Morgunblaðið - 14.09.2003, Blaðsíða 6

6 B SUNNUDAGUR 14. SEPTEMBER 2003 MORGUNBLAÐIÐ
Sælkeri á sunnudegi
Steingrímur Sigurgeirsson
Sjávarkjallarinn í kjallaraGeysishússins við Austur-stræti er kærkomin nýjungí reykvískri veitingahúsa-flóru. Ferskur andblær þar
sem farnar eru ótroðnar slóðir jafnt
hvað varðar staðinn sjálfan sem mat-
argerðina.
Sjávarkjallarinn er nútímastaður
þar sem innblásturinn er greinilega
sóttur til vinsælla staða í stórborgum
í kringum okkur þar sem blandað er
saman klúbbstemmningu og mat.
Þótt ekki sé hátt til lofts í kjall-
aranum verður staðurinn aldrei
þröngur og aðþrengdur. Lýsingin er
nýtt á skemmtilegan hátt til að
byggja upp stemmningu og margt
gamalt og upprunalegt, t.d. steingólf
sem talið er vera hið elsta í borginni,
fær að halda sér og falla inn í nú-
tímann. Þegar gengið er inn er bar-
inn á bak við risastórt fiskabúr það
fyrsta sem blasir við. Í búrinu synda
hitabeltisfiskar í upplýstu umhverfi.
Að öðru leyti er staðurinn rökkvaður
að miklu leyti að sjálfum borðunum
undanskildum. Í meginmatsalnum
varpar eldhúsið, sem er á bak við
steinblásið gler þar sem greina má
hreyfingar kokkanna, einnig birtu inn
í salinn.
Tónlist er yfirleitt spiluð á flestum
veitingastöðum. Í Sjávarkjallaranum
sá ég hins vegar í fyrsta skipti plötu-
snúð inni í sjálfum matsalnum og eftir
því sem leið á kvöldið var hækkað í
tónlistinni en þó ekki það mikið að
það færi að trufla gesti um of.
Matargerð Sjávarkjallarans er
hrein fusion-matargerð þar sem evr-
ópskum og asískum áhrifum er
steypt saman. Mörg veitingahús hafa
gælt við fusion-eldamennskuna á síð-
ustu árum en hér birtist hún í hrein-
ræktaðri mynd en ég hef séð til þessa
á Íslandi. Og dæmið gengur vel upp
hjá Lárusi Gunnari Jónassyni mat-
reiðslumanni, sem greinilega hefur
leitað fanga víða í leit sinni að nýjum
hugmyndum.
Jafnt matseðill sem vínseðill er
byggður með nokkuð öðrum hætti en
fólk á að venjast. Réttir eru skil-
greindir eftir kryddi og bragði en
ekki nafni og vín eftir þrúgum en ekki
svæðum.
Hvalkjötið er greinilega í tísku á
veitingastöðum þessa dagana og
byrjað var á því að færa gestum bita
af hrefnu maríneraðri í kóríander
sem gaf tóninn fyrir það sem koma
skyldi, matarævintýri þar sem Ísland
og Asía mætast. Brauð var einnig
borið fram með öðrum hætti en venja
er, ekkert smjör eða ólívuolía heldur
hnetuolía og mulningur úr hnetum,
kúmmen, kóríander og fleiri krydd-
jurtum.
Hörpufiskur kom í tveimur út-
gáfum. Annars vegar vafinn inn í
nori-þang með bleikjuhrognum ofan
á og hins vegar vafinn í japanskt
núðludeig með sætri tómata-chili-
sósu. Ólíkir munnbitar. Chilisósan
harmóneraði vel við fiskinn og mjúka
núðluumgjörðina en bleikjuhrognin
höfðu vinninginn hinum megin,
hörpufisknum nánast ofaukið.
Humar „pick me up“ ber nafn með
rentu því það verður bókstaflega að
veiða humarinn upp úr sultukrukk-
unni sem hann er borinn fram í. Þetta
er skemmtileg framsetning en einnig
svolítið umdeilanleg. Vissulega er
rétturinn öðruvísi og sjónrænt áhrifa-
meiri en ef hann væri t.d. borinn fram
í skál. Þessi framsetning hefur verið
nokkuð í tísku og fékk ég til dæmis
rétt fyrir nokkru á Spicy í París í
samskonar krukku. Þar eins og í
Sjávarkjallaranum er ókosturinn sá
að það getur verið erfitt að ná matn-
um upp úr krukkunni. Sem er synd
því humarinn var mjög góður með
svörtu trufflukurli ofan á ásamt
ferskum kóríander, syndandi í foie
gras-sósu með blómkáli. Ef maður
ætlaði hins vegar að njóta sósunnar
til fulls gat það reynst erfitt því verk-
færin sem stóðu til boða voru gaffall
eða prjónar.
Lax í miso var
ágætur og góð hreðka og banani lyftu
honum upp. Satay-sósan sem kynnt
var með bragðaðist hins vegar frekar
sem rjómabætt humarsoð en jarð-
hnetusósa en var engu að síður góð.
Saltfiskur var tvískiptur, annars
vegar djúpsteiktur með kryddjurtum
og chili og hins vegar bakaður með
kartöflumús og wok-steiktu græn-
meti. Frumleg asísk-evrópsk út-
færsla af saltfiski sem féll í góðan
jarðveg, sósan með mild og sæt.
Eini kjötrétturinn sem við fengum
okkur var „chino latino“-and-
arbringa. Hún var niðursneidd í
ræmur og með heitu spínati og
hnetum. Raunar leyndust einnig
spareribs á diskinum og með þessu
voru baunir og eldrauður og sjóðandi
heitur chilipipar, fyrir þá sem vildu að
hiti færðist í leikinn. Mildari var kart-
öflu- og möndlubaka eða króketta.
Eftirréttirnir voru ekki síður góðir.
Ferskir ávextir og ber, blandaður ís
og eldaður banani. Léttur, ferskur og
bragðgóður endir.
Það er ekki auðvelt að velja vín
með svona mat og fyrir minn smekk
eiga hvítvín betur við þegar mikið er
um asískt krydd. Slíkur matur og
rauðvín fara yfirleitt ekki vel saman.
Við reyndum Riesling frá Brundl-
mayer sem hafði allt það sem til
þurfti til að ráða við matinn. Viognier
frá Guigal var sömuleiðis góður kost-
ur.
Sjávarkjallarinn fer frábærlega af
stað. Vonandi verður framhaldið eftir
því.
Seiðandi Sjávarkjallari
Morgunblaðið/Árni Sæberg
Sjávarkjallarinn. Aðalstræti 2. Pönt-
unarsími: 511-1212. Heimasíða:
www.sjavarkjallari.is
Andrúmsloft: Það ríkir klúbb-
stemmning í rökkvuðum kjall-
aranum og nútíma „lounge“-tónlist
slær tóninn.
Þjónusta: Ungt starfsfólkið sinnir
starfi sínu með bros á vör á röskan
og skilvirkan hátt. Flóknir réttirnir
útskýrðir af kostgæfni og svör á
reiðum höndum við öllum fyr-
irspurnum.
Forréttir: 1.200–2.200
Aðalréttir: 2.400–4.500 krónur.
Eftirréttir: 800–1.300 krónur.
Mælt með: „Exotic“-matseðillinn á
5.900 krónur gefur góða yfirsýn yf-
ir matreiðslu staðarins. Líklega er
best að velja ilmríkt hvítvín með
matnum.
Vínlisti: Vínum er raðað eftir þrúg-
um: Sauvignon Blanc, Chardonnay,
Riesling, Cabernet Sauvignon og
svo framvegis. Í hverjum flokki
frambærilegir fulltrúar jafnt nýja
heimsins sem gömlu góðu Evrópu.
Verð þolanlegt.
Sjávarkjallarinn
Einkunn
Viðunandi
Góður
Mjög góður
Frábær
Afburða veitingastaður
Einkunnagjöf byggist á mati á þjónustu,
húsnæði, vínlista og mat, að teknu tilliti
til verðlags.




Miðvikudaginn 17. september kemur Vín-
klúbbur Sommelier saman í fyrsta sinn á
veitingastaðnum Sommelier við Hverfisgötu
46.
Undibúningur að stofnun klúbbsins hefur
staðið um nokkurt skeið en meginmarkmiðið
með stofnun hans er að vera varnarþing vín-
áhugamanna sem vilja kynna sér það besta
sem gerist í vínheiminum í góðum fé-
lagsskap, segir í fréttatilkynningu.
Stefnt er að því að félagsmenn hittist
mánaðarlega og smakki á góðum vínum og
afbragðs mat með, en lykilatriði í Vínklúbb
Sommelier verður samsetning víns og mat-
ar.
Fyrirkomulagið í starfsemi klúbbsins
verður rætt á fyrsta kvöldinu og verður mik-
ið lagt upp úr að félagsmenn taki virkan þátt
í mótun starfseminnar.
Dagskrá hefst kl. 19.30 með fordrykk en
kl. 20.00 stundvíslega hefst dagskrá. Fyrsta
kvöldið verður franskt þema.
Boðið verður upp á tvíréttaðan matseðil
og úrvals vín með á aðeins 4.500 krónur.
Einnig verður boðið upp á fjölmörg gæðavín
á innkaupsverði til smökkunar eða geymslu í
víngeymslum staðarins en félagsmenn Vín-
klúbbsins munu eiga kost á að nálgast sjald-
gæf vín fyrir milligöngu Sommelier.
Stofnun
Vínklúbbs
Sommelier
Vín vikunnar eru flest ítölsk að þessu sinni en einnig fulltrúar frá
jafnt Norður-Ameríku sem Suður-Afríku. Þetta er vín sem eru
tiltölulega nýkomin í sölu eða koma í sölu og fást í Heiðrúnu og
Kringlunni.
Rapitala 2002 Nero d’Avola er rauður Sikileyingur. Þurr
ilmur, sætar plómur og þurrkaðir ávextir. Í munni þétt og skarpt
en þó milt. Milliþungt með nokkurri sýru í lokin. 1.280 krónur.
15/20
Snoqualmie Merlot 1998 er rauðvín frá Washington-ríki við
Kyrrahafsströnd Bandaríkjanna. Nefið er mjúkt og eikin sæt og
áberandi með mikilli vanillu og kaffi. Mýktin heldur áfram í
munni, örlítið sýrubit en fyrst og fremst þykkt og mjúkt með
mildum ávexti. Aldurinn farinn að segja til sín, ávöxturinn tekinn
að dofna en eikin lifir eftir. 1.690 krónur. 16/20
Melini Chianti 2001 er ungt Sangiovese-vín, ferskt og óeik-
að. Léttur og þægilegur ávöxtur með dökkum rifsberjum og
kirsuberjum í nefi. Létt og ljóst í munni. Ágætlega þægilegt en
fremur einkennalítið. 1.270 krónur. 14/20
Goiya Chardonnay-Sauvignon Blanc 2002 er hvítvín frá
Suður-Afríku sem nýkomið er í sölu. Sætur ilmur af perum, nið-
ursoðnum ávöxtum og kóríander. Hefur fremur sæta uppbygg-
ingu, feitt en Sauvignon-ávöxturinn gefur jafnframt ferskleika
og smábit. Þarf að vera nokkuð kalt. 1.090 krónur. 14/20
Goiya Shiraz-
Pinotage er rauðvín frá
sama framleiðanda.
Dæmigert ávaxtavín,
ávöxturinn dökkur og
sólríkur, jafnvel smá leð-
ur í bland. Í munni þykkt
og suðrænt, greina má
krydd og hita. Einfalt og
aðgengilegt. 15/20
Vín vikunnar
Einkunnagjöf vína
byggist á heild-
stæðu mati á gæð-
um, upp-
runaeinkennum og
hlutfalli verðs og gæða. Vín getur
fengið að hámarki 20 stig í ein-
kunn. Ef um mjög góð kaup er að
ræða er vínið merkt með buddu.