Morgunblaðið - 22.09.2003, Blaðsíða 1
2003 MÁNUDAGUR 22. SEPTEMBER BLAÐ B
B L A Ð A L L R A L A N D S M A N N A
ÆSISPENNANDI FALLBARÁTTA / B2,B3, B4,B5,B6,B7,B8,B10
BJÖRGÓLFUR Takefusa, sóknarmaður úr
Þrótti, fær gullskó Adidas í ár sem markahæsti
leikmaður úrvalsdeildar karla. Björgvin skor-
aði 10 mörk fyrir Þróttara í deildinni í sumar,
eins og reyndar tveir aðrir leikmenn. Það voru
Sören Hermansen, félagi hans úr Þrótti, og
Gunnar Heiðar Þorvaldsson úr ÍBV, sem einn
þeirra þriggja náði að skora í síðustu umferð-
inni á laugardaginn. Björgólfur lék 17 af 18
leikjum Þróttar en þeir Sören og Gunnar Heið-
ar léku báðir alla 18 leikina fyrir sín lið. Það
ræður úrslitum, Björgólfur þurfti færri mín-
útur til að skora sín 10 mörk en hinir tveir.
Sören fær silfurskóinn þar sem hann lék
færri mínútur en Gunnar Heiðar. Sören lék í
1.564 mínútur í leikjunum 18 með Þrótturum en
Gunnar Heiðar var með í 1.609 mínútur af
1.620.
Björgólfur fær
gullskóinn
„ÉG man ekkert eftir markinu sem Jimmy
Floyd Hasselbaink skoraði á 36. mínútu og ég
man varla eftir síðustu 15 mínútum fyrri hálf-
leiks,“ sagði Jóhannes Karl Guðjónsson leik-
maður Wolverhamton í gær við Morg-
unblaðið en hann fékk högg á kinnbeinið er
hællinn á skó Claude Makalele fór í andlit ís-
lenska landsliðsmannsins þegar hálftími var
liðinn af leik Wolves gegn Chelsea í ensku úr-
valsdeildinni á laugardag.
„Sjúkraþjálfari liðsins kom inná og spurði
mig hvernig staðan væri, ég mundi það og
fékk því að halda áfram. Hinsvegar man ég
lítið hvað gerðist það sem eftir lifði fyrri hálf-
leiks,“ sagði Jóhannes sem var ekki ánægður
með leik liðsins en taldi leikmenn Chelsea
hafa fengið of mikið svigrúm til þess að at-
hafna sig. „Það er ljóst að við verðum að
stoppa í götin í vörninni og þá er liðsvörnin
ekki undanskilin. Ég verð að líta í eigin barm
og reyna að gera betur en Dave Jones tjáði
mér eftir leikinn að hann hefði verið ánægð-
ur með mitt framlag að þessu sinni,“ sagði Jó-
hannes og taldi Úlfana vera í stakk búna til
þess að halda sér uppi þrátt fyrir afleita byrj-
un. „Það eru reyndir leikmenn í þessu liði og
margir mjög góðir leikmenn og ég tel að við
getum gert miklu betur í næstu leikjum.“
Spurður um félaga sinn á miðjunni, Paul
Ince, sagði Jóhannes að það væri viss lífs-
reynsla að leika með þeim kappa. „Hann er
með munninn fyrir neðan nefið og lét mig
hafa það óþvegið þegar Frank Lampard
skoraði fyrsta markið í leiknum. Ince hefur
yfir miklum hæfileikum að ráða og ég ber
mikla virðingu fyrir honum þrátt fyrir að
hann sé að skamma mig af og til,“ sagði Jó-
hannes.
Jóhannes
missti minnið
gegn Chelsea
Gunnar Berg Viktorsson skoraði3 mörk fyrir Wetzlar og Ró-
bert Sighvatsson 2 í sigri liðsins á
Göppingen. Jaliesky Garcia skoraði
eitt mark fyrir Göppingen sem tapað
hefur öllum fjórum leikjum sínum á
tímabilinu.
Lærisveinar Alfreðs Gíslasonar í
Magdeburg gerðu góða ferð til
Flensburgar þar sem þeir unnu stór-
sigur á heimamönnum, 31:19. Sigfús
Sigurðsson skoraði 4 mörk fyrir
Magdeburg sem er með fullt hús
stiga eftir þrjár umferðir.
Guðmundur Hrafnkelsson í Kron-
au/Östringen tapaði enn einum leik,
nú fyrir Hamburg, 29:23.
Rúnar Sigtryggsson skoraði 2
mörk fyrir Wallau Massenheim sem
tapaði illa fyrir Nordhorn, 38:29.
Morgunblaðið/Günter Schröder
Guðjón Valur Sigurðsson skorar hér eitt af sjö mörkum sínum gegn Lemgo.
Guðjón Valur
fór á kostum
GUÐJÓN Valur Sigurðsson, landsliðsmaður í handknattleik, fór á
kostum þegar Essen gerði sér lítið fyrir og lagði meistara Lemgo á
heimavelli þeirra í þýsku 1. deildarkeppninni í handknattleik, 31:28.
Guðjón Valur skoraði sjö mörk – öll utan af velli, Úkraínumaðurinn
Oleg Veleky var markahæstur í liði Essen með 8 mörk en svissneski
landsliðsmaðurinn og stórskyttan Marc Baumgartner skoraði 10
mörk fyrir Lemgo. Þetta var annað tap meistaranna í í sex leikjum.
TEITUR Þórðarson fyrrum þjálfari
norska liðsins Lyn sækir nú rétt sinn
gagnvart félaginu með aðstoð sam-
taka knattspyrnuþjálfara þar í landi
en Teitur telur að forsvarsmenn
Lyn eigi að greiða honum rúmar 11
millj. kr. í laun á næsta ári.
Aasmund Sandland talsmaður og
lögfræðingur samtaka knatt-
spyrnuþjálfara segir í við Verdens
Gang að Teitur hafi samið við Lyn
með þeim hætti að ekki væri hægt
að segja upp samningi hans við fé-
lagið án þess að hann fengi laun út
samingstímann, eða út árið 2004.
Forsvarsmenn Lyn hafa boðið
Teiti um 3,8 millj. kr. en því tilboði
hefur Íslendingurinn hafnað.
Jann Simonsen stjórnarformaður
Lyn segir að félagið sé í fullum rétti
þar sem Teitur hefði valið það sjálf-
ur að segja upp störfum og að félag-
ið hafi ekki boðið starfslokasamn-
ing.
Atle Brynestad eigandi Lyn er
einnig á sömu skoðun og segir að
Teitur geti ekki krafið félagið um
laun á næsta ári þar sem hann hefði
valið það sjálfur að hætta störfum.
Teitur hefur ekkert tjáð sig um
málið sjálfur og vísar á lögfræðing
samtaka knattspyrnuþjálfara.
Teitur krefur Lyn
um 11 millj. kr.