Morgunblaðið - 22.09.2003, Blaðsíða 4
KNATTSPYRNA
4 B MÁNUDAGUR 22. SEPTEMBER 2003 MORGUNBLAÐIÐ
OLIVER Kahn, landsliðs-
markvörður Þjóðverja í knatt-
spyrnu og leikmaður þýsku
meistaranna í Bayern Münc-
hen, á við dularfullan augn-
sjúkdóm að stríða. Ottmar
Hitzfeld þjálfari Bayern segir
að Kahn sé undir handleiðslu
augnsérfræðinga en þeir viti
ekki ennþá hvað sé að hrjá
markvörðinn.
Sjúkdómurinn lýsir sér með
því að vinstra augað er mjög
þrútið, sem skerðir sjónina, og
þá hefur Kahn ekki haft fulla
heyrn. Fyrst fór að bera á
þessu í sumar og í leiknum við
Færeyinga í undankeppni EM
í Þórshöfn í júnímánuði þurfti
Kahn að fara af leikvelli í
hálfleik. Kahn stóð í marki
Bæjara og þurfti að hirða
knöttinn fjórum sinnum úr
neti sínum en litlu mátti muni
að hann gæti ekki leikið gegn
Celtic í Meistaradeildinni í
síðustu viku vegna bólgu í
auganu. Sviti sem lekur í
augað gerir það að verkum að
bólgan verður meiri og því
hitaði Kahn upp fyrir leikinn
á móti Celtic með höfuðband.
Hitzfeld er að vonum
áhyggjufullur vegna þessa og
ekki síður landsliðsþjálfarinn
Rudi Völler en Þjóðverjar
taka á móti Íslendingum í
úrslitaleik í 5. riðli und-
ankeppni EM þann 11.
október.
Kahn með dularfullan
augnsjúkdóm
Heiðar Helguson og Oliver Kahn í landsleik Íslands
og Þýskalands á dögunum.
FORRÁÐAMENN enska knattspyrnuliðsins Tott-
enham sendu frá sér tilkynningu í gær þess efnis
að Glenn Hoddle hefði verið sagt upp störfum og
David Pleat myndi taka að sér þjálfun liðsins þar
til eftirmaður Hoddle væri fundinn.
Tottenham hefur ekki gengið vel það sem af er
keppnistímabilinu og liðið hefur aðeins náð fjór-
um stigum í fyrstu sex umferðunum, en það tap-
aði 1:3 á heimavelli á laugardag gegn South-
ampton.
Hoddle tók við sem knattspyrnustjóri Totten-
ham í apríl árið 2001. Daniel Levy, stjórn-
arformaður liðsins, sagði í gær að stjórn liðsins
hefði ekki trú á að Hoddle gæti gert meira með
þetta lið, en hann var á sínum tíma þjálfari enska
landsliðsins og stjórnaði liði Southampton áður en
hann fór á White Hart Lane. „Það er mikilvægt
að ég sem stjórnarformaður og stjórn liðsins beri
fullt traust til knattspyrnustjórans. Því miður er
það ekki raunin með Hoddle,“ sagði Levy í gær.
Glenn Hoddle
sagt upp störfum
KR-INGAR biðu á laugardaginn
sinn versta ósigur á Íslands-
mótinu í knattspyrnu í 81 ár þeg-
ar þeir steinlágu fyrir FH, 7-0, í
Kaplakrika. Þeir hafa aðeins einu
sinni áður tapað með þessum
mun, 7:0, gegn Fram á Íslands-
mótinu árið 1922. Tveir stærstu
ósigrar KR fyrir utan þetta voru
einnig gegn Fram, í bæði skiptin
6:1, árin 1918 og 1921.
Stærsti sigur FH
FH-ingar unnu aftur á móti
sinn langstærsta sigur í efstu
deild en þeir hafa aldrei áður
unnið leik í deildinni með meira
en fjögurra marka mun. Þeir
hafa hinsvegar fjórum sinnum
unnið leiki með átta marka mun
á Íslandsmóti, alla í næstefstu
deild.
Versta
tap KR
í 81 ár
KRISTJÁN Finnbogason, mark-
vörður KR, lék sinn 200. leik í
efstu deild í knattspyrnu á laug-
ardaginn
þegar Ís-
landsmeist-
ararnir
sóttu FH
heim.
Hann vill
þó eflaust
gleyma
þessum
áfangaleik
sem fyrst
því Krist-
ján mátti
sækja bolt-
ann sjö
sinnum í
markið.
Af þessum 200 leikjum eru 164
fyrir KR og hann er orðinn fjórði
leikjahæsti leikmaður félagsins í
deildinni frá upphafi. Hina 36 leik-
ina lék Kristján með Skagamönn-
um.
Nafni hans, Kristján Brooks,
spilaði á laugardaginn sinn 200.
deildaleik, í öllum fjórum deildum
Íslandsmótsins. Kristján hélt upp á
það með því að skora sigurmarkið
gegn Þrótti og halda Fram í efstu
deild. Það var 105. mark Kristjáns
í deildakeppninni en hann hefur
skorað 29 mörk í efstu deild, 23 í
1. deild, 26 í 2. deild og 27 í 3.
deild.
Kristján
Finnbogason
Kristján
með 200.
leikinn
Eins og tölurnar gefa til kynnavoru yfirburðir FH-inga mjög
miklir og það varð ekki til að bæta úr
skák fyrir meistar-
ana að tveimur leik-
mönnum þeirra var
vikið af velli í síðari
hálfleik. Kristján
Finnbogason, markvörður KR-inga,
kom líklega í veg fyrir að tveggja
stafa tala sæist á markatöflu þeirra
FH-inga en hann var besti maður
KR-inga og það þrátt fyrir að þurfa
að hirða knöttinn úr neti sínu sjö sinn-
um. Kristján varði nokkrum sinnum
frá FH-ingum í dauðafærum og sú
staðreynd að hann bar höfuð og
herðar yfir leikmenn KR segir allt
sem segja þarf. FH-ingar voru betri á
öllum sviðum íþróttarinnar og vega-
nestið sem þeir fara með í bikarúr-
slitaleikinn er ansi gott.
KR-ingar mættu til leiks með
nokkuð breytt lið en Willum Þór
Þórsson þjálfari þeirra ákvað að gefa
yngri og óreyndari leikmönnum tæki-
færi í þessum síðasta leik. Veigar Páll
Gunnarsson og Kristján Örn Sigurðs-
son voru í banni en Gunnar Einars-
son, Sigursteinn Gíslason og Sigurvin
Ólafsson sem öllu að jöfnu hafa verið í
byrjunarliðinu fengu frí auk þess sem
Einar Þór Daníelsson gat ekki leikið
vegna meiðsla. Heimir Guðjónsson,
fyrirliði, var í banni hjá FH-ingum og
Sverrir Garðarsson var hvíldur en að
öðru leyti tefldu FH-ingar fram sínu
sterkasta liði.
FH-ingar hófu leikinn með stór-
sókn og eftir 5 mínútna leik hefði
staðan alveg getað verið orðin, 3:0.
Kristján Finnbogason hafði í nógu að
snúast og í fjórgang þurfti hann að
taka á honum stóra sínum. FH-ingar
réðu lögum og lofum og hvað eftir
annað opnaðist flöt vörn KR-inga upp
á gátt. Mark Hafnfirðinga lá í loftinu
og það kom engum á óvart, ekki einu
sinni KR-ingum, þegar Allan Borgv-
ardt stakk varnarmenn KR af og
skoraði fyrsta markið af mörgum í
leiknum. KR-ingar voru rétt búnir að
jafna sig þegar Guðmundur Sævars-
son bætti við öðru marki þremur mín-
útum og aftur eftir að vörn KR-inga
opnaðist upp á gátt. KR-ingar náðu
aðeins áttum um miðbik hálfleiksins.
Arnar Gunnlaugsson átti góðan skalla
eftir fínan undirbúning Sölva en Daði
Lárusson sýndi snilldarmarkvörslu
og bjargaði í horn. FH-ingar veittu
svo meisturunum náðarhöggið tíu
mínútum fyrir lok fyrri hálfleiks þeg-
ar Jónas Grani var réttur maður á
réttum stað, ekki í fyrsta sinn.
KR-ingar voru ekki öfundsverðir
að ganga inn á leikvöllinn í síðari hálf-
leik. Staða þeirra enda orðin hálfvon-
laus og til að bæta gráu ofan á svart
fékk Garðar Jóhannsson að líta sitt
annað gula spjald eftir sjö mínútna
leik. FH-ingar voru ekki lengi að færa
sér liðsmuninn á ný og áður en Guð-
mundur Sævarsson skoraði fjórða
markið bjargaði Kristján í tvígang úr
dauðafærum FH-inga, fyrst frá
Borgvardt og síðan frá Jónasi Grana.
FH-ingarnir voru langt frá því að
vera mettir og þeir héldu áfram að
þjarma að máttlausum og vonleysis-
legum leikmönnum KR. Hvað eftir
annað skall hurð nærri hælum við
KR-markið og það var aðeins tíma-
spursmál hvenær fimmta markið
kæmi. Stundarfjórðungi fyrir leikslok
var fimmta markið staðreynd.
Tommy Nielsen skoraði það úr víta-
spyrnu eftir að Sverrir Bergteinsson
felldi Jónas Grana og Sverri var í kjöl-
farið vikið af leikvelli. Níu KR-ingar
voru lítil mótstaða og áður en yfir
lauk bættu heimamenn við tveimur
mörkum. Jónas Grani skoraði sjötta,
sitt annað mark líkt og hann skoraði á
móti KR í undanúrstalitaleik bikar-
keppninnar á dögunum, og á lokamín-
útunni innsiglaði Guðmundur Sæv-
arsson stóran og glæsilegan sigur
FH-inga og fullkomnaði um leið
þrennu sína.
FH-ingar sýndu og sönnuðu að ár-
angur þeirra í sumar er engin tilvilj-
un. Þeir léku meistaraliðið sundur og
saman og þó svo að KR-liðið hafi verið
með marga unga og óreynda leik-
menn innanborðs verður ekki tekið af
FH-ingum að þeir léku sem ein frá-
bær liðsheild. Leikmenn FH höfðu
metnað og viljann fram yfir KR-inga
og þeir sýndu vesturbæjarliðinu enga
miskunn.
Fyrir mót kepptust margir við að
spá FH-liðinu slöku gengi en þeir
hristu þær hrakspár af sér og léku
bæði skemmtilega og léttleikandi
knattspyrnu. Það er erfitt að draga
fram einhverja leikmenn sem léku
betur en aðrir en Guðmundur Sæv-
arsson, Ásgeir Ásgeirsson og þeir
Jónas Grani og Allan Borgvardt voru
fremstir á meðal jafningja.
Það þarf ekki að fara mörgum orð-
um um leik KR-inga. Hann var af-
spyrnuslakur og beint framhald af
leiknum á móti ÍBV á dögunum.
Ungu strákarnir sem fengu tækifæri
stóðust ekki álagið og þeir eldri og
reyndari sem áttu að draga vagninn
gerðu það ekki. KR-liðið var bæði
áhuga- og viljalaust og árangurinn
inni á vellinum í samræmi við það.
Kristján Finnbogason bjargaði liði
sínu frá enn verri útreið og það segir
bara hversu miklir yfirburðir FH-
inga í leiknum voru.
Endirinn á tímabilinu er KR-ingum
mikil vonbrigði og þar á bæ þurfa
menn örugglega að setjast niður og
kryfja til mergjar hvað fór úrskeiðis.
KR-ingar unnu meistaratitilinn verð-
skuldað. Ég held að flestir geti verið
sammála um það. Titilinn unnu þeir í
16. umferðinni en þrír tapleikir í loka-
leikjum tímabilsins með markatöl-
unni, 12:2, er varla meisturum sæm-
andi og hlýtur að kalla viðbrögð hjá
þeim sem stjórna málum hjá „vest-
urbæjarstórveldinu.“
Íslandsmeistarar KR fengu útreið í lokaleiknum á Íslandsmótinu
KR-ingar kjöl-
dregnir í Krikanum
ÞÓ svo að FH-ingar eigi einn leik eftir af tímabilinu, sjálfan bikarúr-
slitaleikinn, kórónuðu þeir frábært tímabil með því að niðurlægja
Íslandsmeistara KR á heimavelli sínum í Kaplakrika. 7:0 voru loka-
tölur í Firðinum, hreint ótrúlegar tölur og með stórsigrinum komust
FH-ingar upp fyrir Skagamenn í annað sætið á betri markatölu.
Hafnfirðingar gerðu gott betur því sigurinn er sá stærsti hjá félag-
inu í efstu deild frá upphafi en KR-ingar, sem að öllu jöfnu hafa átt í
miklum erfiðleikum á móti FH, sérstaklega í Krikanum, máttu þola
versta tap sitt í heilt 81 ár.
Guðmundur
Hilmarsson
skrifar
FH 7:0 KR
Leikskipulag: 4-3-3 Landsbankadeildin,
18. umferð Kaplakriki
Laugardaginn 20. september
2003
Aðstæður:
Sterkur vindur, skýjað og 10
stiga hiti. Völlurinn þokka-
legur.
Áhorfendur: 700
Dómari:
Jóhannes Valgeirsson,
KA, 5
Aðstoðardómarar:
Einar Sigurðsson, Guð-
mundur H. Jónsson
Skot á mark: 24(14) - 6(3)
Hornspyrnur: 5 - 4
Rangstöður: 4 - 5
Leikskipulag: 4-5-1
Daði Lárusson M
Magnús Ingi Einarsson M
Freyr Bjarnason M
Tommy Nielsen M
Víðir Leifsson M
Baldur Bett
(Atli Viðar Björnsson 58.)
Jónas Grani Garðarsson M
Ásgeir Gunnar Ásgeirsson MM
Guðmundur Sævarsson MM
Allan Borgvardt M
Hermann Albertsson
(Emil Hallfreðsson 46.)
Kristján Finnbogason M
Sverrir Bergsteinsson
Kristinn Hafliðason
Davíð Ingi Daníelsson
Jökull I. Elísabetarson
Sölvi Davíðsson
Kristinn Magnússon
Bjarki B. Gunnlaugsson
Garðar Jóhannsson
Arnar B. Gunnlaugsson
(Arnar Jón Sigurgeirsson 72.)
Sigurður Ragnar Eyjólfsson
(Vigús Arnar Jósepsson 57.)
1:0 (11.) Ásgeir Ásgeirsson átti stungusendingu innfyrir vörn KR á Allan Borgv-
ardt sem skoraði með föstu skoti upp í þaknetið.
2:0 (14.) Varnarmaður KR átti slaka sendingu aftur á Kristján markvörð. Allan
Borgvardt komst á milli, Kristján varði skot hans en boltinn barst til
Guðmundar Sævarssonar sem skoraði af öryggi.
3:0 (35.) Jónas Grani skorar af stuttu færi eftir að KR-ingar björguðu af markínu
skalla Hermanns Albertssonar.
4:0 (68.) Eftir hornspyrnu FH-inga barst boltinn út fyrir vítateig. Þar tók Guð-
mundur Sævarsson við boltanum og skoraði með föstu viðstöðulausu
skoti sem hafnaði í slá og inn.
5:0 (75.) Tommy Nielsen skoraði af öryggi úr vítaspyrnu sem dæmd var þegar
Jónas Grani var felldur.
6:0 (79.) Emil Hallfreðsson stakk boltanum innfyrir vörn KR á Jónas Grana sem
skoraði með hnitmiðuðu skoti neðst í hornið.
7:0 (90.) Eftir þrýhyrningsspil Guðmundar Sævarssonar og Ásgerirs Ásgeirsson
komst Guðmundur á auðan sjó og skoraði með föstu skoti sem fór
neðst í markhornið.
Gul spjöld: Arnar B. Gunnlaugsson, KR (26.) fyrir mótmæli Baldur Bett, FH (29.) fyrir
brot Víðir Leifsson, FH (38.) fyrir brot Garðar Jóhannsson, KR (40.) fyrir
mótmæli Rauð spjöld: Garðar Jóhannsson, KR (52.) fyrir brot Sverrir
Bergsteinsson, KR (75.) fyrir brot