Morgunblaðið - 15.09.2003, Blaðsíða 5

KNATTSPYRNA
MORGUNBLAÐIÐ MÁNUDAGUR 15. SEPTEMBER 2003 B 5
Valur 2:0 Fram
Leikskipulag: 4-4-2 Landsbankadeildin,
17. umferð
Hlíðarendi
Sunnudaginn 14. sept 2003
Aðstæður:
Sól, talsverður hliðarvindur,
völlurinn blautur og þungur.
Áhorfendur: 981.
Dómari:
Gísli H. Jóhannsson,
Keflavík, 2
Aðstoðardómarar:
Gísli H. Jóhannsson, Einar
Sigurðsson
Skot á mark: 14(7) - 14(8)
Hornspyrnur: 3 - 7
Rangstöður: 7 - 5
Leikskipulag: 3-5-2
Kristinn G. Guðmundsson
Stefán Helgi Jónsson M
Baldvin Hallgrímsson
Guðni Rúnar Helgason M
Bjarni Ólafur Eiríksson M
Matthías Guðmundsson M
(Birkir Már Sævarsson 82.)
Jóhann H. Hreiðarsson
Sigurbjörn Hreiðarsson M
Ellert Jón Björnsson M
(Benedikt B. Hinriksson 86.)
Thomas Maale
(Þorkell Guðjónsson 74.)
Hálfdán Gíslason
Gunnar Sigurðsson
Andrés Jónsson
Ingvar Ólason
Eggert Stefánsson
Ómar Hákonarson
(Ragnar Árnason 72.)
Viðar Guðjónsson
Ágúst Gylfason M
Freyr Karlsson
(Kristinn Tómasson 63.)
Daði Guðmundsson
Andri Fannar Ottósson
Kristján Brooks
(Þorbjörn Atli Sveinsson 57.)
1:0 (26.) Bjarni Ólafur Eiríksson átti fallega sendingu í gegnum miðja vörn Fram-
ara á Hálfdán Gíslason. Hann slapp inn í vítateiginn og skoraði með
föstu skoti í hægra markhornið.
2:0 (58.) Ellert Jón Björnsson lék upp vinstri kantinn og sendi boltann fyrir
markið. Hann fór framhjá Thomas Maale en á móts við stöngina fjær
var Jóhann H. Hreiðarsson mættur. Hann gaf sér góðan tíma, lagði fyr-
ir sig boltann og þrumaði honum óverjandi uppundir þaknetið.
Gul spjöld: Freyr Karlsson, Fram (13.) fyrir brot  Viðar Guðjónsson, Fram (61.) fyrir brot
 Ingvar Ólason, Fram (79.) fyrir brot  Baldvin Hallgrímsson, Valur (83.) fyr-
ir brot
Rauð spjöld: Engin
„VIÐ vissum að við yrðum að vinna
tvo síðustu leiki okkar í deildinni og
fyrri sigurinn er í höfn. Næsta verk-
efni er gríðarlega erfitt, við verðum
að sigra Fylki í Árbænum, en við mun-
um berja okkur saman fyrir þann leik
eins og þennan,“ sagði Sigurbjörn
Hreiðarsson, miðjumaður Valsmanna
og fyrirliði til skamms tíma, við Morg-
unblaðið eftir sigurinn á Fram í gær.
„Þetta var góður leikur hjá okkur,
við vorum staðráðnir í því að ef það
yrði okkar hlutskipti að tapa, mynd-
um við gera það með reisn. En innst
inni vissum við að ef við myndum berj-
ast eins og menn og spila eins og við
getum, þá myndum við sigra.“
Fjóra leikmenn vantaði hjá Val
vegna meiðsla og leikbanna og tæpt
stóð með Sigurbjörn sjálfan fram á
síðasta dag. „Við vissum að þessir
fjórir yrðu ekki með, Ármann og Sig-
urður yrðu í banni og Kristinn og
Ólafur væru meiddir, og undir-
bjuggum okkur vel í tvær vikur með
tilliti til þess. Þetta leit vissulega ekki
vel út en allir vissu hvaða ábyrgð þeir
þyrftu að axla í þessum leik. Við erum
sáttir við hvernig okkur tókst að
vinna úr því. En við vitum hvað er
framundan, við höfum upplifað það
tvisvar að falla eftir að hafa unnið
okkar leik í næstsíðustu umferðinni
og erum staðráðnir í að láta það ekki
endurtaka sig,“ sagði Sigurbjörn
Hreiðarsson.
Góður undirbúningur
síðustu tvær vikurnar
„ÞETTA var langt frá því
að vera sannfærandi hjá
okkur. Við spiluðum í sjálfu
sér ágætlega en það vantaði
mikið upp á að okkar menn
væru tilbúnir til að fórna
því sem til þurfti til að
sigra. Á undan þessum leik
höfðum við unnið fjóra af
síðustu fimm og þá var allt
önnur barátta í liðinu,“
sagði Steinar Þór Guð-
geirsson, þjálfari Fram, við
Morgunblaðið eftir ósig-
urinn gegn Val í gær.
„Munurinn á liðunum lá í
því að viljinn hjá Vals-
mönnum var meiri og hann
skilaði þeim þremur stigum
í hús. Við svona aðstæður,
rok og þungan völl, er það
baráttan sem ræður úrslit-
um og það leystu Valsmenn
vel. Við erum komnir aftur í
fallsætið, sem við höfum
verið í nánast allt mótið og
við okkur blasir að ekkert
annað en sigur í síðasta
leiknum nægir okkur. Hann
verðum við að vinna, þá
höldum við okkur uppi. Það
er kannski það eina já-
kvæða við þessa stöðu, við
getum séð um það sjálfir að
bjarga okkur,“ sagði Stein-
ar.
Ekki tilbúnir að fórna
því sem til þurfti
RÍKHARÐUR Daðason skoraði í gær sig-
urmarkið fyrir sitt nýja félag, Fredrikstad,
þegar það sigraði Start, 2:1, í norsku 1.
deildinni í knattspyrnu. Ríkharður, sem
kom til Fredrikstad um mánaðamótin og
var í fyrsta skipti í byrjunarliðinu, skoraði
markið á 67. mínútu en lið hans hafði lent
undir snemma leiks. Þar með styrkti Fred-
rikstad stöðu sína í baráttunni um sæti í úr-
valsdeildinni, er í þriðja sæti með 47 stig, en
á toppnum er Hönefoss með 50 stig og síðan
kemur HamKam með 48 stig. Haraldur Ing-
ólfsson og félagar í Raufoss töpuðu heima
fyrir Moss, 0:1, og sitja eftir með 43 stig í
fjórða sætinu. Haraldur lék síðustu 15 mín-
úturnar.
Ríkharður
skoraði
sigurmarkið
VALUR sigraði Fram í 50. skipti á Íslandsmótinu í knattspyrnu í
gær en þetta var 122. viðureign félaganna frá því þau mættust þar
fyrst árið 1915. Fram hefur unnið 42 af þessum leikjum og 30 hafa
endað með jafntefli. Markatalan er 206:170, Valsmönnum í hag.
Þetta var jafnframt sjötti ósigur Framara í síðustu átta heimsókn-
um þeirra að Hlíðarenda í efstu deild.
50. sigur Vals á Fram
Og miðað við leikinn í gær erumun meiri líkur á að Valsmenn
bjargi sér en Framarar. Allt frá
byrjun var betri
bragur á Valsliðinu
sem var sterkari að-
ilinn fyrsta hálftím-
ann og náði oft ágæt-
um samleiksköflum á blautum og
þungum vellinum. Thomas Maale og
Matthías Guðmundsson nýttu ekki
bestu marktækifærin en Hálfdáni
Gíslasyni urðu hinsvegar ekki á nein
mistök þegar hann kom Valsmönn-
um yfir á 26. mínútu. Framarar voru
mun óstöðugri í leik sínum, þeir áttu
ágætar sóknir inn á milli en sköpuðu
sér engin opin færi fyrr en á síðustu
tíu mínútum hálfleiksins. Þá hefðu
þeir líka hæglega getað jafnað met-
in. Ómar Hákonarson slapp innfyrir
vörn Vals hægra megin en í stað þess
að skjóta sjálfur úr ágætu færi gaf
hann á Kristján Brooks rangstæðan.
Skömmu síðar var mikill hamagang-
ur í markteig Vals eftir hornspyrnu
þar sem í tvígang var bjargað á
marklínu, frá þeim Eggerti Stefáns-
syni og Kristjáni Brooks. Kristinn
Geir Guðmundsson varði mark Vals í
forföllum Ólafs Þórs Gunnarssonar
og var óstyrkur í fyrri hálfleiknum
en öflugir miðverðir Vals hjálpuðu
honum yfir erfiðustu hjallana.
Síðasta tækifæri Framara til að
komast inn í leikinn kom á 56. mín-
útu. Kristján komst þá einn gegn
Kristni Geir sem bjargaði glæsilega
með úthlaupi. Þar með náði sá piltur
sjálfstraustinu sem áður vantaði og
steig ekki feilspor eftir það. Tveimur
mínútum síðar skoraði Jóhann
Hreiðarsson, 2:0, og Framarar sáu
vart til sólar síðasta hálftímann.
Sókn þeirra þyngdist þó eftir því
sem leið á leikinn en hún skilaði sér
aðeins í einu umtalsverðu marktæki-
færi. Kristinn Tómasson skaut þá yf-
ir mark Vals. Það voru hinsvegar
þeir rauðklæddu sem voru mun nær
því að skora. Maale hitti ekki markið
úr sannkölluðu dauðafæri eftir horn-
spyrnu og þessi danski sóknarmaður
er augljóslega mun betri í því að
spila samherja sína uppi en að skora
sjálfur. Síðan slapp Birkir Már Sæv-
arsson einn upp að marki Fram en
skaut framhjá og Gunnar Sigurðs-
son, markvörður Fram, virtist hepp-
inn að fá ekki á sig vítaspyrnu í leið-
inni.
Valsmenn börðust með kjafti og
klóm alls staðar á vellinum, í þeirra
röðum voru allir samstilltir og með á
nótunum um það sem í húfi var.
Fremstur í flokki fór Sigurbjörn
Hreiðarsson sem lék mjög vel á
miðjunni, var miðpunktur í spilinu
og fór fyrir sínum mönnum með
dugnaði og baráttugleði. Guðni Rún-
ar Helgason var afar traustur í vörn-
inni en í raun er ekki sanngjarnt að
tína til einstaka leikmenn því hjá Val
var um að ræða átak liðsheildar sem
skilaði sér í því sem stefnt var að –
sigri og nýrri von um að halda sér í
deildinni. Það var ekki að sjá að fjóra
lykilmenn vantaði í Valsliðið, þeir
sem fylltu í skörðin gerðu það með
miklum sóma.
Það var eins og Framarar væru
mættir í þennan leik með öðru hug-
arfari og hjá mörgum þeirra vantaði
einbeitingu og baráttuvilja. Fyrirlið-
inn Ágúst Gylfason var sá eini sem
virtist skynja hvað til þyrfti en hann
náði ekki að drífa félaga sína nægi-
lega vel með sér. Þeir áttu marga
ágæta samleikskafla en voru gjör-
samlega bitlausir og hugmynda-
snauðir þegar nær dró Valsmarkinu.
Það var engu líkara en Framarar
væru að spara kraftana fyrir síðustu
umferðina þar sem þeir hafa jafnan
gert það sem til hefur þurft undan-
farin fjögur ár. En spili þeir gegn
Þrótti næsta laugardag eins og þeir
gerðu í gær er lítil von til þess að
Fram leiki í úrvalsdeildinni næsta
sumar.
Morgunblaðið/Árni Torfason
Sigurbjörn Hreiðarsson var fremstur í flokki í baráttuglöðu liði Vals í gær gegn Fram á Hlíðarenda.
Öruggur
Valssigur á
andlausum
Frömurum
GÖMLU Reykjavíkurstórveldin Valur og Fram haldast í hendur í
fallsætum úrvalsdeildarinnar eftir sannfærandi sigur Valsmanna í
uppgjöri þeirra að Hlíðarenda í gær, 2:0. Þar með eru þau bæði í
þeirri stöðu að ekkert annað en sigur í lokaumferðinni getur bjarg-
að þeim frá falli. Hlíðarendapiltar voru reyndar líka þannig settir
fyrir þennan leik, þeir urðu að sigra því annars hefðu dagar þeirra í
deildinni verið taldir. Framarar hefðu verið í öruggri höfn með sigri
en nú eru þeir í gamalkunnri stöðu – fimmta árið í röð stendur Safa-
mýrarliðið frammi fyrir því að þurfa að spila um sæti sitt í deildinni á
síðasta leikdegi.
Víðir
Sigurðsson
skrifar
Valur og Fram í fallsætunum fyrir
síðustu umferðina