvík. Árið 1990 flutti Halla til
Akureyrar og bjó lengst af í íbúð
sinni í Melasíðu.
Útför Höllu fer fram frá Akur-
eyrarkirkju í dag og hefst athöfn-
in klukkan 13.30.
„Þið eigið nú ekki að vera að þessu
…“ Þetta eru líklega þekktustu orð-
in hennar Höllu ömmu og lýsa henni
svo vel. Alltaf var það óþarfi ef ein-
hver gerði eitthvað fyrir hana, sama
hve mikið hún hafði gefið af sér og
gert fyrir viðkomandi. Amma var
nægjusöm með endemum og hörð
við sjálfa sig og hugsaði fyrst og
fremst um að þjóna öðrum. Hún var
líka þekkt fyrir að gefast aldrei upp.
Það var ótrúlegt hvað hún gat
þrjóskast við, henni skyldi takast
þetta, þrátt að hún hafi til dæmis
þjáðst af liðagigt í áratugi. Einstak-
lega samviskusöm og dugleg kona
var hún og alltaf vildi hún gera hlut-
ina eins vel og hægt var og skila
hverju verki af sér óaðfinnanlega.
Þar fyrir utan var hún auðvitað æð-
isleg amma, gerði rosalega góðar
kleinur, rækjusalat og bollur svo
eitthvað sé nefnt.
Amma var líka næm og fann ým-
islegt á sér. Hana dreymdi fyrir at-
burðum og ef einhver hlutur týndist
spurðum við hana og hún gat oft látið
sig dreyma hvar hann var.
Amma vildi alltaf láta kalla sig
Höllu, var ekki vel við Hallfríðar-
nafnið, sagði að hún væri ekki mann-
eskja til að bera svo stórt og mikið
nafn. Hún sagði líka við mömmu
löngu áður en ég kom í heiminn að ef
hún vildi skíra í höfuðið á sér yrði
það bara Halla og ég er ofsalega
þakklát henni fyrir það. Er algjör-
lega sammála henni um að það sé
nóg að heita bara Halla. Amma var
líka mikið fyrir kveðskap og átti auð-
velt með að gera vísur, þótt hún vildi
ekki gera mikið úr því. En þessi ligg-
ur einmitt eftir hana varðandi Höllu-
nafnið og ég má til með að láta hana
fylgja:
Ó, að ég héti aðeins Halla
með ofsa skap, ég segi ei meir.
Minntu mig á mína galla
því margir og stórir eru þeir.
Margar góðar minningar á ég um
ömmu. Ég gisti oftar en einu sinni
nokkrar nætur hjá henni í Skjald-
arvík þegar hún vann þar. Ég man til
dæmis eftir því að einn seinnipart
eftir erfiðan vinnudag tókum við
fram fótanuddtækið fræga sem allir
áttu á þeim tíma og fórum í gott fóta-
bað. Svo lögðum við okkur aðeins á
eftir en sváfum yfir okkur og misst-
um af kvöldmatnum. Annars voru
bestu stundir okkar saman við að
spila. Amma kenndi mér mörg spil.
Marías var í sérstöku uppáhaldi hjá
okkur og líka að leggja Forsetakap-
alinn og spyrja hann að einhverju.
Seinna kom ég til ömmu í Mela-
síðuna sem var fyrsta íbúðin sem
hún eignaðist, þá orðin 67 ára gömul.
Hún naut þess að eignast loksins sitt
eigið heimili. Það var alltaf svo nota-
legt að sitja með te og eitthvað sem
amma hafði bakað við eldhúsborðið
og spjalla um lífið og tilveruna. En
núna finnur amma hvergi til lengur, í
fyrsta skipti í áratugi eftir langa og
stranga baráttu. Það ætti að vera
huggun okkar allra sem höfum misst
svo mikið við fráfall hennar.
Að lokum vil ég færa starfsfólkinu
á Hlíð og öðrum sem önnuðust
ömmu síðustu árin kærar þakkir fyr-
ir ómetanleg störf. Og amma mín,
þúsund þakkir fyrir allt sem þú gerð-
ir fyrir mig.
Halla.
HALLFRÍÐUR
SIGURÐARDÓTTIR
MORGUNBLAÐIÐ birtir afmælis- og minningargreinar endurgjalds-
laust alla daga vikunnar. Greinunum má skila í tölvupósti (netfangið er
minning@mbl.is - svar er sent sjálfvirkt um leið og grein hefur borist)
eða á disklingi og þarf útprentun þá að fylgja. Nauðsynlegt er að til-
greina símanúmer höfundar og/eða sendanda (vinnusíma og heima-
síma). Tekið er á móti afmælis- og minningargreinum á 1. hæð í húsi
Morgunblaðsins, Kringlunni 1 í Reykjavík, og á skrifstofu Morgun-
blaðsins Kaupvangsstræti 1 á Akureyri.
Birting afmælis- og
minningargreina
Sími 562 0200
Erfisdrykkjur
Elskuleg eiginkona mín og móðir okkar,
FREYJA JÓNSDÓTTIR,
Hverfisgötu 50,
Reykjavík,
verður jarðsungin frá Dómkirkjunni í Reykjavík
miðvikudaginn 3. september kl. 15.00.
Blóm vinsamlegast afþökkuð, en þeim, sem
vilja minnast hennar, er bent á kvenlækninga-
deild 21A, Landspítala.
Ármann Örn Ármannsson,
Dögg Ármannsdóttir,
Drífa Ármannsdóttir.
Móðir okkar, tengdamóðir, amma og lang-
amma,
ÁGÚSTA SIGURÐARDÓTTIR RINGSTED,
Víðilundi 10c,
Akureyri,
sem lést á Fjórðungssjúkrahúsinu á Akureyri
miðvikudaginn 27. ágúst sl., verður jarðsungin
frá Akureyrarkirkju miðvikudaginn 3. septem-
ber kl 13.30.
Gunnur Ringsted, Heimir Kristinsson,
Sigurður Ringsted, Ragnhildur Barðadóttir,
Gunnar Ringsted, Jenný Lind Egilsdóttir,
Ingibjörg Ringsted, Valmundur P. Árnason,
Guðbjörg Ringsted, Kristján Þór Júlíusson,
Baldvin Ringsted
og ömmubörnin.
Ástkær móðir okkar, tengdamóðir, amma og
langamma,
SIGRÍÐUR ÁGÚSTA SÖEBECH
(Sísý),
Torfufelli 29,
Reykjavík,
sem andaðist mánudaginn 25. ágúst, verður
jarðsungin frá Dómkirkjunni í Reykjavík
fimmtudaginn 4. september kl. 13.30.
Þeim, sem vilja minnast hennar, er bent á Blóðlækningadeild
Landspítalans 11G.
Einar Einarsson, Suzanne Einarsson,
Pétur Kristjánsson, Þóra Ingvaldsdóttir,
Kristján Kristjánsson, Þórunn Þórarinsdóttir,
Ellen Kristjánsdóttir, Eyþór Gunnarsson,
barnabörn og barnabarnabörn.
Ástkær móðir okkar, tengdamóðir, amma og
langamma,
VALGERÐUR SVEINSDÓTTIR
frá Ósabakka, Skeiðum,
Borgarholtsbraut 24,
Kópavogi,
sem lést miðvikudaginn 27. ágúst, verður jarð-
sungin frá Kópavogskirkju miðvikudaginn
3. september kl. 15.00.
Lilja Ester Ragnarsdóttir, Andrés Einarsson,
Jón Birgir Ragnarsson, Helga Dóra Reinaldsdóttir,
Gestur Bragi Magnússon, Guðfinna Elín Jóhannsdóttir,
Björn Rúnar Magnússon, Brynja Viðarsdóttir
og ömmubörn.
Innilegar þakkir sendum við öllum þeim sem
sýndu okkur samúð og hlýhug við andlát og
útför móður okkar, tengdamóður, ömmu og
langömmu,
INGU P. SÓLNES.
Júlíus Sólnes, Sigríður María Sólnes,
Gunnar Sólnes, Margrét Kristinsdóttir,
Jón Kr. Sólnes, Halla E. Baldursdóttir,
Inga Sólnes, Jón Sigurjónsson,
Páll Sólnes, María Árnadóttir,
barnabörn og barnabarnabörn.