Morgunblaðið - 17.09.2003, Blaðsíða 6

6 B MIÐVIKUDAGUR 17. SEPTEMBER 2003 MORGUNBLAÐIÐ
bílar
Kanada í halarófu og nokkrir héðan
ætla að taka þátt því. Þeir ætla að
fara út og kaupa sér Mustang og
keyra síðan um í einhvern tíma, hálf-
an mánuð eða svo, fara síðan til Nor-
folk með bílana og setja þá í skip
heim. Því miður kemst ég ekki sjálfur
en þetta er gott dæmi um þann mikla
áhuga sem margir hér hafa á Must-
ang.“
Að sögn Stefáns er talsvert til af
eldri Mustang-bílum hér á landi í
góðu standi og margir bílar í klössun.
„Það er líka verið að flytja inn fullt af
þessum bílum. Ég flutti sjálfur inn bíl
fyrir ári síðan sem ég keypti á eBay
og það hafa fleiri gert. Ég var búinn
að eiga einn síðan 1974 en seldi hann
þegar ég keypti þennan. Ég ætlaði
reyndar bara að kaupa óryðgað boddí
á eBay, flytja það inn og skræla allt af
hinum og selja svo boddíið eða henda
af hinum, það var orðið svo illa farið.
Svo datt ég niður á þennan bíl og gat
ekki sleppt því.“
Var búinn að eiga bílinn í 37 ár
Bíllinn sem Stefán keypti er Must-
ang HCS árgerð 1966 en bíllinn hafði
verið í eigu sama mannsins frá upp-
hafi, sem keypti hann á sínum tíma í
Colorado. HCS stendur fyrir High
Country Special og voru slíkir bílar
sérútbúnir fyrir Ford-seljendur í
Colorado og eru orðnir afar fágætir í
dag.
„Eigandi bílsins var 24 ára gamall
árið 1966 þegar hann keypti bílinn og
var búinn að eiga hann í 37 ár. Bíllinn
var bara framleiddur í 300 eintökum
og hann keypti bílinn í Colorado, þar
sem mikið salt er notað út af snjó og
hálku á veturna. Í mars ári síðar flutti
hann síðan til Suður-Kaliforníu og þá
til Nevada og alltaf með bílinn. Bíllinn
er því alveg óryðgaður og í mjög góðu
standi en það eru bara um 100 bílar
eftir að þessari gerð og ég var því
mjög heppinn. Þá fékk ég alla orginal
pappíra sem fylgdu bílnum í upphafi
og númeraplötur og fyrir dellukarl er
það alger draumur. Þannig að ég var
mjög heppinn að því leyti og gat eig-
inlega ekki sleppt þessu,“ segir Stef-
án.
Bíllinn kostaði hingað kominn um
700.000 krónur en að sögn Stefáns er
hann þó búinn að eyða meira en einni
milljón króna í bílinn og á ennþá eftir
að endurnýja innréttinguna, sem var
það eina sem hafði látið á sjá í bílnum.
Aðspurður um það hvaðan þessi
gífurlegi áhugi á Mustang er sprott-
inn segir Stefán að bíllinn sé í raun
hálfgerð goðsögn og saga hans eigi í
Á
RIÐ 1964 greip um sig
hálfgert æði meðal bíla-
áhugamanna í Bandaríkj-
unum þegar Ford kynnti í
fyrsta sinn nýjan bíl sem
hlotið hafði nafnið Mustang. Þó var
alls ekki um byltingarkenndan bíl að
ræða í tæknilegu tilliti séð, en vel
heppnuð kynningarherferð, sérstakt
útlit og fjölbreyttar nýjungar við val á
aukabúnaði virðast hafa slegið í gegn
og seldist bíllinn í ótrúlegum met-
fjölda eintaka fyrstu tvö árin eða tæp-
lega 1,3 milljónir bíla. Allt frá þeim
tíma hefur Mustanginn haft ákveðinn
sess hjá bílaáhugamönnum og vin-
sældir hans frá byrjun mörkuðu upp-
haf hönnunar og framleiðslu svokall-
aðra „muscle cars“ eða aflbíla, eins og
Firebird, Javelin, Camaro og fleiri
amerískra átta sílindra tryllitækja.
Eftir nálega 40 ára sögu lifir Must-
anginn enn góðu lífi á meðan aðrar
tegundir aflbíla hafa horfið af sjón-
arsviðinu. Víða um heim eru starfandi
Mustang-klúbbar og er Ísland þar
engin undantekning. Íslenski Must-
ang-klúbburinn var stofnaður árið
2000 og er formaður hans Stefán
Thorarensen sem nýlega keypti fá-
gætt eintak af Mustang, árgerð 1966,
frá Bandaríkjunum.
„Við vorum nokkrir strákar sem
vorum fanatískir áhugamenn um
Mustang og höfðum kynnst í gegnum
Netið. Ég var með eigin heimasíðu og
hafði áhuga á að eignast lénið must-
ang.is, en það þarf hins vegar gilda
ástæðu fyrir því að fá lén. Einu sinni
sem oftar hittumst við í bílskúrnum
hjá mér og vorum að spjalla um þetta
og þá stakk einhver upp á því að
stofna klúbb utan um þetta. Mér
fannst það sniðug hugmynd og klúbb-
urinn var skráður 17. apríl 2000, á af-
mælisdegi Mustangsins. Við vorum 6
sem stofnuðum klúbbinn og ég setti
upp síðuna og síðan hefur félögum
fjölgað jafnt og þétt og nú eru tæp-
lega 300 manns skráðir í klúbbinn,“
segir Stefán.
Að sögn Stefáns gefur klúbburinn
út fréttabréf en starfsemi hans og
tengsl milli félaga eru aðallega á Net-
inu í gegnum heimasíðuna
www.mustang.is. Þar eru tenglar, til-
kynningar og fréttir úr heimi Must-
ang-áhugamanna og segir Stefán að
þessi vettvangur hafi m.a. leitt til þess
að nokkrir félagar úr klúbbnum ætli
saman til Bandaríkjanna næsta ár til
að kaupa bíl og taka þátt í 40 ára af-
mæli Mustangsins.
„Þá stendur til að Mustang-eigend-
ur keyri í 3 mánuði um Bandaríkin og
raun upphaf sitt þegar Ford fann upp
V8 vélina árið 1932. „Í kjölfarið verða
til þessir „Hot Rod“ bílar sem sáust í
American Graffiti og urðu algert æði í
Bandaríkjunum. Mustanginn er þessi
„tjúnaði bíll“ í dag, þ.e. hinn nútíma
„Hot Rod,“ segir Stefán.
Ákveðinn lífsstíll að vera
Mustang-eigandi
Mustang hefur verið framleiddur
frá 17. apríl 1964 og til dagsins í dag.
Fyrstu bílarnir voru þó seldir sem ár-
gerð 1965 þrátt fyrir að vera fram-
leiddir í apríl 1964, en þeir eru oftast
kallaðir árgerð 1964 og hálft, en smá-
vægilegar breytingar voru gerðar á
bílnum í september 1964. Af 1965 og
1966 árgerðunum seldust vel á aðra
milljón bíla og í dag er talið að fleiri
hundruð þúsund slíkra bíla séu ennþá
í ökufæru standi, að sögn Stefáns.
„Það varð ákveðinn múgæsingur
þegar Mustanginn var fyrst kynntur.
Þessi dagsetning, 17. apríl 1964, er
valin með tilliti til þess að heimssýn-
ingin mikla í New York var opnuð
sama dag. Öll auglýsingaherferðin
sem var í kringum þennan bíl á sínum
tíma vakti þessa múgæsingu og þegar
bílasölurnar voru opnaðar 17. apríl
urðu þeir sums staðar að loka aftur,
slík var örtröðin og lætin,“ segir Stef-
án.
Hann segir að einhver dulúð hafi
loðað við Mustang-bílana frá upphafi,
þó svo að aldrei hafi náðst upp viðlíka
hugaræsingur aftur meðal fólks þeg-
ar ný tegund hefur verið kynnt til
sögunnar. „En þetta er ekki ennþá
horfið og það er ákveðinn lífsstíll að
vera Mustang-eigandi. Síðan kom
þetta tryllitækjatímabil í Bandaríkj-
unum þar sem allir voru að framleiða
bíla með stærstu vélarnar, mesta
kraftinn o.s.frv., Mustang, Camaro,
Barracuda, Challenger, Firebird,
GTO og allir þessir bílar. Eini bíllinn
sem eftir er af þessum tegundum er
Mustang, og Corvettan reyndar, allir
hinir eru horfnir eftir að framleiðslu á
Camaro og Firebird var hætt í fyrra.
En þeir eru ennþá að selja hundruð
þúsunda bíla af nýjum Mustang á
hverju ári.“
Mustang frænkunnar
kveikti bakteríuna
Sjálfur segist Stefán hafa smitast
af Mustang-bakteríunni árið 1966 og
verið ólæknandi síðan. „Ég er reynd-
ar búinn að vera Ford-maður alla tíð
enda er þetta í fjölskyldunni, pabbi og
amma keyptu sér 1966 árgerð af Ford
Falcon og þá keypti systir hans pabba
Fastback Mustang árgerð 1966,
þannig að þau áttu öll nýja bíla árið
1966. Föðursystir mín á ennþá sinn
Mustang og geymir hann inni í skúr
og vill engum selja. Eftir að ég sá
þann bíl kviknaði bakterían og hefur
ekki farið síðan, ég hef alltaf verið for-
fallinn Mustang-maður og konan mín
segir að þetta sé ekki áhugamál, þetta
sé þráhyggja,“ segir Stefán.
Hann eignaðist Mustang 1966 ár-
gerðina árið 1974 og sá bíll fylgdi hon-
um þar til að hann eignaðist bílinn frá
Bandaríkjunum í fyrra, sem hann er
nú með í klössun í bílskúrnum heima.
„Ég er búinn að rífa allt innan úr hon-
um og er að bíða eftir varahlutum.
Það skemmtilega við þetta er að mjög
auðvelt er að fá alla hluti í þessa bíla.
Þetta er ákveðinn lífsmáti í Banda-
ríkjunum og ótal blöð gefin út þar,
sem og víða annars staðar. Ég fæ t.d.
alltaf sent blað frá norska Mustang-
klúbbnum sem er mjög virkur. Það
eru ótal verksmiðjur sem framleiða
varahluti í þessa bíla í dag og þú gætir
í raun byggt svona bíl upp frá grunni.
Meira að segja er Ford-fyrirtækið
farið að framleiða brettin og allt aft-
ur.“
Önnur kynslóðin mislukkaðist
Eftir ótrúlega byrjun datt fram-
leiðslan á Mustang niður árið 1967 og
1968 og ennþá meira árin á eftir og
því er því miklu erfiðara að fá bíla frá
þeim tíma. Stefán segir að á eBay séu
yfirleitt á hverjum tíma um 1.000
Mustang-bílar til sölu af öllum ár-
gerðum og týpum. „Það er heilmikill
„bisniss“ í dag og heilmikið líf í kring-
um þetta, ótal klúbbar bæði í Banda-
ríkjunum og Evrópu og víðar.“
Önnur kynslóð Mustang-bíla kom
fram á sjónarsviðið árið 1974 og voru
þeir framleiddir til ársins 1978. Þá
var ætlunin að gera svipaða hluti og í
upphafi, en að sögn Stefáns mislukk-
aðist það herfilega og hefur alltaf ver-
ið litið niður á þessar árgerðir síðan
og fáir viljað af þeim vita.
„Þetta voru virkilega ljótir bílar, að
Cobrunni undanskilinni. Á þessum
tíma kom til tals að hætta að fram-
leiða Mustanginn en það gekk hins-
vegar ekki eftir og síðan kom þriðja
kynslóðin árið 1979. Upp úr 1987,
þegar sett var í þá bein innspýting og
þeir urðu mjög aflmeiri, fékk fólk
áhugann aftur. Á næsta ári er síðan
ætlunin að breyta til og kynna nýja
tegund. Þá verður farið aftur í hefð-
ina og nýi bíllinn mun líkjast þeim
fyrstu meira,“ segir Stefán og er
bjartsýnn á að saga Mustang haldi
áfram með glæsibrag eftir fertugsaf-
mælið á næsta ári.
Stefán Thorarensen er formaður Íslenska Mustang-klúbbsins
Alltaf verið forfallinn Mustang-maður
Þegar Ford hóf framleiðslu og sölu á Mustang árið 1964
hófst tímabil aflbílanna amerísku með kraftmiklar vélar
og sportlegt útlit. Mustang-bíllinn hefur ætíð síðan ver-
ið sveipaður dulúð, eins og Eiríkur P. Jörundsson
komst að þegar hann ræddi við formann Íslenska Must-
ang-klúbbsins.
eirikur@mbl.is
Ford Mustang GT, árgerð 1998, sver sig í ættina. Bíllinn er í eigu Bjarna Hann-
essonar, varaformanns Íslenska Mustang-klúbbsins.
Stefán Thorarensen, formaður Íslenska Mustang-klúbbsins, við hlið 1966 draumabílsins. Ford Mustang HCS, árgerð 1966. Bíllinn var í 37 ár í eigu sama mannsins, þar til Stefán keypti hann
fyrir ári. Aðeins voru framleiddir 300 bílar af þessari tegund á sínum tíma.
Morgunblaðið/Árni Sæberg
Glæsilegt eintak af Mustang Mach 1, 351, árgerð 1971. Það er eigandi bílsins, Örn Ómar Guðjónsson, sem situr undir stýri.