Morgunblaðið - 22.09.2003, Blaðsíða 27
FRÉTTIR
MORGUNBLAÐIÐ MÁNUDAGUR 22. SEPTEMBER 2003 27
Í Túnis bíða þín ekki aðeins góðir golfvellir og
þægilegt loftslag. Saga landsins, menning og
staðsetning við Miðjarðarhafsströndina,
gera Túnis ákaflega spennandi til heimsóknar
Brottför 20. febrúar: Verð kr. 135.500 á mann í tvíbýli.
Brottför 23. apríl: Verð kr. 144.500 á mann í tvíbýli.
Innifalið í verði er flug, flugvallarskattar, fararstjórn, akstur, gisting á
fyrsta flokks hótelum í 10 nætur með morgunverði og kvöldverði, 8
vallargjöld á góðum golfvöllum, ein skoðunarferð.
Bókanir og nánari upplýsingar hjá Ferðaskrifstofu Vesturlands í
síma 437 2323 eða með netpósti til fv@fv.is.
Sími 437 2323, fax 437 2321. Netfang fv@fv.is
GUÐRÚN Halldórsdóttir, for-
stöðumaður Námsflokka Reykja-
víkur, hlaut árlega viðurkenningu
(Nordisk Folkeoplysningspris
2003) Sambandsins norræn al-
menningsfræðsla (Forbundet
Nordisk Vuxenupplysning).
Viðurkenning þessi var veitt á
ársfundi samtakanna sem haldinn
var nýlega í Hótel Dyrhólaey.
Guðrúnu er veitt þessi viðurkenn-
ing fyrir það hversu störf hennar
í þágu Námsflokka Reykjavíkur
hafa borið mikinn árangur. Undir
hennar stjórn hafa Námsflokk-
arnir vaxið og þróast upp í stofn-
un sem veitir fjölþætta og alhliða
fræðslu og nemendum fjölgað úr
um 900 árið 1972 í tæplega 4000 í
dag. Undir leiðsögn Guðrúnar
voru sett á fót námskeið sem opn-
uðu fólki leið til framhaldsnáms,
fjarnám var innleitt og samstarf
tekið upp við verkalýðshreyf-
inguna um námskeið fyrir ófag-
lært verkafólk. Þegar bátaflótta-
menn frá Víetnam komu til
Íslands árið 1979 skipulagði Guð-
rún fræðslu fyrir innflytjendur
og þessi starfsemi hefur vaxið og
á þessari önn eru nemendur á
þessu sviði um 1350.
Forbundet Nordisk Vuxenupp-
lysning (FNV) hefur starfað að
samstarfi um símenntun í rúm 33
ár, en samtökin voru stofnuð árið
1970 af Norðurlandaþjóðunum,
án þátttöku Íslands. Bænda-
samtök Íslands gerðust aðilar
upp úr 1990, og stofnuðu ásamt
Kvenfélagasambandi Íslands og
Ungmennafélagi Íslands Fræðslu-
sambandið Símennt árið 1995. Á
Íslandi er Fræðslusambandið Sí-
mennt aðili að þessu samstarfi.
Að Símennt standa nú Bænda-
samtök Íslands, Kvenfélags-
samband Íslands og Landvernd.
Heiðrún Guðmundsdóttir,
stjórnarmaður í Landvernd, er
varaformaður FNV.
Guðrún Halldórsdóttir, forstöðumaður Námsflokka Reykjavíkur
Fær viðurkenningu
fyrir árangur í starfi
Guðrún Halldórsdóttir, forstöðumaður Námsflokka Reykjavíkur og verð-
launahafi, ásamt Dananum Leif Haarbo Nielsen, formanni FNV.
Málþing um lífsgleði Fræðslu-
nefnd Náttúrulækningafélags Ís-
lands heldur málþing að Hótel Sel-
fossi á morgun, þriðjudaginn 23.
september kl. 20. Málþingið ber yf-
irskriftina „Lífsgleði“. Erindi
halda: Sigurbjörg Ármannsdóttir
MS sjúklingur, Kristinn Á. Frið-
finnsson prestur, Anna Valdimars-
dóttir sálfræðingur og Bridget Ýr
McEvoy verkefnisstjóri í hjúkrun
HNLFÍ. Fundarstjóri: Árni Gunn-
arsson, framkvæmdastjóri
HNLFÍ.
Frummælendur fjalla um það sem
felst í lífsgleði, hvernig má finna
hana og halda henni. Í fundarhléi
kynnir Félag Parkinssonssjúklinga
bókina „Heilbrigði býr í huganum.“
Allir velkomnir. Aðgangseyrir er
600 kr., frítt fyrir félagsmenn.
Fyrirlestur um efnahagslegar
umbætur í Rússlandi Gur Ofer,
prófessor við Hebreska háskólann í
Jerúsalem mun halda fyrirlestur á
morgun, þriðjudag, 23. september
kl. 16.15, á kaffistofunni í Odda á 3
hæð. Í fyrirlestrinum mun Ofer
fjalla um mikilvægustu þætti hinna
efnahagslegu umskipta sem hafa
átt sér stað í Rússlandi og leggja
mat á árangurinn hingað til. Allir
velkomnir.
Gur Ofer er einn af stofnendum
Nýja Hagfræðiskólans (New
Economic School) í Moskvu og
gegnir þar stjórnarformanns-
störfum um þessar mundir.
Félagsfundur VG í Kópavogi Al-
mennur félagsfundur Vinstrihreyf-
ingarinnar græns framboðs í
Kópavogi verður haldinn á morg-
un, þriðjudaginn 23. september kl.
20 að Hamraborg 10 (húsnæði
Kvenfélags Kópavogs). Fram-
sögumaður og umræðustjóri er
Sigmar Þormar. Á fundinum verð-
ur kjörið í kjördæmisráð Vinstri-
hreyfingarinnar – græns framboðs
í Suðvesturkjördæmi. Allir vel-
komnir.
Á MORGUN
Í ÁLYKTUN frá Útvegsbændafélagi
Vestmannaeyja er áformum stjórn-
valda um línuívilnum harðlega mót-
mælt og engin ástæða talin til þess að
umbuna einum flokki útgerðar á
kostnað annarra. „Eðlilegt hlýtur að
teljast að allir, sem fengið hafa úthlut-
að aflaheimildum, sitji við sama borð
og jafnræði ríki í atvinnugreininni.
Línuívilnun, eins og hún er kynnt á
opinberum vettvangi, mun skerða
verulega aflaheimildir Eyjamanna og
er þar síst á bætandi. Þannig hafa á
undanförnum árum verið færðar frá
Eyjum aflaheimildir upp á nær 4.000
þorskígildistonn í þorski, ýsu, ufsa og
steinbít. Línuívilnunin myndi skerða
aflaheimildir Eyjamanna um allt að
2.250 þorskígildistonn til viðbótar. Sú
skerðing jafngildir því að taka úr um-
ferð tvo af alls 28 vertíðarbátum
Eyjamanna!
Útvegsbændur í Eyjum telja frá-
leitt að stjórnvöld stuðli að því að
veikja þannig efnahags- og félagsleg-
ar undirstöður byggðarlagsins og
krefjast þess að frá þessum áformum
verði fallið þegar í stað.“
Línuívilnun
harðlega
mótmælt
Fyrir flottar konur
Bankastræti 11 • sími 551 3930