Morgunblaðið - 16.09.2003, Blaðsíða 6
FRÉTTIR
6 ÞRIÐJUDAGUR 16. SEPTEMBER 2003 MORGUNBLAÐIÐ
UPPLÝSINGAFLÆÐI milli starfsstétta á
Landspítala – háskólasjúkrahúsi er mjög
bágborið samkvæmt könnun sem Vinnueft-
irlitið hefur unnið í samstarfi við læknaráð
LSH á starfsumhverfi lækna við spítalann.
Mjög skortir á ánægju lækna með yfirstjórn
sjúkrahússins að því er þar kemur fram og
einungis tæpur þriðjungur, 31%, yfirmanna
er ánægður með vinnuandann á spítalanum.
Til yfirmanna teljast yfirlæknar og sviðs-
stjórar. Í hópi sérfræðinga er hutfallið enn
lægra, 16% eru ánægð með vinnuandann og
13% aðstoðar-/deildarlækna.
Að sögn Kristins Tómassonar, yfirlæknis
hjá Vinnueftirlitinu, er þetta í fyrsta sinn
sem jafnheildstæð könnun er unnin á starfs-
umhverfi lækna við spítalann. Könnunin var
gerð í mars og apríl á þessu ári, spurn-
ingalistum var dreift meðal 571 læknis og
svarhlutfall var 47–78%, eftir því hvaða stétt
lækna á í hlut. Í könnuninni kemur fram að
um þriðjungur yfirmanna var ánægður með
upplýsingaflæði á spítalanum en einungis
10% sérfræðinga og 8% aðstoðar-/deild-
arlækna.
Endanleg útgáfa væntanleg í haust
Kristinn hefur kynnt læknaráði og yfir-
stjórn LSH frumniðurstöður skýrslunnar en
endanleg útgáfa hennar er væntanleg í
október og tekur til ýmissa fleiri þátta í
starfsumhverfi lækna. Að sögn Kristins er
það samruni sjúkrahúsanna á undangengn-
um árum og þ.a.l. breytingar á stjórn-
skipulagi og rekstrarfyrirkomulagi sem geta
kallað fram ýmis hættumerki í vinnuum-
hverfi sem vert er að skoða. „Það sem kem-
ur manni á óvart er sá þáttur að upplýs-
ingaflæði var í raun ekki fullnægjandi á
spítalanum í heild. Það er líka verulegt
áhyggjuefni að töluverð óánægja er með
skipulag vinnunnar á hverri deild þar sem
menn starfa.“
Þegar spurt var hvort fólk gæti ofteða
fremur oft haft áhrif á vinnu sína voru um
70% yfirlækna á þeirri skoðun, fjórðungur
sérfræðinga og fimmtungur aðstoðarlækn-
anna. Kristinn segir þetta áhyggjuefni út
frá sjónarhóli vinnuverndar.
„Það er mikilvægt að menn hafi ákveðið
sjálfstæði og rými til þess að þróast og til
þess að starfa og til að ná sem bestu út úr
sjálfum sér.“
Hann segir það mikið áhyggjuefni að ein-
ungis 4% stjórnenda séu mjög ánægð með
yfirstjórn spítalans, 1% sérfræðinga en eng-
inn úr röðum aðstoðar-/deildarlækna. Nokk-
uð fleiri sögðust þó fremur ánægðir með yf-
irstjórn spítalans, fjórðungur yfirmanna, 8%
sérfræðinga og 5% aðstoðar-/deildarlækna.
Meirihluti telur væntingar
til læknastarfsins hafa ræst
Að sögn Kristins er það jákvætt að þrír af
hverjum fjórum svari að væntingar til
læknastarfsins hafi uppfyllst. Að því leyti
hafi stjórn spítalans úr mjög jákvæðum
efnivið að moða. Þrátt fyrir það virðist hins
vegar sem andleg líðan lækna sé snöggtum
verri meðal deildarlækna og sérfræðinga
heldur en yfirmanna og ánægja með vinn-
una sé klárlega minni meðal þessara hópa.
„Þetta segir manni að það þarf að efla sjálf-
ræði í starfi og upplýsingaflæði til starfs-
manna á gólfinu; til þeirra sem eru í hand-
verkinu, til þess að tryggja að andleg líðan
þeirra dag frá degi sé með góðum hætti.“
„Þetta er ekki áfellisdómur yfir einu eða
neinu, þetta gæti hafa verið svona alla tíð,
við eigum ekki upplýsingar um hvernig
þetta var hér áður fyrr. Svona upplýsingar
eru fyrst og fremst mikilvægar fyrir það að
þær lýsa ástandinu eins og það er. Nú þurfa
spítalastjórn, forsvarsmennhennar og
læknaráð og læknasamtökin að varpa fram
þessari spurningu: hvernig getum við bætt
aðbúnað, líðan og vinnuumhverfi þessara
starfsmanna þannig að þeirra líðan í vinnu
verði betri og þannig að betra og skilvirkara
heilbrigðiskerfi fáist.“
Aðeins þriðjungur yfirstjórnar Landspítala – háskólasjúkrahúss ánægður með vinnuandann
Upplýsingaflæði
innan spítalans
mjög bágborið
Morgunblaðið/Þorkell
Kristinn Tómasson, yfirlæknir hjá Vinnueft-
irlitinu, kannaði starfsumhverfi lækna.
STURLA Böðvarsson samgöngu-
ráðherra segir að á næstu dögum
muni skýrast hvað gera þurfi við
Grímseyjarferjuna Sæfara til að hún
megi flytja fleiri farþega. Frá síðustu
mánaðamótum hefur ferjan einungis
leyfi til að flytja 12 farþega, en yfir
sumarmánuðina má Sæfari flytja 90
farþega samkvæmt sérstakri undan-
þágu frá reglum Evrópusambands-
ins. Þessa mánuði er sett þar til gert
farþegahús á ferjuna og því heimilt
að flytja þetta marga farþega.
Grímseyingar bentu í Morgun-
blaðinu í gær á að ástandið væri óvið-
unandi og gæti ekki gengið svo leng-
ur, hvorki gagnvart ferða- né heima-
mönnum. Þá verður flugvöllurinn í
eynni lokaður í októbermánuði
vegna endurbóta.
Sturla sagði vissulega ánægjulegt
að vinna væri að hefjast við endur-
bætur á flugvelli eyjarskeggja og
myndi aðstaðan batna til muna að
þeim loknum. „Ég hafði áhuga á því
að hraða framkvæmdum og það lítur
út fyrir að þeim verði lokið að fullu á
næsta ári, þannig að ástand mála
hvað flugið varðar batnar mikið,“
sagði samgönguráðherra.
Hann sagði að nefnd undir forystu
Kristjáns Vigfússonar hjá Siglinga-
málastofnun væri nú að skoða sam-
göngumál Grímseyinga og vænti
hann þess að niðurstaða lægi fyrir
innan fárra daga. „Nefndin er m.a.
að skoða hvað gera þurfi við ferjuna
til að hún megi flytja fleiri farþega og
allt verður reynt til að svo verði hægt
innan þeirra reglna sem í gildi eru,“
sagði Sturla. Hann sagði að strangar
öryggisreglur giltu um ferjusigling-
ar og hann væri ekki tilbúinn til að
hvika frá þeim. Hann sagði að nefnd-
inni væri ætlað að horfa til framtíðar
hvað samgöngumál Grímseyinga
varðaði og m.a. yrði skoðað hver af-
kasta geta ferjunnar þyrfti að vera.
„Þessi mál skýrast innan fárra daga
og þá kemur í ljós hvaða úrbætur
þarf að gera á henni svo fjölga megi
farþegum,“ sagði Sturla. Samskip
sjá um ferjusiglingar Sæfara milli
Dalvíkur og Grímseyjar.
Ráðherra um sam-
göngumál Grímseyinga
Niður-
staða inn-
an fárra
daga
SLÖKKVILIÐ Akureyrar var með verklegar æfing-
ar fyrir væntanlega nýliða í fastráðningarhópi liðs-
ins í gær en til stendur að fjölga um fjóra slökkvi-
liðsmenn um næstu mánaðamót.
Ein æfingin fólst í því að fara óvænt í útkall í
brennandi hús. Kveikt hafði verið í húsinu Lækj-
arbakka, vestan Akureyrarflugvallar, og stóð það í
ljósum logum þegar nýliðarnir komu á staðinn
ásamt varðstjórum úr slökkviliðinu. Þeim gekk þó
nokkuð vel að ráða niðurlögum eldsins. Alls tóku
fimm nýliðar þátt í æfingunum en fjórir þeirra
verða fastráðnir, uppfylli þeir þau skilyrði sem þarf.
Með fjölguninni verða 24 menn í varðliðinu og alls
30 í slökkviliðinu.
Morgunblaðið/Kristján
Nýliðar á brunaæfingu
Akureyri. Morgunblaðið.
VERÐ á greiðslumarki í sauðfjár-
rækt hefur enn ekkert lækkað þrátt
fyrir að afkoma í greininni hafi
versnað. Verðið er núna á bilinu 20–
22 þúsund krónur á hvert ærgildi,
en það er nokkru hærra en ríkið var
að greiða fyrir hvert ærgildi meðan
það stóð að uppkaupum á greiðslu-
marki. Gunnar Sæmundsson, bóndi
í Hrútatungu, sem sæti á í stjórn
Bændasamtakanna, segir þetta
óeðlilega hátt verð.
Viðskipti með greiðslumark, sem
er nafn á þeim stuðningi sem ríkið
veitir sauðfjárbændum, voru gefin
frjáls í fyrra. Á árunum þar á undan
var ríkið að kaupa upp greiðslu-
mark í þeim tilgangi að draga úr
framleiðslu og bæta afkomu þeirra
sem eftir voru í greininni. Ríkið
greiddi í upphafi 22 þúsund krónur
fyrir hvert ærgildi, en þessi upp-
hæð lækkaði niður í 19 þúsund
krónur og síðasta árið voru greidd-
ar 16 þúsund krónur fyrir ærgildi.
Eftir að viðskipti með greiðslumark
voru gefin frjáls fór verðið fljótlega
í um 21 þúsund krónur og verðið
hefur ekkert lækkað síðan þrátt
fyrir versnandi afkomu í sauðfjár-
rækt og þrátt fyrir að nú sé styttra
eftir af samningnum við ríkið.
Gunnar í Hrútatungu segir að
það nái engri hátt hvað menn séu að
greiða hátt verð fyrir greiðslu-
markið. Þetta geti í reynd ekki skil-
að bóndanum neinu nema því aðeins
að menn séu að kaupa sig frá út-
flutningi með því að komast í svo-
kallaða 0,7 reglu, en hún þýðir að
bændur sem framleiða innan við
70% af sínu greiðslumarki þurfa
ekki að flytja lambakjöt á erlenda
markaði.
Samkvæmt upplýsingum frá
Bændasamtökunum falla um 200
sauðfjárbændur undir svokallaða
0,7 reglu. Þetta eru um 10% stétt-
arinnar, en formaður Landsamtaka
sauðfjárbænda segir að fjölgað hafi
í þessum hópi eftir að viðskipti með
greiðslumark voru gefin frjáls því
hópur bænda hafi séð sér hag í að
kaupa sig frá útflutningsskyldu.
Gunnar segist hafa upplýsingar
um að sveitarfélög og afurðastöðvar
hafi aðstoðað bændur við að kaupa
greiðslumark, m.a. með því að
greiða niður vexti. Hann segir slík
viðskipti óeðlileg.
Slæm afkoma í sauðfjárrækt hefur ekki lækkað verð á greiðslumarki
Hátt verð á greiðslumarki
SLÖKKVILIÐ, sjúkralið og
lögregla voru kvödd út vegna
elds í Vestfjarðagöngum á
fimmta tímanum í gærdag. Að
sögn lögreglu tókst slökkviliði
fljótt að ráða niðurlögum elds-
ins.
Hlynur Snorrason, rann-
sóknarlögreglumaður á Ísa-
firði, segir að svo virðist sem
kveikt hafi verið í rusli eða
ámóta í Önundarfjarðarlegg
ganganna. Mikill reykur var í
göngunum.
Málið litið
alvarlegum augum
Lögregla lokaði göngunum
vegna rannsóknar málsins en
hleypti umferð um þau aftur á
upp úr kl. 18.
Hlynur Snorrason biður veg-
farendur sem komu á vettvang
að setja sig í samband við lög-
regluna þar sem hún leitar upp-
lýsinga um mannaferðir í göng-
unum. Málið er litið alvarlegum
augum af hálfu lögreglunnar.
Að sögn kunnugra þarf ekki
mikið bál í jarðgöngum til að
leiða af sér mjög hættulegt
ástand.
Kveikt
í rusli
í Vest-
fjarða-
göngunum