Morgunblaðið - 18.09.2003, Blaðsíða 6
FRÉTTIR
6 FIMMTUDAGUR 18. SEPTEMBER 2003 MORGUNBLAÐIÐ
Skógarhlíð 18, sími 595 1000 – www.heimsferdir.is
Fegursta borg Evrópu
Heimsferðir bjóða nú ótrúlegt tilboð á síðustu sætunum til Prag þann
28. sept. Þú bókar 2 flugsæti, en greiðir aðeins fyrir 1 og getur kynnst
þessari fegurstu borg Evrópu á einstökum kjörum. Einnig getur þú
getur valið um úrval góðra hótel í hjarta Prag og að sjálfsögðu nýtur þú
traustrar þjónustu fararstjóra
Heimsferða í Prag allan tímann.
Munið Mastercard
ferðaávísunina
Verð kr. 39.950
Helgarferð - 25. sept.
Flug og hótel í 3 nætur, m.v. 2 í herbergi
á Quality Hotel. Skattar innifaldir.
Verð kr. 19.550*
Flugsæti til Prag, út 28.sept, heim 2.okt.,
2 fyrir 1.
*Flug og skattar per mann miðað við að 2
ferðist saman. Almennt verð kr. 20.950.-
2 fyrir 1 til
Prag
28. september
frá kr. 19.550
Síðustu 28 sætin
„MS er enginn dauðadómur,“ seg-
ir Lonni Björg Sigurbjörnsdóttir,
en hún greindist með MS-
sjúkdóminn fyrir þremur árum
þegar hún var 22 ára. Hún er nú
að ná sér eftir erfitt kast og er
stigin upp úr hjólastólnum í bili.
MS, Multiple Sclerosis, er sjúk-
dómur sem herjar á heila og mið-
taugakerfi og þar sem þessi líffæri
stjórna hugsunum og hreyfingum
veldur MS því að sjúklingar hafa
ekki vald yfir, eða geta stjórnað,
hreyfingum. Í dag eru yfir 300 Ís-
lendingar með MS, að því er fram
kemur á heimasíðu MS-félags Ís-
lands. MS kemur oftast í köstum
sem sjúklingar geta náð sér eftir,
að hluta til eða að fullu, og geta
liðið mánuðir og jafnvel ár á milli
kasta. MS er ólæknandi sjúkdóm-
ur, en lyf, sjúkraþjálfun og hollt
líferni geta hjálpað til, bætt viss
einkenni og aukið hreyfigetu.
MS-félag Íslands hefur unnið
mikið og gott starf fyrir MS-
sjúklinga að sögn Lonni. Félagið
er einmitt 35 ára í ár og mun
standa fyrir opnu húsi í húsnæði
félagsins á Sléttuvegi 5, næstkom-
andi laugardag milli klukkan 14
og 17.
Lonni greindist með MS í mars
árið 2000, en þá var hún í sjúkra-
liðanámi. „Það var rosalega mikið
að gera hjá mér á þessum tíma, ég
var á fullu í kvöldskóla, var í fullri
vinnu og aukavinnu, var í starfs-
námi á St. Jósefsspítala í Hafn-
arfirði einn dag í viku, og var þar
að auki nýbyrjuð í leikfimi. Var al-
veg rosalega dugleg,“ segir Lonni.
Mætti draghölt í vinnuna
„Svo mætti ég í vinnuna á spít-
alanum einn daginn alveg drag-
hölt, dró á eftir mér fótinn og var
hálfslöpp. Ég var nýbyrjuð í leik-
fimi og hélt bara að ég hefði of-
gert mér. Samstarfsmenn mínir
töluðu mig inn á að hitta lækni í
hádeginu og hann skoðaði mig og
sendi mig svo inn á bráða-
móttöku.“ Lonni var svo lögð inn á
taugadeild í viku þar sem hún fór
m.a. í sneiðmyndatöku af höfði og
segulómskoðun.
Eftir þessa viku á taugadeild
fékk Lonni loks að vita að hún
væri með MS. „Mér létti eiginlega,
þegar ég var inni á bráðamóttöku
spurðu læknarnir mig m.a. um það
hvort það væri mikið um heila-
blóðföll í fjölskyldunni og eitthvað
svona. Ég hugsaði bara með mér,
guð minn góður, ég ætla ekki að
vera 22 ára og fá heilablóðfall.
Svo það var eiginlega allt skárra
en það. Í raun fann ég til léttis að
vita hvað var að og geta tekist á
við það.“
Það var mikið áfall að hætta að
vinna, enda segir Lonni að hún
hafi alltaf unnið mikið. „Það var
svolítið skrítið að sitja heima og
gera ekki neitt. En ég hugsaði
bara þannig að ég hlyti að geta
byrjað aftur að vinna einhverntím-
ann seinna.“
„Svo er það um miðjan nóv-
ember 2001 að ég byrja í stera-
meðferð, sem er mjög algengt að
MS-sjúklingar fari í. Ég var að
rölta á ganginum á spítalanum
þegar annar fóturinn neitaði bara
að fara áfram, neitaði að vinna
með mér.“ Eftir það var Lonni föst
í hjólastól, sem olli talsverðum erf-
iðleikum þar sem hún bjó hjá for-
eldrum á þriðju hæð í lyftulausu
húsi.
Ætlaði ekki að vera
ár í stólnum
Svo var það í nóvember 2002,
rétt áður en Lonni var búin að
vera ár í hjólastólnum, að hún gat
staðið upp úr stólnum og farið að
fara um á hækjum. „Það sat svolít-
ið í mér, eins og fleiri Íslend-
ingum, að annaðhvort sé maður
bundinn við hjólastól eða ekki.“
Þegar Lonni sat fund á vegum
ungra danskra MS-sjúklinga sá
hún að það voru aðrir möguleikar
í stöðunni. „Þarna opnaðist nýr
heimur, þá sá maður fólk skipta á
milli hjálpartækja eftir því sem
hentaði og það var alveg óhrætt
við það. Ég sagði alltaf að ég ætl-
aði ekki að vera heilt ár í hjóla-
stólnum, og ég stóð við það.“
Batinn hefur svo komið smátt
og smátt í sumar, og nú er svo
komið að þegar Lonni fer út úr
húsi er hún yfirleitt bara með eina
hækju „til vonar og vara“. Hún
notar hjólastólinn enn þegar hún
fer eitthvað sem hún treystir sér
ekki til að fara án hans.
Þó að Lonni geti ekki unnið enn
sem komið er situr hún síður en
svo auðum höndum. Hún vinnur
mikið með MS-félaginu, situr þar í
nefnd fyrir nýgreinda sjúklinga og
er í varastjórn félagsins. Hún seg-
ist vel geta hugsað sér að byrja
aftur í námi eftir áramót, þó að
það sé ekki mögulegt að halda
áfram með sjúkraliðanámið þar
sem það er of líkamlegt.
„Ég er komin niður á að fara að
læra förðun, það er reyndar svolít-
ið dýrt en væri eflaust gaman.“
Var á fullu í námi og vinnu þegar hún greindist með MS-sjúkdóm 22 ára gömul
Morgunblaðið/Ásdís
Lonni Björg Sigurbjörnsdóttir greindist með MS-sjúkdóm 22 ára gömul.
Staðin upp úr
hjólastólnum FORSETI Íslands, Ólafur Ragnar
Grímsson, hélt sl. mánudag áleiðis til
Washington í Bandaríkjunum þar
sem hann flutti á þriðjudag opnunar-
ræðu á 25 ára afmælisþingi alþjóð-
legu þingmannasamtakanna, „Parla-
mentarians for Global Action“, en
forsetinn var um árabil formaður
þeirra samtaka. Afmælisþingið er
haldið í bandaríska þinginu í boði
bandarískra þingmanna.
Meðan á dvöl forseta í Bandaríkj-
unum stendur mun hann jafnframt
eiga fjölmarga viðræðufundi við
þingmenn bæði í öldungadeild og
fulltrúadeild sem og aðra áhrifa-
menn í bandarískum stjórnmálum,
einkum um málefni norðurslóða.
Fundirnir eru haldnir í framhaldi
af heimsókn forseta til Alaska og
munu bæði fræðimenn og áhrifa-
menn frá Alaska taka þátt í þeim. Í
dag, fimmtudag, mun forsetinn
halda blaðamannafund vestra.
Forsetinn
ræðir við
bandaríska
þingmenn
MEINDÝRAEYÐIR á Ísafirði
hefur játað við yfirheyrslur hjá
lögreglu að hafa beitt skotvopni
við að drepa kött innan bæjar-
markanna á dögunum. Skotið
var við kjallaradyrnar heima hjá
íbúa í bænum og fór riffilkúla í
gegnum hurðina og teppa-
stranga innandyra.
Meindýraeyðirinn hefur leyfi
til að beita skotvopni innan bæj-
armarkanna að sögn lögregl-
unnar. Skotvopnanotkunin var
kærð til lögreglunnar og hefur
hún lokið rannsókn á málinu og
sent það til áframhaldandi með-
ferðar hjá lögreglustjóra.
Málið á sér nokkuð langa for-
sögu þar sem einn íbúinn hefur
stundað mikið kattahald í kjall-
ara hússins, öðrum íbúum þess
til ama vegna óþrifnaðar og
lyktar. Bæjaryfirvöld líta á kett-
ina sem óæskileg útigangsdýr
sem sækja að vild inn í kjallar-
ann. Hefur verið staðið fyrir
skipulagðri eyðingu á þeim með
ýmsum aðferðum. Gildrur hafa
verið lagðar fyrir kettina og þeir
drepnir í tugatali en gildrurnar
hins vegar verið fjarlægðar og
skemmdar.
Kærður fyr-
ir að skjóta
kött innan
bæjarmarka
BISKUPSSTOFA hefur ákveðið að
senda prest til Lundúna einu sinni í
mánuði til þess að messa þar á með-
an ekki hefur verið ráðið í embætti
prests þar. Starfshópur aðstoðar-
manna ráðherra fjögurra ráðuneyta
vinnur að því að ganga frá tillögu að
greiðsluskiptingu kostnaðar vegna
prestsembættisins í Lundúnum og
segist Sæunn Stefánsdóttir, aðstoð-
armaður heilbrigðisráðherra, sem
fer fyrir hópnum, binda vonir við að
niðurstaða liggi fyrir í þeim efnum í
þessum mánuði.
Þorvaldur Karl Helgason biskups-
ritari sagði í samtali við Morgun-
blaðið að ákveðið hefði verið að sinna
prestsþjónustu í Lundúnum með
þeim hætti að prestur færi einu sinni
í mánuði yfir helgi þangað til að
halda uppi messuhaldi. Ákveðið
hefði verið að hafa þennan háttinn á
þar til skýrðist með ráðningu prests
þar.
Jón A. Baldvinsson vígslubiskup,
sem var áður prestur í Lundúnum,
og Sigurður Arnarson, sem leyst
hefði hann af síðastliðinn vetur,
myndu skiptast á um að fara þangað
og messa. Ráðgert væri að farið yrði
í fyrsta skipti nú um helgina.
Kostnaður skiptist
milli þriggja aðila
Ágreiningur hefur verið um skipt-
ingu kostnaðar vegna prestsemb-
ættisins í Lundúnum. Kostnaður
hefur skipst á milli Biskupsstofu, ut-
anríkisráðuneytisins og Trygginga-
stofnunar og hugmyndir voru uppi
um það í vor að hver aðili um sig
bæri þriðjung kostnaðarins. Trygg-
ingastofnun gerði hins vegar athuga-
semdir við það og í framhaldinu tók
starfshópur aðstoðarmanna ráð-
herra í fjórum ráðuneytum upp mál-
ið að nýju, þ.e. heilbrigðisráðuneytis,
utanríkisráðuneytis, kirkjumála-
ráðuneytis og fjármálaráðuneytis.
Sæunn Stefánsdóttir, aðstoðar-
maður heilbrigðisráðherra, fer fyrir
starfshópnum. Hún sagði í samtali
við Morgunblaðið að unnið væri af
fullum krafti að því að finna lausn og
að hún vonaðist til að það tækist að
fá niðurstöðu í málið fyrir lok mán-
aðarins, þannig að hægt yrði að
ganga frá ráðningu í embættið.
Prestsembættið í Lundúnum
Messað einu
sinni í mánuði
fyrst um sinn
UNDIRBÚNINGUR að Kirkjuþingi
stendur nú sem hæst en það verður
sett hinn 19. október nk.
Meðal þeirra mála sem lögð verða
fyrir þingið eru breytingar á starfs-
reglum um biskupskjör. Er þar m.a.
lagt til að skilyrði til kosningaréttar í
slíku kjöri verði að kjósandi sé skráð-
ur í þjóðkirkjuna. Þessi skilyrði hafa
hingað til ekki verið fyrir hendi, að
sögn Halldórs Reynissonar, verkefn-
isstjóra á Biskupsstofu.
Jafnframt er lagt til, að verði at-
kvæði jöfn í síðustu umferð biskups-
kjörs, eins og reyndin varð í nýaf-
stöðnum vígslubiskupskosningum í
umdæmi vígslubiskups á Hólum,
skuli varpa hlutkesti. Núverandi
skipan mála er sú að dóms- og kirkju-
málaráðherra gerir tillögu til forseta
Íslands um hver skuli skipaður
vígslubiskup í slíku tilviki. Verði til-
lagan samþykkt á Kirkjuþingi mun
hlutkesti ráða.
Kjósendur
séu í þjóð-
kirkjunni
♦ ♦ ♦