Morgunblaðið - 08.09.2003, Blaðsíða 2

ÍSLAND – ÞÝSKALAND
2 B MÁNUDAGUR 8. SEPTEMBER 2003 MORGUNBLAÐIÐ
RÚNAR Kristinsson var hugs-
anlega að leika sinn kveðjuleik
fyrir íslenska landsliðið á Laug-
ardalsvelli á laugardaginn þ.e.a.s.
ef Íslendingum tekst ekki að kom-
ast í umspil eða í sjálfa úr-
slitakeppni Evrópukeppninar. „Ég
var ekkert að velta því fyrir mér
hvort þetta væri minn síðasti
landsleikur hér á landi eða ekki.
Ég var með hugann við að ná í
stig og hugsanlega þrjú. Við vor-
um nálægt sigri og getum verið
stoltir af okkar frammistöðu.
Við lögðum leikinn upp með að
leggjast aftur og leyfa þeim að
komast upp að miðlínu og byrj-
uðum að verjast þeim þar og beitt-
um skyndisóknum. Ég tel að þessi
áætlun okkar hafi heppnast að
öllu leyti nema að okkur tókst
ekki að skora. Heilt yfir er ég
mjög sáttur við leikinn. Það tókst
kannski ekki allt sem við ætluðum
að gera með boltann en við sköp-
uðum okkur fjögur dauðafæri sem
hefðu getað fært okkur sigurinn.
Landsliðshópurinn er mjög sam-
stilltur. Það lögðu allir leikmenn
liðsin allt sem þeir áttu í leikinn.
Það var fullt af mönnum sem
þurftu að sitja á bekknum og voru
eflaust mjög fúlir yfir því en þeir
tóku virkan þátt í þessu með okk-
ur sem inná voru. Í hópnum ríkir
góður andi og ég held hann hafi
fleytt okkur langt að undanförnu.
Næstu verkefni hjá mér eru í
Belgíu, hjá Lokeren. Það hefur
gengið erfiðlega í byrjun móts.
Hvorki ég né aðrir í liðinu hafa
leikið samkvæmt fullri getu. Nú
styttist í að ég hætti að leika með
landsliðinu. Þá get ég farið að ein-
beita mér að fullu að mínu fé-
lagsliði,“ sagði Rúnar Kristinsson
sem nú hefur leikið 102 landleiki
fyrir Íslands hönd.
„Góður andi hefur
fleytt okkur langt“
Morgunblaðið/Einar Falur
Rúnar Kristinsson í baráttu við einn þýsku leikmannanna.
Þetta var hugsanlega síðasti landsleikur Rúnars á heimavelli.
ÉG hef sagt það lengi að við ætl-uðum að vinna þrjá leiki og
stríða síðan Þjóðverjum þar á eftir og
við erum svo sannarlega búnir að
því,“ sagði Ásgeir Sigurvinsson,
landsliðsþjálfari í knattspyrnu, léttur
á brún eftir að flautað hafði verið til
leiksloka á laugardagskvöldið og sú
staðreynd blasti við að jafntefli væri
niðurstaðan í leik þar sem íslenska
landsliðið átti meiri möguleika á að
fara með sigur úr býtum en silfurlið
síðasta heimsmeistaramóts, Þjóð-
verjar.
Spurður um þessa staðreynd,
hvort það hefði ekki þótt ótrúlegt fyr-
irfram að menn yrðu vonsviknir með
jafntefli við Þjóðverja og einnig
hvaða staða hefði komið upp ef allt
hefði farið á besta veg og eitthvert
marktækifæra íslenska liðsins nýst,
sagði Ásgeir; „Ekki minnast á það
ógrátandi hversu nálægt við vorum
að vinna þá, við megum ekki svekkja
okkur á því. Eins og staðan er nú þá
met ég stöðuna þannig að örlög okkar
séu að mörgu leyti undir Litháum
komin, að þeir vinni stig gegn Skot-
um í síðustu umferðinni. Við eigum
það svo sannarlega skilið að hafna í
öðru sæti.
Fyrir leikinn hefði ég verið ánægð-
ur með jafntefli en nú að leikslokum
þá er ég vonsvikinn yfir að okkur
tókst ekki að vinna, við vorum betri
og áttum sigur skilinn.
Við byrjuðum síðari hálfleik vel, en
fljótlega lentum við þó undir tals-
verðri pressu af hálfu Þjóðverja sem
stóð yfir í um 20 mínútur. Þeim tókst
þó ekki að skapa sér nein teljandi
marktækifæri. Við vorum þó alltaf
hættulegir inn á milli þegar tækifæri
gáfust á skyndisóknum. Á heildina
litið þá vorum við nærri því að vinna,
fengum fleiri og betri tækifæri til að
skora,“ sagði Ásgeir.
Um atvikið þegar Eiður Smári
Guðjohnsen var hindraður innan
vítateigs þýska liðsins í síðari hálfleik
sagði Ásgeir. „Ég sá atvikið ekki
nógu vel en það virtist vera brotið á
Eiði Smára innan vítateigs. Þeir sem
sáu það í sjónvarpi sögðu mér á leið-
inni út af vellinum að það hefði átt að
dæma vítaspyrnu, en eins og ég segi
þá hef ég ekki séð þetta nógu vel
ennþá og get því ekki lagt minn dóm
á það.“
Fengum okkar tækifæri
Hvernig lögðuð þið Logi leikinn
upp?
„Fyrir leikinn þá lögðum við upp
með að leika „taktískt“, vera skipu-
lagðir og reyna þannig að gefa sem
fæst færi á okkur í vörninni. Í byrjun
féllum við talsvert aftarlega á völlinn,
en færðum okkur framar þegar á leið.
Það var algjört lykilatriði að verjast
vel, við vissum að við fengjum mark-
tækifæri og þau komu en það tókst
bara því miður ekki að nýta þau, en
það skall svo sannarlega hurð nærri
hælum upp við þýska markið,“ sagði
Ásgeir.
Hvað heldur þú með leik Þjóðverja
og Skota á miðvikudaginn og hvaða
áhrif hafa úrslitin í leiknum við Ís-
lendinga á stöðu Þjóðverja í riðlin-
um?
„Ég reikna með því að Þjóðverjar
vinni Skota í Dortmund á miðviku-
daginn og komist þar með í efsta sæti
riðilsins, enda eru þeir, og hafa alltaf
verið frá því að dregið var í riðla, sig-
urstranglegasta þjóðin í riðlinum. Nú
eigum við einn leik eftir, 11. október
gegn Þjóðverjum í Hamborg, og
frómt frá sagt þá tel ég ekki að við
eigum mikla möguleika í þeim leik, þá
verða Þjóðverjar á heimavelli og
verða þá klárlega sigurstranglegra
liðið,“ sagði Ásgeir Sigurvinsson,
landsliðsþjálfari.
Möguleikinn var okkar megin
„Það er ótrúleg staðreynd að við
séum óánægðir með jafntefli við
Þjóðverja,“ sagði Logi Ólafsson, sem
er landsliðsþjálfari í knattspyrnu
ásamt Ásgeiri, þegar Morgunblaðið
rabbaði við hann að leikslokum á
laugardag. „Við lögðum upp með það
að verjast vel, reyna þannig að halda
markinu hreinu og búa til færi með
skyndisóknum. Við fengum afar
ákjósanleg marktækifæri sem við
áttum að nýta. Þjóðverjar fengu að
vísu einhver færi en ég nenni vart að
muna eftir þeim, þau voru ekki svo
mörg né merkileg. Síðan telja margir
að við höfum verið hlunnfarnir um
vítaspyrnu þegar Eiður Smári var
hindraður innan vítateigs í síðari
hálfleik. Þannig að þegar heildar-
myndin er skoðuð þá er ekkert skrýt-
ið að maður sé hálfsár yfir að hafa
ekki unnið. Möguleikinn var okkar
megin,“ segir Logi.
Logi segir að Þjóðverjar hafi leikið
eins og reiknað var með. „Við vorum
með tvær áætlanir í gangi fyrir leik-
inn, eftir því hvernig Þjóðverjar
myndu leika. Við notuðum aðra áætl-
unina og í heildina má segja að leik-
menn íslenska liðsins hafi skilað sínu
starfi á frábæran hátt.
Hentar betur að leika
gegn stórum og sterkum
leikmönnum
Þjóðverjar stilltu upp stórum og
sterkum leikmönnum gegn okkur og
það hentaði okkar liði vel, mun betur
en litlir og leiknir menn.“
Logi tók undir þá fullyrðingu að
miðjan hefði gefið fullmikið eftir í
fyrri hálfleik, það hefði ekki verið
áætlunin. Í hálfleik hafi verið farið vel
yfir það atriði og því hafi miðvallar-
leikmennirnir sótt í sig veðrið í síðari
hálfleik auk þess að lokað var betur
fyrir vængspilið. „Með þessum breyt-
ingum tókst okkur að skipuleggja
betur vörnina á miðjunni og koma í
veg fyrir kantspil þýska liðsins. Um
leið þá héldum við einnig boltanum
betur en áður sem gaf meiri mögu-
leika á skyndisóknum,“ sagði Logi og
bar mikið lof á alla leikmenn íslenska
liðsins í leiknum, einnig þá sem komu
inn á sem varamenn.
Íslenska landsliðið hefur svo sann-
arlega sótt í sig veðrið á síðustu mán-
uðum og er nú komið í ólíkt vænlegri
stöðu en það var fyrir nokkrum mán-
uðum?
„Við höfum sýnt það í þessum leik
og þeim þar sem við Ásgeir höfum
verið við stjórnvölinn að íslenska
landsliðið er á réttri leið. Mörgum
þótti mótherjar okkar í síðustu leikj-
um ekki vera merkilegir [Færeying-
ar og Litháar] en það þarf að vinna
þær þjóðir einnig til þess að komast í
þá stöðu sem við erum í núna. Síðan
má heldur ekki gleyma því að aðrar
þjóðir sem með okkur eru í riðli hafa
átt í erfiðleikum með Færeyinga, það
á ekki aðeins við um okkur. Þannig að
ég held að menn hafi fengið það stað-
fest í þessum leik við Þjóðverja að við
erum með gott lið í höndunum um
þessar mundir. Það er alveg sama við
hvaða þjóð við leikum, við getum
staðið uppi í hárinu á þeim.“
Það leit út fyrir að Þjóðverjar væru
farnir að tefja undir lok leiksins?
„Það leit út fyrir það að Oliver
Kahn markvörður, sem oft hefur sent
samherjum sínum tóninn, hefði hugs-
að sem svo: ekki skora þessir piltar
sem eru framar en ég á vellinum og
því er ef til vill best að ég haldi knett-
inum sem lengst, íslenska liðið skorar
ekki á meðan og ekki eru líkur til þess
að við skorum,“ sagði Logi.
Þjóðverjar vinna ekki næst
Nú er einn leikur eftir í riðlakeppn-
inni, eftir rúmar fjórar vikur í Ham-
borg, og þá verður leikið við Þjóð-
verja á nýjan leik. Sú viðureign kann
að skipta báðar þjóðir miklu máli.
Grátlega
nærri sigri
Morgunblaðið/Kristinn
Ásgeir Sigurvinsson landsliðsþjálfari fagnar Eiði Smára
Guðjohnsen fyrirliða í leikslok á laugardaginn.
Íslenska landsliðið er enn í efsta sæti 5. rið-
ils undankeppni Evrópumótsins eftir jafn-
tefli við Þjóðverja á laugardaginn. Lands-
liðsþjálfararnir Ásgeir Sigurvinsson og
Logi Ólafsson eru í sjöunda himni og lái
þeim hver sem vill. Ívar Benediktsson
rabbaði við þá félaga hvorn í sínu lagi
eftir leikinn á Laugardalsvelli.