Morgunblaðið - 10.09.2003, Blaðsíða 11

FRÉTTIR
MORGUNBLAÐIÐ MIÐVIKUDAGUR 10. SEPTEMBER 2003 11
MORGUNBLAÐINU hefur
borist eftirfarandi athuga-
semd frá Kjartani Magnús-
syni, borgarfulltrúa Sjálf-
stæðisflokksins:
„Í frétt Morgunblaðsins af
borgarstjórnarfundi sl.
fimmtudag er sagt frá um-
ræðum um greiðslur fyrir sér-
fræðivinnu til tveggja nafn-
greindra einstaklinga. Segir
m.a. í fréttinni að Hákon
Gunnarsson, fyrrv. kosninga-
stjóri Samfylkingarinnar, hafi
fengið 310 þúsund króna
greiðslu fyrir sérfræðivinnu
fyrir Alþjóðahúsið.
Rétt er að það komi fram að
umræddar greiðslur námu
ekki 310 þúsund kr. heldur
772 þúsund kr. m.vsk. og var
þessi greiðsla veitt fyrir eins
mánaðar vinnu. Vegna sér-
stakra aðstæðna í rekstri Al-
þjóðahússins sl. vetur ákvað
stjórn þess að ráða sérstakan
tilsjónarmann með rekstrin-
um. Rætt hafði verið um það í
stjórninni að leita hagstæð-
ustu leiða við ráðninguna,
ekki síst vegna bágrar fjár-
hagsstöðu hússins. Ekki kom
hins vegar til þess þar sem
sérstök ósk barst um það frá
fulltrúum þáv. borgarstjóra,
Ingibjargar Sólrúnar Gísla-
dóttur, að Hákon Gunnarsson,
fyrrv. kosningastjóri Sam-
fylkingarinnar, yrði ráðinn til
verksins. Einnig kom fram á
stjórnarfundi Alþjóðahúss að
Ráðhús Reykjavíkur hefði
samið um ákveðna þóknun til
ráðgjafans vegna verkefnisins
þótt eðlilegt hefði mátt telja
að stjórnin annaðist þann þátt
málsins. Um það samdist hins
vegar milli borgarinnar og
Rauða krossins að kostnaði
vegna sérfræðivinnunnar yrði
skipt milli þessara tveggja að-
ila. Það breytir ekki þeirri
staðreynd að greiðslur til ráð-
gjafans fyrir eins mánaðar
vinnu námu samtals 772 þús-
und kr. m.vsk. og þáverandi
borgarstjóri réð bæði ráðn-
ingu og launakjörum um-
rædds einstaklings.
Þar sem umrædda ráðningu
bar að með beinni íhlutun úr
Ráðhúsinu, taldi undirritaður
ekki óeðlilegt að launakjör
vegna hennar væru uppi á
borðinu. Það tók sex mánuði
og margítrekaðan eftirrekst-
ur að fá svar þar að lútandi úr
borgarkerfinu.“
Athugasemd frá
Kjartani Magnússyni
Greiðslur
fyrir sér-
fræðivinnu
NÝTT tímastjórnunarkerfi fyrir vaktavinnu
hefur gefið góða raun á stærri vinnustöðum og
hjálpað til að draga úr neikvæðum áhrifum
vaktafyrirkomulags á fjölskyldulíf. Þetta kom
fram í erindi sem Þórunn H. Sveinbjörnsdóttir,
varaformaður Eflingar stéttarfélags, hélt um
fjölskylduvænt vinnuskipulag á ráðstefnu um
Time Care tímastjórnunarkerfið.
Þórunn sagði í erindi sínu að vaktavinnukerfi
hefðu mikil áhrif á stóran hóp fólks sem vinnur
á vöktum og samkvæmt erlendum rannsóknum
séu þau áhrif afgerandi. Hinn síbreytilegi
vinnutími geti gert fólki erfitt fyrir að gefa fjöl-
skyldunni það vægi í lífi sínu sem stefnt er að.
„Það er því fagnaðarefni að nú skuli vera
komið fram vaktavinnukerfi sem er einfalt í
notkun og gefur starfsmönnum möguleika til
sveigjanleika innan vaktakerfisins,“ sagði Þór-
unn.
Kerfið sem um ræðir nefnist Time Care og er
ætlað að gera starfsfólki mögulegt að velja sér
vinnutíma í samræmi við eigin þarfir og þarfir
atvinnurekanda. Starfsfólki er falin aukin
ábyrgð á eigin vinnutíma og það hefur valmögu-
leika sem eiga að stuðla að betri líðan á vinnu-
stað.
Bylting frá því sem var áður
„Þetta er í raun og veru bylting miðað við
hvað allt hér hefur verið niðurnjörvað,“ sagði
Þórunn í samtali við Morgunblaðið.
Að sögn Þórunnar er Time Care fjölskyldu-
vænt að því leyti að fólk getur m.a. sett fram
sínar óskir um að eiga allaf frídaga þegar af-
mælisdagar eru í fjölskyldunni, vinnudagur er í
skólanum o.s.frv., en þannig er reynt að skipu-
leggja vaktir fram í tímann og hagræða þannig
að vaktirnar hafi sem minnst neikvæð áhrif á
fjölskyldulífið.
Íslenskir vinnustaðir hafa
tekið upp kerfið
Nokkrir stærri vinnustaðir hafa tekið þetta
kerfi upp hér á landi en að sögn Þórunnar hent-
ar það síður á smærri vinnustöðum, t.d. með 10
eða færri manns í vinnu. Neyðarlínan hefur tek-
ið kerfið upp og lögreglan er með það í und-
irbúningi. Þá tók hjúkrunarheimilið Sóltún kerf-
ið mjög fljótt upp og Landspítalinn er með það
til skoðunar, ekki síst vegna þess að góð reynsla
er af því hjá Karolinska Hospital í Svíþjóð.
Nýtt tímastjórnunarkerfi gefur góða raun á stærri vinnustöðum
Hjálpar til að draga úr nei-
kvæðum áhrifum vaktavinnu
TVEIR sérfræðingar á vegum
náttúruverndarsamtakanna World
Wide Fund for Nature hafa dvalið
hér á landi undanfarna daga til að
ræða við stjórnvöld, Landsvirkjun,
Alcoa og fulltrúa stjórnmálaflokk-
anna um hugmyndir um stofnun
þjóðgarðs norðan Vatnajökuls.
Samantha Smith, sem stýrir norð-
urskautsáætlun samtakanna, segir
Jökulsá á Fjöllum og Eyjabakka
mikilvæg náttúruverndarsvæði í al-
þjóðlegu samhengi sem beri að
vernda, svæðin falli undir skilgrein-
ingar um sk. RAMSAR-svæði, þ.e.
votlendissvæði sem séu mikilvæg á
alþjóðavísu. „Við ætlum að ræða
við stjórnvöld um Kárahnjúka en
ætlum líka að horfa fram á veginn
því stjórnvöld hafa sett á laggirnar
nefnd til að skoða þjóðgarð norðan
Vatnajökuls og við viljum gjarnan
hvetja stjórnvöld í þeirri vinnu.“
Samantha starfaði sem fyrirtækja-
lögfræðingur í Bandaríkjunum áð-
ur en hún fluttist til Noregs fyrir
átta árum og hóf störf hjá samtök-
unum. Hún er í forsvari fyrir norð-
urskautsáætlun WWF sem miðar
að því að samhæfa vinnu, samskipti
og aðgerðir hjá starfsfólki WWF í
Bandaríkjunum, Kanada, Noregi,
Svíþjóð, Danmörku, Finnlandi og
Rússlandi. Með í för er dr. Ute
Collier, sérfræðingur á sviði orku-
mála og umhverfisstefnu hjá WWF.
Að sögn Samönthu er sú staða
sem uppi er á Íslandi, þ.e. sá gífur-
legi þrýstingur sem skapast hefur
um að leggja ósnortin víðerni undir
virkjanir til að framleiða orku einn-
ig í Rússlandi, Kanada og Alaska
hvað snertir gas og olíu. Hún minn-
ir á að íslensk stjórnvöld hafi
skuldbundið sig á ýmsum sviðum
gagnvart alþjóðasamfélaginu, s.s
hvað snertir sjálfbæra þróun og að
viðhalda fjölbreytileika í náttúr-
unni. „Það væri gott að sjá stjórn-
völd efna þessar skuldbindingar og
vernda það sem eftir er af þessu
svæði, eins og Jökulsá á Fjöllum og
Eyjabakka. Það verður að vera
jafnvægi milli iðnaðarframkvæmda
á svæðinu og umhverfisverndunar,“
segir Samantha.
Þjóðgarðsinngangar verði
við nærliggjandi bæi
Hún bendir á óvenjulegt landslag
og menningu og gildi þessara þátta
fyrir ferðamennsku sem stöðugt
verði mikilvægari atvinnugrein hér
á landi. „Það væri hægt að búa til
þjóðgarð með kjarnasvæði þar sem
eru ýmsar takmarkanir, engir vegir
og svo framvegis, og síðan yrði
hægt að vera með upplýsinga-
miðstöðvar, stíga um þjóðgarðinn
og innganga sem væru nálægt nær-
liggjandi bæjum. Ég er ekki að
segja að þetta skapi eins mörg
störf og álbræðsla. Á hinn bóginn,
um leið og virkjunin verður að
veruleika eru engir möguleikar
lengur á að vernda náttúruna né
nýta hana til ferðamennsku,“ segir
Samantha.
Sérfræðingar á vegum náttúruverndarsamtakanna WWF ræða við stjórnvöld
Hvetja til stofnunar þjóðgarðs
Morgunblaðið/Jim Smart
Dr. Ute Collier, til vinstri, og Samantha Smith, sérfræðingar hjá World Wide Fund for Nature.
ÞESSAR virðulegu straumandar-
kollur voru í foringjaleik í Forvöð-
um við Vígaberg á bakka Jökulsár
hér á dögunum.
Þær virða fyrir sér ólgandi
straumkast árinnar í gljúfrinu og
snúa frá eftir þá athugun. Straum-
öndin er glæsilegur fugl og frábær-
lega sundfær. – Lífsreynslan segir
þeim þó að Jökulsá sé ekki til að
leika við þessa dagana. Karlar
þeirra eru líka farnir til sjós og
einskis stuðnings að vænta frá þeim
glæsilegu steggjum ef illa færi.
Morgunblaðið/BFH
Fram, fram, fylking
Mývatnssveit. Morgunblaðið.