Morgunblaðið - 10.09.2003, Side 25

Lið-a-mót
FRÁ
H
á
g
æ
ð
a
fra
m
le
ið
sla
Extra sterkt
A
ll
ta
f
ó
d
ýr
ir
FRÍHÖFNIN
-fyrir útlitið
Nr. 1
í Ameríku
UMRÆÐAN
MORGUNBLAÐIÐ MIÐVIKUDAGUR 10. SEPTEMBER 2003 25
HVAÐ ætti ég að segja?
Hvað verður sagt ef ég fer að
skipta mér af?
Er ekki best að
þegja og taka sem
minnsta ábyrgð?
Hefði þetta orðið
svona ef ég hefði
sagt eitthvað?
Ég hefði átt að
segja eitthvað.
Öll höfum við velt
þessu líku fyrir okkur en sum okk-
ar gert eitthvað í því svo það hendi
ekki aftur. Foreldrar okkar og
kennarar eyða fyrri hluta æsku
okkar í að kenna okkur að ganga
og tala en seinni hlutann er okkur
sagt að sitja og þegja. Þess vegna
erum við hógvær þegar kemur að
því að þurfa að standa upp og taka
til máls. Stjórnmálamaður þarf að
yfirvinna feimni til að koma sínu
fram. Leiðtogi þarf að hafa mikið
sjálfstraust og leiðtogahæfileika til
að aðrir sannfærist og fylgi hon-
um. Frumkvöðull þarf að vera hug-
hraustur og hafa ótakmarkað
sjálfstraust til að koma sínu á
framfæri. Tjáning og samskipti
eru svo miklu meira en bara orð og
orðalag.
En hvar fær maður svona sjálfs-
traust og hvar losnar maður við
feimni og aðra galla sem halda aft-
ur af manni? Í kvikmyndinni Stella
í framboði bauð Stella Löve upp á
pakka handa fólki í þessum spor-
um, í fyrirtækinu sínu Fram-
koma.is. Reyndar eru nokkur
„framkoma.is“-fyrirtæki hér á
landi sem bjóða þessa þjónustu og
er aðdáunarvert að fylgjast með
hversu margir nýta sér þá þjónustu
og styrkjast í þessum fræðum.
En er það bara fólk í fram-
kvæmdastjórastöðum og stjórn-
málamenn sem þurfa á þessu að
halda? Ég held að flestir okkar
stjórnmálamenn þurfi á Stellu
Löve að halda, því oft vantar svolít-
ið upp á annars gott málefni. Hinn
almenni borgari er sífellt í hættu á
að verða undir, hvar sem hann
kemur; heima hjá sér, í vinnunni
og á neytendamarkaðnum ef hann
getur ekki tjáð sig. Alls staðar
þurfum við að láta í okkur heyra
og skoðanir okkar eiga ekki að
veltast um í huga okkar og verða
að engu, engum til góðs.
Ef þú telur þig ekki skipta máli í
þessu lífi þá að sjálfsögðu skiptir
þú ekki nokkru máli en ef þú telur
þig skipta máli, sem þú ættir að
sjálfsögðu að gera, ertu sjálfkrafa
orðinn mikilvægur hlekkur í lífs-
keðjunni og ef þú sinnir þínu hlut-
verki með hugsjón og ákafa þá
ertu orðinn eitt af fjölmörgum
hlóðfærum í sinfóníu himins og
jarðar. Við erum á lífi á þessari
plánetu til að lifa lifandi og ekki
síst vakandi.
Ég, sem þessi orð skrifa, er í fé-
lagsskap sem býður upp á þjálfun
og kennslu í ræðumennsku, hóp-
starfi, leiðtogahæfni, leiðbein-
endatækni o.fl. til að styrkja ein-
staklinginn, hvort sem hann ætlar í
stjórnmál eða ei, taka til máls á
húsfélagsfundum eða bara að vera
fyrirmyndarforeldri barna sinna.
Þessi félagsskapur er ættaður frá
Bandaríkjunum og var stofnaður
árið 1910 til að hvetja ungt fólk til
að hafa áhrif á samfélagið, auka
ræðugetu þess og sjálfstraust og
um leið að mynda vináttubönd fé-
laga sem smátt og smátt breiddust
um allan heim og eru nú um 190
lönd sem geta boðið ungu fólki á
aldrinum átján ára til fertugs upp
á Junior Chamber. JC, eins og það
er kallað hér, byggir starfsemi sína
á námskeiðum þar sem félagar fá
fræðslu í ræðumennsku, verkefna-
vinnu og framkomu. Og ekki síst
tækifæri til að öðlast þjálfun og
reynslu í því sem félagarnir hafa
verið að læra. Þetta er fléttað sam-
an með venjulegu félagsstarfi þar
sem við vinnum að ýmsum verk-
efnum. Ég get nefnt samfélags-
verkefni eins og „Eftir bolta kemur
barn“, sem allir ættu að muna eft-
ir, friðarkertafleytingu á Tjörninni
í minningu fórnarlambanna í Hir-
oshima, Morfís-ræðukeppni fram-
haldsskólanna á uppruna sinn í JC
og við höfum staðið fyrir frambjóð-
endafundum fyrir kosningar, við
hófum umferðarátak sem við köll-
uðum „Bætt umferð – betra líf“ og
núna síðast Afríkuverkefni sem JC
Gk vinnur að, „Hvernig er landið
þitt?“. Þar erum við að safna skóla-
dóti og það sent til Kamerún og
mynduð tengsl á milli skólabarna
þar og hér á Íslandi. Allt eru þetta
verkefni sem koma úr okkar hug-
myndasmiðju og við lærum heil-
mikið á því að koma þeim í fram-
kvæmd um verkefnastjórnun,
hópvinnu og viðskipta- og fé-
lagstengsl, jafnframt því að leiða
gott af sér.
Junior Chamber er friðarhreyf-
ing sem byggist á því að mynda fé-
lagatengsl bæði innanlands og er-
lendis, landa með líkan og ólíkan
uppruna og menningu. Það að eiga
vini og félaga alls staðar á jörðinni
er okkar skref í átt til friðar í
heiminum. Við trúum að bræðra-
lag manna sé mesti fjarsjóður jarð-
arinnar. Með félagsstarfi, nám-
skeiðum og þeirri hugsjón sem JC
býður er alltaf pláss fyrir metn-
aðarfullt fólk á aldrinum 18 til 40
sem vill auka leiðtogahæfni sína,
eignast fleiri vini eða bara auka
sjálfstraustið.
Kynntu þér málið á www.jc.is og
kannski er JC það sem þú hefur
verið að leita eftir. Kannski ert þú
það sem JC er að leita eftir.
Þú átt kanski eftir að hugsa:
„Það er kannski rétt að mín rödd
fái líka að heyrast!“
Lifðu lífinu vakandi
Eftir Jón Berg Hilmisson
Höfundur er félagi í Junior
Chamber Garðabær-Kópavogur.
Fiskbúðin Vör
Höfðabakka 1 • sími 587 5070
- Ath. aðeins í dag - Verð á kg
Ýsa 99,-
Ýsuflök 499,-
NÚ stendur yfir alþjóðleg bók-
menntahátíð í Reykjavík og fjöldi er-
lendra höfunda, útgefenda og bók-
menntamanna sækir okkur heim. Það
er stemning hjá bókafólki; upplestr-
arsalir fyllast á hverju kvöldi og fólk
lætur sig heldur ekki vanta á pall-
borðsumræður og samtöl við höfunda
á miðjum degi. Fjöldi nýrra þýðinga
er að koma út þessa dagana og enn
eina ferðina er staðfest að íslenskur
bókamarkaður er í raun undur í sjálf-
um sér – að liðlega 280 þúsund manna
þjóð skuli standa undir þessari fjöl-
skrúðugu útgáfu. Vert er að þakka
öllum þeim sem gera þetta kleift, höf-
undum, þýðendum, útgefendum og
ekki síst lesendum.
Það er alkunna að Íslendingar búa
við hærri skattlagningu á bókum en
flestar menningarþjóðir sem við vilj-
um bera okkur saman við. Þess vegna
hefði verið viðeigandi að staðfesta
strax í byrjun hausts kosningaloforð
stjórnarflokkanna um lækkun virð-
isaukaskatts á bókum og styrkja
þannig stöðu bókarinnar. Sú aðgerð
myndi efla bókmenningu enn frekar
og yrði mikilvæg hvatning þeim sem
starfa á bókmenntaakrinum og öllum
bókaormum mikil kjarabót.
Hin glæsilega bókmenntahátíð
markar upphaf bókahaustsins og
bókaflóðsins sem jafnan nær hámarki
þegar nálgast jól. Margir munu fagna
því að stjórnvöld létti skattbyrðinni af
þessari mikilvægu grein menningar-
innar. Tilvalið væri að stjórnvöld
staðfestu ætlan sína um lækkun virð-
isaukaskattsins nú þegar hátíð bók-
menntanna er í fullum gangi og
ánægjulegt væri að geta fært erlend-
um gestum okkar þau gleðitíðindi.
Bókafólk á Íslandi bíður þess að
stjórnvöld láti verkin tala.
Eftir Aðalstein Ásberg Sigurðsson
og Sigurð Svavarsson
Aðalsteinn er formaður Rithöfunda-
sambands Íslands, Sigurður er formað-
ur Félags íslenskra bókaútgefenda.
Sigurður
Hátíð bókmennta –
tækifæri stjórnvalda
Aðalsteinn
HÁSKÓLINN í Reykjavík bauð
um daginn til veislu í tilefni af því sem
nefnt var fimm ára afmæli skólans.
Bogi Pálsson, for-
maður Verslunarráðs
Íslands, ritaði stutta
hugvekju í Morgun-
blaðið til að vekja at-
hygli á afmælinu og í
kjölfarið sá ég það
kynnt á heimasíðu
háskólans. Þetta tal um fimm ára af-
mæli kemur nokkuð spánskt fyrir
sjónir, því þótt nú séu liðin fimm ár
frá því skólinn flutti í núverandi húsa-
kynni er saga hans miklu lengri.
Háskólinn hóf starfsemi sína í jan-
úar 1988 undir nafninu Tölvuháskóli
Verzlunarskóla Íslands og hefur starf-
að óslitið síðan. Fyrsta áratuginn fór
kennsla fram í húsakynnum Verzl-
unarskólans en síðan var byggt yfir
háskólann á næstu lóð og þar hófst
kennsla í september 1998. Þá hófst líka
kennsla í viðskiptafræði við skólann og
nafni hans var breytt í Viðskiptahá-
skólinn í Reykjavík. Snemma árs 2000
var aftur skipt um nafn og skólinn fékk
sitt núverandi heiti.
Það er því mála sannast að háskól-
inn átti fimmtán ára afmæli í byrjun
þessa árs, en í haust voru liðin fimm
ár frá því að hann flutti í eigið hús-
næði og Guðfinna Bjarnadóttir varð
rektor. Sú ástæða er fyrir því að leið-
rétta umræddar dagsetningar að
hundruð ágætra manna og kvenna
voru útskrifuð sem kerfisfræðingar
frá háskólanum fyrstu tíu árin sem
hann starfaði og það getur verið
óþægilegt fyrir þau að útskýra hvern-
ig þau geta verið útskrifuð frá skóla
sem er miklu yngri en prófskírteini
þeirra. Ég hvet því eigendur Háskól-
ans í Reykjavík til að virða hagsmuni
þessara fyrstu viðskiptavina sinna og
halda framvegis á lofti réttum aldri
háskólans.
Aldur Háskólans í Reykjavík
Eftir Frey Þórarinsson
Höfundur er fyrrverandi kennari
við TVÍ, VHR og HR.