Morgunblaðið - 17.09.2003, Blaðsíða 19
SUÐURNES
MORGUNBLAÐIÐ MIÐVIKUDAGUR 17. SEPTEMBER 2003 19
! "#"
$%%&'
(#) "#"
(#)(%"*#"
(#)+",
"#-).-%(
% "#"
%
#/%"
%+",
"# "
-"'- *%'
-"/0#/%'#"12'"2
(#)(#%"
*3%"' %*/4(
-"&5'.% '*"6"
-"'- *7*%* ''"
„ÞETTA verður í stíl við hávaðann,
við erum bjartsýnir,“ sagði Geir
Þórólfsson, verkfræðingur hjá Hita-
veitu Suðurnesja, í gær. Hann var
þá ásamt Albert Albertssyni að-
stoðarforstjóra að fylgjast með holu
10 á háhitasvæðinu á Reykjanesi
sem var látin blása.
Hitaveita Suðurnesja er að und-
irbúa virkjun háhitasvæðisins á
Reykjanesi vegna hugsanlegrar
orkusölu til Norðuráls vegna
stækkunar álversins á Grundar-
tanga. Athuganir fyrirtækisins
beinast að því hvort það sé mögu-
legt og áhugavert að ráðast í 70 til
80 MW virkjun þar, þegar í fyrsta
áfanga, til þess að standa undir um
helmingnum af þörfum Norðuráls
fyrir viðbótarorku. Til þess þarf að
afla gufu fyrir tvær gufuaflsvélar.
Orkuveita Reykjavíkur myndi út-
vega hinn helming orkunnar.
Á Reykjanesi hafa þegar verið
boraðar fjórar holur sem gætu
staðið undir hluta af orkuöflun
vegna virkjunarinnar auk þeirrar
fimmtu sem er löskuð en gæti skil-
að einhverju til viðbótar. Nú er ver-
ið að rannsaka skipulega afkasta-
getu þessara borholna og
efnainnihald jarðhitavökvans.
Auk þess að afkastamæla holu tíu
og taka sýni til efnarannsókna er
tilgangur blástursins að kanna
áhrifin á nærliggjandi holur og sjá
hvernig jarðhitageymirinn bregst
við. „Við erum að sannfæra okkur
um tvennt. Að svæðið gefi það sem
þarf til langs tíma og hvort líkur
eru á að upp komi rekstrarvanda-
mál, til dæmis vegna útfellinga og
tæringar. Með þessu festum við
grunn fyrir væntanlega virkjun,“
sagði Albert.
Hann bætir því við að þær holur
sem búið er að bora gefi miklar
upplýsingar um möguleika á gufu-
öflun fyrir virkjunina. Geir og Al-
bert segja að nauðsynlegt sé að
bora sex til sjö holur til viðbótar, til
að fyrirtækið geti verið öruggt um
að geta afhent þá raforku sem rætt
er um.
Eitt gat í móður jörð
„Þetta er mjög jákvætt og hug-
hreystandi, það sem komið er,“ seg-
ir Albert þegar hann er spurður að
því hvort líkur séu á að Hitaveit-
unni takist ætlunarverk sitt á
Reykjanesi.
Hola tíu var boruð á árinu 1999.
Á síðasta ári var sú ellefta boruð og
hola númer tólf á síðasta vetri. Al-
bert og Geir eru bjartsýnir um holu
tíu, eins og fyrr segir, enda hávað-
inn gífurlegur. Byggist bjartsýnin
ekki síst á því hversu heit gufan er,
eða yfir 300 gráður á 1000 metra
dýpi. Búast þeir við að holan gefi 15
MW. „Það sem fæst úr þessu eina
gati í móður jörð samsvarar raf-
orkunotkun 15 þúsund manna bæj-
ar,“ segir Albert.
Rétt er að taka fram að ekki hef-
ur verið gengið frá samningum við
Norðurál. Þannig vekur Júlíus
Jónsson, forstjóri HS, athygli á því
í pistli í Fréttaveitunni, fréttabréfi
fyrirtækisins, að eftir sé að ganga
frá ýmsum atriðum varðandi samn-
inginn, meðal annars tryggingum,
auk samninga um flutning orkunn-
ar, reiðuafl og fleira. „Fullur vilji er
hjá HS (og OR) til þess að þetta
geti gengið upp, en tryggt þarf að
vera að arðsemi verkefnisins verði
viðunandi, því slík virkjun og lang-
tímasamningur um orkusölu ræður
miklu um gengi og stöðu fyrirtæk-
isins í framtíðinni.“
Hitaveita Suðurnesja rannsakar holu 10 vegna undirbúnings gufuaflsvirkjunar
Vonast eftir afköstum
í stíl við hávaðann
Morgunblaðið/Helgi Bjarnason
Fylgst er með holu tíu eins og ungabarni og menn bíða spenntir eftir því hvernig hún dafnar. Grímur Björnsson,
jarðeðlisfræðingur hjá Íslenskum orkurannsóknum, skráir hér stöðu mæla á meðan holan er látin blása.
Reykjanes
Staðfesting
um fjár-
mögnun
Helguvík
BÆJARSTJÓRINN í Reykjanesbæ
hefur fengið staðfestingarbréf vegna
fjármögnunar væntanlegrar stál-
röraverksmiðju IPT í Helguvík.
Bandaríska fyrirtækið sem hyggst
byggja stálröraverksmiðju við höfn-
ina í Helguvík fékk frest hjá Reykja-
neshöfn til loka ágústmánaðar til að
ganga frá fjármögnun framkvæmd-
arinnar. Árni Sigfússon bæjarstjóri
segist hafa fengið staðfestingu á því
að samningur hafi verið gerður við
Connell Finance Co. um fjármögn-
unina.
Verktakar vinna við að sprengja
niður lóð fyrirtækisins og segir Árni
að fjármögnun verði lokið um það
leyti sem hægt verður að afhenda
lóðina. Býst hann við að það verði um
áramót og að þá geti uppbyggingin
hafist.
Í vor gerðu forsvarsmenn IPT ráð
fyrir því að hefja framkvæmdir í
október eða nóvember og að hefja
framleiðslu á fyrsta ársfjórðungi
2005. Gert er ráð fyrir að um 200
manns starfi við verksmiðjuna og er
stefnt að því að hefja ráðningu
starfsmanna næsta sumar, þegar
kemur að uppsetningu véla og tækja.
AUGLÝSINGADEILD netfang: augl@mbl.is, sími 569 1111
Fólk læsi húsum
og bílskúrum
Reykjanesbær
MIKIÐ var um að laumast væri inn í
hús, innbrot og þjófnaði um helgina í
umdæmi lögreglunnar í Keflavík.
Málin eru í rannsókn.
Af því tilefni skrifar lögreglan eft-
irfarandi aðvörun í dagbók sína:
Nokkuð hefur borið á því að undan-
förnu að farið sé inn í íbúðarhús og
bílskúra og brýnir lögreglan fyrir
fólki að læsa húsum sínum og bílskúr-
um þannig að þjófar hafi ekki greiðan
aðgang. Í mörgum tilvikum eru hús-
ráðendur heima þegar innfarir þessar
eiga sér stað og verða ekki varir við
neitt fyrr en daginn eftir. Sum þess-
ara tilvika eru með þeim hætti að
grunur leikur á að þarna sé um að
ræða unglinga í leit að áfengi.
♦ ♦ ♦