Morgunblaðið - 10.09.2003, Blaðsíða 43
ÍÞRÓTTIR
MORGUNBLAÐIÐ MIÐVIKUDAGUR 10. SEPTEMBER 2003 43
ÓLAFUR Stefánsson lék á sunnu-
dag sinn fyrsta opinbera leik á
Spáni fyrir Ciudad Real þegar liðið
mætti Barcelona í Super Copa de
España, þ.e. meistarakeppninni
þar sem eigast við meistarar og
bikarmeistarar síðasta árs. Ólafur
lék vel og varð markahæstur leik-
manna Ciudad sem töpuðu leiknum
með eins marks mun, 26:25. Ólafur
skoraði 11 mörk, þar af 7 úr víta-
kasti. Hann lék sem hornamaður í
vörn en sína hefðbundnu stöðu sem
skytta hægra megin í sókninni.
Leikurinn þótti afar spennandi
og þótt staðan í hálfleik væri 14:10
fyrir Barcelona náðu leikmenn
Ciudad Real að minnka muninn í
eitt mark fljótlega í upphafi síðari
hálfleiks, 17:16, og hélst sá munur
nokkurn veginn út leikinn með
þeirri undantekningu að Ólafur
jafnaði einu sinni fyrir Ciudad,
18:18, á 43. mínútu. Á síðustu sek-
úndunum voru Ólafur og félagar í
sókn en töpuðu boltanum og færðu
leikmenn Barcelona sér það í nyt
og tryggðu sér kærkominn sigur.
Á næsta sunnudag hefst svo
spænska deildarkeppnin. Þá leikur
Ciudad Real við nýliða Teucro
Caixanova á útivelli. Á sama tíma
verða Heiðmar Felixson og Pat-
rekur Jóhannesson í eldlínunni
með Bidasoa, sem sækir BM Vall-
adolid heim.
Ólafur skoraði
ellefu mörk í tapleik
Morgunblaðið/Sverrir
Ólafur Stefánsson
TVEIMUR leikjum í loka-
umferð 1. deildar karla í
knattspyrnu næstkomandi
laugardag hefur verið seink-
að um eina klukkustund
vegna Akureyrarhlaupsins.
Leikirnir sem um er að ræða
eru viðureign Þórs frá Ak-
ureyri og Leifturs/Dalvíkur
annars vegar og Keflavíkur
og Víkings hins vegar. Þar
sem leikirnir skera úr um það
hvort Víkingur eða Þór fylgir
Keflavík upp í efstu deild
karla á næstu leiktíð verða
þeir að fara fram á sama
tíma.
Akureyrarhlaupið hefst á
íþróttavellinum á Akureyri og
lýkur þar einnig um svipað
leyti og áformað var að
flauta til leiks hjá Þór og
Leiftri/Dalvík. „Völlurinn
var tvíbókaður og við gáfum
eftir og þar með varð ekki
komist hjá því að seinka
tveimur leikjum,“ sagði Birk-
ir Sveinsson, starfsmaður
Mótanefndar KSÍ, í samtali
við Morgunblaðið í gær.
Aðrir leikir lokaumferðar
1. deildar fara fram eins og
upphaflega var gert ráð fyr-
ir, þ.e. kl. 14, það eru við-
ureignir Hauka og HK,
Breiðabliks og Stjörnunnar
og Aftureldingar og Njarð-
víkur.
Leikjum seinkað
vegna hlaups
FÓLK
Helena Ólafsdóttir, landsliðs-þjálfari kvenna í knattspyrnu,
hefur valið 18 manna landsliðshóp
fyrir leik við Pólverja í undan-
keppni Evrópumótsins í knatt-
spyrnu á Laugardalsvelli kl. 16 á
laugardaginn.
Eftirtaldir leikmenn skipa lands-
liðið að þessu sinni:
Markverður eru Þóra Björg
Helgadóttir úr KR og Guðbjörg
Gunnarsdóttir, Val. Aðrir leikmenn
eru, Ásthildur Helgadóttir, KR,
Olga Færseth, ÍBV, Erla Hend-
riksdóttir, FV Köbenhavn, Björg
Ásta Þórðardóttir, Breiðabliki,
Laufey Ólafsdóttir, Val, Hrefna H.
Jóhannesdóttir, KR, Laufey Jó-
hannsdóttir, Val, Dóra Stefáns-
dóttir, Val, Íris Andrésdóttir, Val,
Málfríður Erna Sigurðardóttir,
Val, Margrét Lára Viðarsdóttir,
ÍBV, Erna B. Sigurðardóttir,
Breiðabliki, Hólmfríður Magnús-
dóttir, KR, Embla S. Grétarsdótt-
ir, KR, Dóra María Lárusdóttir,
Val, og Þórunn H. Jónsdóttir, KR.
Dóra María og Þórunn eru ný-
liðar í landsliðinu. Tvær breyting-
ar eru frá 16-manna hópnum sem
Helena valdi fyrir leikinn gegn
Frökkum í gær. Guðbjörg mark-
vörður úr Val kemur í stað Maríu
Bjargar Ágústsdóttur, Stjörnunni,
og Laufey Jóhannesdóttir, Val,
tekur sæti Eddu Garðarsdóttur,
KR.
Þær María og Edda gáfu ekki
kost á sér í leikinn vegna anna í
námi í Bandaríkjunum. Þær verða
hinsvegar lausar fyrir síðari leik
þjóðanna sem verður í Póllandi
þann 27. september nk.
Helena velur
18 leikmenn
fyrir Pól-
landsleikinn
Morgunblaðið/Golli
Margrét Lára Viðarsdóttir,
hér í sínum fyrsta landsleik
gegn Ungverjum í vor, er
einn þeirra leikmanna sem
Helena valdi í landsliðið
gegn Pólverjum.
DAVID Beckham segir ekki ann-
að hafa komið til mála af sinni hálfu
að vera ekki með enska landsliðinu í
kvöld þegar það mætir Liectenstein
á Old Trafford í Manchester í und-
ankeppni EM í knattspyrnu. Sven
Göran Eriksson, landsliðsþjálfari
Englendinga, hefur viðurkennt að
það hafi komið til greina að sleppa
Beckham við leikinn af þeirri
ástæðu að fái hann gult spjald í
leiknum verður hann í leikbanni í
mikilvægum leik gegn Tyrkjum í
undankeppninni í næsta mánuði.
ERIKSON viðurkennir einnig að
hafa velt fyrir sér að sleppa því að
tefla fram Steven Gerrard og Sol
Campbell af sömu ástæðum.
ÞETTA verður fyrsti leikur Beck-
hams á Old Trafford síðan hann yf-
irgaf Manchester United í sumar og
gekk til liðs við Real Madrid. Beck-
ham segir það vera skyldu sína að
leika með enska landsliðinu hvar
sem það leikur hverju sinni, hann
geti ekki brugðist áhangendum sín-
um, sé hann valinn í enska landsliðið.
FORRÁÐAMENN ensku bikar-
meistaranna Arsenal, sögðu í gær að
þeir vonuðust til að framkvæmdir
við nýjan knattspyrnuvöll félagsins
við Ashburton Grove í Lundúnum
gætu hafist eftir um tvo mánuði. Að
undanförnu hafi gengið vel að fjár-
magna bygginguna sem er áætlað að
kosti 200 millj. punda, jafnviði 26
milljarða króna. Gangi allt sam-
kvæmt áætlun þá flytur Arsenal frá
Highbury til Ashburton Grove eftir
þrjú ár.
GERARD Houllier, knattspyrnu-
stjóri Liverpool, hefur lýst því yfir
að hann ætli að taka leikmenn sína
hiklaust af leikvelli verði þeir fyrir
kynþáttafordómum af hálfu áhorf-
enda á leikjum félagsins.