Morgunblaðið - 26.09.2003, Blaðsíða 15
MORGUNBLAÐIÐ FÖSTUDAGUR 26|9|2003 | FÓLKÐ | 15
Á síðustu árum hafa orðið gríðarlegar breytingar á kaffismekk
manna hér á landi; í stað svarta bleksins með olíubrákinni eru
komnar óteljandi gerðir af frábærum kaffidrykkjum á fjölmörg-
um stöðum víða um borg og bý. Þegar á að búa til gott kaffi
heima vandast málið aftur á móti; menn eru orðnir svo spilltir
af eftirlæti að gamla kaffivélin dugir ekki lengur; það dugir
ekki minna en Kaffitársgæði þegar á að fá sér bolla eftir mat-
inn eða á morgnana eða bara hvenær sem er dagsins.
Legíó er til af espressovélum í öllum stærðum og gerðum
en þær eru allar málamiðlun, fórna gæðum fyrir stærð, eða
verð eða þyngd – til þess að gera þær sem meðfærilegastar
og auðveldastar í notkun stytta framleiðendur þeirra sér leið.
Vilji menn fá verulega gott kaffi, og vitanlega fer eftir smekk
manna hvað þeir telja gott kaffi, borgar sig að fara alla leið og
fá sér almennilega fullvaxna kaffivél eins og Zaffiro-kaffivél
frá Isomac.
Þó ekki nái Isomac Zaffiro-kaffivélin alveg upp í kaffi af eð-
alkaffistöðum þá kemst maður býsna nálægt því. Vélin er stór
og þung, giska á að hún sé í kringum 20 kíló úr kassanum, öll
krómuð og glæsileg útlits. Rofar til að stýra henni eru efst á
henni og neðst er mjög stór skúffa til að taka við því sem sullast
út og einnig þegar verið er að hleypa aðeins út hausnum.
Rétt er að lesa leiðbeiningarnar vandlega, því þó vélin sé
traustbyggð er alltaf hætta á að menn skemmi hitaelementin.
Tiltölulega einfalt er að búa til kaffi í henni. Þegar búið er að
ganga úr skugga um að ekki sé loft í leiðslum er vélin látin hita
sig upp í rétt hitastig, en viðeigandi ljós slokknar þegar því hita-
stigi er náð. Ef flóa á mjólk er kveikt á viðeigandi rofa, en fulllangan tíma þótti mér taka að ná upp gufuþrýstingi
og -hita. Þegar réttum hita var náð tók þó skamman tíma að flóa mjólkina, en á meðan beið kaffið. Ef búa á til
espresso skiptir þetta vitanlega ekki máli og víst er vélin frábær til þess arna. Ekki tók langan tíma að átta sig
á vélinni en smá æfingu þurfti til að ná að búa til sem bestan bolla. Varla þarf að taka það fram að best er að
nota nýmalað kaffi og reyndar út í hött að kaupa sér svo vandaða kaffivél og fá sér ekki kvörn í leiðinni.
Ef menn á annað borð hafa áhuga á kaffi og vilja hafa það gott verður ekki lengra komist á skaplegu verði en
með Isomac Zaffiro. Hún kostar vitanlega sitt, en tekur allar aðrar kaffivélar í nefið, í það minnsta þær sem ég
hef komist í tæri við. |arnim@mbl.is
Vélin fæst í Kaffiboði á Grettisgötu og kostar 99.000 kr. Hún er á kynningarverði um þessar mundir, kostar 86.900 kr.
Draumavél fyrir
draumabolla
THE GREAT ESCAPE
Leikurinn The Great Escape
(PS2/XBOX/PC) kemur út í vikunni
frá SCI. Hann byggist á myndinni
frægu eftir John Sturges sem er
ein vinsælasta stríðsmynd kvik-
myndasögunnar, en hún átti fjöru-
tíu ára afmæli á árinu. Með aðal-
hlutverk í myndinni, sem byggðist
á sannsögulegum atburðum, flótt-
anum úr Stalag Luft III fangabúð-
um Þjóðverja, fór Steve McQueen,
og í henni er hið fræga atriði þar
sem hann kemst undan að lokum
með risastökki inn í frelsið á mótorhjóli.
Einnig komu fram í myndinni James Garner og Richard
Attenborough sem báðir slógu í gegn í hlutverkum sínum ekki
síður en McQueen, Charles Bronson og Donald Pleasence.
Terrence Steven McQueen, eins og hann hét fullu nafni, lést
fyrir rúmum tveimur áratugum, en gengur aftur í leiknum ef
svo má segja, því framleiðendur hans skönnuðu inn í leikinn
myndir af McQueen til að ljá persónu hans í leiknum andlit og
bættu rödd hans líka inn eftir gömlum hljóðupptökum.
Í stað þess að fá leyfi til að nota aðra leikara myndarinnar,
eins og Richard Attenborough og James Garner, efndi fyr-
irtækið til samkeppni um það á Netinu hverjir myndu leggja
öðrum persónum til andlit og raddir og sendu 500 manns inn
myndir í von um ódauðleika á tölvuskjánum.
MATRIX RELOADED
Önnur Matrix-myndin, Matrix Reloaded, kemur út á DVD um
þessar mundir og þá geta áhugasamir skemmt sér við að
skoða vafatriði í myndinni eins og
hvers vegna bílarnir í elting-
arleiknum mikla eru öxlalausir,
hvers vegna bílrúður eru ýmist
brotnar eða heilar í þeim sama elt-
ingarleik, hvað varð um bensíntank-
inn á bílnum sem veltur þegar
stokkið er á hann og svo má telja.
Menn geta einnig skemmt sér við
að sjá hvað speglast í sólgleraugum
Agent Smith (myndavél og þrífótur í
einu skoti og ekkert í öðru þar sem
hann stendur fyrir framan Neo,
Morpheus og lyklasmiðinn). Svo má einnig velta fyrir sér
spurningum eins og hvers vegna allir í hátæknisamfélaginu
Zion klæða sig eins og frummenn – tíska?
Myndin er á tveimur diskum, með heimildarmynd um gerð
hennar, greiningu á eltingarleiknum mikla á hraðbrautinni,
upplýsingar um leikinn Enter the Matrix og fréttamynd um
Matrix-æðið svo fátt eitt sé talið.
ACCORDING TO THE
ROLLING STONES
Í vikunni kom út bók þar
sem þeir Rollingar sem eftir
eru segja sögu hljómsveit-
arinnar í máli og myndum.
Bókin er 360 síður í stóru
broti og byggð á endurminn-
ingum þeirra Mick Jagger,
Keith Richards, Charlie
Watts og Ronnie Wood, en
ekkert er þar að finna frá Bill
Wyman sem sagði söguna
frá sínu sjónarhorni á síð-
asta ári. Saga Wymans,
Rolling with the Stones, var býsna ítarleg á köflum en í
þessari bók fara þeir Jagger, Richards, Watts og Wood
frjálslega með, segja frekar frá upplifun er sögulegum
staðreyndum, og skjóta á Wyman í leiðinni, gera nett
grín að honum.
Í bókinni eru líka greinar um hljómsveitina eftir vini
úr tónlistarheiminum og samstarfsmenn, meðal ann-
ars Ahmet Ertegun, Marshall Chess, Don Was, Sheryl
Crow og Carl Hiaasen og upptalning á helstu tón-
leikum og útgáfum með meinlegum innskotum frá
þeim félögum.
BILL BRYSON - A SHORT
HISTORY OF NEARLY
EVERYTHING
Bandaríski rithöfundurinn
Bill Bryson er með skemmti-
legustu mönnum á prenti,
fáir kunna eins vel að segja
frá öllum þeim hremmingum
sem hent geta á ferðalagi
eða eins lifandi og skemmti-
lega frá þeim undrum sem
ber fyrir augu.
Fyrir nokkrum árum ein-
setti Bryson sér að segja
söguna af því hvernig það
sem er gat orðið til úr engu
og hvernig mannskepnan
vað til. Hann sat við fótskör helstu fræðimanna í þrjú
ár til að drekka í sig fróðleik þeirra og skilar svo nið-
urstöðunni í þessari 500 síðna bók sem hefur fengið
fína dóma. Í henni segir hann sögu heimsins og leggur
sig fram um að tengja saman atburði og uppákomur í
þróunarsögunni til að menn sjá samhengi hlutanna.
ÚTGÁFAN
http://mamman.blogspot.com
„Mamman er í megrun og má ekkert vera að því að blogga. Svo er líka
brjálað að gera hjá henni, sinna börnum og búi og læra heima og
svona. En það er nú bara gaman að því. Svo reynir einkaþjálfarinn að
drepa hana þrisvar í viku. Bara gaman að því. Og barnið er farið að
skríða og standa upp og svona nóg að gera að fylgjast með því að hún
fari sér ekki að voða. Bara gaman að því. Svo er matarkúr í gangi.
Mamman þarf að drekka tómatsafa og álíka ógeð. Bara gaman að því.
Höfum bara gaman að þessu.“ 24. september 0.13
http://vala.freeshell.org/dagbok
„Ferðin í Yosemite þjóðgarðinn var alveg frábær. Við komumst öll upp
á Half Dome, eftir klifur upp kaðlana og samtals 14 tíma göngu, síð-
ustu 2 í myrkri niður Mist Trail. Við vorum heldur ekkert étin af björn-
um þó einn þeirra hafi fengið sér svínasteik á næsta tjaldstæði.
Ég er að verða búin að hlaða inn 160 myndum og held að Óliver sé að
verða sannfærður um að hann þurfi að koma með mér næst...“ 22.
september 22.21
http://audvaldid.blogspot.com
„Svo er alltof mikið af krökkum sem eru í einhverjum kynþáttahaturs-
klíku anda með vopn. Foreldrar! Alið upp börnin ykkar. Kæri mig ekk-
ert um að einhver saxi af mér eyrun með kíttispaða. Og ekki reyna að
segja mér að þetta sé bara af því það settust að hérna nokkrar fjöl-
skyldur úr öðrum menningarheimum. Eða afþví að þetta sé útaf því að
það sé ekki kenndur neinn agi í skólunum. Eða að þetta sé útaf of-
beldi í sjónvarpi. Eða Wolfeinstein 3d... ég kaupi það ekki.“ 23. sept-
ember 8.03
http://www.hi.is/~kls
„Jæja góðir hálsar. Þá eru glóðvolgar og glænýjar Röskvufréttir komn-
ar úr prenti. Sátum sjö sveittir röskvungar við prófarkalestur, ljósritun
og heftingar í kvöld. Útkoman er stórglæsilegt átta blaðsíðna blað,
svo ég reyni nú að vera hógvær. Ég vona bara ykkar vegna að þið verð-
ið snemma á ferðinni upp’í skóla því þetta blað á eftir að rjúka út eins
og heitar lummur!! Annars held ég að þetta blogg verði nú ekki mikið
lengra. Mín þarf nefnilega að mæta í vinnu upp í Hafnarfjörð kl. 8 í
fyrramálið og núna er klukkan hálfþrjú!!“ 23. september 2.31
http://geimveira.blogspot.com
„Jæja, þá er búið að beygla á sér heilann í dag.
Þessir mánudagar eru alveg hræðilega erfiðir finnst mér... ótrúlegt
hvað mér finnst þetta erfitt. Ég er í tveimur mjög erfiðum fögum með
engri pásu á milli, í viðbjóðslega pakkaðri stofu bara með stól ekki
borð þótt maður þurfi að skrifa og svona, samtals í 3 klukkutíma í fög-
um sem mér finnst ég varla skilja bofs í - er í það minnsta 8 sinnum
lengur að skilja en flestir finnst mér - eftir fullan vinnudag af heila-
leikfimi.“ 22. september 23.07
http://huxy.blogspot.com
„jaeja, tha er sumarid loks búid hér í utrecht. í nótt var hvasst og
rigndi alveg stórkostlega. b hafdi á ordi ad nú vaeri hitastigid í svefn-
herberginu gott, ekki sama mollan og er búin ad vera! ... í morgun var
sama ausandi rigningin og í gaer, ég slapp thó nokkurn veginn á milli
skúra á hjólinu mínu. og mín bída ad vanda morg krefjandi og
skemmtileg verkefni í dag, gaman adessu!!!... thad lítur út fyrir ad
maeja mín komist ekki á leikskóla á thessu ári ...“ 23. september
8.08
http://albert.bragur.com
„Hér á árum áður var fyrir austan kona sem hét Antonía. Eins og al-
siða var í þá daga gekk hún alltaf undir gælunafni, svaraði vart öðru
nafni en Nýa. Svo liðu árin og Nýa varð gömul. Þá var hún ávallt kölluð
Nýa gamla.“ 23. september 11.16
Kæri
blogger.com...
KOSTIR: Frábær kaffivél sem skilar ótrúlega
góðu kaffi, Góður gufugjafi, sem býður upp á
ýmsa möguleika aðra en að flóa mjólk, og er
einnig góð til að gefa heitt vatn. Mjög stór og
góður vatnstankur. Sérlega glæsileg útlits.
GALLAR: Verðið stendur eflaust í einhverjum og
hún tekur óneitanlega nokkuð plás í eldhúsinu.
Öll dýrin í skóginum eiga að vera vinir og líka allt fólkið á Netinu. Vef-
síðan Friendster.com vill að minnsta kosti stuðla að því. Vefurinn er
samfélag á Netinu og byggist á því að fólk skrái sig þar inn, setji inn
myndir og lýsingu á sjálfu sér og áhugamálum. Skýrt er síðan tekið
fram hvort fólk sé í leit að kunningsskap, nánari félagsskap eða bara
engu sérstöku þannig að þetta er alls ekki enn einn stefnumótavef-
urinn. Innskráðir geta síðan beðið um að gerast vinir annarra félaga í
samfélaginu og mynda þannig margvísleg tengslanet.
Hægt er að svala forvitninni um náungann með því að lesa prófíla um
bláókunnugt fólk, sem margt reynir að segja eitthvað skemmtilegt.
Hægt er að senda skilaboð til margra vina í einu og að sjálfsögðu fjölga
enn í vinahópnum. Vefurinn, sem oft er kallaður „Vinstur“ upp á ís-
lensku hefur verið mjög vinsæll í Bandaríkjunum í nokkurn tíma og fer
eins og eldur í sinu um Ísland.
Sjálf lét ég gabbast til að skrá mig og hef bara gaman af. Ég hef ekki
verið eins dugleg og margir við að uppfæra mitt svæði en þrátt fyrir það
er ég tengd við 8.307 manns í gegnum sex vini. |ingarun@mbl.is
VEF
SÍÐ
AN
Vinstur á vefnum