Morgunblaðið - 11.09.2003, Blaðsíða 3

MORGUNBLAÐIÐ FIMMTUDAGUR 11. SEPTEMBER 2003 B 3










































































































NVIÐSKIPTI HUGBÚNAÐARFYRIRTÆKIÐ
Tölvubankinn hf. hefur sent frá sér
þriðju útgáfuna af Tel-Info, sem er
upplýsingakerfi á símstöðvar fyrir-
tækja, en hugbúnaðurinn er búinn að
vera í þróun hjá fyrirtækinu frá
1996. Tel-Info er upplýsingamiðill
sem sýnir yfirlit yfir símakostnað,
mælir álag og birtir svartíma sím-
svörunar.
Hægt er að kalla fram upplýsingar
sem grafískt súlurit, lista á skjá eða
skýrslu á prentara. Með nýju útgáf-
unni er einnig hægt að sníða allar
upplýsingar að vali notanda og láta
kerfið senda sjálfvirkt í tölvupósti
hvenær sem er. Sem dæmi er hægt
að fá skýrslu á klukkutíma fresti yfir
þau símanúmer sem ekki náðu sam-
bandi. Þá er hægt að fá daglegt/viku-
legt/mánaðarlegt yfirlit yfir ýmsar
samantektir svo sem símanotkun á
GSM og langlínu, álagsmælingar og
meðaltals svartíma. Nýja útgáfan
byggir á öflugri gagnagrunni, sem er
öruggari og hraðvirkari en gagna-
grunnur eldri útgáfa. Kerfið hefur
nú verið prófað á miklu magni upp-
lýsinga og hefur staðist það ágæt-
lega, að sögn fyrirtækisins.
Guðjón H. Bernharðsson, fram-
kvæmdastjóri hins 22 ára gamla
Tölvubanka, segir að fjölmörg ís-
lensk fyrirtæki hafi í áranna rás tek-
ið Tel-Info í notkun, en yfir 50% af
100 stærstu fyrirtækjum landsins
hafa yfir að ráða lausnum frá Tölvu-
bankanum.
Tel-Info á CeBIT
Þá hyggur fyrirtækið á landvinninga
með Tel-Info á erlendum vettvangi.
Meðal annars hefur Tel-Info verið
sýnt á tæknisýningunni CeBIT í
Hannover í Þýskalandi, hjá fyrir-
tækinu NEC Infrontia Nordic í Nor-
egi og Ascom í Danmörku. Guðjón
segir að búnaðurinn hafi fengið
mikla athygli og hefur hann ekki orð-
ið var við mikla samkeppni frá öðr-
um framleiðendum.
„Við höfum skoðað mörg sam-
bærileg kerfi, m.a. á CeBIT, þegar
önnur útgáfa Tel-Info var í notkun.
Okkar tilfinning var sú eftir skoðun á
kerfum annarra að við ættum ekki að
hræðast samkeppni.“ Guðjón segir
að þrátt fyrir áhuga á því að koma
búnaðinum á kortið erlendis séu enn
miklir sölumöguleikar til staðar hér
á landi, hjá þeim sem vilja hafa yf-
irsýn yfir símakostnað og bæta sím-
svörun.
„Það sem skiptir einnig máli þegar
sótt er á erlenda markaði er hversu
lengi kerfið hefur verið í notkun hér
á landi. Stöðug þróun þess hefur
sýnt að það getur sparað fyrirtækj-
um háar fjárhæðir á skömmum
tíma,“ segir Guðjón.
Kerfi fyrir greiðslukort
í Tékkóslóvakíu
Tel-Info er ekki fyrsta lausnin frá
Tölvubankanum, þar sem nú starfa
sjö manns, sem er kynnt erlendis.
Fyrirtækið ásamt Kreditkortum hf.
seldi eigin umsýslubúnað fyrir
greiðslukortakerfi til Tékkóslóvakíu
og Tyrklands frá 1990–1992, en á því
tímabili var útflutningur á hugbún-
aði um 50% af tekjum félagsins.
Ekkert varð af frekari sölu á bún-
aðinum vegna skatta sem fyrirtæk-
inu var gert að greiða í Tékkóslóv-
akíu, en búnaðurinn er engu að síður
enn að hluta til í notkun í Tékklandi,
að sögn Guðjóns.
Tölvubankinn hefur þróað fleiri
lausnir á liðnum árum, svo sem
Gagnver.net, sem tengir ólík
vinnslukerfi í rekstri fyrirtækisins
við eitt fyrirspurnar- og úrvinnslu-
kerfi. Með Gagnaver.net lausninni
getur notandi fylgst með rekstri fyr-
irtækisins í gegnum vefviðmót eða
með notkun lófatölvu. Slíkt kerfi
verður sett upp hjá Hafnarfjarð-
arbæ í þessum mánuði, en eldri út-
gáfa þess er nú þegar í notkun hjá
BYKO og fleirum.
Þá hefur Tölvubankinn þróað
tímaskráningarkerfi, sem heldur ut-
an um viðverutíma starfsmanna
ásamt útreikningi á dag- og yfir-
vinnutíma. Með því er einnig hægt
að halda utan um sumarfrí og aðra
fjarveru starfsmanna. Á skjá allra
starfsmanna er hægt að fá yfirlit um
hvar hver er auk þess að senda skila-
boð á milli.
Tel-Info sýnir yfirlit
yfir símakostnað
BORGARAPÓTEK hefur verið tekið
til gjaldþrotaskipta, en því var lokað í
sumar vegna rekstrarerfiðleika.
Borgarapótek er einkahlutafélag í
eigu 10 hluthafa.
Sigurmar K. Albertsson hrl.
skiptastjóri sagði í samtali við Morg-
unblaðið að kröfur væru ekki byrjað-
ar að berast í búið en í skiptabeiðninni
hefði verið talað um að kröfur væru
tugir milljóna króna umfram eignir.
Eignir búsins eru helst húseignin
sem apótekið var í að Álftamýri 1–5,
auk birgða á lager.
Skiptafundur hefur verið ákveðinn
21. nóvember nk.
Borgar-
apótek
gjaldþrota