Morgunblaðið - 10.09.2003, Blaðsíða 6

6 B MIÐVIKUDAGUR 10. SEPTEMBER 2003 MORGUNBLAÐIÐ
bílar
NÝ Fiat Panda er væntanleg á
markaðinn í upphafi næsta árs, en
nýi Pandabíllinn hefur verið hann-
aður til að mæta harðri samkeppni
á smábílamarkaðinum. Allt frá því
að hinn smái Topolino kom fram á
sjónarsviðið árið 1936 hefur Fiat
náð að hanna og framleiða nokkra
bestu smábíla sögunnar og má þar
m.a. nefna Fiat Uno sem selst hef-
ur best vegna þess hve vel tókst til
við að „pakka“ bílnum saman.
Fiat Panda kom fyrst á markað
árið 1980, án alls skrauts og auka-
hluta og sannkallað „bitabox“. Í
dag hafa verið seldar meira en fjór-
ar milljónir Pandabíla en nýja bíln-
um er ætlað að bæta um betur. Bíll-
inn er væntanlegur í upphafi næsta
árs og hafa þegar sprottið upp deil-
ur vegna nafnsins. Upphaflega átti
nýja tegundin að heita Gingo en
búið er að breyta nafninu aftur í
Panda eftir að Renault kvartaði yf-
ir því að nafnið væri of líkt Twingo,
sem er einn af helstu keppinautum
Panda ásamt Daihatsu Charade.
Upprunalega Pandan þótti frek-
ar hrjúfur og hávær bíll með tak-
markaða áherslu á öryggisþætti.
Nýi bíllinn er hins vegar hannaður
með það í huga að auka samkeppn-
ishæfni hans og er hann orðinn
mýkri í akstri og rúmgóður miðað
við stærð. Þá er lögð mikil áhersla
á öryggisþætti og verður þetta
fyrsti bíllinn í sínum flokki sem
verður útbúinn með sex öryggis-
loftpúðum, ABS- og EPS-bremsu-
kerfum.
Ný Panda þykir mýkri í akstri en forverar þessa bíls.
Ný Panda frá Fiat
ÞAÐ eru tíðindi þegar bílaframleið-
andi sendir frá sér fyrsta nýja bíl-
inn af tiltekinni gerð í sjö ár. Þetta
á við um Mitsubishi Lancer sem
kynntur var með pomp og prakt hjá
Heklu nýlega. Lancer nafnið er 30
ára gamalt og snertir strengi í huga
margra Íslendinga. Nýi bíllinn er
sagður af níundu kynslóð.
Tvær yfirbyggingar
Nýi Lancer-inn er sannarlega
breyttur og fáanlegur fyrst um sinn
eingöngu í tveimur gerðum, þ.e.
sem fernra dyra stallbakur og fimm
dyra langbakur. Mitsubishi ætlar að
reiða sig á Space Star fyrir þá sem
kjósa fjölnotabíl. Enginn hlaðbakur
er í boði en það hefur verið ein vin-
sælasta gerð fólksbíla í Evrópu
undanfarin ár. Ætla má þó að stall-
bakurinn falli vissum kaupendahóp
í geð, þeim sem vilja traustlega
byggða og hefðbundna bíla til að
sinna grundvallarþörfum í flutningi
milli staða.
Innbyrðis eru stallbakurinn og
langbakurinn talsvert ólíkir. Stall-
bakurinn er fremur hefðbundinn í
lögun en nýr framsvipur með
stórum lugtum og áberandi vatns-
kassahlíf setur svip á hann. Lang-
bakurinn hefur sama svipmót að
framan en er óvenjulega brattur og
þverskorinn að aftan og mun þess
vegna skera sig úr fjöldanum.
Frískað upp á stallbakinn
Þegar stallbakurinn var kynntur
blaðamönnum í Finnlandi fyrr í
sumar virkaði hann í fyrstu á und-
irritaðan eins og minni áhersla
hefði verið lögð á hönnun yfirbygg-
ingarinnar annars staðar en fram-
an. Bíllinn virkaði fremur venjuleg-
ur og eiginlega lítt spennandi.
Þegar hann er hingað kominn er
búið að fríska nokkuð upp á útlitið.
Fyrir það fyrsta er bíllinn kominn á
álfelgur sem staðalbúnað og auk
þess er komin stór vindskeið ofan á
skottlokið og vindkljúfur að framan.
Vindskeiðin að aftan gerir bílinn
meira að segja dálítið töffaralegan
og líklega gæti bíllinn höfðað til
yngri kaupenda fyrir vikið. Það er
að segja ef menn eru sáttir við 1,6
lítra vélina sem prófunarbíllinn er
með. Hún er tengd við fjögurra
þrepa sjálfskiptingu með hand-
skiptivali. Þetta er alveg þokkaleg
gifting – bíllinn er þægilegur og
viðráðanlegur í allri notkun og akst-
urseiginleikarnir eru vissulega góð-
ir, en talsvert er farið að skorta upp
á aflið fyrir þá sem vilja taka af
skarið í akstri. Vélin er metin til 98
hestafla og sjálfskiptingin tekur
nokkuð til sín af aflinu. Í reynslu-
akstrinum í Finnlandi var bíllinn
líka prófaður með 1,6 lítra vélinni
og beinskiptur og fannst talsverður
munur á því hvað sá beinskipti er
sprækari. En eins og fyrr segir er
ekkert út á þetta að setja ef menn
setja það ekki fyrir sig að stundum
vantar að vélin gefi frá sér spark.
Bíllinn er 12,6 sekúndur úr kyrr-
stöðu í 100 km hraða í bílnum bein-
skiptum en ennþá lengur tekur að
koma bílnum á þennan hraða sjálf-
skiptum.
Traustvekjandi aksturseiginleikar
Að innan er allur frágangur góð-
ur en langt er að frá því að brotið
sé blað í efnisvali og hönnun að inn-
an. Mælaborðið virka meira að
segja dálítið plastlegt. Ágætt rými
er í bílnum, sömuleiðis fótarými í
aftursætum fyrir fullvaxna.
Þeir kostir sem nýr Lancer hefur
af að státa eru afar traustvekjandi
aksturseiginleikar og góð hljóðein-
angrun. Bíllinn hefur mikið veggrip
og er fyrirsjáanlegur í allri venju-
legri notkun sem er kostur. Þegar
reynt er á hann til þrautar í beygj-
um kemur þó í ljós tilhneiging til
undirstýringar. Þá telst það ótví-
rætt einnig til kosta að bíllinn er
ansi vel búinn í staðalgerðinni. Vera
má að ýmsir kæri sig ekkert um
loftkælingu eða álfelgur, en hvort
tveggja er staðalbúnaður í nýjum
Lancer og eykur gildi bílsins að
mati þess sem þetta skrifar. Þarna
er sömuleiðis að finna ABS-hemla-
kerfi með EBD-hemlunarátaks-
dreifingu, sex öryggisloftpúða
þannig að vel er gætt að öryggi bíl-
stjóra og farþega. Sömuleiðis er í
bílnum Alpine-hljómtæki með
geislaspilara, fjarstýrðar samlæs-
ingar og rafdrifnar rúður og spegl-
ar, hiti í sætum, vindkljúfur og
vindskeiðasett og þokulugtir að
framan.
Bíllinn kostar með sjálfskipting-
unni 1.995.000 kr. Þetta er hærra
verð en keppinautarnir bjóða.
Toyota Corolla kostar t.a.m.
1.919.000 kr. og er með 110 hestafla
vél og með 97 hestafla, 1,4 lítra vél-
inni kostar hann 1.699.000 kr. bein-
skiptur. Nissan Almera, með 1,8
lítra, 114 hestafla vél, sjálfskiptur,
kostar 1.895.000 kr. Í þessum sam-
anburði verður að hafa í huga stað-
albúnað og þar stendur Lancer vel
að vígi.
Morgunblaðið/Guðjón Guðmundsson
Stór vindskeiðin setur töffaralegan svip á bílinn.
Óvenju hefðbundinn að innan.
Staðalbúnaður er m.a. álfelgur og þokuljós.
Vel búinn og traustur Lancer
REYNSLUAKSTUR
MMC Lancer
Guðjón Guðmundsson
Aðgangur að farangursrými er þrengri í stallbökum en hlaðbökum. gugu@mbl.is