Morgunblaðið - 24.09.2003, Blaðsíða 45

ÍÞRÓTTIR
MORGUNBLAÐIÐ MIÐVIKUDAGUR 24. SEPTEMBER 2003 45
KR-INGURINN Veigar Páll Gunn-
arsson er með boð frá enska úrvals-
deildarliðinu Bolton um að koma til
skoðunar hjá liðinu og líklega fer
hann til Englands eftir landsleik Ís-
lendinga og Þjóðverja í Hamburg í
næsta mánuði en Veigar var valinn
í 20 manna landsliðshópinn fyrir
viðureignirnar við Þjóðverja.
Það er fyrir tilstuðlan Guðna
Bergssonar, fyrrum fyrirliða Bolt-
on, sem Veigar Páll fer til Bolton en
Guðni tók að sér það hlutverk fyrir
sitt gamla félag að svipast um eftir
leikmönnum hér á landi sem hugs-
anlega gætu orðið liðsmenn Bolton
í framtíðinni.
„Það er hugsanlegt að ég fari til
Bolton eitthvað fyrr en ég reikna
samt með að það verði ekki fyrr en
eftir landsleikinn. Ég ætla að ein-
beita mér fyrst að Bolton og ef ekk-
ert gerist þar þá kemur vonandi
eitthvað annað upp,“ sagði Veigar
Páll við Morgunblaðið.
Veigar segir að KR-ingar æfi
eitthvað fram á haustið og hann
geti þar með haldið sér í góðu lík-
amlegu ástandi allt fram að lands-
leiknum.
Veigar var á mála hjá norska lið-
inu Strömsgodset eftir að hann hélt
utan frá Stjörnunni haustið 2001,
en hann snéri aftur til Íslands þar
sem meiðsli settu strik í reikning-
inn og gekk hann í raðir KR.

MARKÚS Máni Maute fór af velli á
20. mínútu í leiknum gegn KA og
kom ekki meira við sögu í leiknum.
Hann virtist slæmur í baki.

BALDVIN Þorsteinsson meiddist
gegn sínum gömlu félögum og var
studdur af velli með stokkbólginn
ökkla á 24. mínútu seinni hálfleiks

STEFÁN Guðnason, hinn efnilegi
markvörður KA, varði 13 skot í fyrri
hálfleik og þar af 2 vítaskot. Hann
náði sér ekki á strik í seinni hálfleik
og var tekinn út af í stöðunni 17:15.

DAÐI Hafþórsson, leikmaður
Gróttu/KR meiddist á 15. mínútu
leiks Grótttu/KR og Fram á Sel-
tjarnarnesi í gærkvöldi. Daði virtist
togna í aftanverðu hægra læri þegar
hann geystist upp í hraðaupphlaup.
Hann var leiddur af leikvelli og kom
ekki meira við sögu. Ekki er ljóst
hversu alvarleg meiðsli Daða eru.

OLEG Titov lék með Gróttu/KR
gegn sínum fyrrverandi samherjum í
Fram, en Titov lék með Safamýrar-
liðinu árum saman og varð m.a. bik-
armeistari með því fyrir þremur ár-
um. Titov hefur verið lengi frá
keppni vegna meiðsla í baki, en hefur
náð sér þokkalega og skipti yfir í
raðir Gróttu/KR í sumar. Hann lék
eingöngu í vörninni en þetta var
fyrsti leikur Titovs í deildinni í nærri
þrjú ár.

SAVUKYNAS Gintaras lék sinn
fyrsta leik á heimavelli Gróttu/KR í
gær eftir að hann gekk til liðs við fé-
lagið í sumar. Hann virtist kunna
þokkalega við sig og skoraði 8 mörk,
þaraf þrjú af fyrstu fjórum mörkum
liðsins. Gitaras er ekki alveg ókunn-
ur fjölunum í íþróttahúsinu á Sel-
tjarnarnesi því hann lék þar nokkr-
um sinnum sem gestur er hann var
með Aftureldingu fyrir nokkrum ár-
um.

BRYNJAR Björn Gunnarsson,
landsliðsmaður í knattspyrnu, sat á
varamannabekknum hjá Notting-
ham Forest, er liðið gerði jafntefli
við Tranmere í deildarbikarkeppn-
inni í gærkvöldi, 0:0. Annar lands-
liðsmaður, Ívar Ingimarsson, var á
bekknum hjá Wolves, sem vann Dar-
lington, 2:0. Þá má geta þess að að-
eins 4.667 áhorfendur sáu Stoke tapa
fyrir Gillingham á heimavelli, 2:0.

AGANEFND KSÍ úrskurðaði í
gær Kristján Brooks úr liði Fram,
Garðar Jóhannsson KR og Sverri
Bergsveinsson úr KR í eins leiks
bann og taka bönnin gildi á næstu
leiktíð. Kristján hafði fengið fjögur
gul spjöld en Garðar og Sverrir
fengu rautt spjald gegn FH í 18. og
síðustu umferð Íslandsmótsins.

SLOBODAN Milisic úr liði KA
fékk tveggja leikja bann en honum
var vísað af leikvelli í undanúrslita-
leik KA gegn ÍA á Laugardalsvelli
þann 17. september s.l. Slobodan
hefur hinsvegar gefið það út að hann
sé hættur að leika með KA, líkt og
Þorvaldur Örlygsson.
FÓLK
NORSKA meistaraliðið Rosen-
borg í knattspyrnu er ekki í riðla-
keppni Meistaradeildar Evrópu
að þessu sinni en liðinu hafði
ávallt tekist að komst í riðla-
keppnina sl. sjö ár eða allt frá því
að keppnin var sett á laggirnar.
Tekjur félagsins af Meistaradeild-
inni hafa verið gríðarlegar á þess-
um tíma en í stað þess að leika
gegn liðum á borð við Inter eða
Manchester United leikur norska
liðið gegn Ventspils frá Lettlandi
í UEFA-keppninni.
Á síðasta reikningsári fékk
Rosenborg um 880 millj. ísl. kr. í
tekjur vegna þátttöku sinnar í
Meistaradeildinni en forsvars-
menn norska liðsins gera ráð fyr-
ir því að fá í mesta lagi um 100
millj. kr. vegna keppninnar í ár.
Enda eru andstæðingar liðsins
ekki hátt skrifaðir og gera menn
sér vonir um að ná lengra í
keppninni. Nils Skutle fram-
kvæmdastjóri Rosenborg segir
við Aftenposten að skoska liðið
Celtic hefði náð alla leið í úrslita-
leik UEFA-keppninnar sl. vor og
tekjur liðsins hafi verið meiri en
þegar Celtic tók þátt í Meistara-
deildinni. „Það er því enn von um
fjárhagslegann ávinning en til
þess þurfum við að ná langt og
leika gegn liðum frá Ítalíu, Þýska-
landi, Englandi og Spáni,“ segir
Skutle.
Árni Gautur Arason hefur ver-
ið í herbúðum Rosenborg undan-
farin ár en hann hefur ákveðið að
söðla um þegar samningur hans
við liðið rennur út um næstu ára-
mót en landsliðsmarkvörðurinn
hefur lítið fengið að spreyta sig
með liðinu á leiktíðinni.
Leikurinn var langt frá að því aðteljast góður, sérstaklega þá í
fyrri hálfleik þegar mikið var um
mistök, einkum hjá
heimamönnum. Ef
ekki hefði verið fyrir
góðan leik Hlyns
Morthens, mark-
varðar Gróttu/KR, þá hefði forysta
Fram verið meiri en tvö mörk þegar
flautað var til hálfleiks, 11:9.
Meira fjör var í síðari hálfleik en
þeim fyrri, hraðinn var meiri og leik-
menn vönduðu sig ögn meira. Leik-
menn Gróttu/KR bættu sóknarleik
sinn í síðari hálfleik til muna og kom
þar til styrk stjórn Kristins Björg-
úlfssonar, en hann leysti Savukynas
Gintaras af á kafla í stöðu leikstjórn-
anda. Gintaras virtist hálf „ryðgað-
ur“ og ekki að fullu kominn í takt við
samherja sína þótt vissulega hafa
nokkrar sendingar hans glatt auga
fjölmargra áhorfenda.
Grótta/KR náði í fyrsta sinn for-
ystu í leiknum, 15:14, á 42. mínútu.
Eftir það skiptust liðin á um að hafa
forystuna allt til leiksloka og síðasta
mínútan var spennuþrungin þar sem
mönnum virtist nokkuð heitt í hamsi.
„Annað stigið er betra en ekkert,
við urðum að fá að minnsta kosti eitt
stig út úr leiknum,“ sagði Hlynur,
markvörður Gróttu/KR, sem varði
18 skot, þar af þrjú vítaköst. Félagi
hans Petkevisius í marki Fram stóð
einnig fyrir sínu og í heildina voru
markverðirnir bestu menn vallarins.
„Það var alltof mikið stress á okk-
ur í sókninni í fyrri hálfleik og fyrir
vikið gerðum við alltof mörg mistök
og miðað við þá stöðu megum við
þakka fyrir að komast inn í leikinn á
ný í síðari hálfleik,“ sagði Hlynur
enn fremur.
Hlynur fékk nasaþefinn af lands-
liðinu í fyrra og í ljósi góðrar
frammistöðu hans var hann spurður
hvort hann væri að banka á dyr
landsliðsþjálfarans. „Hver hefur
ekki áhuga á að leika með landslið-
inu? Það verður bara að koma í ljós
hvort það tekst hjá mér að vinna mér
sæti í því, það ræðst að sjálfsögðu af
því hvernig ég stend mig í leikjum,
þetta var aðeins einn af mörgum
leikjum á leiktíðinni og mér gekk vel
í honum,“ sagði Hlynur.
„Við áttum að vinna eins og leik-
urinn spilaðist framan af, en slakur
sóknarleikur okkar í síðari hálfleik
varð okkur að falli ásamt fleiri þátt-
um,“ sagði Heimir Ríkarðsson, þjálf-
ari Fram. „Vörnin var góð hjá okkur
í 50 mínútur en það var sóknarleik-
urinn sem kom okkur í koll. Menn
gerðu ekki það sem lagt var upp
með, lykilmenn brugðust í sókninni,
færin vantaði ekki en þau voru bara
ekki nýtt sem skyldi,“ sagði Heimir
sem þarna tapaði sínum fyrstu stig-
um á Íslandsmótinu. „Ég er alls ekki
ósáttur við að vera með fimm stig að
loknum þremur umferðum, við erum
taplausir ennþá og yfir því er ekki
hægt að kvarta þótt ýmislegt megi
bæta hjá okkur.“
Morgunblaðið/Þorkell
Hafsteinn Ingason, leikmaður Fram, kominn framhjá Páli Þórólfssyni og í skotstöðu
gegn Hlyni Morthens, markverði Gróttu/KR, í fyrri hálfleik í viðureign liðanna í gær.
Veigar Páll til Bolton
eftir landsleikinn
Rosenborg missir af 700 millj. kr.
Markverðirnir í að-
alhlutverki á Nesinu
KRISTINN Björgúlfsson tryggði Gróttu/KR sitt fyrsta stig á Íslands-
mótinu í handknattleik karla er hann jafnaði metin, 21:21, þegar
fimm sekúndur voru eftir af viðureign Gróttu/KR og Fram í íþrótta-
húsinu á Seltjarnarnesi. Nokkrum andartökum áður en Kristinn
barg stiginu hafði Egidius Petkevisius varið vítakast frá félaga
Kristins, Savukynas Gintaras. Mark Kristins kom í veg fyrir að
Framarar hefðu fullt hús stiga eftir þrjá leiki í norðurriðli.
Ívar
Benediktsson
skrifar
Jóhannes
skoraði fyrir
Úlfana
JÓHANNES Karl Guðjónsson skoraði mark
fyrir lið sitt Wolverhampton í enska deildar-
bikarnum í gær en þar átti liðið í höggi við
Darlington á heimavelli. Jóhannes skoraði á
53. mínútu. Leikurinn endaði 2:0 og eru
þetta fyrstu mörkin sem Úlfarnir skora á
heimavelli á leiktíðinni.
Birmingham, sem leikur í úrvalsdeild, féll
úr leik gegn 2. deildarliðinu Blackpool sem
skoraði eina mark leiksins.
Wigan kom einnig á óvart með því að
leggja Fulham að velli, 1:0, en Fulham leik-
ur í úrvalsdeild.
Hermann Hreiðarsson var ekki í liði
Charlton sem átti í mesta basli gegn Luton
en úrslit leiksins réðust í vítakeppni þar sem
Charlton skoraði 8 mörk gegn 7.
Portsmouth, Leicester, og Aston Villa
komust öll áfram en Jermain Defoe skoraði
þrennu fyrir lið sitt West Ham sem lagði
Cardiff, 3:2.