Morgunblaðið - 09.09.2003, Blaðsíða 16

AKUREYRI
16 ÞRIÐJUDAGUR 9. SEPTEMBER 2003 MORGUNBLAÐIÐ
SÝNING á verkum Jóhannesar Sveinssonar
Kjarvals í eigu Landsbanka Íslands var opnuð í
Landsbankanum á Akureyri sl. sunnudag og
stendur til 19. september. Björgólfur Guð-
mundsson, formaður bankaráðs, opnaði sýn-
inguna formlega. Sýningin er haldin í tilefni af
75 ára afmæli starfsmannafélags Landsbankans.
Í afgreiðslusal bankans eru sýnd 22 verk,
einkum portrett og teikningar, þar á meðal
portrettmyndir af fyrstu bankastjórum Lands-
bankans. Á efri hæð bankans eru sýnd tíu mál-
verk meistarans frá ýmsum tímum og eru þau
dæmigerð fyrir lífslist hans, segir m.a. í frétta-
tilkynningu bankans.
Listaverkasafn Landsbanka Íslands telur nú
um 1.200 verk. Þar af eru um 60 verk eftir Kjar-
val en að auki á bankinn verk eftir alla helstu
málara þjóðarinnar á síðustu öld. Það er vilji
bankaráðs að opna fólki aðgang að fágætum
málverkum bankans. Sýningin á Akureyri er op-
in á afgreiðslutíma Landsbankans virka daga og
á milli kl. 14 og 17 um helgar.
Í tilefni 75 ára afmælis starfsmannafélagsins
var árshátíð Landsbankans haldin í Íþróttahöll-
inni á Akureyri sl. laugardagskvöld. Hátíðina
sóttu starfsmenn bankans víðs vegar að af land-
inu og makar þeirra, alls um 700 manns.
Morgunblaðið/Kristján
Rúmlega 30 verk eftir Jóhannes S. Kjarval eru til sýnis í afgreiðslusal og á efri hæð Landsbankans
á Akureyri. Bankinn á um 60 verk eftir meistara Kjarval og alls um 1.200 listaverk.
Morgunblaðið/Kristján
Björgólfur Guðmundsson, formaður bankaráðs
Landsbankans, við opnun sýningarinnar.
Kjarval sýndur í Landsbankanum
ALDREI hafa mælst jafnmörg
frjókorn í einum mánuði á Ak-
ureyri og í nýliðnum ágúst. Munar
þar mest um grasfrjóin sem urðu
ríflega 1.500 en í sama mánuði í
fyrra losuðu þau 1.000. Margrét
Hallsdóttir hjá Náttúrufræðistofn-
un Íslands segist telja skýringuna
á þessu mjög gott veður í Eyjafirði
í sumar.
„Það er mun meiri gróska þegar
veðrið er gott. Fyrir norðan eru
vindarnir þurrastir sem koma að
sunnan og út Eyjafjörðinn,“ sagði
Margrét við Morgunblaðið. Hún
benti á að upptökusvæði frjókorna
væri mjög stórt fyrir Akureyri;
mörg tún og stór eru í firðinum, og
sunnanátt hefði verið rík í sumar,
jafnframt miklum hlýindum.
„Við höfum ekki mælt lengi á
Akureyri. Þetta er sjötta sumarið,
og við vitum því ekki hvort frjó-
magnið er meira við einhverjar
aðrar aðstæður, en ég held þó að
sunnanáttin sé meginskýringin.“
Fyrsta sumarið sem mælt var á
Akureyri, 1998, var frjómagn alls
942 en í sumar var samsvarandi
tala 1604; 1604 frjó í hverjum rúm-
metra. Þar af var langmest um
grasfrjó, 1556.
Fjórum sinnum fór frjótala
grasa í um eða yfir 200 á sólar-
hring nú í ágúst og þegar mest
var, 4. ágúst, fór hún í 342. Frjó-
tala er mælieining fyrir magn frjó-
korna í andrúmsloftinu og gefur til
kynna hver var meðalfjöldi frjó-
korna í einum rúmmetra lofts við-
komandi sólarhring.
Fyrsti dagur sumarsins þegar
engin frjókorn mældust var 20.
ágúst og fá grasfrjó voru á ferð-
inni síðustu viku mánaðarins. Lítið
var um frjókorn annarra tegunda í
ágúst og frjótala þeirra sjaldnast
hærri en einn.
„Ég vonast til þess að þetta sé
að verða búið og við höfum verið
að gera því skóna. En það verður
þó spennandi að sjá hver þróunin
verður. Frjótölur hafa verið lágar
að undanförnu enda grös orðin
gulleit og ég hélt að frjókornin
væru ekki lengur til staðar.“ En
fyrst hlýindakafli hefur verið und-
anfarið væri aldrei að vita. „Það
var til dæmis mikið um frjókorn
fyrstu vikuna í september í fyrra,“
sagði Margrét.
Áberandi aukning var á því að
fólk leitaði til Heilsugæslustöðv-
arinnar á Akureyri um og fyrir
miðjan ágúst vegna frjókornaof-
næmis. Einkum var um að ræða
óþægindi í öndunarvegi og augum.
Frjótölur
aldrei
hærri á
Akureyri
en í ágúst
KENNARADEILD Háskólans á
Akureyri fagnar 10 ára afmæli um
þessar mundir og af því tilefni var
efnt til hátíðardagskrár í húsnæði
deildarinnar við Þingvallastræti sl.
laugardag, undir yfirskriftinni;
Mennt er máttur. Fram kom í
ávarpi Guðmundur Heiðars Frí-
mannssonar deildarforseta að
kennaradeildin væri fjölmennasta
deild HA með rúmlega 500 nem-
endur og hefur nemendafjöldi tæp-
lega þrefaldast á síðustu fimm ár-
um.
Fram kom í máli Þorsteins Gunn-
arsson, rektors HA, að nefnd á veg-
um menntamálaráðuráðuneytisins,
sem hann átti sjálfur sæti í, hefði
fyrir stofnun kennaradeildar spáð
því að nemendafjöldi hennar árið
2002 yrði 110 manns. Það ár hefðu
nemendur deildarinnar hins vegar
verið 440 talsins. Þorsteinn sagði að
þær vonir sem bundnar voru við
kennaradeild í upphafi hefðu fylli-
lega ræst og rúmlega það.
Guðmundur Heiðar sagði að eftir
fimm ár yrðu nemendur deildarinn-
ar um 700 talsins. Hann sagði að
stóra verkefnið á næstu 10 árum
væri að efla rannsóknir. Einnig
fluttu ávörp þeir Tómas Ingi Olrich
menntamálaráðherra, Ólafur
Proppé, rektor Kennaraháskóla Ís-
lands, Ólafur Þ. Harðarson, forseti
félagsvísindadeildar HÍ, og Krist-
ján Þór Júlíusson, bæjarstjóri á Ak-
ureyri. Fram kom í máli mennta-
málaráðherra að Háskólinn á
Akureyri hefði verið stofnaður á
sama tíma og ríkisvaldið stóð í nið-
urskurði á útgjöldum. Ákvörðunin
hefði því verið mjög umdeild og
gagnrýnd víða. Menntamálaráð-
herra sagði að á meðal þeirra
ástæðna sem nefndar hefðu verið í
gagnrýni á skólann væri að hann
væri fámennur og dýr. Stofnun
kennaradeildar hefði breytt því og
sú ákvörðun hefði átt stóran þátt í
efla skólann og eyða efasemdar-
röddum. Menntamálaráðherra
sagði að kennaradeildin hefði
reynst vel og uppgangur HA verið
einhver allra mikilvægasta aðgerð í
byggðamálum sem gripið hefði ver-
ið til. Um það efaðist enginn í dag.
Tómas Ingi tók undir með forseta
kennaradeildar og öðrum sem tóku
til máls varðandi mikilvægi rann-
sókna. Hann sagði þó að mikilvægt
væri að jafnvægi væri í rannsókn-
um. Of mikið væri af rannsóknum á
skorti og vöntun, ekki væri síður
mikilvægt að rannsaka hvers vegna
okkur vegnaði svona vel í samfélagi
þjóðanna.
Ólafur Proppé, rektor KHÍ, sagði
að skólarnir hefðu átt ágætt sam-
starf. Það hefði farið vaxandi og
fyrir lægju drög að auknu samstarfi
skólanna. „Okkur ber að efla sam-
starf skólanna til eflingar kennara-
menntunar í landinu.“
Ólafur Þ. Harðarson, deildarfor-
seti félagsvísindadeildar Háskóla
Íslands, sagði að varðandi starfs-
menntun kennara væri brýnt að
taka á starfsþjálfun með samningi
milli stofnana. Ólafur sagði gagn-
legt að huga að því af hverju hefðu
orðið framfarir í veröldinni. Hann
sagði að forsenda framfara væru fé-
lagslegir þættir – skikkanlegt
stjórnkerfi, hagkerfi og félagskerfi.
Kristján Þór Júlíusson bæjar-
stjóri sagði að stofnun kennara-
deildar hefði verið mikið framfara-
spor fyrir Akureyri og að bærinn
og HA hefðu átt gott samstarf. Með
tilkomu kennaradeildar hefði hlut-
fall réttindakennara í grunn- og
leikskólum aukist mikið, úr 75% í
90% í grunnskólum bæjarins og úr
40% í 60% í leikskólum.
Þorsteinn Gunnarsson, rektor
HA, sagði jafnframt að þessi þróun
um aukið hlutfall réttindakennara
ætti eftir að halda áfram á lands-
byggðinni.
Anna Þóra Baldursdóttir, lektor
og brautarstjóri framhaldsdeildar,
flutti erindi á hátíðardagskránni,
sem bar yfirskriftina: Framlag
kennaradeildar til fræða- og starfs-
umhverfis kennara. Sett var upp
sögu- og listsýning í húsnæði deild-
arinnar, auk sem deildin stóð fyrir
málstofu, sem tengdist lokaverkefni
í kennaradeild.
Hátíðardagskrá í tilefni 10 ára afmælis Kennaradeildar Háskólans á Akureyri
Allar vonir ræst og vel það
Morgunblaðið/Kristján
Tómas Ingi Olrich menntamálaráðherra ræðir við Þorstein Gunnarsson, rektor HA, t.v., og Ólaf Þ. Harðarson,
forseta félagsvísindadeildar HÍ, t.h., á hátíðardagskrá kennaradeildar HA.