Morgunblaðið - 08.09.2003, Blaðsíða 4

ÍSLAND – ÞÝSKALAND
4 B MÁNUDAGUR 8. SEPTEMBER 2003 MORGUNBLAÐIÐ
Þýskir áhangendur voru óánægðir með leikþýska landsliðsins á Laugardalsvelli og létu
leikmenn liðsins berlega vita af því að leik loknum.
Þegar nokkrir þýsku leikmannanna gengu að þeim
hluta austurstúkunnar, sem áhangendur þeirra
voru í, tók á móti þeim baul og óánægjuhróp og var
þeim gerð grein fyrir því með handahreyfingum að
þeir ættu ekki upp á pallborðið eftir þessi úrslit.
Þýsku leikmönnunum var greinilega brugðið við
þessar móttökur og hörfuðu frá stúkunni.
Skömmu síðar kom sóknarmaðurinn Miroslav
Klose og klappaði höndum fyrir ofan höfuð sér til
að votta þýsku áhangendunum virðingu sína fyrir
að leggja á sig ferðalagið til Íslands til að styðja
landsliðið og fékk sömu móttökur. Sýndu áhorf-
endur óánægju sína með ýmsu móti og teygði einn
fram báðar arma og lét þumlana snúa niður til að
sýna að sér þætti frammistaða liðsins fyrir neðan
allar hellur. Klose vissi greinilega ekki hvaðan á
sig stóð veðrið og hætti einnig við að koma upp að
stúkunni.
Þegar íslenska liðið kom upp að stúkunni til að
þakka áhorfendum mátti hins vegar heyra þýska
áhangendur hrópa „Ísland, Ísland“.
Þegar Þjóðverjarnir byrjuðu að tínast af velli
mátti víða heyra miður falleg orð falla um leik
þýska liðsins. „Hvað var eiginlega að Oliver Kahn,
hann hékk á boltanum í hvert skipti sem hann fékk
hann,“ sagði maður með trefil merktan þýska
landsliðinu um hálsinn.
„Hvers vegna var það?“ spurði annar.
„Hann var að reyna að vinna sér tíma,“ var svar-
ið. „Þeir voru hræddir um að tapa fyrir Íslandi.“
Þýsku áhorfendurnir voru látnir fara annars
staðar inn á völlinn en þeir íslensku og var mikill
viðbúnaður. Þeir voru hins vegar mjög prúðmann-
legir í allri framkomu og var hegðun þeirra til fyr-
irmyndar þótt þeir hefðu lítinn áhuga á að hylla
þýska landsliðið í leikslok.
FÓLK

HEIÐAR Helguson lék sinn 25.
landsleik á laugardaginn þegar Ís-
land lék við Þjóðverja. Þar með er
hann kominn í hóp þeirra knatt-
spyrnumanna sem fengið hafa gullúr
KSÍ, en þau eru veitt landsliðsmönn-
um þegar þeir ná þeim áfanga að
leika 25 landsleiki. Eiður Smári Guð-
johnsen og Arnar Þór Viðarsson
náðu þessum áfanga í Færeyjum í
síðasta landsleik Íslands.

HELGI Sigurðsson er hins vegar
einum leik frá því að hafa leikið 50
landsleiki en hann kom inn á sem
varamaður gegn Þjóðverjum þegar
tólf mínútur voru eftir.

RÚNAR Kristinsson heldur áfram
að bæta eigið landsleikjamet. Leik-
urinn gegn Þjóðverjum var hans 102.
landsleikur.

MAREL Baldvinsson og Kristján
Örn Sigurðsson voru þeir tveir leik-
menn úr 20 manna landsliðshópnum
sem valinn var fyrir leikinn sem ekki
voru á leikskýrslu gegn Þjóðverjum.
Þjóðverjanir björguðu tvisvar ámarklínu í síðari hálfleik og ég,
Eiður Smári og Jóhannes Karl feng-
um allir ágætis færi en heppnin var
ekki á okkar bandi í kvöld. Þjóðverj-
ar voru heppnir að tapa ekki fyrir
okkur því við fengum fullt af færum
sem við hefðum átt að nýta. Við spil-
uðum varnarleikinn rosalega vel og
við sköpuðum fullt af færum sem því
miður nýttust ekki.“
Hvernig metur þú möguleika okk-
ar gegn Þjóðverjum í Þýskalandi?
„Miðað við hvernig leikurinn spil-
aðist í kvöld höfum við ekkert að ótt-
ast í Þýskalandi. Við munum fara
þangað óhræddir og staðráðnir í að
standa okkur vel.“
Þú áttir í einhverjum orðaskiptum
við Oliver Kahn í síðari hálfleik.
„Já, hann var eitthvað æstur yfir
því að ég pressaði hann of stíft. Kahn
virðist vera voðalega pirruð týpa og
það þarf lítið að gera til þess að hann
verði reiður. Ég er nú ekkert voða-
lega góður í þýskunni og skildi ekki
alveg hvað hann var að segja við mig
en ætli hann hafi ekki verið að senda
mér blótsyrði.“
Svíður sárt að fá spjald
„Það er ekki oft sem maður situr
inni í búningsklefa eftir leik og er
svekktur yfir að hafa ekki lagt Þjóð-
verja að velli,“ sagði Jóhannes Karl
Guðjónsson leikmaður íslenska
landsliðsins í knattspyrnu og leik-
maður Wolves í ensku úrvalsdeild-
inni. „Að mínu mati vorum við miklu
betri aðilinn í leiknum.“
Að venju var Jóhannes Karl oft
fremstur í flokki í baráttunni um
knöttinn á miðsvæði vallarins og varð
Michael Ballack oft fyrir barðinu á
Skagamanninum. „Það var mitt hlut-
verk að fá Ballack til þess að hugsa
um eitthvað annað en knattspyrnu.
Hann er einn besti leikmaður liðsins,
mikilvægur hlekkur í þýska liðinu og
það var gaman að kljást við hann,“
sagði Jóhannes Karl en hann fékk að
líta gula spjaldið í leiknum og verður
því í leikbanni í síðari leik liðanna í
Hamborg þann 11. október n.k. „Það
svíður sárt að hafa fengið þetta
spjald og eftir á að hyggja hefði ég
freka viljað fá spjaldið fyrir að brjóta
almennilega á Ballack, en ég gat lítið
gert við þessu spjaldi.“ Jóhannes
taldi að baráttuandi íslenska liðsins
væri í hámarki. „Þjálfararnir lögðu
upp með að við myndum verjast aft-
arlega á vellinum, sýndum þolinmæði
og það tókst. Þjóðverjarnir fengu að
leika boltanum sín á milli á þeim stöð-
um sem við leyfðum þeim að „dúlla“
sér. En þeir komust ekki í gegnum
varnarmúrinn og við vorum í raun
betra liðið að þessu sinni. Við grófum
upp gamla góða víkingaskapið í þess-
um leik, menn börðust eins og ljón og
gáfu ekkert eftir. Þannig erum við
bestir. Við reyndum að koma bolt-
anum á Eið Smára þegara færi gáf-
ust og það vantaði aðeins smá heppni
að við næðum að skora. Við gerðum
nánasta allt rétt í þessum leik.“
Jóhannes Karl komst í ákjósanlegt
færi í síðari hálfleik og var ekki sátt-
ur við úrvinnsluna hjá sér í því tilviki.
„Ég er ekki vanur því að komast í slík
færi og þrumaði yfir markið í stað
þess að renna boltanum fyrir markið
á Dodda [Þórð Guðjónsson] eða Eið
Smára. Stundum borgar sig ekki að
taka upp „dræverinn“ í slíku færi,“
sagði Jóhannes Karl og vitnaði þar í
golfíþróttina en hann verður fjarri
góðu gamni í næsta landsleik og
kemst því í golf þá helgi. „Það verður
gaman fyrir strákana að fara til
Þýskalands og ég hef trú á því við
getum náð hagstæðum úrslitum í síð-
asta leik okkar í riðlinum, og kannski
rætast villtustu draumar okkar að
þeim leik loknum,“ sagði Jóhannes
Karl.
„Kahn virðist vera voðalega pirruð týpa,“ segir Heiðar Helguson um samskipti sín við markvörðinn
Morgunblaðið/Kristinn
Heiðar Helguson, framherji Íslands, lenti í snarpri orðasennu við fyrirliða og markvörð þýska
landsliðsins, Oliver Kahn, í síðari hálfleik og bar alls enga virðingu fyrir markverðinum snjalla.
Hefðum
átt að nýta
færin
„ÞAÐ er furðuleg tilfinning að hafa náð 0:0 jafntefli við Þjóðverja og
vera svekktur yfir þeim úrslitum. Venjulega værum við í skýjunum
yfir því að gera jafntefli við Þýskaland,“ sagði Heiðar Helguson en
hann gerði þýsku varnarmönnunum oft lífið leitt og barðist eins og
ljón allan leikinn.
Morgunblaðið/Júlíus
Stuðningsmenn Þjóðverja voru allt annað en ánægðir með frammistöðu sinna manna gegn Íslendingum. Létu þeir það óspart í ljós
þegar flautað var til leiksloka og þýsku leikmennirnir hlupu til þeirra í þeim tilgangi að þakka þeim fyrir komuna til Íslands.
Bauluðu á þýska liðið