Morgunblaðið - 10.09.2003, Blaðsíða 4

4 B MIÐVIKUDAGUR 10. SEPTEMBER 2003 MORGUNBLAÐIÐ
bílar
Kauptu næsta bílinn þinn
beint frá Kanada
www.natcars.com
GERHARD Schröder, kanslari
Þýskalands, setti alþjóðlegu bíla-
sýninguna í Frankfurt í gær.
Fyrstu tveir dagar sýningarinnar
eru lokaðir almenningi og valsa þá
útsendarar fjölmiðlanna um sali og
kynna sér það nýjasta sem fram-
leiðendur hafa fram að færa.
Afar mikilvægir evrópskir sölu-
bílar eru einmitt frumkynntir á
bílasýningunni að þessu sinni og
er óvenju mikið um frumsýningar.
Mikill atgangur var í kringum af-
hjúpun á nýjum Golf, fimmtu kyn-
slóð þessa mikla sölubíls sem fyrst
var kynntur til sögunnar fyrir
meira en 30 árum og hefur nú
selst í yfir 20 milljónum eintaka.
Golf er orðinn breiðari,
lengri og hærri
Golf var um margra ára skeið
söluhæsti bíllinn í Evrópu en hefur
nú fallið niður í þriðja sæti á eftir
Renault Mégane og Peugeot 206.
VW notar sýninguna í Frankfurt
til að fullvissa almenning, og sjálft
sig, um að fyrirtækinu sé full al-
vara með því að koma Golf aftur í
fyrsta sætið.
Það leyndi sér ekki að nýr Golf
er orðinn breiðari, lengri og hærri
en fyrri gerð en mesta útlitsbreyt-
ingin er á framenda bílsins. Mikill
öryggisbúnaður er í nýja bílnum,
þar með taldir sex öryggispúðar
og virkir hnakkapúðar, sem draga
úr líkum á hálsmeiðslum í aftan-
ákeyrslu.
Þá vakti ekki síður athygli á
VW-svæðinu nýr tveggja dyra op-
inn sportbíll frá VW sem byggður
er á sömu botnplötu og Golf. Bíll-
inn kallast Concept R og er eins
og nafnið gefur til kynna hug-
myndabíll sem á að sýna hvaða
leiðir VW sér færar í hönnunar-
stefnu sinni. Bíllinn var sýndur
með V6 vél, 265 hestafla og sam-
kvæmt upplýsingum VW nær hann
100 km hraða úr kyrrstöðu á 5,3
sekúndum. Concept R var einn
óvæntasti og glæsilegasti hug-
myndabíll sýningarinnar.
Annar magnsölubíll í Evrópu er
sýndur á nýjum klæðum í Frank-
furt. Opel Astra hefur í gegnum
tíðina staðið í skugga Golf en engu
að síður heyr hann harðan bar-
daga við Golf í flokki lítilla milli-
stærðarbíla. Astra er mun meira
breyttur milli kynslóða en VW
Golf. Nýr Astra kemur þó ekki á
markað í Evrópu fyrr en næsta
vor en fimmta kynslóð Golf kemur
snemma á næsta ári á markað á
Íslandi.
Frumsýning á BMW X3-jeppling
einn af hápunktunum
Einn hápunktur sýningarinnar
var frumsýning á BMW X3, jepp-
ling í svipuðum stærðarflokki og
Toyota RAV4, sem er mest seldi
bíllinn í þessum flokki á Íslandi.
BMW X3 var sýndur í kunnuglegu
umhverfi á stórum skjám í BMW-
höllinni. Myndefnið sem notað er í
kynninguna og auglýsingar er
fengið frá Íslandi. BMW X3 verð-
ur smíðaður hjá Magna Steyr í
Graz í Austurríki. Hann kemur á
markað strax í haust í Evrópu en
eitthvað síðar á Íslandi. Helsti
markaður fyrir bílinn verður Evr-
ópa. BMW sýndi líka hinn renni-
Morgunblaðið/Guðjón Guðmundsson
Ný kynslóð Opel Astra var frumsýnd og vakti mikla athygli. Peugeot sýndi ekki arftaka 406-bílsins en gaf hugmynd um hvernig hann
mun líta út með 407 Elixir-hugmyndabílnum.
Margir nýir bílar frumsýndir
Frumsýning á nýjum VW Golf, Opel Astra og Volvo S40
á bílasýningunni í Frankfurt var meðal hápunkta sýn-
ingarinnar. Guðjón Guðmundsson kynnti sér það
helsta sem bílaframleiðendur sýna þar í borg.
Morgunblaðið/Guðjón Guðmundsson
BMW X3 og þar með hefst slagurinn við Toyota RAV4 um viðskiptin.
Morgunblaðið/Guðjón Guðmundsson
Land Rover sýndi Freelander af annarri kynslóð. Talsverð breyting er á bílnum framanverðum.