Morgunblaðið - 17.09.2003, Blaðsíða 21

LANDIÐ
MORGUNBLAÐIÐ MIÐVIKUDAGUR 17. SEPTEMBER 2003 21
okkur og þá væri hægt að bjóða
nemendum upp á nám í kamm-
ermúsík. Það er mikilvægt að halda
öllum slíkum möguleikum opnum.“
Lilja er nú nýkomin frá Englandi,
en þangað fór hún – á námskeið –
ásamt 34 manna hópi foreldra og
barna. „Þessi sumarnámskeið hafa
öll mjög mikið að segja. Krakkarnir
sem sækja þau koma mun betur
undirbúin í skólann að hausti en
þeir sem ekki gera það. Á þessu al-
þjóðlega námskeiði í Englandi voru
íslensku krakkarnir að spila fyrir
bandaríska, breska, spænska og hol-
lenska kennara, sem hrósuðu þeim
óspart fyrir það hvað þau væru ög-
uð og spiluðu fallega. Þeim fannst
standardinn hér mjög góður. Ís-
lensku krökkunum þykir það líka
ofboðslega spennandi að geta farið
út og spilað fyrir útlenda kennara
og borið sig saman við krakka ann-
ars staðar frá. Þau hafa mjög gott af
því, og fá aðra vídd í eigið nám.
Fyrir tónlistarnema er það mjög
þroskandi og gott að heyra aðra
kennara segja jafnvel það sama og
gamli kennarinn talar um, en
kannski með öðrum orðum og
áherslum. Það er ekki þannig leng-
ur að kennarinn „eigi“ nemandann;
ég vil meina að allt sé þetta sam-
vinna margra og að það sé hollt og
gott fyrir hvern og einn að sækja
annað og heyra hvað aðrir kennarar
hafa að segja.“
Eitt af því besta við námskeiðin í
Skálholti segir Lilja vera það hve
staðarfólk með séra Bernharð Guð-
mundsson í fararbroddi hafi tekið
þeim vel. Samstarf við Skálholtsstað
hefur vaxið og æ meira lagt upp úr
því að tengja námskeiðin öðru
starfi. „Í Skálholti er margþætt
starfsemi, ráðstefnur, starf fyrir
aldraða og fleira og það er mjög
skemmtilegt að krakkarnir fái að
tengjast þessari starfsemi líka, með
því til dæmis að spila fyrir eldra
fólkið. Við höfum líka spilað í kirkj-
unni, öll tólf árin og gerum það
áfram. Þetta samstarf er vaxandi og
mjög spennandi. Það er því ekkert
lát á áhuganum hjá krökkum á að
koma á námskeiðin í Skálholti.
Þetta kostar auðvitað mikla vinnu
og peninga, og okkur vantar svolítið
af þeim, ekki síst þegar gróskan í
starfinu er svona mikil.“
Í haust er Lilja upptekin af því að
koma Allegro Suzuki-skólanum í
nýtt húsnæði í Trönuvogi inn við
Sund. „Það er mikill áfangi, sem
náðist með styrkveitingu frá borg-
inni. Þetta er eins og að uppskera
loks eftir mikla vinnu í mörg ár.
Skólinn blómstrar í dag, og það er
mikið því að þakka hvað frábærir
foreldrar og kennarar hafa unnið
mikið með okkur að þessu hugsjóna-
starfi.“
Foreldrar yngri barnanna tóku virkan þátt í námskeiðunum.
begga@mbl.is
VIÐSKIPTADEILD Viðskiptahá-
skólans á Bifröst og Ferðamáladeild
og Fiskeldisdeild Háskólans á Hól-
um gerðu nýlega samkomulag um
gagnkvæmt mat á námi.
Nemendur sem útskrifast frá Há-
skólanum á Hólum fá nám sitt metið
sem 30 eininga áfanga til BS-prófs í
viðskiptafræði með áherslu á ferða-
þjónustu eða fiskeldi við Við-
skiptaháskólann á Bifröst. Þá fá
nemendur, sem útskrifast með dip-
loma í rekstrarfræðum við Við-
skiptaháskólann á Bifröst, nám sitt
metið sem 60 eininga áfanga til BS-
eða BA-prófs í fiskeldi eða ferðamál-
um við Hólaskóla.
Markmið samkomulagsins er að
efla viðskiptamenntun innan ferða-
þjónustu og fiskeldis, eins og kemur
fram í fréttatilkynningu.
Samningur um
gagnkvæmt
mat á námi
Bifröst
DILBERT
mbl.is