Morgunblaðið - 18.09.2003, Blaðsíða 49

FRÉTTIR
MORGUNBLAÐIÐ FIMMTUDAGUR 18. SEPTEMBER 2003 49
NÝJAR VÖRUR
FRÁBÆRT VERÐ!
Kringlan 8-12, sími 568 6211.
Skóhöllin, Firði, Hf., sími 555 4420.
4.990 kr.
Brúnt, drappað,
ljóst
St. 36-41
4.990 kr.
Brúnt
St. 36-42
5.990 kr.
Svart, ljósbrúnt
St. 36-41
3.990 kr.
Svart
St. 36-41
3.990 kr.
Svart, brúnt
St. 36-42
4.990 kr.
Svart, brúnt
St. 36-42
Nýtt kortatímabil
Ný sending
Kringlunni & Hamraborg
568 4900 552 3636
Buxnadagar
Fimmtudag til Laugardags
20% afsláttur Stærðir 34-56
Verslunin flytur, mikill afsláttur
af nýrri vöru, Stærðir 34-48
allt á að seljast
HLIÐARGANGINUM
SMÁRALIND 2.h
Fræðsla um íslenskt samfélag á
kínversku Í kvöld, fimmtudaginn
18. september, kl. 20 fer fram
fræðslufundur um dvalarleyfi í Al-
þjóðahúsinu, Hverfisgötu 18. Sér-
fræðingur frá Útlendingastofnun
ræðir um dvalarleyfi, vegabréfsárit-
anir og fleira. Fundurinn fer fram á
íslensku og er túlkaður á kínversku.
Allir eru velkomnir og þátttaka er
ókeypis.
Í DAG
Trjáklippingar í Garðyrkjuskól-
anum Fimmtudaginn 25. sept-
ember kl. 9–16 verður haldið nám-
skeið í trjá- og runnaklippingum í
Garðyrkjuskóla ríkisins, Reykjum í
Ölfusi.
Námskeiðið er ætlað ófaglærðu
starfsfólki garðyrkju- og umhverf-
isdeilda sveitarfélaga og öðrum sem
þurfa á slíku námskeiði að halda.
Leiðbeinandi verður Kristinn H.
Þorsteinsson, garðyrkjustjóri
Orkuveitu Reykjavíkur og kennari í
trjá– og runnaklippingum við Garð-
yrkjuskólann. Á námskeiðinu verð-
ur m.a. fjallað um limgerðisklipp-
ingar, grisjun trjáa og runna,
vaxtarlag trjáa, viðbrögð trjáa og
runna við klippingum, klipping
berja og skrautrunna og klipping
rósa. Þá verður farið í vettvangs-
ferð um útivistarsvæði skólans og
mismunandi tegundir trjáa og
runna skoðaðar með klippingar í
huga.
Skráning og nánari upplýsingar
fást á skrifstofu skólans eða í gegn-
um netfang endurmenntunarstjóra,
mhh@reykir.is
Jeppadeild Útivistar fer um
Breiðbak og Fjallabak helgina
26.–28. september. Þátttakendur í
ferðum Jeppadeildarinnar ferðast á
eigin jeppum undir leiðsögn far-
arstjóra Útivistar. Á föstudags-
kvöldið verður ekið inn í Hraun-
eyjar þar sem tekið verður
eldsneyti og síðan ekið sem leið
liggur í Jökulheima þar sem gist
verður í skála. Á laugardeginum
verður farið yfir Tungnaá og ekið
um Breiðbak meðfram Langasjó, að
Sveinstindi og inn í Skælinga.
Eldgjá verður skoðuð og gist í skála
í Hólaskjóli. Á sunnudaginn verður
ekið um Syðri-Fjallabaksleið með
viðkomu í nýjum skála Útivistar við
Strút. Farið verður um Hungurfit
og komið til byggða síðdegis á
sunnudagskvöldinu hjá Keldum á
Rangárvöllum.
Slóðar á þessari leið eru margir
grófir og erfiðir og er ferðin því
miðuð við breytta jeppa. Brottför
verður frá skrifstofu Útivistar,
Laugavegi 178, kl. 19 föstudaginn
26. september. Fararstjóri er Skúli
H. Skúlason. Þátttökugjald kr.
5.100/4.500 fyrir bílinn og kr. 2.000 í
gistigjald á einstakling. Undirbún-
ingsfundur verður haldinn á skrif-
stofu Útivistar 23. september kl. 20.
Á NÆSTUNNI
LÖGREGLAN í Reykjavík lýsir eft-
ir vitnum að umferðaróhappi á
Breiðholtsbraut aðfaranótt eða að
morgni 14. september. Ekið var á
umferðarvita og fór tjónvaldur af
vettvangi. Leitað er að rauðri bifreið
með tjóni á annarri hvorri hliðinni og
brotinni hliðarrúðu.
Þeir sem gætu hafa orðið vitni að
óhappinu eða hafa upplýsingar um
viðkomandi bifreið eru vinsamlega
beðnir um að hafa samband við lög-
regluna í Reykjavík.
Lýst eftir vitnum
ÍSLANDSDEILD Amnesty Int-
ernational hefur hafið sölu á Von-
arljósinu, barmnælu með kenni-
merki samtakanna, kerti vafið í
gaddavír.
Vonarljósið verður selt í verslun-
um 10–11 á höfuðborgarsvæðinu.
Vonarljós Amnesty
TEKIÐ hefur til starfa miðstöð á
sviði fjölmenningarlegrar ráð-
gjafar og kennslu auk túlkaþjón-
ustu. Miðstöðin hefur hlotið nafnið
ICI – Inter Cultural Iceland.
Markmið ICI er að auka fjöl-
menningarleg samskipti og sam-
vinnu á Íslandi, nýta þekkingu inn-
flytjenda til að auðga íslenskt sam-
félag og vinna gegn fordómum og
mismunun með fræðslu og ráðgjöf.
ICI mun auk þess leggja áherslu á
alþjóðlegt og þó einkum evrópskt
samstarf.
ICI aðstoðar innflytjendur með
ýmsu móti við að koma sjónarmið-
um sínum á framfæri en einnig
verður áhersla lögð á námskeiðs-
hald og fræðslu. Sem dæmi má
nefna fræðslu um fordóma og fjöl-
menningarleg samfélög, námskeið í
fjölmenningarlegri kennslu fyrir
kennara, ítarleg námskeið um ólík
samfélög, matreiðslunámskeið,
námskeið um flóttafólk og stöðu
þess og tungumálanámskeið. ICI
mun einnig taka að sér þýðingar og
túlkun á ýmsum tungumálum
Ráðgjöf og greining verður einn-
ig snar þáttur í starfinu og er þá
einkum höfðað til skóla, opinberra
aðila og fyrirtækja.
ICI hefur þegar tekið til starfa og
er hægt að sækjast eftir fræðslu,
ráðgjöf eða túlkun á netfanginu
ici@ici.is
Stofnendur ICI eru sex talsins. Talið frá vinstri: Angélica Cantú Dávila,
Guðrún Pétursdóttir, Thuy Ngo og Irena Guðrún Kojic. Ingibjörg Péturs-
dóttir og Bjarney Friðriksdóttir voru fjarstaddar.
ICI – Inter Cultural Iceland
Miðstöð á sviði fjölmenn-
ingarlegrar ráðgjafar
STJÓRN Sambands ungra fram-
sóknarmanna, SUF, fagnar áform-
uðum viðræðum Norðuráls, Orku-
veitu Reykjavíkur og Hitaveitu
Suðurnesja um mögulega orkuöfl-
un til stækkunar álvers Norðuráls.
Með því að leysa málið á þennan
hátt verður Norðurál stækkað,
með þeim jákvæðu áhrifum sem
það mun hafa á nærliggjandi
byggðir og landið í heild. Í ályktun
frá SUF segir að nýting jarðhitans
sé umhverfisvæn og áhugaverð
leið, ásamt því sem fleiri valkostir
í sölu raforku leggja grundvöll fyr-
ir aukinni samkeppni sem mun
bæta hag neytenda til lengri tíma
litið.
Stjórn SUF telur mikilvægt að
málefni Norðuráls verði leyst sem
fyrst enda eru miklir hagsmunir í
húfi fyrir norðvesturhluta landsins
sem og samfélagið í heild, segir í
fréttatilkynningu.
SUF vill nýta
jarðhita til
orkuframleiðslu