Morgunblaðið - 17.09.2003, Blaðsíða 45
FRÉTTIR
MORGUNBLAÐIÐ MIÐVIKUDAGUR 17. SEPTEMBER 2003 45
Í dag, 17. septem-
ber, er hann Jón Her-
mundsson, Nonni, átt-
ræður. Mikið ósköp
þeytist tíminn áfram.
Mér virðist það hafa
verið eins og í gær að
hann var ungur og
sterkur maður fullur
af lífi og framtíðar-
áformum.
Nonni var fæddur á
Strönd í Vestur-Land-
eyjum hinn 17. sept-
ember 1923, sonur
hjónanna Hermundar
Einarssonar og Guð-
rúnar Jónsdóttur. Hann var tvíburi
við systur sína Kristínu sem lést í
byrjun þessa árs. Önnur systkini
hans voru Eiður, f. 1920, Inga, f.
1921, og svo einn hálfbróðir, Hall-
dór Elíasson, f. 1913.
Nonni ólst upp á Strönd og tók
virkan þátt í búskap þar. Hann var
þjarkur við slátt, bæði með orfi og
svo með hestasláttuvélinni þegar
hún kom. Svo var hann líka fram-
úrskarandi góður baggabindari og
batt sáturnar fast og hratt og var
konunum sem með honum unnu
stundum erfitt að halda í við hann.
Einnig var hann ágætis hestamað-
ur og man ég fyrst eftir honum á
Jarp sem var uppáhalds hestur
hans, fjörugur og viljugur sem
þeyttist með hann út um tún og
móa. Einnig man ég eftir honum
við hestatamningar. Honum fannst
gott að fara með ótamda hesta suð-
ur í keldur, en nóg var af þeim í
Landeyjunum, og fara á bak þegar
hesturinn var kominn í kvið í keld-
una og láta hann svo hamast í keld-
unni þar til hesturinn var orðinn
þreyttur og lét betur að stjórn.
Einnig var Nonni ágætis dansmað-
ur og fór oft á böll víða um sveitir.
Stundum lenti hann í slagsmálum
(sem Íslendingum er stundum títt)
og man ég eftir honum einu sinni
sem krakki, er hann kom frekar
marinn heim af balli. En þó kom
það ekki að sök þar sem hann náði
sér vel og lífið hélt áfram.
Einnig fór Nonni á vertíðir í Eyj-
um, eins og Landeyingar kalla
Vestmannaeyjar, og gerði það í
mörg ár. Í Eyjum kynntist Nonni
Ásu Magnúsdóttur snemma á
sjötta áratugnum. Þau giftust um
1954. Þau gerðu sitt bú í Eyjum
u.þ.b. fyrstu 20 árin. Á þeim árum
eignuðust þau tvo syni, Hermann
Gunnar og Magnús Rúnar.
Þegar gaus 1973 fluttist fjöl-
skyldan til meginlandsins. Þau
settust að í Reykjavík og síðar í
Kópavogi þar sem þau keyptu sér
hús. Eftir að Nonni fluttist frá Eyj-
um hætti hann að stunda sjó og
JÓN
HERMUNDSSON
vann í landi. Hann
vann hjá Eimskip við
uppskipun og svo í
pakkhúsi. Honum
fannst gaman að vinna
og vildi helst ekki
hætta, en aldurinn
gerði það að hann varð
að hætta vinnu um sjö-
tugt. Síðan notaði
hann tímann til að
sinna tómstunda-
áhugaefnum sínum,
svo sem lestri, garð-
yrkju, tafli og svo
gengur hann mikið.
Einnig finnst honum
gaman að heimsækja fólk og vera
heimsóttur þar sem gestrisnin og
vináttan er honum í blóð borin.
Börnum þeirra Ásu og Nonna
hefur vegnað vel. Hermann er
kvæntur Emmu og búa þau í Þor-
lákshöfn. Hann er rafvirki að
mennt og hefur sitt eigið verkstæði
þar. Hermann og Emma eiga eitt
barn, Halldór Garðar, að nafni.
Rúnar býr í Reykjavík og kvæntur
Auði. Þau eiga tvö börn, Jón Gunn-
ar og Sigrúnu Ásu. Rúnar vinnur
hjá niðursuðuverksmiðjunni Ora og
hefur unnið þar í mörg ár.
Þrjú af systkinum Nonna, Hall-
dór, Inga og Kristín eru látin, og er
Eiður einn eftirlifandi þeirra systk-
ina.
Nonni hefur ævinlega haft gam-
an af alls konar skáldskap og ljóð-
um, og var hann nokkurs konar
„leirskáld“ eins og kallað er. Einni
vísu man ég eftir og er hún um
kennileiti í landi Strandar í Vestur-
Landeyjum. Hún er svona:
Gloppan, fríða, fáséða,
finnst mér prýða sveitina.
Fjárgöturnar finnast þar,
um fallegar, grænar lautirnar.
Þegar ég hitti Nonna síðast 2002
heima á Íslandi, fannst mér hann
hafa elst og breyst. Konan hans var
nýdáin og hann var einn í húsinu.
Mér fannst hann frekar daufur og
vitaskuld var hann einmana. Hann
sagði að hann væri enginn kokkur,
„Ása sá alltaf um það“. Þó fannst
mér að hann spjaraði sig ágætlega
einn. Börnin hans hjálpa honum
eftir getu og fara með hann víða.
Honum finnst ennþá gaman að
lestri, tafli og blómarækt. Sveitaá-
hrifin frá barnæsku eru merkjan-
leg hjá honum enn í dag. Eins og
segir í kvæðinu: „Römm er sú taug
er rekka dregur föðurtúna til“.
Kæri Nonni minn, til hamingju
með þennan merkilega afmælisdag.
Megir þú eiga marga fleiri í viðbót
og megir þú njóta komandi ára.
Herbert Númi,
Bandaríkjunum.
Bikarkeppni Bridssambandsins
– undanúrslit
Dregið í undanúrslit í Bikarkeppni
Bridssambandsins.
Fjórðu umferðinni lauk sl. föstu-
dag er sveit ÍAV vann sveit Ógæfu
ehf. með 106 stigum gegn 100 og
sveit Félagsþjónustunnar hafði unn-
ið Shellskálann á Húsavík fyrr í vik-
unni 86-77.
Dregið hefur verið til undanúr-
slita,og spila eftirtaldar sveitir sam-
an:
Sparisjóður Siglufjarðar og Mýra-
sýslu - Félagsþjónustan
Guðm. Sv. Hermannsson - ÍAV
Spilað verður í Síðumúla 37 laug-
ardaginn 27. sept.
Bridsfélag Kópavogs
Fyrsta keppni á þessu starfsári er
þriggja kvölda „Hamrasports-tví-
menningur“ þar sem sigurvegarar
hljóta í verðlaun úttekt hjá Hamra-
sporti. Spilað er í nýjum „Þinghóli“,
Hamraborg 11, 3. hæð og hefst spila-
mennskan kl. 19.30.
Bridsfélag eldri borgara
í Hafnarfirði
Úrslit 2. september.
N/S
Kristján Ólafsson – Friðrik Hermannsson
127
Ólafur Gíslason – Helgi Sigurðsson 110
Björn Björnsson – Haukur Guðmundsson
105
A/V
Kamma Andrésd. – Kristrún Stefánsd. 121
Árni Guðmundsson – Hera Guðjónsd. 108
Einar Sveinsson – Guðni Ólafsson 105
Úrslit 9. september.
N/S
Sævar Magnúss. – Bjarnar Ingimarss. 120
Kristján Ólafss. – Friðrik Hermannss. 114
Ásgeir Sölvason – Guðni Ólafsson 114
A/V
Árni Guðmundsson – Hera Guðjónsd. 124
Jón Gunnarsson – Sófus Berthelsen 114
Þorvarður S. Guðm. – Ólafur Gíslas. 105
Úrslit 12 september.
N/S
Ásgeir Sölvason – Guðni Ólafsson 146
Jón Pálmason – Sverrir Jónsson 124
Jón Ól. Bjarnason – Jón Rafn Guðmundss 86
A/V
Friðrik Hermannsson – Ólafur Gíslason 109
Þorvarður S. Guðm. – Sófus Berthelsen 104
Hermann Valsteinsson – Jón Sævaldsson103
BRIDS
Umsjón Arnór G.
Ragnarsson
AFMÆLI
Rangur ljósmyndari
Með umfjöllun um vetrardagskrá
Íslensku óperunnar í gær birtist
ljósmynd af Kurt Kopecki, nýráðn-
um tónlistarstjóra Óperunnar.
Myndin var sögð höfundarverk Þor-
kels Þorkelssonar, ljósmyndara
Morgunblaðsins. Rétt er að myndina
tók Guðmundur Ingólfsson, ljós-
myndari Íslensku óperunnar. Beðist
er velvirðingar á mistökunum.
LEIÐRÉTT
Tískusýning Prjónablaðsins Ýr í
kvöld Þriðja og síðasta Tískusýning
Prjónablaðsins Ýr verður í kvöld,
miðvikudagskvöld, í Súlnasal Hótel
Sögu kl. 20. Allt áhugafólk um hand-
prjón velkomið, húsið opnað klukkan
19.
Sýndar verða flíkur úr nýjasta
blaðinu auk þess sem skyggnst er
inn í framtíðina.
Í DAG
Fulbright-stofnunin á Íslandi og
Alþjóðaskrifstofa háskólastigs-
ins gangast fyrir upplýsingafundi
um nám í Bandaríkjunum og Kan-
ada á morgun, fimmtudaginn 18.
september, kl. 16–17.30, í stofu
101 í Odda.
Kynnt verður umsóknarferlið um
masters- og doktorsnám, sem og
stúdentaskiptiprógrömm. Fulltrú-
ar SÍNE og Lánasjóðs íslenskra
námsmanna verða á staðnum. Sér-
staklega verða kynntir nokkrir
styrkir sem Íslendingum standa til
boða. Íslendingar sem verið hafa
við nám í Bandaríkjunum segja frá
reynslu sinni. Tími verður fyrir
fyrirspurnir í lok fundarins. Allir
velkomnir.
Alþjóðaskrifstofa háskólastigsins:
www.ask.hi.is. Fulbright-
stofnunin: www.fulbright.is.
Kvöldfundur FENÚR verður hald-
inn fimmtudaginn 18. september á
Grand Hóteli kl. 20.
Arne L. Kvernheim, sérfræðingur
hjá SINTEF www.sintef.no í Nor-
egi, mun fjalla almennt um vinnslu
lífræns úrgangs og þau vandamál
sem við er að etja í þeim efnum.
Leif Nilson, ráðgjafi um lífrænan
úrgang hjá rvf www.rvf.se, syst-
ursamtökum FENÚR í Svíþjóð
mun fjallar um stöðu og framtíð
sorpmála í Svíþjóð. Fyrirlestrarnir
fara fram á ensku og er frítt inn á
fundinn.
Almannatengsl, orðstír og ár-
angur Almannatengslafélag Ís-
lands og Ímark standa fyrir ráð-
stefnu fimmtudaginn 18.
september undir yfirskriftinni
„Samhæfð markaðssamskipti: Al-
mannatengsl, orðstír og árangur.“
Ráðstefnan verður á Nordica Hót-
el kl. 11.30–16.30.
Fyrirlesarar verða John Saunders,
framkvæmdastjóri Fleishman-
Hillard á Írlandi, Óskar Magn-
ússon, forstjóri Og Vodafone, Ás-
laug Pálsdóttir, varaformaður Al-
mannatengslafélags Íslands og
framkvæmdastjóri AP almanna-
tengsla, Tómas Möller, formaður
Iceland Naturally og fram-
kvæmdastjóri Thorarensen Lyfja,
og Þorlákur Karlsson, fram-
kvæmdastjóri rannsókna- og upp-
lýsingasviðs IMG. Ráðstefnugest-
um gefst kostur á að taka þátt í
fyrirspurnum og almennum um-
ræðum um erindin.
Nánari upplýsingar er hægt að
nálgast á skrifstofu ÍMARK,
www.imark.is eða www.al-
mannatengsl.is. Skráning fer einn-
ig fram á sama stað eða á tölvu-
póstfanginu imark@imark.is.
Rabb um kynlíf, kirkju og hjóna-
band Rannsóknastofa í kvenna- og
kynjafræðum heldur rabbfund á
morgun, fimmtudaginn 18. sept-
ember, kl. 12.05 í stofu 301 í Árna-
garði. Sólveig Anna Bóasdóttir
guðfræðingur flytur erindið
„Hjónaband í hættu! Um kynlíf,
kirkju og hinsegin hjónabönd“.
Í erindinu verður komið inn á
tvær mikilvægar forsendur sem
gengið er út frá í hinni guð-
fræðilegu umræðu um hjónaband-
ið. Þetta eru annars vegar fjölg-
unarforsendan – boðið um fjölgun
mannskyns (Verið frjósöm, marg-
faldist og uppfyllið jörðina
1.Mós.1.28) og hins vegar and-
stæðuforsendan eða betri-
helmingsforsendan – sem undir-
strikar mikilvægi þess að and-
stæðir eiginleikar kynjanna komi
saman í hjónabandinu, og myndi
þar eina fullkomna heild (comple-
mentarity).
Félag nýrnasjúkra stendur fyrir
fræðslufundi á morgun, fimmtu-
daginn 18. september, kl. 20, í Há-
túni 10 b (Kaffiteríunni) 1. hæð.
Fundarefni: „Geðvernd meðal
nýrnasjúkra“, fyrirlesari verður
Kristinn Tómasson, formaður Geð-
verndarfélags Íslands. Kaffiveit-
ingar.
Sjálfboðaliðar óskast Kópavogs-
deild Rauða kross Íslands óskar
eftir sjálfboðaliðum til þess að
sinna margvíslegum mann-
úðarverkefnum deildarinnar.
Kynningarfundur fyrir nýja sjálf-
boðaliða verður haldinn í sjálf-
boðamiðstöðinni Hamraborg 11 á
morgun, fimmtudaginn 18. sept-
ember, kl. 20.
Um er að ræða verkefni sem henta
fólki á öllum aldri, körlum jafnt
sem konum, segir í fréttatilkynn-
ingu.
Upplýsingar: Sjálfboðamiðstöð
Hamraborg 11, opin virka daga kl.
12–14, kopavogur@redcross.is og
www.redcross.is/kopavogur
Á MORGUN
STARFSMENNTAVERÐLAUNIN
voru afhent við hátíðlega athöfn
fyrir helgi. Þetta er í fjórða
skiptið sem þau eru afhent.
Verðlaunin hlutu að þessu sinni
Eimskipafélag Íslands í flokki
fyrirtækja, Eftirmenntun vél-
stjóra í flokki fræðsluaðila og
Verkmenntaskólinn á Akureyri í
opnum flokki. Forseti Íslands,
Ólafur Ragnar Grímsson, afhenti
verðlaunin en þau eru hugsuð
sem hvatning fyrir aðila sem
þykja vinna framúrskarandi starf
á sviði starfsmenntunar hér á
landi.
Þrír fengu starfs-
menntaverðlaunin
Morgunblaðið/Þorkell
Frá vinstri: Ingimundur Sigurpálsson, forstjóri Eimskips, Helgi Laxdal,
formaður Vélstjórafélagsins, Adam Óskarsson, fulltrúi Verkmenntaskól-
ans á Akureyri, og Ólafur Ragnar Grímsson, forseti Íslands.
SKÁKFÉLAGIÐ Hrókurinn í sam-
vinnu við Hagkaup stendur fyrir
barnaskákmóti á Broadway sunnu-
daginn 21. september. Keppendur
verða um 300 talsins og eiga allir
keppendur á mótinu möguleika á
glaðningi, því einnig verður efnt til
happdrættis þar sem m.a. verða
dregnir út DVD spilarar, hljóm-
tækjasamstæða, DVD myndir,
geisladiskar frá Skífunni, gjafabréf
á American Style og McDonalds,
skáksett og Skákspilið Hrókurinn
verður frumsýnt.
Nokkrir skemmtikraftar koma
fram, m.a. Hreimur Örn úr Landi
og sonum og skáktríó JFM.
Hagkaupsmótið er fyrir börn í
1.–7. bekk og verður þeim skipt í
nokkra flokka.
Mæting er kl. 12 og mótið verður
sett kl. 13 við hátíðlega athöfn.
Þátttökugjald á mótið er 500 krónur
og rennur ágóði í barnastarf Hróks-
ins.
Hægt er að skrá sig á netfangið
skakskoli@hotmail.com
Hagkaups-
mótið á
sunnudag
Skákmót
♦ ♦ ♦
Ung vinstri - græn halda lands-
fund 19.-20. september Formleg
dagskrá hefst föstudaginn 19.
september kl. 20.30 með kynning-
arferð um Alþingishúsið undir
leiðsögn þingmanna Vinstrihreyf-
ingarinnar - græns framboðs.
Formleg landsfundarstörf hefjast
laugardaginn 20. september kl. 10
á Hótel Loftleiðum, þingsal 1. Á
dagskrá eru almennar stjórnmála-
umræður, hópastarf og stjórn-
arkjör. Rétt til að sitja fundinn
eiga allir félagar í UVG, þ.e. fé-
lagar í Vinstrihreyfingunni -
grænu framboði, sem eru undir
þrítugu. Nánari upplýsingar er
hægt að finna á heimasíðu ungra
vinstri - grænna www.uvg.vg
Golfmót Bifrestinga á Hamars-
vellinum í Borgarnesi verður
haldið sunnudaginn 21. september
kl. 10. Mótið er ætlað öllum nem-
endum Bifrastar fyrr og síðar, það
er nemum Samvinnuskólans, Sam-
vinnuháskólans og Viðskiptahá-
skólans á Bifröst. Mótinu er ætlað
að vera tilefni fyrir eldri nema að
hittast. Leiknar verða 18 holur
skv. kerfi 36. Hægt er að skrá sig
á http://www.skolafelag.is/golf/ eða
í síma á Hamarsvelli. Mótsgjald er
kr. 2.000. Veitt verða verðlaun auk
teiggjafar.
Námskeið um notkun GSM-
símans Síminn í sambandi við
Mími símenntun heldur námskeið
fyrir almenning undir heitinu
„Lærðu betur á GSM símann
þinn“. Námskeiðin byggjast upp á
verklegri kennslu í notkun á sím-
tækinu. Farið verður í notkun á
gerðum GSM-síma, Nokia, Er-
icsson og Motorola símanna. Þá er
boðið upp á sér námskeið fyrir
notendur eftir því hvaða gerð af
síma þeir nota, almenn námskeið
og sérnámskeið auk framhalds-
námskeiðs fyrir notendur sem eru
lengra komnir.
Sýnikennsla verður á hvernig
SMS skilaboð eru send, númera-
birting og MMS sem felur í sér
möguleika á því að senda myndir
og hljóð úr GSM símanum í annan
síma eða á tölvupóstfang. Upplýs-
ingar og skráning á nam-
skeid@siminn.is
Á NÆSTUNNI