Morgunblaðið - 15.09.2003, Blaðsíða 4

KNATTSPYRNA
4 B MÁNUDAGUR 15. SEPTEMBER 2003 MORGUNBLAÐIÐ
BJARNI Guðjónsson skoraði sitt fyrsta mark í þýsku knatt-
spyrnunni á laugardaginn þegar hann innsiglaði góðan úti-
sigur Bochum á Hansa Rostock, 2:0. Bochum vann þar sinn
annan leiki í röð eftir slæma byrjun og er komið upp í miðja
deild.
Þórður Guðjónsson var í byrjunarliði Bochum en þegar
hálftími var eftir af leiknum kom Bjarni í hans stað. Bochum
komst yfir í byrjun síðari hálfleiks en undir lokin sóttu heima-
menn af krafti og freistuðu þess að jafna metin. Markvörður
Rostock, Mathias Schober, brá sér í sóknina þegar lið hans
fékk aukaspyrnu á hættulegum stað þegar tvær mínútur voru
komnar framyfir leiktímann. Þegar hún rann út í sandinn var
hann of seinn til baka og leikmenn Bochum óðu upp völlinn.
Bjarni fékk boltann, og sendi hann í tómt mark heimamanna
af 20 metra færi.
Meistarar Bayern München máttu þola sitt fyrsta tap á
tímabilinu, 3:2 í Wolfsburg. Sigurinn var ævintýralegur fyrir
heimamenn því þeir tryggðu sér hann með mörkum frá Fern-
ando Baiano og Diego Klimowicz á síðustu sex mínútunum.
Hinn brasilíski Baiano lék sinn fyrsta leik með Wolfsburg og
skoraði tvö marka liðsins. Átján ára piltur, Bastian Schwein-
steiger, skoraði fyrra mark Bayern og hinn hollenski Roy
Makaay gerði sitt fyrsta deildamark fyrir félagið.
Leverkusen vann Hamburger SV, 1:0, með marki frá bras-
ilíska varnarmanninum Juan og er efst í deildinni með 12 stig
eftir fimm leiki.
Fredi Bobic skoraði loksins fyrir Herthu Berlín, fyrstu
mörk liðsins eftir að það hafði leikið í 374 mínútur án þess að
skora. Útlitið var gott því með mörkunum frá Bobic var
Hertha komin í 2:0 gegn Hannover snemma leiks, en það voru
hinsvegar gestirnir sem fögnuðu 3:2 sigri þegar upp var stað-
ið. Hertha er því enn án sigurs og er í þriðja neðsta sætinu.
 Stuttgart hefur ekki fengið á sig mark í fimm fyrstu
leikjunum og er í öðru sæti eftir markalaust jafntefli í
Schalke.
 Í herbúðum Bayern og Herthu var álaginu á landsliðs-
menn félaganna kennt um hvernig fór um helgina en þessi tvö
lið eiga flesta leikmenn þýska landsliðsins sem lék gegn Ís-
lendingum og Skotum.
 Nýtt aðsóknarmet í þýsku 1. deildinni var sett í Dort-
mund þar sem 80.500 manns sáu heimamenn sigra Werder
Bremen, 2:1.
Bjarni innsiglaði góðan útisigur Bochum
Morgunblaðið/Brynjar Gauti
Bræðurnir Þórður og Bjarni Guðjónssynir. Bjarni
kom inn á sem varamaður fyrir bróður sinn hjá
Bochum um helgina og tryggði liðinu sigur, 2:1.
„ÉG er auðvitað mjög ánægður
með sigur okkar í dag,“ sagði Pét-
ur Ólafsson, aðstoðarþjálfari KA, í
leikslok. „Þetta var gríðarlega
mikilvægur leikur og með stór-
kostlegri baráttu og samheldni
leikmanna náðum við að sigra.
Strákarnir lögðu sig allir fram
og mér fannst sigurinn sanngjarn.
Við duttum töluvert aftar á völlinn
eftir að við komust í 2:0 en það
var ekki planið, það bara gerðist.
Eftir að þeir minnkuðu muninn
var ég sannfærður um að strák-
arnir myndu bara bæta í, enda var
stemningin þannig í liðinu og það
gekk eftir. Við hefðum átt að bæta
við mörkum. Svo verðum við að
berjast til síðasta blóðdropa í
Grindavík en bikarleikurinn gegn
Skaganum kemur reyndar inn á
milli. Það er mikið álag á leik-
mönnum okkar. Við spilum þrjá
leiki á sjö dögum og það er hálf-
gerð hneisa að bikarleiknum sé
troðið á milli þessara mikilvægu
leikja í síðustu tveimur umferð-
unum. Það er allavega ekki verið
að gera okkur baráttuna fyrir sæti
okkar í deildinni auðveldari,“
sagði aðstoðarþjálfarinn.
Finnur Kolbeinsson, fyrirliði
Fylkis, hafði þetta að segja: „Þetta
var mikil barátta eins og við
bjuggumst við enda er KA að berj-
ast fyrir lífi sínu í deildinni. Mér
fannst leikurinn jafn og það sem
skildi liðin að var að þeir nýttu sín
færi betur en við. Nú eru komnir
fjórir tapleikir í röð og við verðum
að sigra Val í síðustu umferðinni á
Fylkisvellinum til að endurheimta
stoltið.
Hvað mig varðar, er ég ekki bú-
inn að ákveða neitt hvort ég haldi
áfram í boltanum eða ekki. Ég sé
bara til eftir að þessu tímabili lýk-
ur,“ sagði Finnur.
Samheldni skilaði sigrinum
Leikurinn fór ágætlega af staðen datt svo niður og var fyrri
hálfleikur í daufari kantinum.
Fylkismenn fengu tvö ágæt færi
en Sören Byskov
varði örugglega í
báðum tilvikum.
KA fékk einnig tvö
færi og náði að
nýta annað þeirra rétt fyrir lok
hálfleiksins. Það var sjálfur þjálf-
ari liðsins, Þorvaldur Örlygsson,
sem laumaðist óáreittur inn á teig
og skallaði boltann örugglega í
markið eftir aukaspyrnu frá Dean
Martin. Markið kom á besta tíma
fyrir KA og þeir gulklæddu komu
fullir sjálfstrausts til síðari hálf-
leiks. Það leið ekki á löngu þar til
annað mark komst í hús en það
skoraði Pálmi Rafn Pálmason eft-
ir að Þorvaldur þjálfari og Hreinn
Hringsson höfðu splundrað vörn
Fylkis. Eftir markið bakkaði lið
KA nokkuð og Fylkismenn fóru
að sækja í sig veðrið. Hrafnkell
Helgason átti skalla yfir KA-
markið og skömmu síðar fengu
Árbæingar vítaspyrnu þegar
Ronni Hartvig braut á Sævari
Þór Gíslasyni. Úr henni skoraði
Helgi Valur Daníelsson af öryggi
og staðan því orðin 2-1. Það sem
eftir lifði leiks voru KA-menn
sterkari, greinilega staðráðnir í
að missa ekki enn einn sigurinn
úr höndum sér. Þeir fengu nokk-
ur upplögð færi til að bæta við
mörkum en áttu erfitt með að
hitta á rammann. Fylkismenn
fengu tvö færi en Sören Byskov
varði örugglega í bæði skiptin.
Eftir leik fögnuðu KA-menn vel
og innilega en eins og fyrr sagði
var sigur í leiknum þeim lífs-
nauðsynlegur. Fylkismenn voru
ekki alveg jafnkátir sem skiljan-
legt er.
Baráttan var aðalsmerki KA í
leiknum en almennt áttu leik-
menn ágætis leik. Þorvaldur
þjálfari átti þátt í báðum mörk-
unum og vann fjölmarga bolta á
miðjunni, Dean Martin og Hreinn
Hringsson voru síógnandi og
Slobodan Milisic sýndi allar sínar
bestu hliðar í vörninni enda veitti
ekki af því félagi hans Ronni
Hartvig var ólíkur sjálfum sér.
Sören Byskov var mjög öruggur
og virðist búinn að jafna sig eftir
slæm mistök í síðustu leikjum. Í
Fylkisliðinu voru Hrafnkell
Helgason og Helgi Valur Dan-
íelsson sterkir á miðjunni, Þór-
hallur Dan Jóhannsson firna-
sterkur í öftustu línu og Kjartan
Sturluson öruggur í markinu.
Sóknarlínan var fremur slök og
gerði fáar rósir.
Morgunblaðið/Kristján
Helgi Valur Daníelsson, Fylkismaður, og Pálmi Rafn Pálmason, KA-maður, í baráttu um boltann í
leiknum á Akureyrarvelli í gær. Pálmi skoraði markið sem færði KA-mönnum dýrmætan sigur.
Baráttu-
sigur
hjá KA
KA vann mikilvægan sigur á Fylki, 2:1 á Akureyri í gær. Þetta var
fyrsti sigur liðsins í fimm leikjum og með honum smokruðu norð-
anpiltar sér úr fallsæti. Stigin þrjú verða þó bara talin skammgóður
vermir því liðið er enn í bullandi fallhættu og þarf helst að sækja
stig til Grindavíkur í lokaumferðinni til að forðast fall. Fylkismenn
virðast algerlega heillum horfnir, hafa tapað fjórum leikjum í röð og
eru dottnir niður í fjóra sæti. Sigur KA var sanngjarn, þeir börðust
betur og fengu fleiri færi í leiknum.
Einar
Sigtryggsson
skrifar
KA 2:1 Fylkir
Leikskipulag: 4-5-1 Landsbankadeildin,
17. umferð
Akureyrarvöllur
Sunnudaginn 14. sept 2003
Aðstæður:
9° hiti, norðan kaldi og þurrt.
Smá raki í vellinum.
Áhorfendur: 500
Dómari:
Egill Már Markússon,
Grótta, 4
Aðstoðardómarar:
Marinó Þorsteinsson,
Guðmundur H. Jónsson
Skot á mark: 12(6) - 7(4)
Hornspyrnur: 7 - 8
Rangstöður: 1 - 0
Leikskipulag: 4-3-3
Sören Byskov M
Örlygur Þór Helgason
Slobodan Milisic M
Ronnie Hartvig
Þorvaldur Sveinn Guðbjörnsson
Dean Martin M
Pálmi Rafn Pálmason M
(Örn Kató Hauksson 89.)
Steinn V. Gunnarsson
Þorvaldur Örlygsson M
Jóhann Helgason
(Steinar Tenden 71.)
Hreinn Hringsson M
Kjartan Sturluson M
Björgvin Freyr Vilhjálmsson
Þórhallur Dan Jóhannsson M
Kjartan Antonsson
Arnar Þór Úlfarsson
(Magnús Már Þorvarðarson 66.)
Helgi Valur Daníelsson M
Hrafnkell Helgason M
Finnur Kolbeinsson
Theódór Óskarsson
Haukur Ingi Guðnason
(Kristján Valdimarsson 76.)
Eyjólfur Héðinsson
(Sævar Þór Gíslason 58.)
1:0 (45.) 1:0 (45.) Dean Martin tók aukaspyrnu af hægri kanti, gaf fyrir á nær-
stöng þar sem Þorvaldur Örlygsson kom aðvífandi og stangaði bolt-
ann í netið.
2:0 (50.) 2:0 (50.) Þorvaldur Örlygsson sendi boltann innfyrir Fylkisvörnina á
Hrein Hringsson. Hann renndi honum svo fyrir markið á Pálma Rafn
Pálmason sem hreinlega gat varla annað en skorað.
2:1 (62.) 2:1 (62.) Helgi Valur Daníelsson skoraði örugglega úr vítaspyrnu sem
dæmd var eftir viðskipti Ronni Hartvig og Sævars Þórs Gíslasonar í
vítateig KA.
Gul spjöld: Björgvin Freyr Vilhjálmsson, Fylkir (32.) fyrir brot.  Arnar Þór Úlfarsson, Fylkir
(46.) fyrir brot.
Rauð spjöld: Engin