Morgunblaðið - 05.09.2003, Blaðsíða 8

AUÐLESIÐ EFNI
8 FÖSTUDAGUR 5. SEPTEMBER 2003 MORGUNBLAÐIÐ
Netfang: auefni@mbl.is
ÞJÓÐVERJINN Sebastian
Peters er ekki nógu ánægður
meðknattspyrnumenningu á
Íslandi. Hann segir að það
vanti baráttusöngva og dans
til að skapa stemningu á
vellinum.
Sebastian hefur mætt á
marga landsleiki hérna og
undrast stemningsleysið.
Hann segir að áhorfendur
virðist ekki upplifa sig sem
hluta af leiknum heldur hagi
sér frekar eins og þeir séu að
horfa á leikinn í sjónvarpi.
Sebastian segir að
áhorfendur gætu sungið
„Stál og hnífur“ eða „Áfram
áfram áfram sóknarmenn!“ (í
stað „bílstjórinn“) til að
skapa stemningu. Hann segir
að með því væri hægt að
leggja grunn að meira fjöri í
kringum leikina.
Íslendingar mæta
Þjóðverjum í mikilvægum
landsleik í Evrópukeppni
landsliða á
Laugardalsvellinum á
morgun. Uppselt er á leikinn.
Sebastian hefur verið
búsettur á Íslandi í tíu ár.
Hann heldur í þetta sinn með
Íslendingum en ekki
heimalandinu.
Stemning á knattspyrnuleikjum
Morgunblaðið/Árni Torfason
Þjóðverjinn Sebastian Peters vill að íslenskir áhorfendur á landsleikjum í knattspyrnu syngi
og skapi þannig stemningu.
Vill meiri söng
á landsleikjum
Morgunblaðið/Kristinn
Stuðboltinn Sebastian
Peters.
VÍÐA um land hefja
framhaldsskólar starf sitt
þessa dagana. Afhending
stundataflna fer fram og
nýnemar eru boðnir velkomnir
við hátíðlega athöfn.
Í Menntaskólanum við
Sund hefja nú 255 nýnemar
nám og alls verða rúmlega
700 nemendur í skólanum í
vetur. Eftirvæntingin skein úr
hverju andliti og allir virtust til
í slaginn fyrir veturinn.
Í samtölum við
Morgunblaðið sögðust
rektorar og skólameistarar í
höfuðborginni eiga von á fleiri
nýnemum nú en undanfarið
ár. Samkvæmt upplýsingum
frá menntamálaráðuneytinu
skráðu rúmlega fjögur
þúsund nýir nemar sig til
náms í framhaldsskólum í
sumar. Verða
framhaldsskólanemendur í
dagskóla því um 18 þúsund í
vetur.
Morgunblaðið/Sverrir
Í MS hófu 255 nýnemar nám á dögunum og alls verða rúm-
lega 700 nemendur í skólanum í vetur.
Kennsla hefst í
framhaldsskólum
RÍKISSTJÓRN George W.
Bush Bandaríkjaforseta
hefur nú lagt til, að
öryggisráð Sameinuðu
þjóðanna hvetji til, að
alþjóðlegt herlið verði sent
til Íraks en verði þó undir
forystu Bandaríkjamanna. Er
hér um mikla
stefnubreytingu að ræða
þótt talsmenn
Bandaríkjastjórnar vilji ekki
við það kannast.
Tillagan kemur í kjölfar
vaxandi ólgu í Írak og
hryðjuverka. Varla líður sá
dagur, að bandarískur
hermaður falli ekki í árásum
og bandarískum
þingmönnum er farið að
ofbjóða kostnaðurinn við
hersetuna og
uppbygginguna í landinu.
Í tillögunni, sem
AFP-fréttastofan komst yfir
um miðja vikuna, segir ekki
beint, að Bandaríkjamenn
muni áfram hafa töglin og
hagldirnar, heldur, að
alþjóðlega herliðið verði
undir „sameiginlegri
yfirstjórn“. Hins vegar muni
Bandaríkin verða fulltrúi
þess gagnvart öryggisráðinu
í „umboði þeirra ríkja, sem
að því standa“.
Einnig er lagt til, að íraska
framkvæmdaráðið fái
alþjóðlega viðurkenningu og
verði því falið að leggja drög
að nýrri stjórnarskrá fyrir
Írak og halda lýðræðislegar
kosningar innan tiltekins
tíma.
Afstaða Frakka, Þjóðverja
og Rússa skiptir mestu
Colin Powell,
utanríkisráðherra
Bandaríkjanna, hefur átt í
miklum viðræðum við
starfsbræður sína erlendis,
til dæmis við
utanríkisráðherra
Þýskalands, Frakklands og
Rússlands, um tillöguna en
almennt er búist við, að
Frakkar verði heldur tregir í
taumi vilji Bandaríkjamenn
áfram fara með öll völd í
Írak.
Hersetan í Írak kostar nú
Bandaríkjamenn um fjóra
milljarða dollara á mánuði
og síðan bætist við annar
milljarður í Afganistan. Paul
Bremer, ráðsmaður
Bandaríkjanna í Írak, áætlar
síðan, að uppbyggingin í Írak
muni kosta tugi milljarða
dollara. Ætlar Bush að biðja
Bandaríkjaþing um 60 til 80
milljarða dollara
aukafjárveitingu vegna
þessa kostnaðar.
Bush leitar ásjár hjá
Sameinuðu þjóðunum
JÓN Arnór Stefánsson
körfuknattleiksmaður
skrifaði á þriðjudaginn undir
samning um að leika með
Dallas Mavericks í
bandarísku
atvinnumannadeildinni í
körfuknattleik, NBA.
Samningurinn er til fimm ára.
Jón Arnór er aðeins 21 árs
gamall. Hann lék með Trier í
þýsku úrvalsdeildinni í
körfuknattleik á síðasta
vetri. Þar áður lék hann með
KR þar sem hann er alinn
upp á
körfuknattleiksvellinum.
Hann hefur meira og minna
verið í herbúðum Dallas í
sumar, en áhugi
forráðamanna félagsins á
honum vaknaði í vor.
Jón Arnór er annar
Íslendingurinn til þess að
komast á samning hjá liði í
NBA-deildinni. Hinn er Pétur
Guðmundsson sem lék með
Portland, Los Angeles og
San Antonio fjórar leiktíðir,
alls 150 leiki, á árunum
1981 til 1989.
Þótt Jón Arnór hafi náð
samningi við Dallas er ekki
víst að hann leiki með
félaginu á næsta vetri.
Fjölmargir leikmenn eru á
mála hjá því en það má
aðeins nota 15 leikmenn á
keppnistíðinni í NBA sem
hefst í byrjun nóvember. Það
ætti að skýrast fyrir lok
október hvort Jón komist í
leikmannahópinn.
Dallas lék í vor sem leið til
úrslita við San Antonio Spurs
í Vesturdeild
NBA-körfuknattleiksins.
Þess má til gamans geta
að Jón Arnór er bróðir Ólafs
Stefánssonar, atvinnumanns
í handknattleik á Spáni og
Íþróttamanns ársins 2002.
Morgunblaðið/Jim Smart
Jón Arnór Stefánsson, lands-
liðsmaður í körfuknattleik,
er kominn með samning við
Dallas.
Jón Arnór gerir
samning við
Dallas til fimm ára