Morgunblaðið - 23.09.2003, Blaðsíða 6

FRÉTTIR
6 ÞRIÐJUDAGUR 23. SEPTEMBER 2003 MORGUNBLAÐIÐ
VALGERÐUR Sverrisdóttir, iðnað-
ar- og viðskiptaráðherra, og Tim Sale,
orku-, vísinda- og tæknimálaráðherra
Manitoba-fylkis í Kanada, hafa und-
irritað sameiginlega viljayfirlýsingu
við vetnisvæðingu. Í henni segir m.a.
að kannaðir verði möguleikar á sam-
eiginlegum verkefnum á sviði vetnis-
væðingar svo og hugsanlegir kostir
við manna- og upplýsingaskipti og
kostir sameiginlegra rannsóknar- og
þjálfunarverkefna. Samningurinn
geti myndað grunn að mikilvægum
tengslum í báðar áttir milli Norður-
Ameríku- og Evrópumarkaðar. Fylk-
isstjórnin í Manitoba hefur skuld-
bundið sig til þess að kanna og nýta
tækifæri til vetnisþróunar og skipað í
þeim tilgangi framkvæmdanefnd um
vetnismál í Manitoba.
Enn eitt skrefið í aukinni
samvinnu Íslands og Manitoba
Iðnaðarráðherra benti á í ræðu að
sterk mennningartengsl væru milli
Íslands og Manitoba sem rekja mætti
allt aftur til loka 19. aldar. Sýn Ís-
lands og Manitoba sé keimlík á mörg-
um sviðum og þá einnig varðandi
orkumál. „Tengsl Íslands og Mani-
toba eru einnig góð á stjórnmála- og
viðskiptasviðinu svo og í menntamál-
um. Með undirritun viljayfirlýsingar-
innar um vetnisvæðingu nú er verið
að taka enn eitt skref til þess að efla
samvinnu þessara tveggja svæða enn
frekar. Um árabil hefur það verið
stefna ríkisstjórnar Íslands að auka
notkun endurnýjanlegra orkugjafa og
nú er svo komið að 72% heildarorku-
notkunar Íslendinga eru fengin úr
endurnýjanlegum orkulindum. Þetta
hlutfall er hvergi hærra en hér. Stefn-
an í vetnismálum er aðeins einn hluti
af þessari langtímastefnu,“ sagði Val-
gerður.
Heimsókn forystumanna á sviði
orkumála Manitoba til Íslands er lið-
ur í ferðalagi í tengslum við verkefni
sem nefnist „Powering the plains“
eða „orkuvæðing sléttanna“ að því er
segir í sameiginlegri fréttatilkynn-
ingu iðnaðarráðuneytisins og fylkis-
stjórnarinnar í Manitoba. Að verkefn-
inu standa opinber yfirvöld og
einkaaðilar í Bandaríkjunum og Kan-
ada og í því felst að marka stefnu í
orku- og landbúnaðarmálum sem
miðar að því að bæta virðisauka í at-
vinnulífinu á svæðinu og draga úr
hættu á loftslagsbreytingum og öðr-
um umhverfisvandamálum. Háttsett-
ir embættismenn, stjórnendur á sviði
iðnaðar- og landbúnaðarmála og tals-
menn endurnýjanlegra orkulinda og
sjálfbærs landbúnaðar frá Iowa,
Minnesota, Norður- og Suður-Dakota
og Manitoba eru nú á ferð um fjögur
ríki sem eru leiðandi í orkumálum,
þ.e. Holland, Þýskaland, Danmörk og
Ísland, þar sem þeir leita lausna í
orkumálum.
Ísland og Manitoba taka hönd-
um saman á vetnissviðinu
Morgunblaðið/Jim Smart
Valgerður Sverrisdóttir og Tim Sale undirrituðu viljayfirlýsinguna í gær.
LÖGREGLAN rannsakar enn
árásina á ungan mann sem bar-
inn var með hafnaboltakylfu við
Select í Breiðholti aðfaranótt
sunnudags. Í frétt Morgun-
blaðsins var sagt að árásin hafi
orðið í framhaldi af ryskingum á
bílastæði við Eddufell kvöldið
áður, en hið rétta er að báðir
áttu þessir atburðir sér stað
sama kvöldið með um tveggja
klukkutíma millibili. Að því er
næst verður komist virðist hafa
verið ráðist á manninn við Sel-
ect-stöðina af misgáningi, hann
hafi hvergi komið nálægt árás-
inni við Eddufell, og að þeir sem
að árásinni stóðu hafi einfald-
lega farið „mannavillt“.
Ekki átök kynþátta
Þá er sagt í fréttinni að líklegt
megi telja að átökin tengist kyn-
þáttafordómum en lögreglan
telur ekki rétt að tala um kyn-
þáttafordóma í þessu sambandi
og undir það hafa vitni að at-
burðunum, sem Morgunblaðið
ræddi við, tekið; segja nær að
tala um átök milli tveggja ólíkra
hópa eða „klíkna“, litarháttur
skipti þar minnstu máli.
Vegna fréttarinnar skal tekið
fram að söluturninn King Kong,
sem nefndur er í fréttinni teng-
ist á engan hátt þessum átökum.
Ryskingar sem urðu sl. föstu-
dagskvöld í Eddufelli urðu eftir
að búið var að loka söluturnin-
um og þar að auki urðu átökin
ekki beint fyrir framan hann.
Eigendur söluturnsins vilja taka
fram að framkoma ungmenna
sem eiga viðskipti í King Kong
séu almennt mjög góð.
Átök hópa
í Breiðholti
Fóru
manna-
villt
MEÐALLESTUR Morgunblaðsins
síðustu vikuna í ágúst var 50,1%,
meðallestur Fréttablaðsins var
67,7% og meðallestur DV var
22,6%. Þetta kemur fram í nýrri
fjölmiðlakönnun sem Gallup gerði
26. ágúst til 1. september sl. Ekki
var í könnuninni spurt um gæði við-
komandi fjölmiðla. Könnunin náði
til 800 manns á aldrinum 12 til 80
ára. Var úrtakið valið með tilvilj-
unaraðferð úr þjóðskrá. Svarhlut-
fall var 62%. Er þetta í fyrsta sinn
sem Gallup gerir könnun sem þessa
í ágústmánuði.
Um 69,6% lásu Morgunblaðið
eitthvað í umræddri viku, um 90,8%
lásu eitthvað í Fréttablaðinu og um
44,4% lásu eitthvað í DV.
Í könnun Gallup sem gerð var 30.
maí til 5 júní sl. var meðallestur
Morgunblaðsins 53,4%, meðallestur
Fréttablaðsins 65,9% og meðallest-
ur DV 29,1%.
Sjónvarpið með mesta áhorfið
Sjónvarpið var skv. könnuninni
með mest áhorf af sjónvarpsstöðv-
unum en 66,7% að meðaltali stilltu
á Sjónvarpið á virkum dögum og
61,6% um helgar. Samsvarandi töl-
ur fyrir Stöð 2 eru 50,8% og 47,3%,
fyrir Skjá 1 25,6% og 24,2%, fyrir
Sýn 12,8% og 2,6% og fyrir Popp
Tíví 6,3% og 7,9%.
Þegar litið er á uppsafnað áhorf
fyrir síðustu vikuna í ágúst kemur í
ljós að 42,7% fylgdust með fréttum,
íþróttum og veðri hjá Sjónvarpinu
en 30,7% fylgdust með fréttum á
Stöð 2. Þá kemur fram að 36,4%
fylgdust með Laugardagskvöldi
með Gísla Marteini og 29,7% fylgd-
ust með Kastljósinu. Rúmlega 17%
fylgdust með Íslandi í bítið og
14,5% fylgdust með Íslandi í dag.
Þá fylgdust 24,3% með tíufréttum
Sjónvarpsins.
 








 









  
   



 



  



  
   



  !"#
$#%
"&#

''#' ''#"
&(#(
"
#%
''#'
"(#'
'(#%
$#
!#&
$
#!
&(#'
'#%
&"#
&(#

$"#"
''#$
!!#!
(#
$#$
"!#%
!#%
!!#'
''#&
"%#$

#

&!#'
!"#&
&!#
&
#$
50,1% les Morgun-
blaðið á hverjum degi
VIÐ kosningu í nýja sveitarstjórn í
sameinuðum Búða- og Stöðvarhreppi
sl. laugardag var jafnframt kosið um
nýtt nafn sveitarfélagsins og hlaut
nafnið Austurbyggð flest atkvæði.
Örnefnanefnd, sem veitir umsögn um
nöfn sveitarfélaga, sagði í úrskurði
sínum um Austurbyggð í síðasta mán-
uði að það væri ekki heppilegt án
frekari afmörkunar og gæti því ekki
mælt með því. Samkvæmt upplýsing-
um örnefnanefndar er það hins vegar
félagsmálaráðuneytið sem staðfesta
verður nýtt nafn á sveitarfélagi. Þarf
sveitarfélagið að leggja tillögu um
nafnið Austurbyggð fyrir ráðuneytið
til að fá staðfestingu þess.
Guðmundur Þorgrímsson, einn
sveitarstjórnarmanna, lýsti þeirri
skoðun sinni í Morgunblaðinu í gær
að ætlunin væri að nota nafnið Aust-
urbyggð. Í samtali við Morgunblaðið í
gær sagði hann næsta skref að leita
staðfestingar hjá réttum yfirvöldum
fyrir því nafni. Hann ítrekaði furðu
sína á andstöðu örnefnanefndar við
nafninu Austurbyggð og taldi að
nefndin hefði með afstöðu sinni upp-
lýst hversu óupplýst hún væri um
landafræði Austurlands.
Í áðurnefndri greinargerð örnefna-
nefndar til sveitarfélaganna var einn-
ig fjallað um nöfnin Fjarðaborg, Nýi-
bær, Sjávarbyggð og Kirkjuból. Er
ekkert þeirra talið heppilegt en mælt
með nafninu Suðurfjarðabyggð.
Einnig er þar sett fram tillaga um
nafnið Búða- og Stöðvarhreppur sem
ekki hefði verið á lista frá sveitar-
stjórnunum.
Leita
þarf stað-
festingar
KRINGUM áramótin mun takast að koma svo til
allri starfsemi Háskóla Íslands á háskólasvæðið að
sögn Ingjaldar Hannibalssonar, framkvæmda-
stjóra rekstrar- og framkvæmdasviðs HÍ. Byrjað
verður að flytja í nýja Náttúrufræðahúsið fyrir jól
og hefst kennsla þar að sögn Ingjalds 5. janúar á
næsta ári. Hann segir þetta mikinn áfanga sem
muni gjörbreyta mörgu í starfsemi skólans.
Í Morgunblaðinu sl. sunnudag gagnrýndi líf-
fræðinemi við HÍ að erfitt væri fyrir háskólanema
að flakka milli kennslustaða á háskólasvæðinu og
við Grensásveg. Ingjaldur segir að um og uppúr
áramótum verði þessir erfiðleikar úr sögunni með
því að Náttúrufræðahúsið verður tekið í gagnið og
með nýrri aðstöðu sem verið sé að ganga frá í
Haga við Hofsvallagötu og við Neshaga 16.
Líffræði flytur frá Grensásvegi 11 og 12 í Nátt-
úrufræðahúsið um áramótin, örverufræði flyst úr
Ármúla 1a í Náttúrufræðahús og jarðeðlisfræði
flytur úr 3. hæð Haga í Náttúrufræðahús. Kennsla
í heimilislækningum og heilbrigðisfræði, sem ver-
ið hefur í Sóltúni 1, flyst í Neshaga 16 í febrúar og
lyfjafræði lyfsala verður flutt í Haga og þangað fer
einnig réttarlæknisfræði sem er í Ármúla 30.
Ingjaldur segir að starfsemi Háskólans sé því
óðum að komast á háskólasvæðið. Kennsla í
læknadeild fari mikið til fram í Læknagarði,
hjúkrunarfræði í Eirbergi og sjúkraþjálfun sé til
húsa við Skógarhlíð. Gert er ráð fyrir að hún fari
síðan í Læknagarð í framtíðinni. Við þessa flutn-
inga dregur nokkuð úr kostnaði vegna leigu og
húsnæðið í Sóltúni 1 verður selt. Hann segir flutn-
ingana í Náttúrufræðahúsið verða nokkurt átak.
Starf HÍ að mestu komið á
háskólasvæðið um áramót
HÉRAÐSDÓMUR Reykjavíkur hef-
ur sýknað strætisvagnabílstjóra af
ákæru um að hafa raskað vettvangi
slysstaðar með því að færa vagninn
úr stað á meðan beðið var eftir lög-
reglu.
Tildrög málsins voru þau að kona á
níræðisaldri slasaðist nokkuð þegar
hún fór úr vagninum við strætóstöð-
ina í Mjódd og bar hún við að hún hafi
fengið vagnhurðina á sig, fallið við og
lent á gangstéttarkanti en vagnstjór-
inn taldi ólíklegt að hann hafi lokað
hurðinni á konuna enda séu á hurð-
unum skynjarar þannig að þær opn-
ist aftur ef lokað sé á farþega.
Héraðsdómur Reykjavíkur hafði
áður sýknað varðstjóra vagnstjórans
um að hafa leyft umræddum vagn-
stjóra að aka burt enda hafi hann haft
„réttmæta ástæðu til að ætla að
vagninn tengdist ekki slysinu og að
það hefði ekki þýðingu fyrir rann-
sókn málsins þótt vagninn væri færð-
ur úr stað“.
Bílstjóri hjá
Strætó sýkn-
aður af ákæru
ÖKUMAÐUR slapp ómeiddur eftir
bílveltu efst í Skriðdal skammt norð-
an við Öxi um fimmleytið í gær. Að
sögn lögreglunnar á Egilsstöðum er
talið að bifreiðin hafi lent í lausamöl
með fyrrgreindum afleiðingum. Bif-
reiðin skemmdist mikið.
Þá sluppu fimm manns lítið meidd
er bíll sem þau voru í valt við Laufás
á fjórða tímanum í gær. Bifreiðin er
talsvert skemmd.
Sluppu ómeidd
úr umferðar-
óhöppum
♦ ♦ ♦