Morgunblaðið - 10.09.2003, Blaðsíða 18
AKUREYRI
18 MIÐVIKUDAGUR 10. SEPTEMBER 2003 MORGUNBLAÐIÐ
EFTIR snjólítinn vetur og hlýtt sumar
er nánast allur snjór horfinn úr Hlíðar-
fjalli. Ívar Sigmundsson, fyrrverandi
forstöðumaður Skíðastaða í Hlíðarfjalli
til 30 ára, gekk á fjallið í vikunni ásamt
Stefáni Jónassyni og hann sagðist aldr-
ei hafa séð jafn lítinn snjó á svæðinu og
nú. „Það var í raun alveg ótrúlegt að
sjá þetta.“
Ívar sagðist oft hafa gengið upp á
Hlíðarfjall að sumri til en aldrei við
þessar aðstæður. „Við skoðuðum að-
stæður í Hlíðarskálinni, þar sem sjást
þrjár fannir úr bænum. Það hefur verið
snjóhaft í gili á milli neðstu fann-
arinnar og þeirrar í miðjunni. Snjórinn
í gilinu er horfinn og ég stend í þeirri
meiningu að slíkt hafi ekki gerst áður í
minni tíð.
Stefán er mér ekki sammála og ég vil
nú helst ekki þræta við mér eldri menn.
En ástandið er vissulega mjög sérstakt
og ég hef aldrei áður farið upp á Hlíð-
arfjall að sumri til, að maður gangi
ekki yfir fönn síðustu metrana upp á
fjallið, þar sem það er lægst. Og á jökl-
inum upp á fjallinu er enginn snjór
lengur, heldur aðeins glær ís.“
Ívar sagði menn hefðu verið að tala
um að óhreinindin í snjónum í Hlíð-
arskálinni væru úr Heklugosinu 1947.
„Það er ekki alls kostar rétt, við fórum
að skoðuðum þetta og þarna er bara
drulla sem fokið hefur af fjallsbrún-
inni.“
Þeir Ívar og Stefán gengu einnig á
Strýtu upp á Hlíðarfjalli, sem er í 1.450
metra hæð og sáu þaðan vel inn á fjallið
Kerlingu. Norður af Kerlingu er svo-
kallaður grjótskriðjökull og sagði Ívar
að lítill ís hefði sést á honum. „Ég hef
aldrei séð þetta ástand þarna fyrr en
það sagði mér maður sem ég hitti í
sundi á dögunum að þetta ástand á
svæðinu væri svipað og árið 1939.“
Ívar sagði að útsýnið frá Strýtu hefði
verið óvenjugott. „Það var nokkuð sér-
kennilegt að sjá Herðubreið vel og jafn-
vel Kverkfjöll með berum augum, inn á
Dyngjujökul og meira að segja byggð-
ina á Skútustöðum í Mývatnssveit.“
Fyrrverandi forstöðumaður Skíðastaða í Hlíðarfjalli
Hefur aldrei séð jafn
lítinn snjó á svæðinu
Morgunblaðið/Kristján
Nánast allur snjór er horfinn úr Hlíðarfjalli og næsta nágrenni eftir snjóléttan vetur og hlýtt sumar.
Morgunblaðið/Benjamín Baldursson
Óvenjulítill snjór er í fjallinu Kerlingu en þar eru jafnan allmiklar fannir sem ná niður fyrir miðjar hlíð-
ar. Stórhýsið Hrafnagil er einnig á myndinni og stúlkurnar sem standa á bökkum Eyjafjarðarár eru úr
Hrafnagilsskóla en þar standa nú yfir útivistardagar, sem ekki er amalegt í haustblíðunni.
BÆJARRÁÐ Akureyrar hefur samþykkt
tillögu fjármálastjóra bæjarins þess efnis
að sækja um heimild til Íbúðalánasjóðs til
aukinnar ráðstöfunar viðbótarlána að upp-
hæð 50 milljónir króna á þessu ári. Dan
Brynjarsson, fjármálastjóri Akureyrarbæj-
ar, sagði að þessi tillaga væri fram komin
vegna meiri viðskipta á fasteignamarkaði
en gert var ráð fyrir. Hann sagði jafnframt
að þeim aðilum, sem fengju hluta af sínu
fjármagni með viðbótarláni, hefði fjölgað.
Dan sagði að gert hefði verið ráð fyrir 220
milljónum króna í ný viðbótarlán í bænum á
þessu ári en að komið hefði í ljós að það
dygði ekki til. Þegar hefðu verið samþykkt
ný viðbótarlán að upphæð tæplega 192
milljónir króna, sem er um 87% af heimild
ársins og um 70 milljónir króna vegna yf-
irtekinna lána. Alls hafa því verið samþykkt
137 lán, þar til nú í byrjun september, sam-
tals að upphæð um 261 milljón króna.
Það er Íbúðalánasjóður sem veitir viðbót-
arlánin en einstaka sveitarfélög eru um-
sagnaraðilar og með ákveðnar reglur þar að
lútandi. Eins fram kom í Morgunblaðinu í
síðustu viku eru fasteignasalar á Akureyri
ekki alls kostar sáttir við þær reglur sem
Akureyrarbær setur fyrir veitingu viðbót-
arlána. Reglurnar á Akureyri séu öðruvísi
en tíðkist í öðrum stærstu sveitarfélögum
landsins. Einn fasteignasali sem rætt var
við í umræddri frétt taldi jafnframt að um-
ræddar reglur bæjarins minnkuðu sam-
keppnishæfni Akureyrar gagnvart höfuð-
borgarsvæðinu.
Dan sagði að það hefði verið umræða í
bæjarkerfinu um þessar reglur. „Ég er ekki
að segja að það megi ekki skoða reglurnar
betur og gera þær liprari en ég er ekki
tilbúinn að fallast á að okkar reglur minnki
samkeppnishæfni bæjarins gagnvart öðrum
sveitarfélögum. Og því síður að verið sé að
brjóta á fólki.“ Dan sagði nauðsynlegt að
fara yfir málin með fólki, enda væri það að
ráðstafa nánast öllu sínu fjármagni við hús-
næðiskaup. „Við styðjumst við hámarks-
verð íbúða og ef tekið er mið af því að íbúð-
arverð á Akureyri er um 80% af því sem það
er í Reykjavík, veitum við hlutfallslega
hærri lán hér. Og ekki er það samkeppn-
ishindrandi.“
Aukin umsvif á
fasteignamarkaði
Sótt um 50
milljónir
króna í við-
bótarlán
HJÁ Norðurmjólk hefur verið
stofnaður skóli og er markmið hans
að byggja upp markvissa þekkingu
innan fyrirtækisins og stuðla að
virkari þátttöku starfsmanna í end-
ur- og símenntun og efla þannig
færni starfsmanna bæði í leik og
starfi. Skólinn heitir Norðurmjólk-
urskólinn og er hann kostaður af
Norðurmjólk. Fyrirtækið setur sem
samsvarar um hálfu prósenti af
heildarlaunagreiðslum sínum í
skólastarfið, eða um 1,5 milljónir
króna, fyrir utan þá styrki sem
starfsfólk og fyrirtækið á kost á.
Í janúar sl. ákváðu stjórnendur
Norðurmjólkur í samstarfi við SÍM-
EY, Símenntunarmiðstöð Eyja-
fjarðar, að gera úttekt á starfsþró-
unarmálum fyrirtækisins með
svokallaðri MARKVISS-aðferða-
fræði sem SÍMEY hefur nýtt sér.
Skipaður var stýrihópur starfs-
manna sem ásamt ráðgjafa SÍMEY
gerði úttekt á starfsþróunar- og
endurmenntunarmálum innan fyr-
irtækisins. Meðal annars var unnin
viðamikil markmiðasetning, verk-
lýsingar og starfsgreining fyrir öll
störf í fyrirtækinu og viðhorfs-
kannanir lagðar fyrir starfsfólk.
Niðurstaða verkefnisins var
grunnur að fyrirfram ákveðinni
fræðsluáætlun sem í framhaldinu
var ákveðið að vinna eftir enn frek-
ar út frá og úr varð Norðurmjólk-
urskólinn.
Skólinn starfar eftir fyrirfram
ákveðinni námskrá sem skipulögð
er eina önn fram í tímann. Nám-
skráin tekur til faglegrar, almennr-
ar og persónulegrar endurmennt-
unar sem og einhverra tómstunda-
námskeiða. Gerður hefur verið
samningur við SÍMEY um ráðgjöf í
skólastarfinu en skólastjóri Norð-
urmjólkurskólans er Fanney Pét-
ursdóttir.
Norðurmjólk ehf. var stofnað 1.
september árið 2000 en á sér sögu
frá 1927 sem fyrsta mjólkurvinnsl-
an í landinu. Fyrirtækið vinnur um
27 milljónir lítra af mjólk á ári, eða
um 26% af landskvótanum. Norð-
urmjólk veltir um 2,6 milljörðum á
ári og er með 74 starfsmenn í
vinnu. Fyrirtækið er m.a. stærsta
ostabú landsins og framleiðir rúm-
lega annan hvern ost landsmanna.
Framkvæmdastjóri er Helgi Jó-
hannesson.
Norðurmjólkurskól-
inn tekinn til starfa
Morgunblaðið/Kristján
Gestir á kynningu Norðurmjólkur fylgjast með starfsmanni pakka hinu
landsþekkta KEA-skyri í húsnæði fyrirtækisins á Akureyri.
AKUREYRARHLAUP UFA – Ung-
mennafélags Akureyrar, fer fram
laugardaginn 13. september nk.
Keppt verður í hálfmaraþoni, sem er
21,1 km, í 10 km hlaupi og þriggja km
skemmtiskokki. Megintilgangur Ak-
ureyrarhlaups er að hvetja unga sem
aldna til hreyfingar og heilbrigðra
lífshátta, og gefa fólki tækifæri til
þess að vera sjálft í aðalhlutverki í
skemmtilegum íþróttaviðburði.
Í hlaupið hafa mætt skólanemar,
skokkarar, æfingahópar af líkams-
ræktarstöðvum, íþróttafólk úr ýms-
um greinum, börn, unglingar, for-
eldrar og eldri borgarar, auk
langhlaupara.
Dagskráin hefst á Akureyrarvelli
um morguninn með afhendingu
keppnisgagna og upphitun. Hálf-
maraþonhlauparar verða ræstir kl.
11, 10 km hlauparar og skemmti-
skokkarar verða ræstir kl. 12 á há-
degi. Veitt eru verðlaun fyrir fyrstu
karla og konur í hverjum flokki. Air
Greenland gefur flugmiða fyrir tvo í
verðlaun fyrir fyrsta sæti í hálfmara-
þoni bæði í karla og kvennaflokki.
Vegleg útdráttarverðlaun eru í boði
sem allir þátttakendur eiga jafna
möguleika á að hreppa, þar á meðal
flugmiði með Grænlandsflugi milli
Akureyrar og Kaupmannahafnar.
Með skráningu tryggja keppendur
sér stuttermabol og frímiða í sund.
Félag eldri borgara aðstoðar ung-
mennafélagið með því að sjá um að
hlauparar fái vatn og orkudrykki á
drykkjarstöðvum. Hlaupaleiðin í
hálfu maraþoni þykir með þeim
bestu á landinu og dregur góða
keppendur að. Allir hlauparar fá
verðlaunapening við komu í mark.
Eftir teygjur og verðlaunaafhend-
ingu hefst veisla þar sem gos og pits-
ur frá Greifanum verða í boði.
Hægt er að skrá sig á www.hlaup-
.is og í Sportveri á Glerártorgi.
Akureyrarhlaup UFA á laugardag
Fólk hvatt til
hreyfingar
Kate Botham mun gera grein fyrir
rannsóknum sínum á því hvernig for-
ystufólki grasrótarsamtaka gengur
að vekja athygli umheimsins á kjör-
um sínum og afleiðingum hnattvæð-
ingar á staðbundin samfélög þeirra í
fyrirlestri á félagsvísindatorgi í dag,
miðvikudaginn 10. september, kl.
16.30. Fyrirlesturinn verður fluttur í
stofu 14 í húsakynnum Háskólans á
Akureyri við Þingvallastræti 23. Fyr-
irlesturinn nefnist „Forysta grasrót-
arsamtaka á tímum hnattvæðingar“.
Kate Botham lauk fyrri hluta meist-
aragráðu í umhverfissiðfræði og hef-
ur nýlokið meistaragráðu í guðfræði.
Í DAG