Morgunblaðið - 04.09.2003, Page 1
4. september 2003
Spjaldadælur
Einfaldar, tvöfaldar, þrefaldar
Stærðir: 6 - 227 cm3/sn.
T6 240 bar, T7 300 bar
Spilverk ehf.
Skemmuvegi 8, 200 Kópavogi,
sími. 544 5600, fax. 544 5301
Trefjar selja sífellt fleiri báta til út-
landa, Íslendingar vinna síldarmarkaði
af Norðmönnum í Póllandi.
Landiðogmiðin
Sérblað um sjávarútveg
úrverinu
VEIÐAR úr íslenska sumargots-
síldarstofninum máttu hefjast við
upphaf fiskveiðiárisins, 1. septem-
ber sl. Engin skip hafa þó ennþá
haldið til veiðanna. Fimm fyrirtæki
ráða yfir nærri helmingi síldar-
kvóta fiskveiðiársins.
Leyfilegur heildarafli á fiskveiði-
árinu er 110 þúsund tonn, auk þess
sem tæplega 21 þúsund tonn var
fært frá fyrra fiskveiðiári. Veiði-
heimildir fiskveiðiársins eru því
tæplega 131 þúsund tonn.
Upphafsúthlutun í síld á síðasta
fiskveiðiári var um 105 þúsund
tonn en veiðiheimildirnar urðu
engu að síður um 130 þúsund tonn
á síðasta fiskveiðiári þar sem um
25 þúsund tonn voru færð frá ver-
tíðinni 2001/2002.
Alls veiddust rúm 96 þúsund
tonn af íslensku síldinni á síðasta
fiskveiðiári en veiðarnar þótt
ganga treglega lengst af, síldin var
óvenju smá og því nokkuð um
svæðalokanir. Aflahæsta síldveiði-
skip síðustu vertíðar var Sighvatur
Bjarnason VE sem veiddi alls 8.460
tonn.
Samherji með mestan kvóta
Samherji hf. fékk stærstu úthlutun
úr íslenska sumargotssíldarstofnin-
um á fiskveiðiárinu sem nú er ný-
hafið, alls 15.859 tonn eða rúm 14%
kvótans. Skinney-Þinganes hf. á
Hornafirði hefur yfir um 14.640
tonna síldarkvóta að ráða og Síld-
arvinnslan hf. í Neskaupstað um
9.758 tonna kvóta. Saman hafa
Samherji og Síldarvinnslan og önn-
ur félög tengd þeim yfir að ráða
hátt í 30% af heildarkvótanum í ís-
lensku sumargotssíldinni.
Af einstökum skipum fékk Vil-
helm Þorsteinsson EA úthlutað
mestum síldarkvóta á fiskveiði-
árinu, alls 8.539 tonn. Þorsteinn
EA fékk um 6.100 tonn og Sig-
hvatur GK 4.880 tonn.
„Síldarfiðringur“ eystra
Síldarvertíðin hefst jafnan með
nótaveiðum fyrir austan land í
september en eftir því sem næst
verður komist höfðu engin skip
hafið veiðar í gær.
Aðalsteinn Ingólfsson, fram-
kvæmdastjóri Skinneyjar-Þinga-
ness á Hornafirði, gerði þó ráð fyr-
ir að Steinunn SF héldi á miðin
fyrir helgi og að Jóna Eðvalds SF
myndi hefja veiðar um eða eftir
helgina. Hann sagði undirbúning
fyrir vertíðina á Hornafirði á loka-
stigi og þar væru menn að fá
gamla góða síldarfiðringinn. „Það
er aldrei hægt að gefa sér neitt
fyrirfram þegar síldin er annars-
vegar. En við erum alltaf bjartsýn-
ir og vonandi fáum við góða ver-
tíð,“ sagði Aðalsteinn.
Fimm fyrirtæki með nærri
helming síldarkvótans
! "#
$ %&
'
(#)#&
* +%, -
"
" &#%,
'#
-. % '
/& 0# #)
* (#
1
2
3- *&#
ÞÓTT hann Hinrik Pálsson sé kominn af léttasta
skeiðinu, slær hann ekki slöku við beitningunna, og
byrjar dagurinn hjá Hinna Páls, eins og hann er gjarn-
an kallaður, klukkan fimm á morgnana og tekur Hinni
að jafnaði fimm bjóð yfir daginn, og fer létt með enda
vanur maður. Hinrik beitir fyrir bátinn Gunnar afa SH
frá Ólafsvík, og hefur verið nóg að gera við beitn-
inguna í allt sumar, enda stíft róið og aflabrögðin góð,
og þá er gott að hafa beitningajaxla eins og Hinrik til
að hafa undan.
Morgunblaðið/Alfons
Slær ekki slöku við beitninguna
LOÐNUVINNSLAN hf. á Fáskrúðsfirði hef-
ur tekið á móti um 105 þúsund tonnum af hrá-
efni það sem af er árinu eða meira en nokkru
sinni fyrr frá því fiskimjölsverksmiðja félagsins
tók til starfa árið 1996.
Árið 1997 tók Loðnuvinnslan á móti um 103
þúsund tonnum af hráefni en þá var uppistaðan
loðna. Nú bregður svo við að meira en helm-
ingur þess hráefnis sem tekið hefur verið á móti
er kolmunni eða alls um 66 þúsund tonn. Þar af
hafa um 42 þúsund tonn komið frá erlendum
skipum, einkum skipum frá Færeyjum. Auk
þess hefur Loðnuvinnslan tekið á móti um 34
þúsund tonnum af loðnu á árinu og um 5 þúsund
tonnum af síld.
Gísli Jónatansson, framkvæmdastjóri Loðnu-
vinnslunnar, segir að kolmunninn sé þannig
kærkomin búbót, einkum yfir þann tíma þegar
loðnuveiðin er treg. Hann segir að nánast hafi
verið samfelld vinnsla í verksmiðjunni frá apríl-
mánuði og fram í ágúst en kolmunnaveiðin hafi
reyndar aðeins tregast síðustu daga. Hann von-
ast til að að enn meira eigi eftir að berast af kol-
munna til Fáskrúðsfjarðar, í ljósi nýjustu frétta
af ástandi kolmunnastofnsins, enda aðeins búið
að veiða rúmlega helming af úthlutuðum kol-
munnakvóta. Þannig eigi skip félagsins, Hoffell
SU, eftir um 3.000 tonn af kolmunnakvóta sín-
um. „Þó má reikna með að kolmunninn fari að
hreyfa sig í suðurátt hvað úr hverju og haust-
brælur að byrja og þá verði erfiðara að ná í hann
en verið hefur undanfarið.“
Gísli segir að á árinu sé búið að framleiða um
26.600 tonn af afurðum, um 21.400 tonn af mjöli
og 5.200 tonn af lýsi. „Við höfum fengið þokka-
legt verð fyrir afurðirnar fram til þessa. En
framboðið af mjöli til Vestur-Evrópu er mjög
mikið og það hefur verið erfiðara að selja það nú
seinni part sumars,“ segir Gísli.
Metmóttaka hjá Loðnuvinnslunni
Ljósmynd/Albert Kemp
Hoffell SU, skip Loðnuvinnslunnar hf.
SAMHERJI hf. hefur gengið frá kaupum
á frystitogaranum Akrabergi frá Fram-
herja Spf. í Færeyjum, en Samherji á þriðj-
ungshlut í því félagi. Í kaupsamningi um
skipið er ákvæði um skilarétt innan þriggja
mánaða frá undirritun. Hið nýja skip fær
einkennisstafina GK 210. Í áhöfn skipsins
eru 28 menn og skipstjóri er Eydunn á Bergi, sem verið hefur skipstjóri
skipsins um árabil. Skipið hélt í gær á úthafskarfaveiðar. Að sögn Þor-
steins Más Baldvinssonar, forstjóra Samherja hf., er tilgangur kaupanna
að nýta úthafskarfaheimildir, sem Samherja og Íslendingum hefur verið
úthlutað, utan lögsögu Íslands.
Samherji kaupir nýjan togara
SJÓMENN í Alaska uppfylla skil-
yrði til opinberra bóta, samkvæmt
nýrri leið til að rétta hlut þeirra sem
bera skarðan hlut frá borði vegna
erlendrar samkeppni. Verið er að
setja upp sjóð með 90 milljónum
dollara, 7,5 milljöðrum króna, til að
aðstoða verkamenn, sem misst hafa
vinnuna vegna samkeppni frá öðr-
um löndum.
Sjómenn í Alaska gætu sam-
kvæmt þessu fengið árlega styrk
upp á 10.000 dollara, 830.000 krón-
ur, reynist það svo að aukinn inn-
flutningur á eldisfiski hafi valdið
verulegri verðlækkun og verð á fiski
sé minna en 80% af meðalverði síð-
ustu fimm ára, en hvort tveggja er
staðreynd.
Öldungadeildarmaðurinn Lisa
Murkowsky segir að sjómenn eigi
rétt á slíkum bótum eins og aðrir
verkamenn, sem standi frammi fyrir
tekjulækkun vegna samkeppni frá
öðrum löndum. Sjómennirnir hafa
frest til mánaðamóta til að sækja
um. Forystumenn í sjávarútvegi í
Alaska segja hins vegar að þessi
stuðningur sé ekki nægjanlegur til
að mæta hinum efnahagslega vanda.
Þeir benda á að laxveiðarnar standi
verulega höllum fæti vegna innflutn-
ings á eldislalxi frá Chile og Kanada.
Við opinbera rannsókn á stöðunni
í Juneau í Alaska sögðu fulltrúar
sjávarútvegsins að ekkert gagn væri
í þessari aðstoð, en henni er ætlað að
bjóða starfsþjálfun og möguleika á
nýrri vinnu fyrir þá sem misst hafa
vinnuna. Viðurkennt er að laga þurfi
áætlunina betur að þörfum sjávar-
útvegsins í Alaska. Fylkinu sé útveg-
urinn lífsnauðsynlegur enda skili
hann því næstmestum tekjum á eftir
útflutningi á olíu.
Bætur í Alaska