Morgunblaðið - 17.09.2003, Blaðsíða 14

ERLENT
14 MIÐVIKUDAGUR 17. SEPTEMBER 2003 MORGUNBLAÐIÐ
„Ég borða mikilvægustu máltíð
dagsins um leið og ég vakna“
„Ég borða mikilvægustu máltíð
dagsins á innan við mínútu“
ÍBÚAR víða á austurströnd Banda-
ríkjanna byrgðu í gær glugga á hús-
um sínum og herinn hefur sent skip
sín til hafs og flutt flugvélar til valla
lengra inni í landi. Ástæðan er felli-
bylurinn Isabel en búist er við að
hann komi inn yfir landið einhvers
staðar á svæðinu frá Norður-Karól-
ínu til New Jersey seint á fimmtu-
dag eða snemma föstudags. Er vind-
hraðinn í honum 193 km á
klukkustund.
Mark R. Warner, ríkisstjóri í
Virginíu, lýsti í fyrradag yfir neyð-
arástandi í ríkinu þótt enn væru þrír
dagar í fellibylinn og gerði það með-
al annars til að minna fólk á að vera
við öllu búið. Í gær var mikið að
gera í öllum járnvöru- og bygging-
arvöruverslunum og voru þær víða
orðnar uppiskroppa með krossvið,
lampa, plastdúk og margt annað,
sem að gagni kemur í þeim hremm-
ingum, sem fylgja fellibyljum.
Herskipum og her-
flugvélum forðað
Í Norður-Karólínu hefur fólk, sem
býr við ströndina, verið hvatt til að
forða sér burt og Bandaríkjaher
hefur sent herskip og kafbáta út á
sjó til að þau verði ekki fyrir
skemmdum í höfnum. Tvö flugmóð-
urskip, sem erfiðara er að færa, hafa
verið fest tryggilega.
Um miðnætti í fyrrinótt var Isa-
bel 1.142 km suðaustur af Hatteras-
höfða og hreyfðist þá hægt í norð-
vestur. Á sunnudag var vindhraðinn
257 km á klst. og fellibylurinn þá í
hæsta eða fimmta flokki en á mánu-
dag veiktist hann og var þá í þriðja
flokki hvað styrkleika varðar. Jafn-
vel þótt hann veikist enn um flokk
getur hann valdið umtalsverðu tjóni.
Isabel er fyrsti stóri fellibylurinn,
sem stefnir á Mið-Atlantshafs-
ströndina, síðan Floyd olli miklu
tjóni þar í september 1999. Fórust
þá 56 manns.
Mikill viðbúnaður á austurströnd Bandaríkjanna vegna fellibylsins Isabel
Neyðarástandi lýst yfir með
nokkurra daga fyrirvara
AP
Þessi gervihnattamynd af fellibylnum Isabel var tekin á mánudag og sýnir hve gífurlega umfangsmikill hann er.
Topail Beach. AP.
ÍSRAELAR höfnuðu í gær tilboði
sem náinn aðstoðarmaður Yassers
Arafats, forseta Palestínumanna,
hafði birt þess efnis að samið yrði um
vopnahlé.
Talsmaður Ísraelsstjórnar sagði
tilboðið vera „gildru“ og að einungis
væri um að ræða viðbrögð Palest-
ínumanna við hótunum Ísraela um
að „fjarlægja“ Arafat. Þessi orð lét
hann falla eftir að Jibril Rajud, þjóð-
aröryggisráðgjafi Arafats, hafði sagt
Palestínumenn vera tilbúna til að
semja við Ísraela um vopnahlé til
ótiltekins tíma. Kvað Rajud stjórn
Palestínumanna vera tilbúna til að
lýsa yfir slíku vopnahléi gerðu Ísr-
aelar slíkt hið sama. Í máli Rajuds
kom fram að palestínska heima-
stjórnin teldi sig geta tryggt að hóp-
ar á borð við Hamas og Íslamska
Jíhad, sem staðið hafa fyrir fjölda-
morðum á ísraelskum borgurum,
myndu virða slíkt vopnahlé eða
„hudna“.
Fjórar vikur eru liðnar frá því að
þriggja mánaða vopnahlé varð að
engu er palestínskir vígamenn úr
Hamas stóðu fyrir sprengjutilræði í
Jerúsalem. Ísraelar lýstu þá yfir
allsherjarstríði gegn hópnum og
hafa leiðtogar hans verið varir um
sig frá því. Þeir fengust því ekki til
að tjá sig um tilboð palestínsku
stjórnarinnar og viðbrögð Ísraela.
Ísraelar leituðu í gær palestínskra
vígamanna líkt og áður en þeir hafa
lýst herstjóra og leiðtoga herskárra
samtaka Palestínumanna réttdræpa.
Í gær drápu ísraelskir hermenn fé-
laga í Íslamska Jíhad í þorpinu
Durra, nærri borginni Hebron
Ísraelar
hafna
vopnahléi
Jerúsalem. AFP.
WHO, Alþjóðaheilbrigðisstofnunin,
staðfesti í gær að 27 ára námsmaður
í Singapúr hefði sýkst af alvarlegri
bráðalungnabólgu (HABL).
Talsmaður stofnunarinnar lýsti
þessu yfir en námsmaðurinn starfaði
á rannsóknarstofu í veirufræði í
Singapúr. Þetta er fyrsta HABL-til-
fellið í Singapúr frá 31. maí.
Faraldursins varð fyrst vart í
Kína í fyrra og sýktust um 8.000
manns um heim allan. Sjúkdómurinn
dró rúmlega 900 manns til dauða. Í
júlí lýsti WHO yfir því að tekist hefði
að sigrast á plágunni.
Uggur hefur vaknað um að nýr
HABL-faraldur sé í uppsiglingu í
Asíu. Greip um sig ótti í Hong Kong í
gær er fréttist að kona hefði tekið
veikina en svo reyndist þó ekki vera.
Sérfræðingar WHO hafa sagt
hugsanlegt að HABL láti á sér kræla
á ný þegar vetra tekur á norðurhveli.
Sumir telja að HABL (heilkenni al-
varlegrar bráðalungnabólgu) verði
árstíðabundið fyrirbrigði svo sem
flensa og aðrir veirusjúkdómar.
Genf. AFP.
Staðfesta
HABL í
Singapúr
KONUR bera sig stundum verr en karlmenn eft-
ir að hafa fengið sér of mikið í staupinu og það
er ekkert undarlegt við það. Bandarískir vís-
indamenn hafa nefnilega komist að því, að timb-
urmennirnir hamist meira á þeim en körlunum.
Rannsóknin var gerð við Missouri-Columbia-
háskólann og viðfangsefnið var 1.230 námsmenn
á fyrri stigum. Er sá hópur alræmdur fyrir að
sulla mikið í áfengi þótt hann hafi yfirleitt ekki
til þess aldur samkvæmt bandarískum lögum.
Að því er fram kemur á fréttavef BBC, breska
ríkisútvarpsins, voru námsmennirnir, konur og
karlar, beðnir að segja frá líðan sinni eftir mikla
drykkju og nefna 13 helstu einkennin, þar á
meðal höfuðverk, flökurleika og þreytu.
„Niðurstöðurnar komu í sjálfu sér ekki á óvart
því að konur eru almennt léttari en karlar og
hafa hlutfallslega minna vatn í líkamanum. Þær
finna því fyrir meiri áhrifum og meiri timb-
urmönnum af tilteknum áfengisskammti en karl-
ar,“ sagði Wendy Slutske, aðstoðarprófessor í
sálfræði, en hún stýrði rannsókninni.
Til jafnaðar fundu námsmennirnir fyrir fimm
af 13 lykileinkennunum og algengast var, að þeir
þjáðust af þornun eða vatnsskorti í líkamanum.
Fátíðast var, að þeir fyndu fyrir skjálfta.
Þornunin er verst
Líffræðilega er það þornunin, sem veldur
verstu timburmönnunum. Áfengið er þvagörv-
andi og þar með vatnslosandi og einkennin eru
þurrkur í munni, þorsti, höfuðverkur og svimi.
Flökurleiki og uppsölur stafa hins vegar af
áhrifum áfengisins á slímhúð magans.
26% námsmannanna sögðust verða sér úti um
timburmenn að minnsta kosti einu sinni í mánuði
eða oftar og telja vísindamennirnir það rann-
sóknarefni út af fyrir sig hvort þeim sé hættara
en öðrum við að gefast upp í námi. Til jafnaðar
fann unga fólkið a.m.k. fyrir einu af lyk-
ileinkennunum 13 þrisvar til 11 sinnum á síðasta
ári. Segir Slutske, að það ætti ekki að hafa nein
áhrif á frammistöðu þess.
Það kom einnig í ljós við rannsóknina, að þeir
námsmenn, sem sögðust eiga í erfiðleikum með
áfengi eða áttu foreldra, sem eins var ástatt með,
fengu mestu timburmennina.
Timburmenn
eru verri
konum en
körlum
♦ ♦ ♦