Morgunblaðið - 09.09.2003, Blaðsíða 10
FRÉTTIR
10 ÞRIÐJUDAGUR 9. SEPTEMBER 2003 MORGUNBLAÐIÐ
JÓNMUNDUR Guðmarsson, bæj-
arstjóri í Seltjarnarnesbæ, segir
að bærinn hafi ekki greitt lög-
bundin gjöld til Sinfóníuhljóm-
sveitar Íslands í nokkur ár, að-
allega á níunda áratug nýliðinnar
aldar, vegna þess að fjárhagsáætl-
un hafi ekki borist frá stjórn Sin-
fóníuhljómsveitarinnar eins og lög-
in gerðu ráð fyrir en úr því hafi
verið bætt og sveitin fái þessar 10
milljónir króna sem um sé að ræða
frá og með næstu áramótum til
viðbótar við árlegt framlag.
Að sögn Jónmundar Guðmars-
sonar hefur stjórnun Sinfóníu-
hljómsveitarinnar verið með þeim
hætti að upplýsingaflæði virðist
vart hafa verið með besta móti.
„Það er rétt að Seltjarnarnesbær
innti ekki framlag sitt til SÍ af
hendi á nokkru árabili á níunda
áratugnum en samhengið skiptir
máli. Skýringin er einfaldlega sú
að það er forsenda framlagsins að
SÍ sendi rekstraraðilum sveitar-
innar rekstraráætlun komandi árs
til umsagnar. Það brást þessi ár
og því eðlilegt að Seltjarnarnes-
bær héldi þeim eftir enda aldrei til
þess stofnað að stjórnendur sveit-
arinnar hefðu ígildi óútfylltra
tékka frá rekstraraðilum.“
Gamalt mál
Jónmundur segir að um leið og
áætlanirnar og ársreikningar hafi
borist hafi greiðslur hafist á ný, en
gengið hafi verið frá uppgjöri á
þeim framlögum sem upp á vanti.
Sinfónían fái því um 10 milljónir
króna frá Seltjarnarnesbæ á
næstu árum til viðbótar við árlegt
framlag sem sé um fjórar til fjórar
og hálfa milljón á ári. „Bærinn
hefur svo greitt árlegt framlag til
sveitarinnar þegar áætlunin hefur
legið fyrir og að auki gengið frá
greiðslu framlaga frá fyrri árum
sem koma þá til viðbótar. Ég tel
að ástæðan fyrir þessum misbresti
hjá sveitinni skýrist fyrst og
fremst af hinum óskýru rekstar-
og stjórnunartengslum sem Morg-
unblaðið hefur þegar bent á í
ágætri umfjöllun. Það eru því eðli-
legar skýringar á þessu enda
stöndum við ekki í þannig rekstri,
að ráðstafa skattfé Seltirninga úr
bæjarsjóði án fullnægjandi for-
sendna.“
Jónmundur segir það hafa legið
fyrir lengi að Seltjarnarnesbær
hafi ekki borgað þessar greiðslur í
nokkur ár enda hafi það meðal
annars komið fram í ársreikning-
um Sinfóníunnar.
Óeðlilegt
fyrirkomulag
Seltjarnarnesbær og Reykjavík-
urborg styðja Sinfóníuhljómsveit-
ina ein sveitarfélaga. „Við viljum
breyta þessu fyrirkomulagi því við
teljum að framlagi okkar sé jafn-
vel betur varið til eflingar menn-
ingarmála á Seltjarnarnesi í þágu
íbúa okkar nágranna,“ segir Jón-
mundur en áréttar að Seltjarn-
arnesbær myndi ekki skorast und-
an ef öll sveitarfélög landsins
sameinuðust um að styðja sveitina.
„Þannig var þetta upphaflega
hugsað og það er óeðlilegt fyr-
irkomulag að einungis tvö sveit-
arfélög sinni þessum skyldum á
meðan önnur geri það ekki.“
Seltjarnarnesbær greiddi ekki framlag í nokkur ár
Segir að Sinfónían hafi ekki
skilað rekstraráætlunum
INGIBJÖRG Sólrún Gísladóttir,
borgarfulltrúi Reykjavíkurlistans,
sagði á borgarstjórnarfundi á
fimmtudag, að borgin færi að lögum
og hefði greitt öll sín gjöld til Sinfón-
íuhljómsveitar Íslands í gegnum árin.
Hefði engu skipt þótt fulltrúar borg-
arinnar hefðu ekkert um Sinfóníu-
hljómsveitina að segja hvað varðar
stjórnun og rekstur. Í gegnum tíðina
hafi verið sendir reikningar og jafn-
vel bakreikningar sem hafi verið
greiddir.
Reykjavíkurborg leggur til 18% af
rekstrarkostnaði Sinfóníuhljómsveit-
ar Íslands og Seltjarnarnesbær legg-
ur til 1%.
Ingibjörg sagði ekkert óeðlilegt að
stjórnendur borgarinnar gerðu at-
hugasemdir við þetta fyrirkomulag
og óskuðu eftir viðræðum við
menntamálaráðherra um breytt fyr-
irkomulag á þessum fjárstuðningi.
Raunin sé ekki sú að hætt verði ein-
hliða að greiða til hljómsveitarinnar
heldur hafi borgarstjóri óskað eftir
endurskoðun á aðkomu borgarinnar.
Á þeim grundvelli verði síðan skoðað
hvernig stuðningi borgarinnar verði
háttað. Hún gerir ráð fyrir að niður-
staða náist sem allir geta vel við unað.
Aðkoma annarra sveitarfélaga
ekki ósanngjörn krafa
Alfreð Þorsteinsson, Reykjavíkur-
lista, spurði Björn Bjarnason, Sjálf-
stæðisflokki, hvort það væri óeðlileg
krafa að önnur sveitarfélög en Sel-
tjarnarnesbær og Reykjavíkurborg
kæmu að stuðningi við Sinfóníu-
hljómsveitina. Björn sagði það ekki
ósanngjarnt og hann hefði rætt það
við fulltrúa sveitarfélaganna í
menntamálaráðherratíð sinni. Það
eigi samt ekki að ráða afstöðu
Reykjavíkurborgar til málsins.
Þá sagði Stefán Jón Hafstein, for-
maður menningarmálanefndar, að
það hlyti að hafa verið yfirsjón hjá
borgarráði að senda ekki bókun, þar
sem boðað var að Reykjavíkurborg
hætti stuðningi við hljómsveitina, til
umsagnar menningarmálanefndar.
Undir það tók Dagur B. Eggertsson.
Borgin hefur
alltaf greitt til
Sinfóníunnar
GÍSLI Sveinsson, hrossabóndi á
Hestheimum í Ásahreppi, skammt
frá Hellu, hefur látið sprengja
stærðar holu í bergið framan við bæ-
inn þar sem hann hefur í hyggju að
byggja tónleikahöll. Að sögn Gísla
er hugmyndin enn á hönnunarstigi
en miðar að því að þak verði byggt
ofan á hina náttúrulegu tónleikahöll.
Ef af verður mun henni að nokkru
leyti svipa til Temppeliaukio-
kirkjunnar í miðborg Helsinki í
smækkaðri mynd, en sú kirkja er
byggð inn í klett með glerþaki og
rómuð fyrir einstakan hljómburð og
mörgu íslensku tónlistarfólki að
góðu kunn. Gísli segist hafa heyrt
þessa samlíkingu en sjálfur hafi
hann aldrei komið í þá kirkju. Hann
naut aðstoðar vegavinnumanna við
framkvæmdirnar sem fram fóru sl.
vetur.
Myndin var tekin í síðustu viku er
Gísli sýndi fulltrúum úr ungliða-
hreyfingum stjórnmálaflokkanna
staðinn en þau voru þar á ferð í
fylgd landbúnaðarráðherra um Suð-
urland. Gísli lýsti því yfir þá að allar
hugmyndir að frekari útfærslu á
tónleikahöllinni væru vel þegnar.
Morgunblaðið/Árni Sæberg
Holan í bergið er nánast hringlaga með gati í annan endann. Klettabeltið gnæfir yfir væntanlega tónleikagesti.
Sprengt fyrir tónleikahöll
RÍKISSAKSÓKNARI krefst þess
að Gunnar Örn Örlygsson, alþing-
ismaður Frjálslynda flokksins fyr-
ir Suðvesturkjördæmi, verði
dæmdur í eins mánaðar óskilorðs-
bundið fangelsi fyrir umferðar-
lagabrot, en hann afplánar um
þessar mundir fangelsisdóm fyrir
annað brot.
Ákærði var stöðvaður á 103 km/
klst hraða í Húnavatnssýslu 4.
ágúst árið 2001, á vegarkafla þar
sem leyfilegur hámarkshraði er 90
km. Í umrætt sinn var hann án
ökuskírteinis þar sem hann hafði
verið sviptur ökuréttindum. Þetta
var þriðja umferðarlagabrot hans
og á þeirri forsendu var krafist
fangelsisdóms.
Ákæran var þingfest í Héraðs-
dómi Reykjavíkur í gær.
Verjandi ákærða lýsti þeirri
skoðun sinni að þar sem svo langt
væri um liðið frá umferðarlaga-
brotinu hefði átt að taka málið og
dæma með máli því sem skjólstæð-
ingur sinn sæti nú inni fyrir. Hefði
það ekki vegið þungt í því, að hans
mati.
Einnig hefði ökuhraðinn ekki
verið það mikill umfram hámarks-
hraða að fangelsisrefsing væri við-
eigandi. Af öllu þessu fór hann
fram á að ákærði hlyti vægustu
refsingu.
Dóms er að vænta
á miðvikudag
Dómarinn, Valtýr Sigurðsson,
tók sér frest fram á miðvikudag til
að kveða upp dóm.
Ákærði afplánar nú dóm sem
hann hlaut árið 2002 fyrir bók-
haldsbrot, brot á lögum um um-
gengni um nytjastofna sjávar og
stjórn fiskveiða. Var hann dæmdur
í 6 mánaða fangelsi, þar af 3 mán-
uði skilorðsbundna.
Ríkissaksóknari
krefst dóms yfir
alþingismanni
„ÉG ER afskaplega undrandi á
því að Alþýðusambandið skuli
sjá ástæðu til þess að senda frá
sér yfirlýsingu af þessu tilefni,“
segir Halldór Ásgrímsson, utan-
ríkisráðherra, um yfirlýsingu
ASÍ vegna þess að hann færði
ítalska fyrirtækinu Impregilo
þakkir á fundi fyrir helgi. „Ég
hef alltaf verið þeirrar skoðunar
að það sé mikilvægt að hið já-
kvæða komi fram og það sem
vel er gert en ekki eingöngu það
neikvæða.“
Halldór Ásgrímsson segir að
á fundinum á Egilsstöðum hafi
hann sagt að ítalska fyrirtækið
yrði að sjálfsögðu að standa við
sínar skuldbindingar og settar
reglur, en hann hafi séð ástæðu
til að þakka stjórnendum fyr-
irtækisins fyrir að hafa komið
að þessu verki, því þeir hafi ver-
ið lægstbjóðendur. „Ég er þeirr-
ar skoðunar að framkvæmdir
hefðu ekki farið í gang nema
vegna þess að Ítalirnir buðu í
verkið,“ segir hann.
Utanríkisráðherra segist ekki
hafa minnst á Alþýðusamband
Íslands í ræðu sinni og því sjái
hann ekki tilefni þess að ASÍ
sendi frá sér þessa yfirlýsingu,
sem birtist í Morgunblaðinu á
sunnudag.
Fram hafi komið hjá ASÍ að
tilraun hafi verið gerð til að
kynna sér málið vegna þess að
hann hefði greinilega ekki nauð-
synlegar upplýsingar.
ASÍ hefur enga tilraun
gert til að ná fundi
„Ég hef þær upplýsingar sem
ég tel mig þurfa til að segja það
sem ég sagði og Alþýðusam-
bandið hefur ekki gert nokkra
tilraun til að ná fundi með mér
um þetta mál,“ segir Halldór
Ásgrímsson.
Undrandi á
yfirlýsingu ASÍ
SAFNAÐ verður fyrir heimili fyrir
yfirgefin kornabörn á El Shaddai-
barnaheimilinu á Indlandi í söfnun
sem ABC-hjálparstarf á Íslandi
stendur fyrir, en Íslendingar hafa
fjármagnað bæði byggingu og rekst-
ur barnaheimilisins frá stofnun þess
árið 1995.
Forstöðukona heimilisins, Eva J.
Alexander, er nú stödd hér á landi, en
hún stofnaði barnaheimilið árið 1995.
Nú búa þar um 150 börn, auk 18
kornabarna. Hefur fjármagni til
byggingar heimilisins verið safnað
mestmegnis af íslenskum börnum í
gegnum söfnunina Börn hjálpa börn-
um. Safnað verður fyrir heimili fyrir
yfirgefin kornabörn, auk þess sem
leitað er stuðningsaðila fyrir þau börn
sem vantar stuðning. Einnig er von-
ast til þess að nóg safnist fyrir gas-
væddu eldhúsi á barnaheimilið.
Reikningur söfunarinnar er í Ís-
landsbanka: 515-14-280000, kt.
690688-1589.
Bjó við ofbeldi tengdafólks
Eva giftist manni af æðstu stéttinni
á Indlandi og átti fjölskylda hennar
ekki fyrir heimanmundinum. Þótt
hjónabandið væri gott bjó hún við of-
beldi frá hendi tengdafólks síns og í
gegnum störf sín hjá hinu opinbera
komst hún að því að það var fjöldi
kvenna í sömu sporum. Hún gerðist
því talsmaður kvenna og dró marga
eiginmenn fyrir dómstóla vegna
slæmrar meðferðar á konum sínum.
Safnað fyrir yfir-
gefin kornabörn
FLOSI Arnórsson stýrimaður
sem sat í gæsluvarðhaldi og síð-
ar fangelsi í Sameinuðu arab-
ísku furstadæmunum fyrir
ólöglegan vopnaburð 24. apríl
er kominn til landsins.
Flosi lenti um klukkan 15 í
gærdag, eftir að hafa flogið frá
Sameinuðu arabísku fursta-
dæmunum til Istanbúl í Tyrk-
landi, þaðan til Danmerkur og
að lokum til Íslands.
Í stuttu samtali við Morgun-
blaðið sagði Flosi að ferðalagið
hefði gengið vel en gaf ekki
kost á frekari viðtölum. Hann
kvaðst vera afar þreyttur eftir
langt og strangt ferðalag.
Flosi
kominn til
landsins