Morgunblaðið - 05.09.2003, Blaðsíða 22
LANDIÐ
22 FÖSTUDAGUR 5. SEPTEMBER 2003 MORGUNBLAÐIÐ
HITAVEITA var tekin í notkun á
Gunnarsholtssvæðinu á miðvikudag.
Guðni Ágústsson landbúnaðarráð-
herra tók formlega í notkun heita
vatnið hjá Landgræðslunni. Tæpt ár
er síðan þjónustusamningur var
gerður um verkið. Hitaveita Rang-
æinga sá sér fært að koma heitu
vatni á þetta nýja svæði vegna virkj-
ana á nýjum borholum í Kaldárholti
fyrir fáum árum.
Í nóvember árið 2002 var undirrit-
aður samningur milli Hitaveitu
Rangæinga annars vegar og Land-
græðslu ríkisins og Landspítala –
háskólasjúkrahúss vegna Vistheim-
ilisins í Gunnarsholti hins vegar.
Með samningnum tók Hitaveitan að
sér að leggja 10 km stofnlögn frá að-
allögn veitunnar austan við Hellu að
Gunnarsholti ásamt dreifikerfi um
svæðið og að byggja dælustöð til
þess að halda uppi nægum vatns-
þrýstingi. Var áskilið í samningnum
að nægt vatn að lágmarki 62 gráðu
heitt yrði til framtíðarnota á svokall-
aðri Gunnarsholtstorfu. Verkinu
skyldi lokið fyrir 30. september
2003.
Heildarfjárhæð samningsins var
66 milljónir kr. án vsk.
Sveinn Runólfsson flutti stutta
ræðu við upphaf athafnarinnar og
sagði þar m.a. að á Gunnarsholtstor-
funni hefði um langan aldur verið
unnið að ræktun lýðs og lands, bæði
á vegum Ríkisspítala í Akurhól í nær
hálfa öld og hjá Landgræðslunni í
hartnær heila öld. Á sl. 30–40 árum
hefur a.m.k. þrívegis verið leitað eft-
ir heitu vatni í Gunnarsholti, á veg-
um Landgræðslunnar og sveitarfé-
lagsins, en án árangurs. Það hefði
því verið fagnaðarefni þegar Ingvar
Baldursson hitaveitustjóri kom að
máli við hann fyrir u.þ.b. 2 árum og
boltinn fór af stað. Jafnframt þakk-
aði landgræðslustjóri landbúnaðar-
ráðherra og fjármálaráðherra fyrir
stuðning við framkvæmdina og þing-
mönnum Suðurlands, sérstaklega
þeim Drífu Hjartardóttur og Ísólfi
Gylfa Pálmasyni fyrrv. þingmanni.
Þá þakkaði hann einnig samstarfs-
fólki og starfsmönnum HR.
Borholur í Kaldárholti
gerðu gæfumuninn
Að sögn Ingvars Baldurssonar
hitaveitustjóra gengu þessar fram-
kvæmdir mjög vel og voru unnar
nær eingöngu af starfsmönnum
Hitaveitu Rangæinga utan vinna við
gröft sem var framkvæmd af Jóni og
Tryggva ehf. Stofnlögnin að Gunn-
arsholti er 125 mm stálpípa, 10 km
löng. Hann sagði að aukið heitt vatn
sem hefði fundist í Kaldárholti fyrir
fáum árum gerði gæfumuninn við
vatnssölu HR, en heita vatnið að
Laugalandi hefði vart orðið dugað
veitunni á þeim tíma. Alls eru um 35
km frá upptökum vatnsins að Gunn-
arsholti. Um helmingur sumarhúsa-
eigenda í Ketilhúshaga sem er sum-
arhúsahverfi stutt frá nýju
stofnlögninni hefur nú óskað eftir að
fá heitt vatn og hefur stjórn HR
samþykkt að verða við því á næsta
ári. Í kaffisamsæti að lokinni athöfn-
inni færði landgræðslustjóri Hita-
veitu Rangæinga 62 reyniviðar-
plöntur að gjöf, eina fyrir hverja
hitagráðu sem áskilið er að vatnið sé.
Hitaveita tekin í notkun
á Gunnarsholtssvæðinu
Hella
Morgunblaðið/Óli Már
Guðni Ágústsson landbúnaðarráðherra, kotroskinn að vanda, hleypti vatni
frá stofnlögninni á svæðið við mikinn fögnuð viðstaddra gesta.
RANNSÓKNARSETUR Háskóla Ís-
lands, Náttúrugripasafnið og
Sparisjóður Vestmannaeyinga hafa
bundist höndum saman um að
koma á fót skipulögðu „pysjueft-
irliti“. Um síðustu helgi bárust
skráningarblöð fyrir pysjueftirlitið
í hvert einasta hús í bænum auk
þess sem þau er hægt að fá á gisti-
húsum og hótelum, flughöfninni,
Herjólfi og hjá Sparisjóði Vest-
mannaeyja. Á blaðinu er pysjueft-
irlitið útskýrt, hvernig börn gerast
pysjueftirlitsmenn, hvernig upplýs-
ingarnar eru skráðar, hvernig
pysjurnar eru vigtaðar og hvar á
að skila blöðunum. Að lokinni
pysjuvertíð verða vinningar dregn-
ir út úr bunkanum svo eftir ein-
hverju er að slægjast hjá pysju-
eftirlitsfólkinu.
Að sögn Kristjáns Egilssonar hjá
Náttúrugripasafni Vestmannaeyja
var ákveðið að stofna til þessa eft-
irlits því menn hafa engin gögn í
höndunum um lundapysjufjölda á
hverju hausti, en menn hafa getið
sér til um að þær pysjur sem
krakkar í Vestmannaeyjum bjarga
á nóttum í ágúst og september séu
á bilinu 7–8.000. Nú á að hefja
skipulagaða skráningu á björg-
unarstafinu svo hægt verði að meta
ástand og horfur í lundastofninum
á næstu árum, með því að skrásetja
allar pysjurnar og vigta hluta
þeirra til að meta ástand þeirra og
horfur. Skrá á fjölda þeirra pysja
sem bjargað er á hverri nóttu, dag-
setningu og tíma. Æskilegt er að
vigta 4–5 pysjur í hvert skipti og
eru börnin beðin um að fá lánaðar
bökunarvogir til verksins.
Kristján sagði að mikið af út-
lendingum hafi skilað inn skrán-
ingarblöðum nú strax um helgina.
Kristján sagði að á þessari pysju-
vertíð hafi frekar lítið verið um
pysjur og kenndu menn það ýmsum
aðstæðum í náttúrunni og það var
kveikjan að því að stofnað var til
eftirlitsins.
Morgunblaðið/Sigurgeir
Börn skrásetja
og vigta pysjur
sem þau bjarga
Háskóli Íslands og Náttúrugripa-
safnið í Eyjum taka upp pysjueftirlit
Vestmannaeyjar
m
TÍMARITUMMAT&VÍN2706200313 9 Í A IT UM A Í
Hafðu samband við
auglýsingadeild
Morgunblaðsins
í síma 569 1111
eða á augl@mbl.is
Næsta tölublað af tímaritinu m, sem fjallar um mat og vín, fylgir Morgunblaðinu
laugardaginn 13. september nk. Stærð tímaritsins er 25x36.
Pantanafrestur auglýsinga er til
þriðjudagsins 9. september kl. 16.
Auglýsendur!