Morgunblaðið - 17.09.2003, Blaðsíða 48

ÍÞRÓTTIR
48 MIÐVIKUDAGUR 17. SEPTEMBER 2003 MORGUNBLAÐIÐ

DERRICK Allen, bandarískur
körfuknattleiksmaður, er undir
smásjá Íslandsmeistara Keflvíkinga,
samkvæmt frétt á heimasíðu þeirra.
Allen er 23 ára framherji, 2,03 metr-
ar á hæð og 108 kíló. Hann leikur í
sterkustu háskóladeild Bandaríkj-
anna, SEC, og skoraði þar 8,2 stig og
tók 4,9 fráköst að meðaltali í leik í
fyrra.

BOLTON varð fyrir miklu áfalli
þegar í ljós kom að franski varnar-
maðurinn Florent Laville er það illa
meiddur í hné að hann verður frá
næsta hálfa árið. Laville meiddist í
sigurleik Bolton á móti Middles-
brough á laugardaginn og við
myndatöku í gær kom í ljós að lið-
band í hné hafði rifnað.

TOTTENHAM hefur áhuga á að fá
Martin O’Neill, stjóra Celtic í Skot-
landi, til að taka við liðinu af Glenn
Hoddle, sem á undir högg að sækja
hjá félaginu vegna slælegs gengis.

ENSKIR fjölmiðlar segja líka að
Harry Redknapp, stjóri Portsmouth,
sé líklegur eftirmaður Hoddles.

HODDLE er hins vegar hinn róleg-
asti og er á höttunum eftir Georgi
Kinkladze, fyrrverandi leikmanni
Derby, en hann er samningslaus.

ROMAN Abramovich, eigandi
Chelsea, hafði áhuga á að lána Joe
Cole í eitt ár til Spartak Moskvu í
upphafi tímabilsins, en Englending-
urinn ungi neitaði að fara.

BOBBY Robson, stjóri Newcastle
er ekki sáttur við gagnrýni Laurent
Robert og segir að Frakkinn verði
látinn fara haldi hann áfram að gagn-
rýna félagið.

NICOLAS Anelka hefur tilkynnt
Manchester City að hann gæti þurft
að fara frá félaginu fyrir næstu leik-
tíð til að leika í Meistaradeildinni.
„Það er rétti staðurinn til að sýna
heiminum hversu góður leikmaður
ég er,“ segir kappinn sem hefur leikið
sérlega með City á leiktíðinni.

STEVE Benett mun dæma stórleik
Manchester United og Arsenal í
ensku úrvalsdeildinni á Old Trafford
á sunnudaginn. Benett dæmdi leik
þessara sömu liða þegar þau áttust
við í leik um samfélagsskjöldinn í síð-
asta mánuði. Í þeim leik gekk ým-
islegt á sem kom til kasta Benetts og
þurfti hann meðal annars að vísa
Francis Jeffers af velli.

RÁÐHERRA íþróttamála í bresku
ríkisstjórninni, Richard Caborn, seg-
ir að Sky sjónvarpsstöðin ætti að
gefa frá sér sýningarréttinn að lands-
leik Englendinga gegn Tyrkjum í
lokaleik liðanna í undankeppni Evr-
ópumóts landsliða.

CABRON telur að þar sem enska
knattspyrnusambandið hafi ekki vilj-
að selja enskum stuðningsmönnum
miða á leikinn beri Sky að tryggja
það að sem flestir geti séð beina út-
sendingu frá leiknum í opinni dag-
skrá.
FÓLK
MANCHESTER United skoraði tvö fyrstu mörkin í
Meistaradeildinni í ár, Silvestre á 13. mín. og Fortune á
þeirri 14. mínútu, og þar með voru úrslitin í leik United
og gríska liðsins Panathinaikos ráðin. Grikkirnir gáf-
ust upp og liðsmenn United gátu leyft sér að taka lífinu
með ró og eyða ekki of miklu púðri fyrir stórleikinn á
móti Arsenal í ensku úrvalsdeildinni á sunnudaginn.
Ole Gunnar Solskjær og Nicky Butt komu United í 4:0
fyrir hlé og Djemba-Djemba opnaði markareikning
sinn fyrir United með fimmta markinu í síðari hálfleik.
„Frammistaða liðsins var alveg til fyrirmyndar. Við
gerðum út um leikinn snemma leiks og gátum tekið því
rólega. Þetta er gott veganesti fyrir leikinn á móti Ars-
enal og þar fáum við örugglega meiri mótspyrnu,“
sagði Alex Ferguson, stjóri United sem gat leyft sér að
hvíla fyrirliðann Roy Keane sem á við lítilsháttar
meiðsli að stríða en Írinn sat á bekknum.
Í hinum leik E-riðilsins vann Rangers sætan sigur á
Stuttgart á Ibrox. Rangers lenti undir í fyrri hálfleik en
Christian Nierlenger og Peter Lovenkrands tryggðu
Skotunum sigurinn á síðasta stundarfjórðungi leiksins.
Yfirburðir United
á Old Trafford
Reuters
Ruud Van Nistelrooy á hér í höggi við Ginnas
Goumas, varnarmann Panathinaikos,
EIÐUR Smári Guðjohnsen var úti í
kuldanum í stjörnum prýddu liði
Chelsea sem marði tékknesku
meistarana í Spörtu Prag, 1:0, í G-
riðli Meistaradeildar Evrópu í
knattspyrnu í Tékklandi í gær.
Chelsea tryggði sér sigurinn með
marki franska varnarmannsins
Williams Gallas fimm mínútum fyr-
ir leikslok eftir þunga pressu Lund-
únaliðsins.
Eiður Smári sat sem fastast á
bekknum allan tímann líkt og hann
gerði í leiknum við Tottenham um
síðustu helgi. Rúmeninn Adrian
Mutu og Argentínumaðurinn Hern-
an Crespo voru í fremstu víglínu en
báðum var skipt út af í síðari hálf-
leik. Damien Duff kom inn á fyrir
Mutu og Jimmy Floyd Hasselbaink
fyrir Crespo og þá kom Frank
Lampard inn á fyrir Emmanuel
Petit. Varamennirnir Duff og Hass-
elbaink áttu þátt í sigurmarkinu en
eftir fyrirgjöf Duffs nikkaði Hol-
lendingurinn boltann fyrir fætur
Gallas sem skoraði af stuttu færi.
„Gallas átti frábæran leik og han
verðskuldaði svo sannarlega að
skora sigurmarkið. Ég var virki-
lega ánægður með leik minna
manna. Ég hef sagt að það taki tíma
að slípa liðið saman en meðan liðið
vinnur leikina get ég ekki annað en
verið sáttur,“ sagði Claudio Ranieri
þjálfari Chelsea eftir leikinn.
Eiður Smári enn úti
í kuldanum hjá Chelsea
Garðbæingurinn Gústaf náði sérekki á strik í leiknum og spilaði
eingöngu hluta af síðari hálfleik enda
ekkert spilað síðan í
úrslitakeppni á HM í
Portúgal í ársbyrjun
því hann fór í upp-
skurð eftir það. „Það
er gaman að vera kominn heim aftur
en ég á eftir að koma mér í það gott
stand að ég hafi gaman að því að
spila handknattleik . Þetta var mín
fyrsta tilraun en Guð einn veit hve-
nær það verður,“ sagði Gústaf eftir
leikinn. Liði hans er spáð 10. sæti í
deildinni. „Deildin leggst vel í mig.
Það er fullt af spennandi liðum í
deildinni. Skipulagið er nýtt og þó
það séu jafnvel nokkrir gallar á því
er það samt spennandi og heppnast
vonandi vel. Ég hef trú á að lið sem
spáð er neðri sætum í töflunni muni
reyta stig af kandídötum til að kom-
ast áfram. Breiddin er nú meiri í
deildinni og við ætlum ekki að selja
okkur ódýrt,“ bætti Gústaf við. Af fé-
lögum hans var David Kekelia at-
kvæðamikill, fastur fyrir í vörninni
og náði oft að snúa laglega af sér
varnarmenn Hauka. Jasec Kowal
markvörður Garðbæinga var einnig
drjúgur. Arnar Jón Agnarsson átti
góða spretti með þrumuskotum en
varnarmenn Hauka náðu fljótlega að
bregðast rétt við skottilraunum
hans.
Garðbæingar byrjuðu betur með
þremur fyrstu mörkum leiksins á
meðan Haukar voru staðir og sókn-
arleikur þeirra að mestu án skipu-
lags. Engu að síður var jafnræði var
með liðunum fram eftir fyrri hálfleik
en eftir fjögur mörk Hafnfirðinga í
röð náðu þeir forystu. Eftir hlé kom
annar góður kafli Hauka þegar þeir
skora átta mörk á móti einu, sem
dugði til að ná 23:14 forystu um miðj-
an hálfleik. Sigurinn var í höfn þó
Garðbæingum tækist að saxa aðeins
á forskotið.
Ekki með rétt hugarfar
„Við komum ekki með rétt hug-
arfar og vorum á hálfum krafti í
þessum leik,“ sagði Halldór Ingólfs-
son fyrirliði Hauka, sem þurfti
stundum að taka af skarið fyrir hlé.
„Leikurinn var frekar hægur og ekki
skemmtilegur. Við ræddum um í
hálfleik að við værum að spila leið-
inlegan handbolta og ætluðum að
bæta fyrir það, sem við gerðum og
rúlluðum yfir Stjörnuna.“ Í fyrri
hálfleik var Robertas Pauzoulis í
ham og fékk að skjóta að vild auk
þess að Halldór þurfti stundum að
taka sig til þegar lítið var um að vera
í sókninni. Þeir spiluðu vörnina
framarlega en misstu samt Stjörnu-
menn í gegn.
Eftir hlé voru Hafnfirðingar mun
betri, komust fljótlega í gang og þá
var ekki að sökum að spyrja. Þá létu
Ásgeir Örn Hallgrímsson og fleiri
ungir drengir ljós sitt skína. Pauz-
oulis var ekki með eftir hlé, fékk tak í
bakið og að sögn fyrirliðans Halldórs
var leikurinn ekki nógu merkilegur
til að taka áhættu fyrir Evrópuleik
Hauka næsta laugardag.
Haukar
höktu í
gang
eftir hlé
„VIÐ spiluðum skynsamlega í fyrri hálfleik en Haukarnir voru ekki
eins einbeittir og oft áður og það er ekki svo slæmt að sleppa héðan
með sex mörk þrátt fyrir allt,“ sagði Gústaf Bjarnason leikmaður og
annar af þjálfurum Stjörnunnar eftir 29:23 tap fyrir Haukum að Ás-
völlum í gærkvöldi en hann spilaði með Haukum áður en hann hélt í
atvinnumennsku til Þýskalands. „Haukar eiga einhverja taug í mér
og það er aðeins öðruvísi að koma hingað en það hafði ekki mikil
áhrif á mig. Það er svo langt síðan og ekki margir sem ég spilaði
með eftir.“ Haukar voru lengi í gang en tóku sig nægilega á eftir hlé
til að gera út um leikinn.
Stefán
Stefánsson
skrifar
Íslandsmeistarar Hauka hefja titilvörn
sína með sigri á Stjörnunni á Ásvöllum
Sigurður Bjarnason, þjálfari Stjörnunnar, gefur hér lærisvein-
um sínum góð ráð af bekknum á Ásvöllum í gærkvöld.
Morgunblaðið/Árni Sæberg
Það var stiginn innilegur sigur-dans á gólfi íþróttahússins að
Varmá í Mosfellsbæ í gærkvöldi þeg-
ar flautað var til
leiksloka í viðureign
Aftureldingar og
Þórs. Hinir ungu
leikmenn Aftureld-
ingar komu sjálfum sér og áhorfend-
um skemmtilega á óvart með því að
leggja norðanmenn, 29:26, eftir að
hafa verið undir lengst af leik, m.a.
15:14 í hálfleik.
Sigur í fyrsta leik Íslandsmótsins
var nokkuð sem fæstir höfðu reiknað
með í Mosfellsbæ og greinilegt var
að sigurinn kom fáum meira á óvart
en ungum liðsmönnum Afturelding-
ar, en lið þeirra hefur gengið í gegn-
um gríðarlegar breytingar frá síð-
ustu leiktíð. Aðeins tveir leikmenn
liðsins nú áttu fast sæti í hópnum á
síðasta vetri, aldursforsetinn er 23
ára, en tíu þeirra sem spreyttu sig í
gær eru frá 16 til 20 ára.
„Ég átti alveg eins von á sigri og
ekki,“ sagði glaðbeittur þjálfari Aft-
ureldingar, Karl Erlingsson, sem
þreytir frumraun sína með meistara-
flokk karla. „Ég hafði trú á því að við
gætum unnið, einfaldlega vegna þess
að við höfum úr fleiri leikmönnum að
spila en Þórsarar, en eins og leik-
urinn byrjaði þá var ég ekkert of
viss. Strákarnir hafa hins vegar sýnt
það áður að þeir gefast aldrei upp,
eru vel þjálfaðir og þekkja vel hver
annan. Þeir eiga allir eftir að bæta
sig mikið.“
Þórsarar byrjuðu leikinn vel, kom-
ust í 6:1. Leikmenn Aftureldingar
voru alltof spenntir og gerðu mörg
mistök. Þeir létu það hins vegar ekki
slá sig út af laginu og smátt og smátt
tókst þeim að minnka forskot Þórs,
með meiri yfirvegun í sókninni,
bættum varnarleik og stórbrotnum
leik Davíðs Svanssonar, 17 ára gam-
als markvarðar, sem kom á vettvang
þegar síst blés byrlega fyrir heima-
menn um miðjan fyrri hálfleik. Davíð
varði sem berserkur allt til leiksloka
og hleypti frammistaða hans miklu
sjálfstrausti í samherjana.
Í síðari hálfleik tókst Þór aldrei að
hrista Mosfellinga af sér og þegar 4
mínútur voru eftir jafnaði Aftureld-
ing loks metin, 25:25. Eftir það léku
heimamenn eins þeir sem valdið hafa
og tryggðu sér verðskuldaðan sigur.
Sigurdans
að Varmá
Ívar
Benediktsson
skrifar