Morgunblaðið - 02.09.2003, Blaðsíða 46

ÍÞRÓTTIR
46 ÞRIÐJUDAGUR 2. SEPTEMBER 2003 MORGUNBLAÐIÐ
KRISTJÁN Örn Sigurðsson var í leikbanni og fylgdist
með leiknum frá hliðarlínunni. „Það var mjög gaman
að sjá strákana klára þetta í kvöld. Þeir léku vel og það
var fínt að horfa á leikinn frá hliðarlínunni þó að það
hefði verið skemmtilegra að vera inná. Þó að Grindavík
hafi sótt af töluverðum krafti sáum við um að skora
mörkin og það er það sem gildir í fótboltanum. Mér
fannst sigur okkar vera sanngjarn og nokkuð öruggur.
Ég bjóst ekki við því að við yrðum Íslandsmeistarar í
kvöld. Ég vissi að við gætum sigrað í Grindavík en ég
hélt að Fylkir myndi ekki tapa í Árbænum fyrir ÍA. Við
eigum titilinn skilið og það sem hefur skilað okkur hon-
um er mikil barátta og vinnusemi,“ sagði varnarmað-
urinn sterki en hann hefur verið valinn í íslenska lands-
liðshópinn sem undirbýr sig fyrir átökin gegn
Þjóðverjum á Laugardalsvelli næsta laugardag í und-
ankeppni Evrópukeppni landsliða. Þar mun hann hitta
fyrir eldri bróður sinn, Lárus Orra, sem leikur með
enska 1. deildarliðinu WBA en faðir þeirra Sigurður
Lárusson lék einnig með landsliðinu á árum áður.
Skemmtilegra
að vera inná
ÓLAFUR Örn Bjarnason, fyrirliði Grindavíkur, var á
því að Grindavík hefði ekki verið slakari aðilinn í leikn-
um gegn KR. „Við vorum að leika ágætlega í dag en
það er ekki spurt að því í leikslok. Við vorum klaufar
upp við mark KR og við gáfum þeim einnig mjög ódýr
mörk. Ég er mjög ósáttur við að annað markið hjá KR
hafi verið dæmt gilt. Boltinn fór í höndina á leikmanni
KR og því hefði markið ekki átt að standa. Við áttum
fjölmörg skot að marki en við verðum að nýta miklu
betur færin sem við erum að fá. Það er ljóst að við erum
enn í hörkufallbaráttu þó að við séum með 22 stig. Við
verðum að gjöra svo vel að innbyrða fleiri stig til að
vera öruggir um að halda sæti okkar í deildinni,“ sagði
Ólafur Örn Bjarnason en hann er í íslenska landsliðs-
hópnum sem undirbýr sig fyrir leikinn gegn Þjóð-
verjum n.k. laugardag.
Grindvíkingar eiga eftir að leika gegn Skagamönn-
um á útivelli í næstu umferð en í lokumferðinni mætir
Grindavíkur liði KA frá Akureyri á heimavelli þar sem
örlög liðanna í fallbaráttunni munu ráðast endanlega.
Vorum klaufar og
gáfum ódýr mörk

TVÖ met í yngri aldursflokkum
féllu á opna Reykjavíkurmeistara-
mótinu í frjálsíþróttum sem fram fór
á Laugardalsvelli um helgina. Berg-
ur Ingi Pétursson, FH, bætti eigið
met í sleggjukasti drengja um 1,58
m, er hann kastaði 5,5 kg sleggju
64,94 metra. Þá bætti Ragnheiður
Anna Þórsdóttir, Breiðabliki,
telpnametið í kúluvarpi er hún varp-
aði 3 kg kúlu 12,16 metra, en hún átti
sjálf gamla metið ásamt Evu Krist-
ínu Kristjánsdóttur, HSH, en það
var 11,96.

BJÖRN Margeirsson, úr Breiða-
bliki, hljóp 800 metra á 1.52,86 mín-
útum sem er næst besti árangur
hans í greininni.

MARKVÖRÐURINN Nigel Mart-
yn hefur verið seldur til Everton frá
Leeds United. Martyn missti sæti
sitt í byrjunarliði Leeds til Paul Rob-
inson á síðasta tímabili. Martyn, sem
lék rúmlega 300 leiki fyrir Leeds á
sjö árum og á þriðja tug landsleikja
fyrir England, er ætlað að vera Rich-
ard Wright til halds og trausts en
Wright er meiddur á hné og gat ekki
leikið með Everton gegn Liverpool á
laugardaginn af þeim sökum.

BRASILÍUMAÐURINN Roque
Junior mun leika með Leeds United
í vetur en hann er 27 ára gamall
varnarmaður. Leeds fær brasilíska
landsliðsmanninn lánaðan frá AC
Milan út tímabilið.

BRASILÍSKI miðjumaðurinn
Kleberson, sem leikur með knatt-
spyrnuliðinu Manchester United,
verður frá keppni um óákveðinn
tíma en hann fór úr axlarlið í leik
liðsins gegn Southampton í ensku
úrvalsdeildinni á sunnudag. Annar
miðjumaður United, Paul Scholes,
er einnig frá vegna veikinda.

BENJAMIN Lauth, sóknarmaður-
inn ungi frá 1860 München, verður
ekki í A-landsliðshóp Þjóðverja gegn
Íslendingum á laugardaginn. Rudi
Völler valdi hann í 22ja manna hóp
sinn en hefur ákveðið að láta Lauth
einbeita sér að 21 árs landsliðinu.
Kevin Kuranyi frá Stuttgart, sem
einnig er gjaldgengur með 21 árs lið-
inu, verður hinsvegar í A-hópnum.

TOTTENHAM og Charlton skiptu
á leikmönnum í gær. Varnarmaður-
inn Paul Konchesky hefur verið lán-
aður í einn mánuð til Tottenham og
Chris Perry fór til Charlton.

EVERTON keypti í gær skoska
sóknarmanninn James McFadden
frá Motherwell. McFadden er 20 ára
gamall og hefur skorað 32 mörk í 58
leikjum með Motherwell.

GYLFI Einarsson lék frá upphafi
til enda í viðureign Lilleström og
Vålerenga í norsku úrvalsdeildinni í
gær. Liðin skildu jöfn í markalaus-
um leik á heimavelli Vålerenga,
Ullevål-leikvanginum í Ósló.
FÓLK „VIÐ reyndum að hugsa sem minnstum það að við gætum orðið meist-arar í kvöld. Þess í stað ætluðum við
að einbeita okkur að þessum leik og
sjá síðan til hvernig færi í Árbænum.
Þetta er samt mjög kærkomið að
vinna núna,“ sagði Kristján Finn-
bogason, markvörður og fyrirliði KR
alsæll í leikslok.
„Þetta er búið að vera fínt hjá okk-
ur í sumar, við lentum reyndar í erf-
iðleikum í byrjun móts en síðan
small þetta saman og hefur gengið
vel síðan. Við biðum lengi eftir titli
en síðan við unnum 1999 þá hefur
gengið vel, klikkuðum reyndar eitt
árið,“ sagði Kristján en hann var
með vott af flensu í leiknum í gær.
Um leikinn sagði Kristján.
„Grindvíkingar eru með sterkt lið og
sóttu nokkuð stíft á okkur en það
tókst að koma í veg fyrir að þeir
skoruðu fleiri mörk. Við sýndum
styrk okkar með því að halda áfram
af fullum krafti þrátt fyrir að lenda
undir. Arnar (Gunnlaugsson) er
kominn í gang og það er mjög
ánægjulegt.“
„Einbeittum okkur
að þessum leik“
Er það eitthvað sérstakt sem hef-ur skilað ykkur árangrinum í
sumar?
„Það er mjög erfitt að benda á eitt-
hvað eitt sérstakt. Ég þyrfti eigin-
lega að skila heilli ritgerð til þess að
útskýra hvað það er sem hefur skilað
okkur þessum góða árangri. Það er
mikill metnaður í KR og það hefur
alltaf verið. Við eigum frábæra
stuðningsmenn sem fylgja okkur
hvert sem er. Það er mikill karakter
og samstaða í leikmannahópnum og
leikmennirnir hafa mikinn metnað.
Öll þessi atriði hafa mikið að segja.“
Hefurðu áhyggjur af því að það
komi núna eitthvert bakslag hjá lið-
inu?
„Nei, ég hef ekki miklar áhyggjur
af því. Mér finnst allt í lagi að leik-
menn njóti stundarinnar í nokkra
daga. Við förum samt fljótlega að
byrja okkar undirbúning fyrir und-
anúrslitaleikinn sem fer fram í
næstu viku. Næsta markmið okkar
er að vinna sæti í bikarúrslitaleikn-
um en það verður alls ekki auðvelt,“
sagði Willum Þór en hann hefur
fagnað Íslandsmeistaratitli í aðeins
tveimur tilraunum sem þjálfari.
Góð samstaða
einkennir KR
„ÁÐUR en við lögðum af stað til Grindavíkur vorum við ekkert að
velta því fyrir okkur að við gætum orðið meistarar eftir leikinn. Við
komum hingað til að spila vel og það gerðum við. Við lögðum upp
leikinn með að leika sterkan varnarleik því Grindavík er með mjög
gott lið. KR-liðið barðist af miklum krafti í kvöld og gaf fá færi á sér
og ég tel að sigur okkar hafi verið sanngjarn,“ sagði Willum Þór
Þórsson þjálfari KR.
Markaskorararnir Arnar Gunnlaugsson og Sigurvin Ólafsson.
Grindavík 1:3 KR
Leikskipulag: 4-5-1 Landsbankadeildin,
16. umferð
Grindavíkurvöllur
Mánudaginn 1. september
2003
Aðstæður:
Strekkingu á annað markið,
blautur völlur en góður.
Áhorfendur: 1.127
Dómari:
Jóhannes Valgeirsson,
KA, 5
Aðstoðardómarar:
Ingvar Guðfinnsson,
Eyjólfur Finnsson
Skot á mark: 20(8) - 9(5)
Hornspyrnur: 9 - 4
Rangstöður: 5 - 5
Leikskipulag: 4-4-2
Helgi Már Helgason
Óðinn Árnason
Sinisa Kekic M
Ólafur Örn Bjarnason M
Gestur Gylfason
Óli Stefán Flóventsson
Mathias Jack
Ray Anthony Jónsson MM
Guðmundur A. Bjarnason
Paul McShane
Alfreð Elías Jóhannsson M
Kristján Finnbogason M
Jökull I. Elísabetarson
Kristinn Hafliðason M
Gunnar Einarsson
Sigursteinn Gíslason M
Sigurvin Ólafsson M
Kristinn Magnússon M
Bjarki B. Gunnlaugsson
(Sverrir Bergsteinsson 83.)
Einar Þór Daníelsson M
(Arnar Jón Sigurgeirsson 89.)
Sigurður Ragnar Eyjólfsson
(Garðar Jóhannsson 64.)
Arnar B. Gunnlaugsson M
1:0 (10.) Eftir aukaspyrnu frá hægri kanti þar sem boltinn var sendur inn á víta-
teig KR, var dæmd vítaspyrna á Bjarka Gunnlaugsson, sem togaði í
einn Grindvíkinginn. Úr spyrnunni skoraði Ólafur Örn Bjarnason af ör-
yggi í vinstri helming marksins en Kristján Finnbogason skutlaði sér í
hitt hornið.
1:1 (19.) Kristinn Magnússon gaf háa sendingu af hægri kanti inn undir víta-
tiegslínu Grindvíkinga. Helgi Már markvörður kom út úr markinu, kall-
aði á boltann og Sinisa Kekic fór frá en Helgi Már náði ekki til knatt-
arins sem datt fyrir fætur Arnars Gunnlaugssonar sem skoraði af
öryggi í autt markið.
1:2 (41.) Sigurvin Ólafsson vann boltann á hægri vængnum, gaf inn í teiginn
hægra meginn á Sigurð Ragnar sem sendi fyrir inn á markteiginn. Tví-
burarnir Arnar og Bjarki Gunnlaugssynir voru báðir á staðnum, hittu
ekki í fyrri tilrauninni en Arnar fékk aðra tilraun og skoraði.
1:3 (60.) Eftir laglega sókn KR upp miðjunna renndi Arnar boltanum út á Sig-
urvin Ólafsson sem leitaði að samherja en fann engan þannig að
hann skaut að marki þrátt fyrir að vera um 35 metra frá því. Og þvílíkt
mark. Boltinn söng í netinu efst í vinstra markhorninu.
Gul spjöld: Alfreð Elías Jóhannsson, Grindavík (69.) fyrir mótmæli.  Óðinn Árnason,
Grindavík (74.) fyrir brot.  Bjarki B. Gunnlaugsson, KR (77.) fyrir mótmæli.
 Jökull I. Elísabetarson, KR (88.) fyrir mótmæli.
Rauð spjöld: Engin
Meistari í leðurjakka
og gallabuxum
„ÞAÐ er ekkert verra að verða Íslandsmeistari í leðurjakka og
gallabuxum. Þetta er æðislegt, alveg stórglæsilegt,“ sagði Veigar
Páll Gunnarsson, einn besti maður KR í sumar eftir leikinn en hann
tók út leikbann og fylgdist því með félögum sínum af hliðarlínunni.
„Strákarnir spiluðu vel í kvöld, rétt eins og við höfum gert í síð-
ustu leikjum.
Ég átti nú ekki von á því í sumar að við tryggðum okkur meist-
aratitilinn þegar tvær umferðir væru eftir. Þetta er mjög gaman en
á vissan hátt dálítið furðulegt, en við verðum auðvitað að koma
okkur niður á jörðina strax því það eru tveir leikir eftir í deildinni
auk bikarsins. Við ætlum að sjálfsögðu að halda okkar striki það
sem eftir er mótsins þannig að liðin ganga ekkert að vísum stigum
gegn okkur þó svo við séum búnir að vinna,“ sagði Veigar Páll.