Morgunblaðið - 18.09.2003, Blaðsíða 53

ÍÞRÓTTIR
MORGUNBLAÐIÐ FIMMTUDAGUR 18. SEPTEMBER 2003 53
AÐ meðaltali hafa 1.038 áhorf-
endur sótt leiki í efstu deild karla í
knattspyrnu, Landsbankadeildinni,
í sumar og þegar einni umferð er
ólokið stefnir í aðra mestu aðsókn
frá upphafi í efstu deild. Sumarið
2001 mættu að meðaltali 1.079
manns á völlinn og í fyrra voru
áhorfendur að meðaltali 996 tals-
ins.
Sem fyrr sækja flestir heimaleiki
KR-inga en 18.339 manns hafa séð
heimaleiki KR í sumar eða að með-
altali 2.038 manns. Fylkismenn
koma næstir með 1.555 áhorfendur,
Þróttur með 1.114, ÍA 1.002, Fram
986, Valur 977, FH 782, Grindavík
703, Fram 699 en fæstir hafa mætt
á Hásteinsvöllinn, heimavöll ÍBV,
aðeins 444.
Góð
aðsókn
Þetta var ágætis byrjun hjá okk-ur, fyrsta takmarkinu náð og
við ætlum að fylgja því vel eftir,“
sagði FH-ingurinn
Logi Geirsson eftir
að lið hans sótti ný-
liða Breiðabliks
heim í Smárann í
gærkvöldi. Gestirnir unnu sannfær-
andi sjö marka sigur, 22:29, þrátt
fyrir að hafa slakað heldur vel á und-
ir lok leiksins.
FH-ingar höfðu yfirhöndina allan
leikinn og eftir fyrsta stundarfjórð-
ung gerðu þeir út um leikinn með
góðum leikkafla – komust sjö mörk-
um yfir og voru tregir að gefa þau til
baka. Mörkin voru átta þegar flautað
var til leikhlés, 8:16, og bættu gest-
irnir aðeins við eftir því sem leið á –
mestur varð munurinn í 11 mörk.
Heimamenn náðu aðeins að klóra í
bakkann undir lokin og lauk leiknum
eins og áður segir 22:29. Logi Geirs-
son fór fyrir sínum mönnum og skor-
aði 13 mörk, þar af sex úr vítum.
„Ætlum okkur miklu meira“
„Okkur var spáð sjöunda sætinu
sem við erum ósammála og verðum
því að sýna styrk og sanna að það sé
kolrangt – við ætlum okkur miklu
meira. Ég tel okkur hafa verið betri
aðilann á öllum sviðum þó að Blik-
arnir spiluðu kannski ágætis bolta.
Þeir voru hugsanlega stressaðir,
enda fyrsti leikur þeirra í deildinni í
nokkurn tíma. Þetta eru flestir ungir
strákar og þeir eiga eftir að stríða
einhverjum liðum í vetur, “ sagði
Logi.
Brynjar Stefánsson, þjálfari
Blika, vildi ekki afskrifa liðið strax
því þeir eigi eftir að komast í takt og
aðeins vaxa með hverjum leik.
„Við áttum alls ekki góðan leik en
ég vona að við séum búnir að ná
hrollinum úr okkur fyrir deildina.
Liðið á miklu meira inni og á eftir að
sýna það í næstu leikjum. Við töp-
uðum eiginlega í fyrri hálfleik –
sóknarleikurinn gekk lítið gegn sex-
núll vörn þeirra og við gáfum þeim
því mörg hraðaupphlaup sem lið eins
og FH nýtir sér til fullnustu. Ég lofa
því þó að við verðum betri næst,“
sagði Brynjar.

ÞORBJÖRN Atli Sveinsson,
knattspyrnumaður í Fram, hefur
frestað för sinni til Danmerkur fram
yfir leikinn á móti Þrótti en hann
stundar nám ytra í vetur. Þorbjörn,
sem hefur verið einn sókndjarfasti
leikmaður Fram undanfarin ár, kom
frá Danmörku fyrir helgina til að
taka þátt í leiknum við Val og hugð-
ist halda aftur út strax eftir leikinn
en hann hefur nú ákveðið að fresta
förinni og tekur því þátt í fallslagn-
um mikla.

ÍVAR Ingimarsson, landsliðsmað-
ur í knattspyrnu, lék með varaliði
Wolves gegn Newcastle í fyrra-
kvöld. Hann var óheppinn að skora
ekki með hörkuskalla í leiknum sem
endaði 1:0 fyrir Newcastle.

LÆKNAR enska úrvalsdeildar-
liðsins Chelsea vita ekki hve alvarleg
meiðsl Adrian Mutu eru en rúm-
enski framherjinn meiddist í viður-
eign Chelsea gegn Spörtu Prag s.l.
þriðjudag. Mutu hefur farið á kost-
um í liði Chelsea það sem af er
keppnistímabilinu en hann fór af
leikvelli í Prag meiddur en það var
varnarmaðurinn Rastislav Michalik
sem varð valdur að meiðslum Mutu.
Það er óvíst hvort Mutu getur leikið
næstu leiki liðsins.

KYLFINGURINN Darren Clarke
hefur ráðið til sín fyrrverandi lands-
liðsmann í ruðningi, Steve Hampson,
og er honum ætlað að halda Norður-
Íranum við efnið í líkamsræktinni
næstu misserin. Clarke er um 110
kíló að þyngd og segir hann að þeir
kylfingar sem séu í hópi tíu bestu í
heiminum séu mun betur á sig komn-
ir líkamlega og Hampson sé ætlað
það hlutverk að ná aukakílóunum af
Clarke sem er í 13. sæti á heimslist-
anum.

ENSKA dagblaðið The Mirror
sagði í gær að Osvaldo Ardiles,
heimsmeistari með Argentínu 1978
og síðan leikmaður með Tottenham,
taki við stöðu knattspyrnustjóra
Aston Villa ef venesúelski auðmað-
urinn Gustavo Cisnereos kaupir
meirihluta í félaginu. Tilboð frá hon-
um er sagt vera á leiðinni.

ARDILES hefur mikla reynslu af
ensku knattspyrnunni því eftir að
hann hætti sem leikmaður stjórnaði
hann liðum Swindon, Newcastle,
WBA og Tottenham, með misjöfnum
árangri reyndar. David O’Leary var
ráðinn knattspyrnustjóri Aston Villa
síðasta vor þegar Graham Taylor
hætti störfum hjá félaginu.

SKOSKA liðið Dundee er að reyna
að fá ítalska „silfurrefinn“ Fabrizio
Ravanelli, sem hefur leikið með
Middlesbrough og Derby á Eng-
landi, til sín. Giovanni di Stefano,
ráðgjafi hjá liðinu, mun ræða við
Ravanelli og kanna hvort hann sé
tilbúinn að leika í Skotlandi.
FÓLK
Þrátt fyrir ágætan leik á stundumþá er ljóst að bæði lið, HK og
Selfoss, eiga eftir að slípast verulega
fyrir átökin í vetur.
Bæði lið tefla fram
nokkuð breyttu liði
frá því á síðasta
tímabili og það mun
taka tíma fyrir nýja menn að komast
í takt við þá sem fyrir voru hjá lið-
unum. HK-ingar hafa fengið til liðs
við sig tvo Litháa og sýndu þeir
ágætan leik í gær. Andrius Rack-
auskas var markahæstur í liði HK og
svo virðist sem HK-ingar hafi hitt á
verðugan arftaka stórskyttunnar
Jalieskis Garcia. Hann lék á köflum
frábærlega og verður gaman að
fylgjast með honum og Augustas
Strazelas vaxa og eflast inní lið HK í
vetur.
Sömu sögu má segja af liði Sel-
foss, þar voru aðeins 5 leikmenn af
14 í liðinu í fyrra og því ljóst að það
mun taka Selfyssinga nokkurn tíma
að slípast saman. Þegar það gerist
munu þeir án efa verða erfiðir við-
ureignar.
Litháinn Ramunas Kallendauska
er frábær leikmaður og á áreiðan-
lega eftir að verða meðal marka-
hæstu manna í vetur.
„Erum að slípa liðið saman“
Árni Stefánsson, þjálfari HK,
sagðist í viðtali eftir leikinn vera
þokkalega sáttur við leikinn. „Þetta
er fyrsti leikur, við unnum og erum
að slípa liðið saman og það tekur
sinn tíma fyrir Litháana að komast
inní liðið en þeir voru ekki með okk-
ur á undirbúningstímabilinu. Aðal-
atriðið er að vinna þessa leiki og við
förum í hvern einasta leik til að
vinna. Við erum með þannig lið að ef
við erum rétt innstilltir þá getum við
unnið hvaða lið sem er í deildinni en
ef við erum ekki klárir í slaginn þá
getum við lent í vandræðum með þau
öll.“
Í upphafi leiks sagði Vilhelm Gauti
að það kæmu engir í Digranesið til
að taka stig, þú ert væntanlega sam-
mála því?
„Já ég er það. Við ætlum að gera
þetta hús að gryfju þannig að ekkert
lið kemur hingað til að taka eitthvað
af okkur.
Hvernig líst þér á Selfossliðið?
„Þeim var ekki spáð góðu gengi,
en þeir hafa fengið til sín skemmti-
lega leikmenn. Litháinn nýi (Kall-
ensdauska) er mjög erfiður eins og
fleiri. Sebastian er í markinu, hann
er hörkugóður þjálfari og hann á eft-
ir að slípa þetta lið til og gera það að
fínu liði.“
Áminntur um að lið græddu held-
ur ekki mikið á því að fá vítakast
gegn Selfyssingum sagði Árni og
brosti að það væri árans klúður að
eyða öllum þessum vítum gegn þeim,
enda hefði þeim gengið ágætlega
gegn þeim á æfingamóti í sumar.
Hvernig líst þér á mótið og móta-
fyrirkomulagið, reiknar þú með því
að það verði meiri stemmning á
áhorfendapöllum í allan vetur?
„Já, ég vona það. Ég er jákvæður
gagnvart því. Fyrst þetta var ákveð-
ið, þá leikum við þetta svona og við
reynum að hafa gaman af þessu og
ég hef trú á því að það verði miklu
fleiri leikir sem skipta máli. Svo
skiptir það miklu máli að stigin
fylgja þeim liðum sem fara í efri
hlutann og það gerir leikina alveg
tvöfalt mikilvægari,“ sagði hinn skel-
eggi þjálfari HK, Árni Stefánsson.
Morgunblaðið/Kristinn
Andrius Rackauskas, Árni Stefánsson og Augustas Strazelas fögnuðu sigri í fyrsta leik HK á keppnistímabilinu.
Vísir að góðu
keppnistímabili
„STRÁKAR, höfum eitt á hreinu. Við erum á heimavelli og hingað
koma menn ekki til að sækja stig,“ sagði fyrirliði HK, Vilhelm Gauti
Bergvinsson, við sína menn skömmu áður en leikur HK og Selfoss
hófst í Digranesi í gærkvöldi. Það voru orð að sönnu. HK hafði öll
völd í leiknum og unnu þægilegan 28:23 sigur.
Ingibjörg
Hinriksdóttir
skrifar
Logi skoraði 13 mörk fyrir FH
Andri
Karl
skrifar