Morgunblaðið - 17.09.2003, Blaðsíða 16

Morgunblaðið/Golli
Síðastliðin tvö ár hefur ÍR-húsið, sem eitt sinn stóð við Túngötu, staðið á tunnum á geymslu-
svæði Reykjavíkurhafnar. Nú á að flytja húsið á Árbæjarsafn og á að nota það sem barnahús.
SAMÞYKKT var í borgarráði í gær að flytja
hið gamla íþróttahús ÍR, sem lengst af stóð á
horni Túngötu og Hofsvallagötu, á Árbæj-
arsafn. Verður sex milljónum króna varið í
flutning hússins og uppsetningu þess. Und-
anfarin tvö ár hefur það staðið á geymslu-
svæði Reykjavíkurhafnar.
Gamla húsið þurfti að víkja fyrir nýju
íþróttahúsi Landakotsskóla. Upphaflega var
það reist sem kirkja á Landakotstúninu árið
1897. Var það þá fyrsta kaþólska kirkjan sem
byggð var á Íslandi eftir siðaskipti og jafn-
framt stærsta timburkirkja landsins. Hún var
gefin Íþróttafélagi Reykjavíkur þegar Krists-
kirkja reis á Landakotstúni árið 1929. Var
turninn tekinn af húsinu og því breytt í
íþróttahús með steyptum kjallara.
Um árabil var þetta helsta íþróttahús bæj-
arins og voru þar stundaðar æfingar og háð-
ar íþróttakeppnir. Á stríðsárunum lagði
breski herinn húsið undir sig en eftir það var
það aftur notað til íþróttaiðkunar.
Verður barnahús Árbæjarsafns
Samkvæmt tillögu borgarráðs miðar end-
urgerð hússins að því að varðveita það sem
íþróttahús og verður leitast við að nota
íþróttasalinn sem sýningar- og samkomusal.
ÍR húsið verður staðsett efst á safnsvæði Ár-
bæjarsafns og verður svokallað barnahús
safnsins. Þar verða sýningar, dagskrár og
viðburðir sem tengjast lífi og starfi barna og
ungmenna í borginni. Í samstarfi við félag
leikskólakennara, fræðslumiðstöð og íþrótta-
og tómstundaráð Reykjavíkur verður þarna
sýnt líf reykvískra barna í sinni breiðustu
mynd.
Þá hefur Árbæjarsafn þegar haft samband
við kaþólska söfnuðinn í Reykjavík og ÍR um
að vinna að sérsýningu þar sem sögu hússins,
fyrst sem kirkju og síðar sem íþróttahúss,
verða gerð skil.
Íþróttahús ÍR flutt
á Árbæjarsafn
Árbær
HÖFUÐBORGARSVÆÐIÐ
16 MIÐVIKUDAGUR 17. SEPTEMBER 2003 MORGUNBLAÐIÐ
KÓPAVOGSBÆR keypti í gær 13
hektara landspildu við Þinghól úr
landi Kópavogshælis niðri við sjálfan
Kópavoginn. Forystumenn bæjarins
hafa lengi ásælst þessa lóð með þeim
árangri að samningar náðust nú og
greiðir Kópavogsbær 260 milljónir
króna til ríkisins fyrir lóðina.
Gunnar Birgisson, forseti bæjar-
stjórnar, var ánægður með þennan
áfanga eftir undirskrift kaupsamn-
ingsins. Sagði hann að svo hlyti einnig
að vera með forystumenn ríkisstjórn-
arinnar og Landspítalans. „Við stung-
um að þeim 260 milljónum, gáfum
þeim kaffi og með’í svo þeir eru nátt-
úrulega kátir – og við líka,“ sagði
Gunnar.
Ekki er enn búið að skipuleggja
svæðið af hendi bæjarins en Gunnar
sagði að einhver mannvirki yrðu
þarna. Aðspurður hvort það yrði
íbúðabyggð taldi hann það verða í
bland en fara þyrfti varlega þar sem
hluti lóðarinnar væri undir bæjar-
vernd og friðlýstur. „Núna getum við
farið að hugsa þegar við erum búin að
kaupa landið,“ sagði hann.
Landspítali mun áfram eiga nokkr-
ar lóðir og hús á þessu svæði og reka
þar endurhæfingar- og líknardeild.
Þráttað var um verðið í langan tíma
að sögn Gunnars. Í fyrra hafi náðst
samningar um kaup á landi ríkisins í
Vatnsenda og þá átti samningur um
lóðina við Kópavogshæli að fylgja
með. Ekki náðist að ljúka honum þar
sem ekki náðist samkomulag um
verð. En nú sé þessu loksins lokið.
Ekki rætt í bæjarstjórn
Bæjarfulltrúar Samfylkingarinnar
í Kópavogi fagna að þetta land komist
í eigu Kópavogsbúa. Hins vegar
gagnrýna þeir vinnubrögð meirihluta
bæjarstjórnar í málinu og segja að
kaupsamningurinn, sem undirritaður
var í gær, hafi einunigs verið kynntur
lauslega í bæjarráði 24. júlí sl. Flosi
Eiríksson, oddviti Samfylkingarinn-
ar, segist hafa sent bæjarstjóra bréf
og beðið um að málið yrði rætt og af-
greitt formlega á bæjarstjórnarfundi
áður en samningur væri undirritaður.
Bæjarstjóri hafi tekið vel í það en nú
virðist sem Gunnar Birgisson sé að
notfæra sér árlegt sumarfrí hans til
að keyra málið í gegn án umræðu.
„Hér er um 260 milljóna króna fjár-
festingu að ræða sem ekki er í fjár-
hagsáætlun bæjarins árið 2003 og því
er eðlilegt að um málið sé fjallað í
bæjarstjórn áður en samningar eru
undirritaðir. Það hefur ekki verið
gert,“ segir Flosi.
Gunnar segir að kaupsamningur-
inn hafi verið undirritaður með fyr-
irvara um samþykkt bæjarstjórnar
Kópavogs. Aðspurður hvort ekki
hefði verið eðlilegra að fá samþykki
áður en skrifað var undir kaupsamn-
inginn segir hann það liggja fyrir.
Bæjarráð hafi samþykkt að bæjar-
stjóri gæti skrifað undir samninginn
og einnig hafi lántaka upp á 260 millj-
ónir fyrir kaupunum verið samþykkt.
Kópavogsbær
kaupir lóð
Kópavogshælis
Morgunblaðið/Kristinn
Hansína Á. Björgvinsdóttir, Gunnar I. Birgisson, Ásta Þórarinsdóttir, Geir
H. Haarde og Jón Kristjánsson undirrita kaupsamninginn í gær. Í for-
grunni neðst á myndinni sést ávísunin upp á 260 milljónir króna.
Landið sem Kópavogsbær kaupir eru grænu svæðin sitt hvorum megin við
hús Landspítala – háskólasjúkrahúss. Hægra megin á yfirlitsmyndinni sést
Hafnarfjarðarvegur og Sunnuhlíð ofarlega sömu megin.
Kópavogur
Kínverska sendiráð-
ið fer að reglum
Bjóða ná-
grönnum
til samráðs
Vesturbær
STARFSMENN kínverska
sendiráðsins leggja áherslu á
að gerð tennisvallar í bak-
garði Garðarstrætis 41, þar
sem viðskiptaskrifstofa sendi-
ráðsins er til húsa, sé með
fullu samþykki yfirvalda í
Reykjavík.
Talsmaður sendiráðsins hér
á landi segir sendiráðsstarfs-
mennina leggja allt upp úr því
að virða lög og reglur Íslend-
inga. Framkvæmdin væri eftir
þeirra bestu vitund sam-
kvæmt þeim reglum sem giltu
enda hafi verið fengið sam-
þykki fyrir umræddum fram-
kvæmdum áður en til þeirra
kom.
Nágrannar sendiráðsins
hafa kært gerð tennisvallarins
til úrskurðarnefndar skipu-
lags- og byggingarmála. Segja
þeir að forsendur fyrir fram-
kvæmdunum hafi verið brotn-
ar og framkoma Kínverjanna
einkennst af frekju og yfir-
gangi.
Talsmaður sendiráðsins
segist vita af óánægju ná-
grannanna. Það sé ekki þeirra
vilji að styggja nágranna sína
með gerð tennisvallarins.
Betra væri að leysa málið frið-
samlega og býður hann ná-
grönnunum að koma til sendi-
ráðsins til viðræðna. Þá væri
hægt að sættast milliliðalaust
svo nábýlið verði friðsamlegt.
BROTTFLUTNINGUR fólks af
landsbyggðinni til höfuðborg-
arsvæðisins birtist í ýmsum mynd-
um. Ekki eru þær myndir alslæmar
og ein í ánægjulegri kantinum birt-
ist um helgina á golfvelli Odd-
fellowa, Urriðavatnsvelli í Heið-
mörk. Þar voru mættir burtfluttir
Skagfirðingar á árlegu golfmóti
sunnan heiða, því fimmta í röðinni.
Alls mættu nærri 40 kylfingar til
leiks í blíðskaparveðri við frábærar
aðstæður á golfvelli Oddverja. Þar
af voru nokkrir Skagfirðingar sem
komu akandi suður yfir heiðar,
bæði til að hitta gamla félaga og
forvitnast í leiðinni um forgjöf
þeirra! Keppt var eftir punktafyr-
irkomulagi og hlutskarpastur varð
sjálfur skipuleggjandi mótsins,
Gunnar Þ. Guðjónsson, kallaður
meðal sveitunga sinna Gunni bak-
ari. Næstir honum voru Sigurgeir
Þórarinsson, Hafþór Þorbergsson,
Sigurbjörg Ólsen og Halldór Hall-
dórsson. Þátttakan í mótinu batnar
með hverju árinu, hvort sem það er
til marks um meiri brottflutning úr
Skagafirði eða frekari golfiðkun
þeirra sem komnir eru „suður“.
Skagfirsk
sveifla í
Heiðmörk
Morgunblaðið/Björn Jóhann
Verðlaunahafar á verönd golfskála þeirra Oddfellowa í Heiðmörk.
Garðabær
FJÖLSKYLDURÁÐ Hafnarfjarð-
arbæjar hefur ákveðið að ráða Geir
Bjarnason í starf forstöðumanns
miðstöðvar fyrir ungt fólk í gamla
bókasafninu í Mjósundi. Enn frem-
ur gegnir hann stöðu forvarnarfull-
trúa og starfar með forvarnarnefnd.
Steinunn Þorsteinsdóttir, upplýs-
inga- og kynningarfulltrúi Hafnar-
fjarðarbæjar segir nú aukna
áherslu lagða á ýmiss konar for-
varnarstarf og forvarnarfulltrúa sé
falið að koma í framkvæmd fjöl-
mörgum verkefnum sem forvarn-
arnefnd leggi áherslu á. Leitast sé
eftir því að forvarnastarfið nái til
flestra þátta sem geti haft áhrif á
heilbrigt líferni íbúanna. Hún segir
ekkert mannlegt forvarnarstarfinu
óviðkomandi en megináhersla teng-
ist lífsstíl ungs fólks. Stofnun kaffi-
og menningarhúss fyrir 16 ára og
eldri sé nú meginviðfangsefni for-
varnarnefndar en stefnt sé að opn-
un hússins í október í gamla bóka-
safninu Mjósundi 10.
Geir hefur starfað hjá Hafnar-
fjarðarbæ í 15 ár, fyrst sem starfs-
maður í Vitanum, Strandgötu 1 en
var ráðinn sem forstöðumaður þar
1993. Síðustu ár gegndi hann starfi
æskulýðsfulltrúa.
Ræður forvarnarfulltrúa til starfa
Áhersla á lífsstíl
unga fólksins
Hafnarfjörður