Morgunblaðið - 05.09.2003, Blaðsíða 44
ÍÞRÓTTIR
44 FÖSTUDAGUR 5. SEPTEMBER 2003 MORGUNBLAÐIÐ
Í leik ÍBV og KR á Íslandsmóti
kvenna í knattspyrnu í fyrrakvöld
brá Birgir Stefánsson framkvæmda-
stjóri ÍBV sér í nýtt hlutverk þegar
hann tók að sér línuvörslu. Er þetta
líklega einsdæmi að framkvæmda-
stjóra annars liðsins sé treyst fyrir
dómarastörfum í leik í efstu deild.
Birgir sem er liðtækur dómari stóð
vel fyrir sínu á línunni og lét tengsl
sín við annað liðið ekki hafa áhrif á
sig, eins og góðum dómara sæmir.
GERARD Houllier, knattspyrnu-
stjóri Liverpool, er viss um að Mich-
ael Owen skrifi undir nýjan samning
við Liverpool en samningur hans
rennur út innan tveggja ára. „Ég
þekki mína leikmenn og ég er viss
um að Owen muni ná samkomulagi
við okkur og skrifi undir nýjan
samning,“ sagði Houllier.
FORRÁÐAMENN Indiana Pacers
hafa náð samkomulagi við Rick Car-
lisle um að taka við þjálfun NBA-
liðsins. Carlisle var þjálfari Detroit
Pistons síðustu tvö ár og náði mjög
góðum árangri með liðið en honum
var óvænt sagt upp störfum í sumar.
„Hann tekur vinnuna sína mjög al-
varlega og ég held að hann muni
gera góða hluti með liðið,“ sagði
Larry Bird, forseti Indiana en Car-
lisle var aðstoðarþjálfari hjá Bird
þegar hann þjálfaði Indiana á árun-
um 1997–2000.
GEREMI Njitap, leikmaður
Chelsea, hefur verið úrskurðaður í
þriggja leikja bann af aganefnd
enska knattspyrnusambandsins.
Kamerúninn fékk að líta rauða
spjaldið gegn Leicester í síðasta
mánuði og þarf þess vegna að taka út
refsingu. Geremi mun missa af leikj-
um gegn Tottenham, Aston Villa og
Wolverhampton Wanderers.
JÓHANNIS Joensen hefur dregið
sig út úr færeyska landsliðshópnum í
knattspyrnu fyrir EM-leikinn í Skot-
landi á morgun, vegna meiðsla. Í
hans stað var valinn félagi hans frá
FS Vágum, Tór-Ingar Akselsen.
Joensen kom inn á gegn Íslandi á
dögunum og Akselsen var þá í hópn-
um.
ALBERT Sævarsson hélt enn einu
sinni hreinu í marki B68 í færeysku
1. deildinni um síðustu helgi. Lið
hans vann þá FS Vágar, 2:0, á úti-
velli og er í öðru sæti, tveimur stig-
um á eftir HB, og Albert hefur að-
eins fengið á sig 8 mörk í 14 leikjum í
deildinni.
EL-HADJI Diouf, leikmaður Liv-
erpool, hefur verið sektaður um
5.000 pund, jafnvirði 650.000 króna
fyrir að hrækja á stuðningsmann
Celtic í undanúrslitaleik liðanna í
UEFA-keppninni í Glasgow í vor.
Diouf hafði neitað ásökunum en
sneri við blaðinu og viðurkenndi sök í
málinu sem þar með er lokið.
FÓLK
Róður landsliðsmanna Íslandsverður erfiður þegar þeir mæta
Þjóðverjum á Laugardalsvellinum í
Evrópukeppni landsliða. Ástæðan er
einföld – á sama tíma og leikmenn
þýska landsliðsins hafa verið á fullri
ferð með liðum sínum, hefur stór hóp-
ur landsliðsmanna Íslands ekki leikið
með liðum sínum, eða þá að þeir hafa
þá ekki náð sér á strik í leikjum.
Landsliðsmenn Íslands leggja
örugglega ekki árar í bát, en róðurinn
verður þungur í hinni þýðingarmiklu
orrustu. Þýska liðið er skipað reynd-
um leikmönnum, sem hafa oft glímt
við erfið verkefni og fagnað mörgum
sigrum.
Gary Lineker, fyrrverandi lands-
liðsfyrirliði Englands, var eitt sinn
beðinn að útskýra hvað knattspyrna
væri. Lineker var fljótur að svara:
Tvö ellefu manna lið – einn bolti. Og
Þjóðverjarnir vinna!
Svo einfalt var svar Linekers, en
Þjóðverjar höfðu ekki heppnina með
sér í úrslitaleik í heimsmeistara-
keppninni í Japan og Suður-Kóreu
fyrir ári. Þá léku þeir geysilega vel
skipulagða knattspyrnu – voru
óheppnir og urðu að sætta sig við tap
fyrir Brasilíumönnum. Sjö leikmenn
Þjóðverja, sem léku úrslitaleikinn,
mæta Íslendingum á Laugardalsvell-
inum; Oliver Kahn, Michael Ballack,
Jens Jeremies, allir leikmenn Bayern
München, Miroslav Klose, Kaisers-
lautern og þrír leikmenn frá Lever-
kusen; Carsten Ramelow, Bernd
Schneider og Oliver Neuville. Já, ég
get ekki annað sagt en róður lands-
liðsmanna Íslands verður erfiður. Ég
er ekki sammála þeim sem segja að
pressan sé á Þjóðverjum – hún er á
Íslendingum, sem leika sinn síðasta
heimaleik í EM. Þjóðverjar eiga tvo
heimaleiki til góða, gegn Skotum og
Íslendingum.
Þjóðverjar, sem hafa þrisvar orðið
Evrópumeistarar – 1972, 1980 og
1996 og þrisvar heimsmeistarar;
1954, 1974 og 1990, hafa ekki tapað á
útivelli í undankeppni EM eða HM
fimm ár, eða síðan í Tyrklandi 1998.
Þá fyrir Tyrkjum í Bursa, 1:0 – með
sjálfsmarki markvarðarins Oliver
Kahn, í leik í undankeppni EM í Belg-
íu og Hollandi 2000.
Barátta hefur alltaf mikið að segja í
öllum kappleikjum. Það er þó ekki
hægt að loka augunum fyrir því að
leikmenn sem eru ekki í leikæfingu,
eiga mjög erfitt með að fást við leik-
menn sem eru lykilmenn í sterkum
félagsliðum – reyndari, fljótari og
leiknari.
Ég ætla þó ekki að fara að spá nán-
ar í leikinn sem framundan er, heldur
rifja upp tvær fyrri viðureignir
a-landsliða Íslendinga og Þjóðverja,
sem hafa farið fram á Laugardalsvell-
inum.
Ákváðu að senda sína bestu
leikmenn til Reykjavíkur
Það má með sanni segja að fyrsti
landsleikur Íslendinga, gegn heims-
frægu landsliði, hafi verið viðureign
gegn Vestur-Þjóðverjum á Laugar-
dalsvellinum 3. ágúst 1960. Knatt-
spyrnusamband Íslands sendi boð til
Þýskalands tveimur árum áður og
óskaði eftir að Þjóðverjar, sem urðu
heimsmeistarar í Sviss 1954 og
kepptu um brons á HM í Svíþjóð
1958, kæmu hingað til lands með
áhugamannalandslið sitt.
Þjóðverjar þáðu boðið, en tilkynntu
síðan mjög óvænt í ársbyrjun 1960 að
þeir kæmu til Íslands með a-landslið
sitt. Ástæðan fyrir því að Þjóðverjar
hættu við að senda áhugamannalið
sitt til Íslands – vildu heldur tefla
fram sínum bestu leikmönnum, var
glæsilegur árangur Íslands í undan-
keppni Ólympíuleikanna í Róm 1960,
þegar Íslendingar gerðu sér lítið fyrir
og náðu að hrella sterkt landslið Dan-
merkur á Idrætsparken í Kaup-
mannahöfn 1959, 1:1. Þjóðverjar
töldu Íslendinga, þótt áhugamenn
væru, verðuga andstæðinga.
Ég var einn af 7.485 áhorfendum
sem lögðu leið sína á Laugardalsvöll-
inn 3. ágúst 1960, til að sjá landslið Ís-
lands etja kappi við Þjóðverja. Liðið
var þannig skipað, að Helgi Daníels-
son, ÍA, stóð í markinu, aðrir leik-
menn voru Kristinn Gunnlaugsson,
ÍA, Rúnar Guðmannsson, Fram,
Sveinn Teitsson, ÍA, Hörður Felix-
son, KR, Guðjón Jónsson, Fram, Örn
Steinsen, KR, Sveinn Jónsson, KR,
Þórólfur Beck, KR – töframaður með
knöttinn og markaskorari af guðs
náð. Að mínu mati einn af fjórum
bestu knattspyrnumönnum Íslands
(aðrir Albert Guðmundsson, Rík-
harður Jónsson og Ásgeir Sigurvins-
son), Guðmundur Óskarsson, Fram
og Steingrímur Björnsson, ÍBA.
Guðjón, Guðmundur og Steingrím-
ur léku sinn fyrsta landsleik.
Ég hafði verið unnandi þýskrar
knattspyrnu og fékk tækifæri til að
sjá nokkra af bestu knattspyrnu-
mönnum heims á Laugardalsvellin-
um, eins og Hans Tilkowski, mark-
vörð, Horst Szymanik, miðjumanninn
sterka sem lék með Inter, Willi
Schulz, Herbert Erhardt og Uwe
Seeler, einn mesta markaskorara
Þýskalands og heims. Þá tefldu Þjóð-
verjar fram tveimur 21 árs gömlum
leikmönnum, sem áttu eftir að vera í
hópi bestu knattspyrnumanna heims
– varnarmanninum sókndjarfa Karl-
Heinz Schnellinger, sem gerði garð-
inn frægan hjá AC Milan og fram-
herjanum Helmut Haller, sem var
galdramaður með knöttinn. Hann átti
síðan eftir að gerast leikmaður hjá
Juventus og er enn í dag talinn einn
besti knattspyrnumaðurinn sem hef-
ur leikið á Ítalíu̧og hafa þeir margir
leikið þar.
Tilkowski, Schulz, Schnellinger,
Seeler og Haller léku allir hinn sögu-
fræga úrslitaleik gegn Englandi á
Wembley á HM í Englandi 1966, þar
sem Englendingar unnu í framleng-
ingu, 4:2.
Það fór eins og flestir reiknuðu
með – Þjóðverjar fögnuðu sigri á
Laugardalsvellinum, 5:0. Uwe Seeler,
leikmaðurinn snjalli frá Hamborg,
sem var ekki hár í loftinu – en hafði
yfir geysilegum stökkkrafti að ráða,
lék Helga Daníelsson markvörð oft
grátt. Þegar Helgi stökk upp til að
Uwe Seeler
lék Helga og
Heimi grátt
Íslenska landsliðið í knattspyrnu er í nokkuð ein-
kennilegri stöðu. Leikmenn liðsins fá það hlutverk
á Laugardalsvellinum að brjóta innrás Þjóðverja á
bak aftur, þar sem Þjóðverjar vilja fella Íslendinga
af efsta stalli – og ná forustuhlutverki í baráttunni
um að komast á EM í Portúgal næsta sumar. Þjóð-
verjar hafa áður leikið á Laugardalsvellinum – vin-
áttuleiki. Sigmundur Ó. Steinarsson rifjar upp
fyrri leiki, þar sem margir af snjöllustu knatt-
spyrnumönnum heims komu við sögu eins og
Hermut Haller, Karl-Heinz Schnellinger, Sepp
Maier, Bernd Schuster og Uwe Seeler, sem gerði
íslenskum markvörðum lífið leitt fyrir 43 árum.
Margir heimsfrægir knattspyrnukappar hafa leikið með Þjóðverjum gegn Íslendingum
HOLLENSKA knattspyrnufélagið
Heerenveen, sem hafnaði í sjö-
unda sæti úrvalsdeildarinnar síð-
asta vetur, hefur boðið þremur
ungum Íslendingum til sín til
reynslu. Þeir fara þangað næsta
þriðjudag og dvelja við æfingar
hjá félaginu til sunnudags.
Þremenningarnir eru Rúrik
Gíslason, 15 ára drengjalandsliðs-
maður úr HK, Arnór Smárason,
15 ára Skagamaður, og Sigurður
Donys Sigurðsson, 17 ára leik-
maður með meistaraflokki Ein-
herja á Vopnafirði. Rúrik lék alla
leiki drengjalandsliðsins á Norð-
urlandamótinu í sumar og skor-
aði eitt mark, enda þótt hann sé
á yngra ári í liðinu, en hann og
Arnór eru báðir í úrtakshópi fyr-
ir drengjalandsliðið 2004. Sig-
urður skoraði 10 mörk fyrir Ein-
herja í 3. deildinni í sumar þrátt
fyrir ungan aldur og varð þriðji
markahæsti leikmaðurinn í Aust-
urlandsriðli deildarinnar.
Einn Íslendingur er fyrir hjá
Heerenveen, Ari Freyr Skúlason,
16 ára drengjalandsliðsmaður
sem áður lék með Val, en hann
samdi við félagið snemma á þessu
ári.
Rúrik, Arnór
og Sigurður
til Heerenveen ÞEGAR Rudi Völler sá á bakPaul Freier, leikmanni Bochum,
fótbrotnum út úr þýska landsliðs-
hópnum í knattspyrnu fyrr í vik-
unni fækkaði enn þeim kostum
sem landsliðsþjálfarinn hefur í
stöðu vinstri miðjumanns í leikn-
um gegn Íslandi á morgun.
Freier er fjórði leikmaðurinn í
þessari stöðu sem forfallast fyrir
leikinn.
Christian Ziege og Jörg Böhme
hafa báðir verið frá keppni um
skeið vegna meiðsla og Tobias
Rau tekur út leikbann á morgun.
Þegar Freier er horfinn á braut
eru aðeins tveir vinstrifótar leik-
menn eftir í þýska hópnum,
Christian Rahn og Michael Hart-
mann, og annar þeirra gæti tekið
stöðu Freiers á vinstri vængnum.
Þó er talið líklegast að hinn
snjalli Sebastian Deisler frá
Bayern München verði settur í
þessa stöðu en hann hefur ekki
spilað með landsliðinu í 18 mán-
uði vegna meiðsla. „Það er ekki
alltaf nauðsynlegt að vera með
vinstrifótar leikmann á vinstri
kantinum,“ sagði Völler, sem að
öðru leyti vildi ekki gefa meira út
á liðsval sitt áður en hann hélt til
Íslands með lið sitt í gærmorgun.
Þrír þýsku leikmannanna gátu
ekki tekið þátt í æfingu liðsins á
miðvikudagsmorgun vegna
meiðsla, þeir Fredi Bobic, Kevin
Kuranyi og Bernd Schneider.
Vinstri vandræði
Rudis Völlers
Reuters
Rudi Völler, landsliðsþjálfari
Þjóðverja, á við margvísleg-
an vanda að etja.