Morgunblaðið - 15.09.2003, Blaðsíða 9
KNATTSPYRNA
MORGUNBLAÐIÐ MÁNUDAGUR 15. SEPTEMBER 2003 B 9
GUÐJÓN Þórðarson var ekki
sáttur við frammistöðu lærisveina
sinna í Barnsley sem töpuðu sínum
fyrsta leik á tímabilinu í ensku 2.
deildinni á laugardaginn, 3:1 fyrir
Port Vale. „Við komumst upp með
að spila illa í síðasta leik, gegn Chest-
erfield, en það gekk ekki gegn Port
Vale sem er mun betra lið,“ sagði
Guðjón en Port Vale náði forystunni
úr höndum Barnsley með sigrinum.
INDRIÐI Sigurðsson var í leik-
mannahópnum hjá sínu nýja félagi,
Genk, þegar það vann Standard
Liege á útivelli, 2:0, í belgísku 1.
deildinni í gær. Indriði kom ekki við
sögu í leiknum.
HELGI Kolviðsson tók út leikbann
þegar lið hans, Kärnten, steinlá fyrir
Salzburg, 5:0, í austurrísku úrvals-
deildinni í knattspyrnu á laugardag.
VIKTOR Bjarki Arnarsson lék
síðasta hálftímann með TOP Oss
sem tapaði sínum fyrsta leik á tíma-
bilinu í hollensku 1. deildinni, 2:0
gegn Heracles.
ATLI Sveinn Þórarinsson lék síð-
ustu sex mínúturnar með Örgryte
sem tapaði fyrir Halmstad, 2:1, í
sænsku úrvalsdeildinni í knatt-
spyrnu í gær.
ADE Akinbiyi skrifaði á laugar-
daginn undir þriggja ára samning
við 1. deildarlið Stoke City sem fékk
hann á frjálsri sölu frá Crystal Pal-
ace. Akinbiyi lék fjóra leiki með
Stoke sem lánsmaður síðasta vetur
og skoraði þá tvö mörk.
NICOLAS Anelka skoraði þrennu
fyrir Manchester City í gær þegar
lið hans vann góðan sigur á Aston
Villa, 4:1, í úrvalsdeildinni. Tvö
marka Frakkans komu úr vítaspyrn-
um.
MIKAEL Forssell, finnski láns-
maðurinn frá Chelsea, skoraði bæði
mörk Birmingham sem gerði jafn-
tefli, 2:2, við Fulham í líflegum leik
þar sem leikmenn úr báðum liðum
voru reknir af velli.
TEITUR Þórðarson, sem hætti
störfum hjá norska knattspyrnulið-
inu Lyn á dögunum, er kominn í stríð
við forráðamenn félagsins. Teitur
segir í viðtali við norska Dagbladet
að stjórnarformaður Lyn hafi lofað
sér greiðslu þegar hann komst að
samkomulagi við félagið um að segja
starfi sínu lausu í stað þess að vera
rekinn en nú segir Teitur að stjórn-
arformaðurinn kannist ekki við að
hafa sagt þetta. Teitur hefur leitað
aðstoðar norska þjálfarafélagsins
um að sækja rétt sinn í málinu.
JERRY Brown danski framherj-
inn sem gekk í raðir Grindvíkinga
seinni hlutann í júlí er farinn af landi
brott og leikur ekki fleiri leiki með
Suðurnesjaliðinu.
YETUNDE Price, 31 árs gömul
systir tennisstjarnanna Venus og
Serenu Williams, var skotinn til
bana á heimili sínu í Kaliforníu um
helgina.
FÓLK
Sigur Liverpool var nokkuð dýruverði keyptur því liðið missti
tvo leikmenn, Milan Baros fótbrotn-
aði á fimmtu mínútu eftir viðskipti
við Markus Babbel, varnarmann
Liverpool sem er í láni hjá Black-
burn, og Jamie Carragher var tækl-
aður illilega á þeirri þrettándu og
var Lucas Neill, varnarmaður Black-
burn, sendur í sturtu með það sama.
Á sunnudaginn kom í ljós að Carr-
agher er einnig fótbrotinn og verða
kapparnir báðir frá í hálft ár.
„Þetta var súrsætur sigur, við
misstum tvo leikmenn útaf meidda,
en ég held að dómarinn hafi gert rétt
í báðum tilfellum. Babbel braut ekki
á Baros en hins vegar var tækling
Neills á Carragher rosaleg,“ sagði
Gerard Houllier, stjóri Liverpool,
eftir leikinn og sagði að hann hefði
verið heppinn að fótbrotna ekki. Síð-
ar kom í ljós að hann var brotinn.
Leikurinn var sögulegur fyrir
margra hluta sakir. Heimamenn
komust yfir á áttundu mínútu, Owen
jafnaði á 11. mínútu og tveimur mín-
útum síðar var Neill rekinn af velli.
Besti maður vallarins var Brad
Friedel, markvörður heimamanna,
en hann lék frábærlega og kom í veg
fyrir enn stærra tap.
„Það má með sanni segja að upp-
hafsmínútur leiksins hafi verið sögu-
legar. Sigur okkar var sanngjarn og
við hefðum getað unnið sex eða sjö
eitt ef Owen hefði nýtt færin,“ sagði
Houllier eftir leikinn og óskaði
Friedel til hamingju með frábæran
leik.
Nýliðarnir stöðvuðu Arsenal
Nýliðar Portsmouth bundu enda á
fullkomna byrjun Arsenal og það var
Teddy Sheringham sem gerði mark
gestanna á Highbury, kom þeim yfir
á 26. mínútu en Thierry Henry jafn-
aði úr vítaspyrnu á 40. mínútu,
spyrnu sem varð að endurtaka þar
sem menn fóru of snemma inn í víta-
teiginn. Að auki fannst mörgum sem
vítaspyrnudómurinn væri vafasam-
ur. Sheringham er einn þriggja leik-
manna sem hafa gert fimm mörk í
deildinni til þessa, hinir eru Shearer
hjá Newcastle og Owen hjá Liver-
pool.
Portsmouth og Arsenal eru tvö af
fimm liðum í deildinni sem hafa ekki
tapað leik, hin eru Chelsea, South-
ampton og Birmingham.
„Ég vil ekki taka neitt frá leik-
mönnum Portsmouth, en liðið kom
mér skemmtilega á óvart með fínum
leik. Ég held að það sé með nægilega
sterkt lið til að halda sér í deildinni,“
sagði Arsene Wenger, knattspyrnu-
stjóri Arsenal, eftir leikinn. Hol-
lenski markahrókurinn Ruud van
Nistelrooy skoraði tvívegis þegar
meistarar United heimsóttu Charlt-
on og unnu 2:0. „Við áttum engan
stórleik í dag, en í heildina var þetta
allt í lagi hjá okkur. Leikurinn var
jafn og ég hafði á tilfinningunni að
það lið sem næði að skora á undan
fengi öll þrjú stigin. Það var því
ánægjulegt að ná að koma boltanum
í netið áður en þeir gerðu það,“ sagði
Nistelrooy eftir leikinn.
Vandamál Ranieri
Claudio Ranieri, stjóri Chelsea, er
í raun ekki öfundsverður að þurfa að
velja liðið. Hann fer með átján
manna hóp og þarf síðan að tilkynna
hvaða tveir leikmenn fylgjast með
leiknum borgaralega klæddir. Þegar
nágrannarnir frá Norður-Lundún-
um, Tottenham, komu í heimsókn á
laugardaginn voru það Juan Sebast-
ian Veon og Hernan Crespo sem
hvíldu en Eiður Smári Guðjohnsen
komst ekki í leikmannahópinn en var
á bekknum allan tímann.
Gestirnir komust yfir snemma
leiks en Lampard og Mutu komu
heimamönnum í 3:1, Mutu með tvö
mörk, áður en Kanoute gerði annað
mark sitt fyrir Spurs. Jimmy Floyd
Hasselbaink fagnaði því að vera í
100. sinn í byrjunarliði í úrvalsdeild-
inni með síðbúnu marki.
„Enn einu sinni byrjum við ekki að
spila af viti fyrr en mótherjinn hefur
skorað. Það er alls ekki nógu gott.
Ég gæti trúað að leikmenn setji allt
of mikla pressu á sig með því að telja
að þeir verði að vinna alla leiki. Það
er fínt að vinna alla leiki en menn
verða að halda ró sinni. Við erum að
byggja upp liðið og nú um stundir er-
um við ekki gott lið, sumir segja að
við séum með sterkt lið en við erum
það ekki enn sem komið er,“ sagði
Ranieri eftir leikinn.
Tveir reknir af velli
Tvö mörk Alans Shearers af víta-
punktinum tryggði Newcastle eitt
stig þegar það heimsótti Everton, en
þeir röndóttu eiga enn eftir að vinna
leik í deildinni.
Gestirnir frá Newcastle misstu
leikmann af velli í upphafi síðari hálf-
leiks þegar Laurent Robert var rek-
inn af velli. Þeir voru þó ekki lengi
einum færri því skömmu síðar var
Gary Naysmith einnig rekinn af
velli.
„Shearer var maður leiksins, hann
skoraði úr tveimur vítaspyrnum og
til að gera slíkt verða menn að vera
ískaldir og hann var það svo sann-
arlega,“ sagði Bobby Robson, stjóri
Newcastle.
Southampton hélt sigurgöngu
sinni áfram, lagði Úlfana 2:0 á
heimavelli og skoraði James Beattie
bæði mörk heimamanna. Úlfarnir
hafa ekki skorað mark í síðustu fjór-
um leikjum.
Jóhannes Karl Guðjónsson kom
inn á í liði Úlfanna á 62. mínútu en
Ívar Ingimarsson var ekki í leik-
mannahópi liðsins.
Reuters
Michael Owen fagnar marki sínu gegn Blackburn ásamt El Hadji Diouf, en Liverpool vann öruggan 3:1-sigur í leiknum á útivelli.
Dýrkeyptur sigur
LIVERPOOL virðist komið á beinu brautina, skoraði þrjú mörk ann-
an leikinn í röð þegar liðið heimsótti Blackburn á Eewood Park og
vann 3:1. Arsenal tapaði sínu fyrsta stigi þegar liðið gerði 1:1-
jafntefli á heimavelli gegn Portsmouth og Manchester United hélt
uppteknum hætti og vann Chalton á útivelli en United hefur ekki
tapað á The Valley í deildinni síðan 1955.
HANNES Þ. Sigurðsson skoraði í gær
fyrsta mark sitt fyrir Viking í norsku
úrvalsdeildinni í knattspyrnu á þessu
tímabili. Hannesi var skipt inn á
snemma í síðari hálfleik þegar lið hans
var 0:2 undir gegn Lyn á heimavelli.
Hann skoraði aðeins fjórum mínútum
síðar og Viking náði að jafna, 2:2, þegar
tvær mínútur voru komnar framyfir
leiktímann.
Með þessum úrslitum datt Lyn niður í
botnsæti deildarinnar og brotthvarf
Teits Þórðarsonar sem þjálfara hefur
því ekki dugað til að rétta liðið af, enn
sem komið er. Helgi Sigurðsson lék síð-
ustu 10 mínúturnar með Lyn en Jóhann
B. Guðmundsson var ekki með liðinu.
Ólafur Stígsson var rekinn af velli á
63. mínútu, eftir að hafa fengið gula
spjaldið tvívegis þegar lið hans, Molde,
tapaði fyrir Tromsö, 1:0. Ólafur og
Bjarni voru á ný í byrjunarliði Molde, í
bakvarðastöðunum, eftir talsverða fjar-
veru. Tromsö skoraði sigurmarkið úr
vítaspyrnu þegar leiktíminn var liðinn.
Árni Gautur Arason var á vara-
mannabekk Rosenborg sem fyrr þegar
lið hans vann Odd-Grenland, 3:1, og jók
forskot sitt í deildinni í 14 stig. Mikil
meiðsli hrjá lið Rosenborg sem ekki var
með fullskipaðan varamannabekk í
leiknum.
Óskar Örn Hauksson lék sinn fyrsta
leik með Sogndal sem tapaði, 3:0, fyrir
Ålesund. Njarðvíkingurinn ungi sem
samdi við félagið um síðustu mán-
aðamót, lék síðustu 15 mínúturnar.
Hannes skoraði og
Lyn komið á botninn
Morgunblaðið/Kristinn
Helgi Sigurðsson
LÁRUS Orri Sigurðsson og fé-
lagar í WBA hafa sett stefn-
una á að endurheimta úrvals-
deildarsætið. Þeir eru efstir í
ensku 1. deildinni eftir sann-
færandi sigur á Ipswich á
laugardaginn, 4:1, og Lárus
Orri átti mjög góðan leik í
sterkri vörn WBA. Hann
bjargaði m.a. á marklínu í
leiknum. Rob Hulse gerði tvö
marka WBA sem er með 15
stig eftir sex umferðir og hef-
ur unnið fimm leiki í röð eftir
ósigur í fyrstu umferð deild-
arinnar. Á eftir koma nýliðar
Wigan ásamt West Ham með
13 stig.
Gary Megson, knatt-
spyrnustjóri WBA, fékk verð-
laun sem stjóri mánaðarins
í deildinni áður en leik-
urinn hófst. Venjan er að
lið tapi þegar slík verðlaun
eru afhent, en svo fór ekki í
þetta sinn og WBA lagði
Ipswich að velli í fyrsta
skipti í 19 ár.
Lárus Orri var eini Ís-
lendingurinn sem lék í 1.
deildinni um helgina.
Brynjar Björn Gunnarsson
var ekki í leikmannahópi
Nottingham Forest sem
vann Sheffield United, 3:1,
og Heiðar Helguson er frá
næstu 2-3 mánuðina en
Watford vann þó sinn
fyrsta sigur, 3:1, gegn Mill-
wall.
5. sigur WBA í röð