Morgunblaðið - 24.09.2003, Blaðsíða 17
HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 24. SEPTEMBER 2003 17
Aðalfundur
Samtaka fiskvinnslustöðva
verður haldinn í Skíðaskálanum í Hveradölum
föstudaginn 3. október 2003 kl. 11.00
Dagskrá:
Skýrsla stjórnar
Arnar Sigurmundsson, formaður SF.
Ársreikningar SF 2002
Kosning í stjórn og kjör endurskoðanda.
Ræða
Árni M. Mathiesen, sjávarútvegsráðherra.
Við sækjum á erlend mið
Róbert Wessman, forstjóri Pharmaco hf.
Staða og möguleikar þorskeldis á Íslandi
Kristján G. Jóakimsson, vinnslu- og markaðsstjóri
Hraðfrystihússins - Gunnvarar hf.
Fer fiskurinn til Kína?
Svavar Svavarsson, framleiðslustjóri Granda hf.
Ógnanir og tækifæri í íslenskum sjávarútvegi
Pallborðsumræður undir stjórn
Ara Edwald, framkvæmdastjóra Samtaka atvinnulífsins.
Þátttakendur:
Aðalsteinn Helgason, framkv.stjóri landvinnslu Samherja hf.
Bjarni Ármannsson, forstjóri Íslandsbanka hf.
Gunnar Örn Kristjánsson, forstjóri SÍF.
Gunnar Svavarsson, forstjóri SH.
Önnur mál
Stjórnin
Reykjavík | Umferðin var marktækt
minni á bíllausa deginum svokalla,
sem haldinn var í tilefni Evr-
ópskrar samgönguviku 2003 á
mánudaginn. Að sögn Bjargar
Helgadóttur, landfræðings hjá
Gatnamálastofu Reykjavíkur, dróst
umferðin saman um tæp tvö pró-
sent, sem sé marktæk minnkun.
Ekki hafi orðið vart við mikinn
samdrátt fyrrihluta dags en þegar
líða tók á daginn hafi komið fram á
teljurum að dregið hafi úr umferð-
arþunganum. Taldi Björg ekki
ósennilegt að áhrifa fjölmiðla hefði
farið að gæta er líða tók á daginn er
þeir fluttu fréttir af átakinu.
Hörður Gíslason, aðstoðar-
framkvæmdastjóri Strætó bs., segir
að þeir hjá Strætó hafi orðið merkj-
anlega varir við aukinn fjölda far-
þega, ekki síst seinnipart dags.
Minni umferð á bíllausum degi
Morgunblaðið/Ásdís
Krakkar í Fellaskóla sungu í strætó á bíllausa deginum, fóru með ljóð eða skoðuðu lesefnið sem var í boði.
Breiðholt | „Farþegarnir eru upp til
hópa mjög kurteist fólk,“ segir
Magnús Gunnarsson strætóbílstjóri
númer 25 sem keyrir leið 12 í Breið-
holtinu. Magnús
segist aldrei hafa
séð jafnmarga í
vagninum og þá.
Hann segir fólkið
afar ánægt með
að þurfa ekki að
borga. „Það ætti
bara að vera
ókeypis oftar,“
bætir hann við.
Hann segir að farþegarnir séu
mikið til sama fólkið sem kemur á
hverjum degi á sama tíma dags.
„Þegar einhverjir farþeganna
mæta ekki fer maður ósjálfrátt að
líta í kringum sig og velta fyrir sér
hvers vegna þeir eru ekki komnir.“
Flestir
kurteisir
Norðurmýri | Á lóð Austurbæjarbíós
og á aðliggjandi borgarlóð þar sem
barnaleikvöllur er nú, stendur til að
reisa fimm hæða verslunar- og
íbúðabyggingu, fjögurra hæða íbúð-
arhús og bílakjallara með 120 stæð-
um. Tillagan er unnin af NEXUS-
arkitektum fyrir ÁHÁ-byggingar,
sem eiga lóðina, og er hún kynnt á
sýningu um uppbygginu í miðbæn-
um sem haldin er í Bankastæti 5. Um
er að ræða hugmyndavinnu á þessu
stigi en deiliskipulag verður unnið á
næstu mánuðum.
Samkvæmt tillögunni er gert ráð
fyrir að byggð verði fimm hæða
íbúðabygging á Snorrabraut 37 en að
á neðstu hæðinni verði tvær versl-
anir sem gengið verði inn um frá
Snorrabraut. Neðsta og efsta hæðin
verða inndregin og verður húsið
jafnhátt og nálæg hús við Laugaveg,
að sögn Ívars Arnar Guðmundsson-
ar arkitekts.
Á efri hæðunum verða 47 íbúðir
sitt hvorum megin við yfirbyggðan
svalagang. Minnstu íbúðirnar verða
48 fm stúdíó en hinar stærstu 120 fm.
Flestar verða þær um 80 fm. Gera
má ráð fyrir að íbúar verði um 140–
160 að sögn Ívars.
Við Njálsgötu er gert ráð fyrir
annarri þriggja og fjögurra hæða
byggingu með 35 íbúðum og mun
hún tengjast íbúðabyggingunni við
Snorrabraut. „Á milli bygginganna
verður torg og út frá því inngangar
inn í báðar íbúðabyggingarnar, en
þannig tengjast þær saman,“ útskýr-
ir Ívar.
Útivistarsvæði og tjörn
Undir íbúðabyggingunni við
Njálsgötu er síðan gert ráð fyrir
tveggja hæða bílageymslu fyrir um
120 bíla en innkeyrsla í hana yrði
gegnt Gunnarsbraut.
Við enda byggingarinnar er hug-
myndin að búa til útivistarsvæði og
leiksvæði fyrir börn. Þar yrði komið
fyrir gróðri í gróðurkerum eða jafn-
vel lítilli tjörn, sem og bekkjum þar
sem íbúar geta komið saman, að sögn
Ívars. „Á nágrannalóðunum með-
fram borgarlóðinni eru há tré sem
mynda munu garðinn. Hugur verk-
takans er að hinn hái gróður sem þar
er nú fái að miklu leyti að halda sér
þar sem það eru ekki síst þau sem
mynda náttúrstemmningu þarna.“
Timburklæðningar
og opin rými
Ívar segir að efni í bygginguna
verði valið með það í huga að rýmið
verði lifandi og skemmtilegt. „Óneit-
anlega er um stóra byggingu að
ræða sem hefur áhrif á umhverfi sitt
og því er leitast við að þau verði sem
mýkst. Þannig er gert ráð fyrir timb-
urklæðningum á vissum flötum og
opnum rýmum svo áhrifin verði síður
dramatísk.“
Hann bendir á að tillögunni hafi
verið breytt töluvert síðan hún kom
fyrst fram. Þannig hafi byggingin
verið lækkuð og meira gert úr úti-
vistarsvæði en í upphaflegu tillög-
unni. Ívar segir að skipulagsyfirvöld
muni líklega kynna tillöguna fyrir
nágrönnum á næstu tveimur vikum
en verktakinn hafi hug á að hefja
framkvæmdir sem fyrst, jafnvel
næsta vor. Hins vegar velti það á við-
tökum tillögunnar.
Ívar telur að fjöldi fólks vilji gjarn-
an búa í námunda við miðbæinn og
geta gengið þangað og sótt þjónustu.
„Hugmyndin snýst um trú manna á
því að miðborgin eigi að byggjast
upp. Miðborgin á að geta orðið stolt
þjóðarinnar eins og allir miðborgar-
kjarnar höfuðborga eiga að vera.“
Áform um fimm hæða íbúðar- og verslunarhús á lóð Austurbæjarbíós í Norðurmýri
Íbúðir
fyrir
150
manns
Efri myndin: Tölvumynd af byggingunni á lóð Austurbæjarbíós. Myndina
má sjá á sýningu Aflvaka um uppbyggingu í miðborginni. Hugmyndin
snýst um trú manna á því að miðborgin eigi að byggjast upp, segir arki-
tektinn. Neðri myndin: Eftir bíósýningar í 55 ár var þeirri starfsemi hætt í
Bíóborginni, áður Austurbæjarbíói. Síðustu misseri hefur húsið verið nefnt
Austurbær. Á liðnum áratugum hafa tónleikar, leiksýningar og aðrar
skemmtanir verið í húsinu, auk kvikmyndasýninga.
Íbúðir í stað samkomuhúss
Tvær verslanir á
neðstu hæðinni
Morgunblaðið/Jim Smart