Morgunblaðið - 18.09.2003, Blaðsíða 21
LANDIÐ
MORGUNBLAÐIÐ FIMMTUDAGUR 18. SEPTEMBER 2003 21
TÓNLISTARFÉLAG Borgarfjarð-
ar er að hefja 37. starfsárið um
þessar mundir og verða fyrstu tón-
leikar vetrarins í Borgarneskirkju
á föstudagskvöldið kemur. Þá kem-
ur Trio Nordica í heimsókn, en það
er skipað Auði Hafsteinsdóttur,
fiðluleikara, Bryndísi Höllu Gylfa-
dóttur, sellóleikara, og Monu Sand-
ström, píanóleikara.
Tríóið ætlar að fagna 10 ára af-
mæli sínu með frumflutningi á pí-
anótríói eftir Þórð Magnússon, en á
efnisskránni eru einnig píanótríó í
c-moll op. 101 og tríó í H-dúr op. 8
eftir Brahms auk verks eftir Piazz-
olla.
Næsta verkefni tónlistarfélagsins
verður píanóhátíð sem haldin verð-
ur í félagsheimilinu Lyngbrekku á
Mýrum í nóvember í tilefni þess að
húsið hefur eignast nýtt píanó.
Munu píanóleikarar úr Borgar-
fjarðarhéraði leggja fram krafta
sína á þessum tónleikum.
Fyrstu tónleikarnir 1966
Aðventutónleikar félagsins í upp-
hafi aðventu verða að vanda vegleg-
ir, en þeir eru að jafnaði haldnir í
samvinnu við Borgarfjarðarpró-
fastsdæmi og Reykholtskirkju. Að
þessu sinni verða þeir í höndum
blásarasveitar og Sigrúnar Hjálm-
týsdóttur.
Í lok janúar á nýju ári er ráðgert
að fá Hönnu Dóru Sturludóttur,
söngkonu, á Vínartónleika í nýjum
hátíðarsal á Bifröst. Til þess að
sinna þeim sem hafa áhuga á djass-
sveiflu og léttri tónlist er von á Agli
Ólafssyni söngvara og fjöllista-
manni til tónleikahalds á Hvann-
eyri í mars.
Fyrstu tónleikar Tónlistarfélags
Borgarfjarðar voru haldnir á Bif-
röst 13. nóvember 1966, en þá söng
Karlakórinn Fóstbræður. Tónlist-
arfélagið var stofnað að frumkvæði
Ásgeirs Péturssonar, þáverandi
sýslumanns Borgfirðinga, en hann
boðaði til undirbúningsfundar 6.
janúar 1965. Í undirbúningsnefnd
sátu þeir Friðjón Sveinbjörnsson í
Borgarnesi, Jakob Jónsson á
Varmalæk og Hjörtur Þórarinsson
á Kleppjárnsreykjum, en hugmynd-
in var að stofna tónlistarfélag sem
ynni að því að koma upp tónlistar-
skóla og fá tónlistarmenn og hljóm-
sveitir til tónleikahalds í héraðinu.
Þessir menn sátu í stjórn tónlistar-
félagsins allt til ársins 1987.
Í samstarfi við
„Tónlist fyrir alla“
Að sögn Margrétar Guðjónsdótt-
ur sem situr í stjórn tónlistar-
félagsins hefur dagskrá þess ávallt
verið mjög metnaðarfull og reynt
hefur verið að fá tónlistarfólk í
fremstu röð til tónleikahalds. Meðal
þeirra sem heimsótt hafa Borgfirð-
inga eru Jónas Ingimundarson,
Sigrún Hjálmtýsdóttir, Bergþór
Pálsson, Kristinn Sigmundsson,
Þorsteinn Gauti Sigurðsson og
margir fleiri. Þá hefur félagið stuðl-
að að því að fá tónlistarhópa inn í
skólana og verið í samstarfi við
„Tónlist fyrir alla“. Einnig hefur
það verið í samstarfi við Félag ís-
lenskra tónlistarmanna.
Frá fyrstu tíð hefur félagið átt
fulltrúa í stjórn Tónlistarskóla
Borgarfjarðar, en núverandi
fulltrúi er Ingibjörg Konráðsdóttir
á Hýrumel.
Styrktarmeðlimir félagsins eru
um 120 talsins og greiða þeir fé-
lagsgjöld sem veita aðgang fyrir
tvo að öllum tónleikum þess.
Stærsti styrktaraðilinn í gegnum
árin hefur verið Sparisjóður Mýra-
sýslu. Auk þess nýtur félagið
styrkja frá sveitarfélögum á svæð-
inu, öðrum fyrirtækjum og stofn-
unum, auk þess sem tónleikar eru
vel sóttir af Borgfirðingum.
Tónleikum dreift
um héraðið
Leitast hefur verið við að dreifa
tónleikunum um héraðið og hafa
þeir verið haldnir í Borgarnes-
kirkju, Reykholtskirkju, Logalandi
í Reykholtsdal, á Hvanneyri, Mótel
Venusi, Lyngbrekku á Mýrum og
nú bætist Viðskiptaháskólinn á Bif-
röst við. Einnig hefur verið reynt
að bjóða upp á sem fjölbreyttasta
tónlist svo sem klassíska tónlist,
jazz, þjóðlagatónlist, kvartetta, óp-
erur og fleira. Hefur það mælst vel
fyrir.
Núverandi stjórn Tónlistarfélags
Borgarfjarðar skipa Anna Guð-
mundsdóttir á Borg, Jónína Eiríks-
dóttir á Kleppjárnsreykjum, Mar-
grét Guðjónsdóttir á Hvassafelli og
Steinunn Ingólfsdóttir á Hvann-
eyri.
Fjölbreytt dagskrá Tónlistarfélags Borgarfjarðar á 37. starfsári
Trio Nordica ríður á vaðið
Borgarnes
Morgunblaðið/Jim Smart
Tríó Nordica á æfingu í Salnum. Auður Hafsteinsdóttir leikur á fiðlu, Mona
Sandström á píanó og Bryndís Halla Gylfadóttir á selló.
Í SUMAR hafa staðið yfir endur-
bætur á gamla kirkjugarðinum á
Húsavík en fyrirhugað er að fram-
kvæmdirnar standi yfir í þrjú ár. Í
sumar hefur verið unnið að því að
endurnýja vegghleðslur við garðinn
og verður því verki haldið áfram á
næsta ári.
Á þriðja ári er fyrirhugað að setja
upp bautastein um gömlu kirkjuna
sem stóð í garðinum með upplýs-
ingum um hana. Þá er fyrirhugað að
setja upp minningarstein með nöfn-
um þeirra sem talið er að hvíli í garð-
inum.
Haraldur Karlsson hleðslumeist-
ari frá Fljótsbakka tók að sér vegg-
hleðsluna og hefur m.a. notið að-
stoðar konu sinnar, Guðrúnar Helgu
Friðriksdóttur, við verkið. Har-
aldur, sem er margreyndur hleðslu-
maður, segist hafa unnið við vegg-
hleðslur víða um land undanfarin
þrjátíu sumur. Þá hefur hann einnig
hlaðið veggi á Grænlandi, í bæ Ei-
ríks rauða og Þjóðhildarkirkju í
Bröttuhlíð.
Gamli kirkjugarðurinn er þar sem
gamla kirkjan stóð við prestssetrið
Húsavík við Auðbrekku. Eftir því
sem fram kemur á vef Húsavík-
urkirkju stóð kirkjan í miðjum garð-
inum en var tekin af grunni og við-
urinn úr henni seldur skömmu eftir
að nýja kirkjan var tekin í notkun
árið 1907. Núverandi kirkjugarður
Húsvíkinga, á Húsavíkurhöfða,
leysti þann gamla af hólmi árið 1921
þegar sýnt þótti að hann væri full-
grafinn.
Morgunblaðið/Hafþór Hreiðarsson
Haraldur Karlsson, hleðslumeistari
frá Fljótsbakka, að störfum við
gamla kirkjugarðinn á Húsavík.
Endurbæt-
ur á gamla
kirkju-
garðinum
Húsavík
FLAGGSKIP Greenpeace-samtak-
anna, Rainbow Warrior, kom til
Hornafjarðar á þriðjudaginn og
staldraði við fram á kvöld. Skipið er
á hringferð umhverfis landið og
segja grænfriðungar tilganginn með
ferðinni vera að hitta fólk í sjávar-
plássum, heyra skoðanir þess og
kynna málstað hvalfriðunarsinna.
Tilgangurinn er einnig að sýna að
samtökin vinni á annan hátt en með
beinum aðgerðum, svo sem að trufla
hvalveiðar. Grænfriðungar segjast
með ferðinni einnig vera að vinna
fylgi tilboði þeirra til íslenskra
stjórnvalda um að kynna landið gegn
því að hvalveiðum verði hætt.
Á leiðinni til Hornafjarðar mætti
Rainbow Warrior hrefnuveiðibátn-
um Sigurbjörgu ST með hrefnu inn-
anborðs. Grænfriðungar settu út
gúmmíbát og sigldu að Sigurbjörgu
til að taka myndir af því þegar verið
var að skera hrefnuna. Að sögn
Eriku Augustinsson, blaðafulltrúa
Greenpeace-samtakanna um borð í
Rainbow Warrior, voru samskipti
grænfriðunga og hrefnuveiðimanna
friðsamleg enda ekki markmið með
ferðinni að trufla veiðarnar. Græn-
friðungar hurfu á brott eftir að hafa
ljósmyndað um stund. Erika sagði
það miður að Sigurbjörg ST skyldi
hafa látið úr höfn áður en Rainbow
Warrior kom til Hornafjarðar því
grænfriðungar hefðu haft áhuga á að
bjóða hrefnuveiðimönnunum um
borð og heyra þeirra skoðanir á hval-
veiðum Íslendinga.
Erika segir grænfriðunga virða
skoðanir fólks á hvalveiðum þó að
þær stangist á við þeirra eigin. Hún
segist ekki verða vör við annað en að
Íslendingar gerðu slíkt hið sama.
Morgunblaðið/Sigurður Mar
Flaggskip Greenpeace, Rainbow
Warrior, á leið til Hornafjarðar.
Grænfrið-
ungar fylgd-
ust með
hrefnuskurði
Hornafjörður
FYRSTA skrefið að vottaðri gæða-
stjórn Landsvirkjunar var tekið í
Blöndustöð síðastliðinn mánudag
er Friðrik Sophusson forstjóri tók
við skírteini því til staðfestingar úr
hendi Kjartans Kárasonar fram-
kvæmdastjóra Vottunar hf. Í máli
Friðriks kom fram að gæðastjórn
snerist um að marka stefnu til að
framleiða gæðavöru og skuldbinda
sig til að fylgja þeirri stefnu.
„Allir þættir starfseminnar þurfa
að vera samstilltir og tengjast sam-
an eins og hlekkir í keðju. Gæða-
stjórnun er því fyrst og fremst
skynsamleg og skipulögð vinnu-
brögð til að ná betri árangri og
koma í veg fyrir mistök,“ sagði
Friðrik Sophusson.
Að Blöndustöð skyldi verða fyrst
aflstöðva Landsvirkjunar til að fá
vottun samkvæmt ISO-9001 helgast
fyrst og fremst af því hve starfs-
menn Blöndustöðvar hafa verið
leiðandi á sviði gæðastjórnunar
innan fyrirtækisins. „Ætíð jákvæðir
sem er grundvöllur þegar innleiða
þarf nýjan hugsunarhátt og bætt
vinnulag,“ sagði Friðrik.
Friðrik sagði í máli sínu að stefnt
væri að því að öll starfsemi orku-
sviðs yrði vottuð um mitt næsta ár
en fyrirhuguð er vottun á fram-
leiðslu raforku á Þjórsársvæði,
Tungnaársvæði og Sogssvæði nú í
haust.
Starfsmenn Blöndustöðvar leiðandi í gæðastjórnun
Fyrst stöðva Landsvirkjunar til
að fá vottaða gæðastjórnun
Blönduós
Morgunblaðið/Jón Sigurðsson
Starfsfólk Blöndustöðvar og Landsvirkjunar ásamt fulltrúum Vottunar hf.
fyrir framan Blöndustöð að lokinni afhendingu gæðastjórnunarskírteinis.