Morgunblaðið - 14.09.2003, Blaðsíða 11

MORGUNBLAÐIÐ SUNNUDAGUR 14. SEPTEMBER 2003 B 11
ferðalög
Tóku fleiri Íslendingar þátt í göngunni?
„Dóttir mín, Dóra Sif Óskarsdóttir, sem býr í Noregi.“
Hvers vegna ákvaðst þú að taka þátt í kvenna-
göngu í Rjukan?
„Fyrir tveimur árum komu sjö norskar konur hingað til
lands í þeim tilgangi að fá upplýsingar um kvenna-
hlaupið hér á landi. Ég hef komið að skipulagningu
hlaupsins frá upphafi eða árinu 1990 og var beðin um
að hitta þær til að fræða þær um hlaupið.
Konurnar höfðu þá fengið ferðina hingað til lands í
verðlaun fyrir sjálfboðavinnu sem þær inna árlega af
hendi við kvennahlaupið í Rjukan. Í framhaldi af spjalli
okkar buðu þær mér að koma til Rjukan og ganga með
þeim.
Upphaflega hafði forsvarsmaður hópsins í Noregi, Siri
Strandrud, fengið hugmynd að Íslandsferðinni vegna
hlaupahóps íslenskra kvenna sem hún rakst á í Kaup-
mannahöfn 17. júní. Þær voru að hlaupa í skemmti-
garði, allar klæddar rauðum bolum. Hún for að spyrjast
fyrir um konurnar og komst að því að þær voru að feta
í fótspor kvenna á Íslandi.
Hvernig er kvennahlaupinu háttað í Rjukan?
„Konurnar ganga í kringum tindinn á fjallinu Gausta við
Rjukan, sem er þekkt gönguleið um níu kílómetra löng.
Þetta er tignarlegt fjall og við gengum í 1.262 metra
hæð yfir sjávarmáli.
Konurnar tóku sér rúman tíma í ferðina, borðuðu nesti
á leiðinni og berin töfðu líka aðeins en þarna er krökkt
af bláberjum. Við enduðum svo gönguna í Selstali set-
er sem er gamall bóndabær, opinn ferðamönnum. Þar
eru seldar gamaldags veitingar og til dæmis hægt að
kaupa heimagerða osta, smjör og handverk.“
Hefur gangan verið haldin í mörg ár?
„Þetta var í fimmta skipti en gangan er alltaf haldin
fyrstu helgina í september. Í Rjukan búa um 6.000
manns og þátttakendur voru um 2.200 talsins. Kon-
urnar sem að göngunni standa segja að mikið sé um
að vera daginn sem kvennagangan er. Þá er settur upp
stór handverksmarkaður í Rjukan og oft eru gestir
jafnmargir og íbúar bæjarins þennan dag.“
Fannst þér skemmtilegt að taka þátt í þessum
viðburði?
„Já þetta var mjög gaman og móttökurnar sem við
mæðgur fengum voru engu líkar, slík var gestrisnin.
Í upphafi hlaupsins byrjaði ég á því að kynna mig fyrir
þátttakendum og kvennahlaupið okkar og hvetja fólk
til að koma í kvennahlaupið á Íslandi. Kannski gefst
mér svo færi á að endurgjalda gestrisnina því ég bauð
norsku skipuleggjendunum einnig að taka þátt í
kvennahlaupinu okkar sem verður næst haldið 19. júní
árið 2004.“
Í síðustu viku hélt Lovísa Einarsdóttir til Rjukan í Noregi til að ganga með 2.200 konum
hringinn í kringum tindinn á Gaustafjallinu.
Björg W. Johansen, Lovísa Einarsdóttir, Dóra Sif Ósk-
arsdóttir og Anne Helen Moe.
Norskar stúlkur í þjóðbúningi gáfu öllum þátttak-
endum súkkulaði í upphafi göngunnar.
Gönguleiðin í kringum Gaustafjallstoppinn er níu kíló-
metra löng og konurnar gáfu sér nægan tíma.
Tók þátt í
kvennagöngu
í Noregi
 Nánari upplýsingar um kvennagönguna í
Rjukan í Noregi er að finna á slóðinni:
www.kjerringsveiven.no/
Aðgengilegar upplýsingar um Rjukan í Noregi
eru á www.visitrjukan.no
Bóndabærinn Selstali seter
3660 RJUKAN
Vefslóð: www.selstali.com
Hvaðan ertu að koma?
BÆTTAR merkingar í Snæfellsbæ
hafa auðveldað ferðamönnum að-
gengi og veitt nánari upplýsingar um
ýmsa vinsæla áfangastaði. Umhverf-
isstofa hefur til dæmis sett upp
merkingar við friðlöndin á Arnar-
stapa, Hellnum og Búðum og á öllum
þessum stöðum er jafnframt að finna
skilti sem veita upplýsingar um
dýralíf og helsta gróður á svæðun-
um. Jafnframt hafa merkingar í
Þjóðgarðinum Snæfellsjökli verið
bættar og munar þar mestu um
miklar og góðar merkingar á Djúpa-
lónssandi en hann er einn vinsælasti
áfangastaður ferðamanna innan
Þjóðgarðsins. Þar hefur jafnframt
verið komið upp langþráðri salern-
isaðstöðu fyrir ferðmenn en í fyrra
fóru um sex hundruð manns um
göngustíginn niður á sandinn yfir
háannatímann.
Ferðamannatímabilið að lengjast
Enn má sjá erlenda ferðamenn á
ferð um Snæfellsbæ, þótt liðið sé
langt á haustið og haustlægðirnar
farnar að láta á sér kræla. Ferða-
mátinn flug og bíll virðist hafa aukist
og þeir ferðamenn sem velja jaðar-
tímann láta veðurfarið ekkert á sig
fá, enda sumir hverjir að leita eftir
hressilegum vindum og rigningu eft-
ir hitana á meginlandi Evrópu. Menn
innan ferðaþjónustunnar í Snæ-
fellsbæ eru almennt sammála um að
mikil aukning ferðamanna hafi verið
yfir háannatímann í sumar og að sá
tími hafi lengst. Bæði hafi hann haf-
ist fyrr og staðið lengur.
Merkingar við friðlöndin í Snæfellsbæ
Morgunblaðið/Guðrún G. Bergmann
Ferðamenn virða fyrir sér upplýs-
ingaskiltið við Djúpalón.
Með AVIS kemst þú lengra
Veist þú að Avis = Leiga á bílum? Erum í 173 löndum og á 5000 stöðum í heiminum.
Kynntu þér tilboð Avis á bílaleigubílum um allan heim.
Pantaðu AVIS bílinn áður en þú leggur af stað – Það borgar sig
Hringdu í Avis sími 5914000
Knarrarvogur 2 – 104 Reykjavík – www.avis.is
Munið tilboð til korthafa Visa