Morgunblaðið - 17.09.2003, Blaðsíða 38
MINNINGAR
38 MIÐVIKUDAGUR 17. SEPTEMBER 2003 MORGUNBLAÐIÐ
Elsku hjartans rósin
mín ég trúi ekki að þú
sért farin frá mér, það
er svo stutt síðan við
vorum að plana fram-
tíðina og þú varst svo
hamingjusöm og ánægð
með lífið.
Þú varst ein mikilvægasta og dýr-
mætasta manneskjan í mínu lífi. Og
ég mun alltaf elska þig. Söknuðurinn
nístir í gegn en ég er svo þakklát fyr-
ir að hafa átt þig að alla mína ævi og
þú gekkst með mér í gegnum svo erf-
iða tíma og svo æðislega tíma. Ég
mun alltaf eiga svo margar yndisleg-
ar minningar og ég horfi bara á litlu
hafmeyjuna, uppáhaldsteiknimynd-
ina okkar, til að brosa að öllum uppá-
tækjunum okkar. Ég veit að þú verð-
ur fallegasti engillinn sem hefur
fundist í himnaríki elsku besta krútt-
ið mitt. Þú verður í góðum höndum
hjá pabba og öllum hinum sem taka á
móti þér. Ég mun sakna þín alla ævi
en þegar minn tími er kominn veit ég
að þú tekur á móti mér brosandi og
kyssir mig og knúsar mig. Farðu í
friði ástin mín.
Þú ert yndið mitt yngsta og besta,
þú ert ástarhnossið mitt nýtt,
þú ert sólrún á suðurhæðum,
þú ert sumarblómið mitt frítt,
þú ert ljósið sem lifnaðir síðast,
þú ert löngunar minnar Hlín.
Þú ert allt sem ég áður þráði,
þú ert ósk, – þú ert óskin mín.
(Gestur.)
Þín að eilífu
Valgerður.
Fótmál dauðans fljótt er stigið
fram að myrkum grafarreit,
mitt er hold til moldar hnigið
máske fyrr en af ég veit.
Heilsa, máttur, fegurð, fjör
flýgur burt sem elding snör.
Hvað er lífið? Logi veikur,
lítil bóla, hverfull reykur.
Margur einn í aldurs blóma
undi sæll við glaðan hag,
brátt þá fregnin heyrðist hljóma:
Heill í gær, en nár í dag. –
Ó, hve getur undraskjótt
yfir skyggt hin dimma nótt!
Fyrir dyrum dauðans voða
daglega þér ber að skoða.
(Björn Halldórsson.)
Takk fyrir allt elsku Stefanía, hvíl
þú í friði.
Kristín Sjöfn, Jón og fjölskylda.
Ég horfi út á hafið
háskaslóð.
Inn skríða skipin skreytt af aftanglóð
nema eitt og eitt
og því fær enginn breytt
Við börnunum blasir brosandi framtíðin
þau halda út í heiminn
hraust og ákveðin
nema eitt og eitt
og því fær enginn breytt
Þú veist um veröldina aumu
varnarlausar hörmungar.
Öll við eigum okkar drauma
en örlögin bíða okkar allstaðar.
Ég fer upp á fjallið
finn þar litla laut
leggst og lít á blómin
lífs míns yndi og skraut
nema eitt og eitt
því fær enginn breytt
(Haraldur Reynisson.)
Hvíl þú í friði, elsku Stefanía.
Elsku Edda systir og Pétur, Jón-
björn, Edda Mary, Bergur og Berg-
dís, Ósk, Gulli og Bjartur, Bella og
Gunnar. Þið áttuð yndislega Stefaníu
STEFANÍA GUÐRÚN
PÉTURSDÓTTIR
✝ Stefanía GuðrúnPétursdóttir
fæddist 23. október
1984. Hún lést 27.
ágúst síðastliðinn og
var útför hennar
gerð frá Grafarvogs-
kirkju 9. september.
og ég veit að sorg ykkar
er mikil en minningin
verður ljós í lífi ykkar
allra.
Auður og
Þorgrímur.
Í rökkurró hún sefur
með rós að hjartastað.
Sjá haustið andað hefur
í hljóði á liljublað.
Við bólið blómum þakið
er blækyrr helgiró.
Og lágstillt lóukvakið
er liðið burt úr mó.
Í haustblæ lengi, lengi
um lyngmó titrar kvein.
Við sólhvörf silfrin strengi
þar sorgin bærir ein.
(Guðmundur Guðmundsson.)
Æ, æ, elsku góða fallega Stefanía
mín.
Mikið óskaplega er þetta sárt, en
ég er samt svo þakklát fyrir það að
þú fæddist og ólst upp í minni fjöl-
skyldu.
Ég tel það vera mín forréttindi að
hafa fengið að vera móðursystir þín
og fylgjast með þér vaxa úr grasi.
Mér fannst þú alltaf svo gott og
skemmtilegt barn með ákveðnar
meiningar sem ekki mátti hlæja að
þótt drepfyndnar væru, við áttum
bara að taka mark á þér eins og þú á
okkur. Ég og mamma þín vorum svo
sniðugar að stuðla að því að þú og
Valgerður yrðuð vinkonur frá því þú
fórst að hafa vit á því hvað vinkona
var, þannig að þið voruð mjög ungar
þegar hægt var að skilja ykkur eftir
heima hjá hvor annarri.
Ég á svo margar góðar minningar
af ykkur saman þegar þú gistir hjá
okkur á Sólvöllum, þú komst með
Lillu og Pésa, dúkkurnar þínar, þið
fóruð strax í náttfötin þótt klukkan
væri ekki nema tvö á föstudegi, létuð
peysur á hausinn, ermarnar voru tígó
og voruð í mömmó hreinlega alla
helgina með smá hléum því ekki
mátti gleyma skyldustörfunum sem
voru steinasafnið sem þið límduð
steina á sem hirtir voru víðs vegar
um landið, og grafreiturinn þar fyrir
neðan sem allir fuglarnir sem þið
funduð látna voru jarðaðir í, að
ógleymdum Pésa páfagauk, sem dó
þegar frost var enn í jörðu og varð að
vera í frystinum þar til hægt var að
jarða hann í grafreitnum ykkar.
Þegar bernskunni lýkur taka ung-
lingsárin við og þú þurftir að fá að
spreyta þig í orðsins fyllstu merk-
ingu, og oft á tíðum hafði ég áhyggjur
af þér eins og gerist og gengur með
unglingana okkar og þú reyndir
margt, bæði gott og slæmt, en
skemmtir þér oftast vel og komst til
baka með báða fætur á jörðinni og
nýja lífssýn í farteskinu enda skyn-
söm stúlka.
Síðustu tvö árin vannstu hjá
mömmu þinni og pabba í Konfekt-
búðinni, varst orðin fullgildur með-
limur í systkinabarnapartíin (18 ára),
bjargaðir Hlyni á ættarmóti í sumar,
þú manst, föstudagskvöldinu, ætlaðir
að byrja í FB þegar þú kæmir frá
Spáni, stóðst gjörsamlega með pálm-
ann í höndunum en þá ...
Elsku Stefanía mín, takk fyrir all-
ar samverustundirnar, öll faðmlögin
og öll fallegu brosin.
Elsku Edda, Pétur, Jónbjörn,
Edda, Bergur, Ósk, Gulli, Bella,
Gunnar, mamma mín, Emil, Auður,
Bjartur Blær og Bergdís María, góð-
ur Guð gefi ykkur styrk á þessum
erfiðu tímum.
Megi minningin um Stefaníu verða
ljós í lífi ykkar.
Kveðja frá Sólvöllum, þín frænka
Sigríður Br. Sigurðardóttir.
Drottinn er minn hirðir, mig mun
ekkert bresta.
Á grænum grundum lætur hann mig
hvílast,
leiðir mig að vötnum,
þar sem ég má næðis njóta.
Hann hressir sál mína,
leiðir mig um rétta vegu
fyrir sakir nafns síns.
Jafnvel þótt ég fari um dimman dal,
óttast ég ekkert illt,
því að þú ert hjá mér,
sproti þinn og stafur hugga mig.
Þú býr mér borð
frammi fyrir fjendum mínum,
þú smyr höfuð mitt með olíu,
bikar minn er barmafullur.
Já, gæfa og náð fylgja mér
alla ævidaga mína,
og í húsi Drottins bý ég
langa ævi.
(23. Davíðssálmur.)
Elsku yndislega Stefanía.
Ég sit hérna og skrifa minningar-
grein til þín og hugsa í leiðinni um all-
ar stundirnar sem ég átti með þér og
þær eru ekki fáar.
Mér finnst lífið svo ósanngjarnt og
mér finnst sárt hvað maður getur
misst einhvern sem manni þykir svo
vænt um svona snöggt.
Þú varst svo falleg og glaðvær,
alltaf brosandi og það var stutt í húm-
orinn. Ég er svo þakklát fyrir að hafa
átt þig sem frænku og þó það hafi
verið í svona stuttan tíma, þá bíður
þín greinilega annað og mikilvægara
hlutverk annars staðar. Eða eins og
Mæja amma segir; við fengum þig
bara lánaða þessi ár sem þú varst hjá
okkur og við verðum að vera þakklát
fyrir þau. Sem og ég er. Mér finnst
bara svo ótrúlegt að þú sért farin og
komir ekki aftur og ég hlakkaði svo
til að þú kæmir heim frá Spáni og
segðir mér frá ferðinni og ég tala nú
ekki um að fara að vinna með þér í
sjoppunni. Við gátum talað svo mikið
saman um allt bæði gott og slæmt,
fyndið og alvarlegt og ég er fegin því
hvað þú treystir mér. Ég man t.d.
þegar við fórum á ættarmótið í sumar
og við fórum saman á mínum bíl ég,
þú, Sóley og Hlynur. Við töluðum svo
mikið saman um allt og það var rosa-
lega gaman hjá okkur nema þú varst
ekki alveg að fíla útvarpið í bílnum
því það heyrðist ekkert í því, þannig
að þú fórst að leita að spólu til að
hlusta á því að þú varst í svo miklu
stuði og hlakkaðir svo til að fara á
ættarmótið og varst búin að bíða svo
lengi eftir því. En eina spólan sem þú
fannst var eldgömul spóla með UB40
og ég gleymi aldrei svipnum á þér
þegar þú settir hana í tækið. Svo
fékkstu bílinn minn lánaðan til að
heimsækja vin þinn og reddaðir þér
náttúrlega spólu til að hlusta á með
Eminem og hún er ennþá í bílnum
mínum. Sóley saknar þín líka og talar
og talar um þig og hún hlakkar til að
sjá þig þegar hún ætlar að koma
fljúgandi í heimsókn til þín þ.a.s. þeg-
ar ég er búin að kaupa handa henni
vængi.
Ég gæti skrifað og skrifað enda-
laust um þig, elsku besta frænka mín
og ég er bara þakklát fyrir að eiga
svona margar góðar minningar. Og
ég er fegin að hafa kvatt þig kvöldið
áður en þú fórst til Spánar en það
seinasta í lífinu sem mér datt í hug
var að þetta væri seinasta skiptið
sem við mundum hittast. Þú knúsaðir
mig og kysstir og ég man bara hvað
þú hlakkaðir til og ég veit að þú varst
ánægð og hamingjusöm alla ferðina
og seinustu dagana sem þú lifðir. Og
ég veit líka að núna líður þér vel þar
sem þú ert og ég veit að þú og pabbi
passið hvort annað.
Takk fyrir allt, elsku frænka.
Elsku Edda og Pétur, Jónbjörn,
Ósk og Gulli, Edda og Bergur, Bella
og Gunnar, Bergdís María, Bjartur
Blær og aðrir aðstandendur, megi
Guð gefa ykkur styrk á þessum erf-
iðu tímum.
Þínar frænkur,
Ásgerður og Sóley Dögg.
Verndi þig englar, elskan mín,
þá augun fögru lykjast þín;
líði þeir kringum hvílu hljótt
á hvítum vængjum um miðja nótt.
Nei, nei, það varla óhætt er
englum að trúa fyrir þér;
engill ert þú og englum þá
of vel kann þig að lítast á.
(Steingrímur Thorsteinsson.)
Elsku Stefanía frænka, þú varst
alltaf uppáhalds frænka mín frá því
að ég man eftir mér.
LOVÍSA BÍLDDAL RUESCH,
f. 15. desember 1935, lést á heimili sínu í
Orlandó, Flórída, föstudaginn 12. september.
Robert K. Ruesch,
Svana C. Tolf, Ronald Tolf,
Asley Lovisa Tolf, Zachariah Kevin Tolf,
Sigríður Bílddal Ruesch, Þröstur Halldórsson,
Katrín Bílddal,
Valgerður Bílddal.
Innilegar þakkir sendum við öllum þeim sem
sýndu okkur samúð og vinarhug við andlát og
útför eiginkonu minnar, móður, tengdamóður,
ömmu, langömmu og langlangömmu,
GUÐRÚNAR ERLENDSDÓTTUR,
Borgarhrauni 4,
Grindavík.
Sérstakar þakkir færum við starfsfólki á
hjúkrunarheimilinu Víðihlíð, Grindavík.
Hjalti Jónsson,
Kristín Jóna Hjaltadóttir, Þorkell Árnason,
Sigrún Kjartansdóttir,
Birna Sverrisdóttir,
Björk Sverrisdóttir, Magnús Arthúrsson,
Hjalti Allan Sverrisson, Lísa Ásgeirsdóttir,
Ólöf Viðarsdóttir, Andrés Ari Ottósson,
Laufey Viðarsdóttir,
Kjartan Viðarsson, Björg Guðmundsdóttir,
barnabarnabörn og barnabarnabarnabörn.
Eiginkona mín, móðir okkar, tengdamóðir,
amma og langamma,
MARGRÉT HALLDÓRSDÓTTIR,
Laufrima 2,
Reykjavík,
sem lést á líknardeild Landspítalans 12. sept-
ember sl., verður jarðsunginn frá Grafarvogs-
kirkju föstudaginn 19. september kl. 10:30.
Örn Ingólfsson
Kristjana Arnardóttir, Kristján Ingason,
Halldór Arnarson, Bryndís Svansdóttir,
Ingólfur Arnarson, Anna Birna Rögnvaldsdóttir,
Ægir Arnarson,
Óðinn Arnarson, Árný Guðfinnsdóttir,
barnabörn og barnabarnabarn.
Elskulegur sonur okkar, bróðir, mágur, barna-
barn og frændi,
ÍVAR GUÐJÓNSSON,
lést á heimili sínu sunnudaginn 14. september.
Jarðarförin auglýst síðar.
Erla Elísdóttir, Guðjón Ívarsson,
Heiða Björk Guðjónsdóttir, Carl Jóhann Gränz,
Elísabet Guðjónsdóttir,
Úrsúla María Guðjónsdóttir,
Ívar Magnússon, Ursula Magnússon,
Ásdís Elva Gränz.
Bróðir okkar,
ELÍAS TÓMASSON,
lést í bílslysi sunnudaginn 31. ágúst.
Jarðarförin hefur farið fram.
Jens Tómasson,
Margrét Rakel Tómasdóttir,
Sóley Tómasdóttir,
Haukur Sigurður Tómasson,
Fjóla Sigríður Tómasdóttir.