Morgunblaðið - 26.09.2003, Blaðsíða 14
14 | FÓLKIÐ | FÖSTUDAGUR 26|9|2003 MORGUNBLAÐIÐ
Morgunblaðið/Þorkell
HAMINGJAN SKEIN AF YASMIN, AGNARI OG
GUÐRÚNU ÞÓRSDÓTTUR Á SÓLON, ÞAR
SEM ÞAU VORU AÐ UNDIRBÚA ÞJÁLFUN
KEPPENDA STJÖRNULEITAR Á STÖÐ 2. ÞAU
FÁ 36 TÍMA TIL AÐ ÞJÁLFA 32 KEPPENDUR
OG MARKMIÐIÐ AUÐVITAÐ AÐ HAMINGJAN
SKÍNI AF ÞEIM Á SVIÐINU.
HAMINGJA ER ÓHOLL OG ÁVANABINDANDI
Frá blautu barnsbeini er manni kennt að það
sem skipti mestu máli í lífinu sé að vera ham-
ingjusamur. Woody Allen sagði eitt sinn: „Allt
sem foreldrar okkar sögðu að væri hollt er slæmt; sól,
mjólk, rautt kjöt og menntaskóli.“ Ég er sammála þessu og
finnst að hamingja passi vel í þennan hóp. Þó er ég alls
ekki mótfallinn hamingju út af fyrir sig sem tilfinningu, síður
en svo. Mér þykir bara miður hvað hún hefur gert mikinn
skaða. Hamingja getur slævt einstaklinginn og þegar maður
hefur einu sinni komist í tæri við hana er freistingin til að
halda áfram að vera hamingjusamur gífurlega sterk.
Hamingjuleit manna ætti ekki að vera markmið þeirra í líf-
inu því sá sem hugsar bara um eigin hamingju hugsar bara
um sjálfan sig. Fáar mannlegar tilfinningar hafa unnið jafn-
mikinn skaða, hægt er t.d. að benda á þær ótal hljómsveitir
sem hafa splundrast vegna hamingjuleitar einstakra með-
lima. Lagasmíðar og plötusamningar víkja fyrir hjónabandi
og barneignum og allar hugsanir um liðsheild fjúka út í veð-
ur og vind. „Brúðarklukkur bandið gamla mola …“ orti eitt-
hvert skáldið og eru það orð að sönnu.
Gefum okkur að hamingja sé mælieining og smellum
henni í metrakerfið. Skalinn er stór; allt frá gíga- og kíló-
hamingju niður í senti- og nanóhamingju. Það gefur auga
leið að hamingja er mitt á milli þessara öfga, rétt eins og
metrinn. Flestir lifa lífinu í miðjunni, upplifa konstant milli-
vigtarhamingju. Þeir eru stöðugar, fábreytilegar og lítt at-
hyglisverðar persónur. Þó eru til nokkrir alvörumenn sem
bjóða hefðbundnum gildum byrginn og sveiflast ótt og títt á
milli þessara póla.
Allir helstu listamenn
mannkynssögunnar hafa
verið þannig, þeir fest-
ast ekki í miðjumoðinu
og meðalmennskunni
heldur rífa sig sífellt
lausa og herja á ný mið.
Afraksturinn lætur svo
ekki á sér standa.
E.S. Ef einhver hefur
verið eða orðið ham-
ingjusamur við lestur á
þessari grein þá er það
alfarið á hans eigin
ábyrgð.
ARI ELDJÁRN
ÓVERJANDI AFSTAÐA
Morgunblaðið/Árni Torfason
Kl. 22.53
Laugardagur 20. september
Listasafn Reykjavíkur
Útgáfutónleikar Bang Gang
Barði Guðmundsson er aðalspíran í Bang
Gang og kom að gerð þriggja hljómplatna í
sumar, þ. á m. nýrrar plötu Bang Gang sem
kemur í verslanir á næstu dögum.