Morgunblaðið - 09.09.2003, Blaðsíða 18

AUSTURLAND
18 ÞRIÐJUDAGUR 9. SEPTEMBER 2003 MORGUNBLAÐIÐ
FISKVERKUNIN Skútuklöpp var
stofnuð á vordögum árið 2000 af
Guðna Ársælssyni, Páli Óskarssyni
og Grétari Arnþórssyni. Fyrirtækið
var fyrsta árið á Fáskrúðsfirði, en
flutti aðalstöðvar sínar um set til
Stöðvarfjarðar eftir að hafa fengið
þar úthlutað byggðakvóta.
„Við erum aðallega að verka salt-
fisk og höfum líka fært okkur dálítið
yfir í ferskan fisk í flug og frystan
fisk,“ segir Guðni.
Húsið sprakk af verkefnum
„Við höfum unnið fiskinn hér á
Stöðvarfirði, en í vor var orðið svo
mikið að gera í húsinu að við þurftum
að pakka saltfiskinum okkar á Fá-
skrúðsfirði.“
Guðni á útgerð með föður sínum
og segist auk aflans þaðan taka um
það bil helming afla frá smábátum á
Stöðvarfirði.
„Við erum að gera að á milli 1.000
og 1.500 tonnum á ári, en í eiginlegri
vinnslu erum við í svona 600 til 800
tonnum. Saltfiskurinn fer aðallega
suður á Spán og steinbíturinn til
Frakklands og Belgíu.“
Starfsfólkið hjá Skútuklöpp hefur
verið tólf í verkun, sex í beitningu og
tveir á sjónum.
Þeir hjá Skútuklöpp eru með
þorskeldi í burðarliðnum, í samstarfi
við Loðnuvinnsluna og Ósnes á
Djúpavogi.
Guðni segist vilja fara hægt í sak-
irnar og sjá til hvernig gengur. Verið
er að kaupa gildrur til að ná fiskinum
þegar hann gengur og úthlutunin er
þrjátíu tonn.
Dýrt að undirbúa þorskeldi
„Menn gera sér oft ekki grein fyr-
ir því hvað það kostar að undirbúa
þorskeldi,“ segir Guðni. „Ef þú færð
einhvern til að veiða fyrir þig þarftu
auðvitað að borga honum það, bún-
aður kostar sitt og þrjátíu tonna út-
hlutun eru einhverjar þrjár milljónir
sem þarf að leggja út. Svo slátrarðu
fiskinum ekki fyrr en eftir eitt til tvö
ár og færð enga innkomu fyrr. Ég
var nú í þorskeldi á árunum 1991 til
1993, en þá vorum við stoppaðir af
stjórnvöldum því þetta mátti ekki
þá. Ég á því bæði kvíar og töluverð-
an búnað til að leggja í þetta núna.“
Guðni segir hafa verið gott á lín-
una í sumar, en minna á færið. Hann
er í meðallagi bjartsýnn á síldveið-
ina, segir veiðina hafa verið frekar
lélega í fyrra og eigi ekki sérstaklega
von á betra nú þar sem síldin sé smá.
Líst í meðallagi
vel á síldina
Morgunblaðið/Steinunn Ásmundsdóttir
Unnið á fullu í fiskvinnslu Skútuklappar á Stöðvarfirði. F.v. Alda Hrönn
Jónasdóttir, Adam Polzky, Guðni Ársælsson og Fjalar Víðisson.
Stöðvarfjörður
Fiskverkunin Skútuklöpp á Stöðvarfirði er með þorskeldi í burðarliðnum
AFKOMA Hafnarsjóðs Fjarða-
byggðar hefur sjaldan verið betri.
Mikill afli hefur farið um hafnir
Fjarðabyggðar og umfang vöru-
flutninga vegna Kárahnjúkavirkjun-
ar verið vaxandi.
Á heimasíðu Fjarðabyggðar segir
að heildarafli sem borist hefur í land
í höfnum sveitarfélagsins nemi nú
346.162 tonnum. Til bræðslu hafa
komið 149.530 tonn af kolmunna,
127.350 tonn af loðnu, 22.593 tonn af
síld og frosinn og ísaður afli til full-
vinnslu var 46.689 tonn.
Á sama tíma í fyrra höfðu 330.624
tonn borist á land.
Umfang vöruflutninga um hafnir
sveitarfélagsins er mjög vaxandi og
vega þar flutningar vegna mann-
virkjagerðar á Kárahnjúkasvæðinu
þyngst, sem og aukin umsvif verk-
takafyrirtækja.
Aukin umsvif
í höfnum
Fjarðabyggð
FASTEIGNAVERÐ í Fjarðabyggð
hefur hækkað verulega síðustu mán-
uði og virðist vera allt að 60% hærra
en fasteignamat.
Samkvæmt samanburði á fast-
eignamati og söluverði íbúðarhús-
næðis á þessu ári, kemur í ljós að
söluverð eigna er um 60% hærra en
fasteignamat segir til um.
Fram kemur á heimasíðu Fjarða-
byggðar að bæjaryfirvöld hafi vakið
athygli Fasteignamats ríkisins á
þessu, enda sé það verulegt hags-
munamál fyrir sveitarfélagið að fast-
eignamat sé rétt. Er reiknað með
leiðréttingu, í ljósi þess að fasteigna-
mat eigi að endurspegla markaðs-
verð eigna á hverjum tíma.
Fasteignasala hefur verið lífleg í
Fjarðabyggð það sem af er árs og
töluverður skortur á leiguhúsnæði.
Eru nú um 30 aðilar á biðlista eftir
íbúðum í eigu sveitarfélagsins. Hef-
ur leiguverð hækkað til samræmis
við eftirspurnina.
Fasteigna-
verð hækk-
ar í Fjarða-
byggð
Fjarðabyggð
STJÓRN Vökuls stéttarfélags, hef-
ur sent frá sér ályktun þar sem
lýst er vonbrigðum með að leggja
skuli eiga niður sauðfjárslátrun á
Breiðdalsvík. „Þar hefur verið rek-
ið sláturhús áratugum saman og
verið fastur þáttur í atvinnulífi
staðarins. Stefna stjórnvalda virð-
ist vera að slátrað verði á sem
fæstum stöðum á landinu til að
hagræða án þess að nokkur atvinna
komi í staðinn. Gera stjórnvöld sér
grein fyrir þeim gífurlega tilflutn-
ingi á atvinnu sem það hefur í för
með sér og áhrifum þess á íbúana
og þá þjónustuaðila sem þjónustað
hafa sláturhúsin?“ segir í ályktun-
inni.
Vonbrigði að
leggja á niður
sláturhús á
Breiðdalsvík
Breiðdalsvík
NÝR Soroptimistaklúbbur var
stofnaður á Austurlandi um helgina.
Klúbburinn leit dagsins ljós á Borg-
arfirði eystri að viðstöddum 150 Sor-
optimistakonum alls staðar að af
landinu.
Í klúbbnum eru til að byrja með
konur frá Fljótsdalshéraði, Seyðis-
firði og Borgarfirði.
Soroptimist International eru al-
þjóðleg samtök kvenna sem hafa að
markmiði að vinna að bættum mann-
réttindum og eflingu stöðu kvenna.
Alls munu um 94 þúsund konur
starfa sem Soroptimistar í heiminum
í dag, en á Íslandi eru starfandi 16
klúbbar um þessar mundir með um
453 félögum alls.
Soroptimistar
á Austurlandi
Borgarfjörður eystri
ÞESSI þungbúni karl gægðist yfir rekkverk í garði ein-
um á Fáskrúðsfirði. Hann minnti helst á haustið, sem
lætur nú á sér kræla þó að enn skarti náttúran blóm-
legu litskrúði eftir afburða gott sumar.
Morgunblaðið/Steinunn Ásmundsdóttir
Gægist yfir rekkverkið
FULLTRÚAR verkalýðsfélaga í Samráðsnefnd
vegna virkjunarsamnings kynntu sér fram-
kvæmdir og aðbúnað starfsmanna við Kára-
hnjúkavirkjun í gær. Hafa fulltrúarnir lýst mikl-
um áhyggjum yfir aðbúnaði og kjaramálum á
svæðinu, ekki síst aðlútandi erlendum vinnukrafti.
Viðbragða eftir skoðunarferðina er að vænta í
dag.
Forsvarsmenn ítalska verktakafyrirtækisins
Impregilo segja nú vel ganga að koma upp her-
bergjum fyrir starfsmenn. Ríflega hundrað séu
tilbúin í aðalbúðum við Kárahnjúka og á næstu
dögum reiknað með að lokið verði á fimmta
hundrað vistarverum alls, í þeim þremur búðum
sem verið að reisa á svæðinu.
Um sjö hundruð manns starfa nú á virkjana-
svæðinu við Kárahnjúka og eru um 500 þeirra er-
lendis frá.
Fjárlaganefnd Alþingis var einnig í skoðunar-
ferð um virkjunarsvæðið í gær, en nokkrar þing-
nefndir hafa heimsótt vlðið að undanförnu.
Verkalýðsfélögin
skoða aðbúnað á
virkjunarstað
Morgunblaðið/Steinunn Ásmundsdóttir
Horft framhjá viðvörunarskiltum inn á vinnusvæði virkjunarinnar. Fremri-Kárahnjúk ber á milli.
Kárahnjúkavirkjun