Morgunblaðið - 27.09.2003, Blaðsíða 2

FRÉTTIR
2 LAUGARDAGUR 27. SEPTEMBER 2003 MORGUNBLAÐIÐ
SÓKNARFÆRI ERLENDIS
Landsbankinn í Lúxemborg
áformar á næstunni að ráða fulltrúa
með aðsetur í Pétursborg í Rúss-
landi til starfa hjá bankanum. Einn-
ig er Landsbankinn með kaup á
tveimur fjármálafyrirtækjum í
London í lokaathugun. Verði af þeim
kaupum munu umsvif Heritable-
bankans, sem er í eigu Landsbank-
ans, þrefaldast.
19 milljarðar í reykingar
Samfélagslegur kostnaður vegna
reykinga á Íslandi árið 2000 var um
19 milljarðar króna eða um 67.000
kr. að meðaltali á hvert mannsbarn.
Þetta kemur fram í nýrri úttekt
Hagfræðistofnunar Háskóla Íslands
fyrir Tóbaksvarnanefnd.
Tæplega 500 slösuðust
Tæplega 500 manns slösuðust og
tugir þúsunda urðu að flýja heimili
sín þegar tveir öflugir jarðskjálftar
urðu á eynni Hokkaido í Japan í gær
og fyrrakvöld. Mældist annar
skjálftinn 8 stig á Richter og er það
öflugasti jarðskjálfti er orðið hefur í
heiminum það sem af er árinu.
Klámhringur leystur upp
Þýska lögreglan kvaðst í gær hafa
leyst upp umfangsmikinn, alþjóð-
legan barnaklámhring á Netinu.
Rannsókn málsins hefur staðið í
rúmt ár og náð til 166 landa.
Í gæsluvarðhald
Maðurinn sem grunaður er um
morðið á Önnu Lindh, utanríkis-
ráðherra Svíþjóðar, var í gær úr-
skurðaður í tveggja vikna gæslu-
varðhald. Fregnir herma að hann
hafi reynt að fá inni á geðdeild
nokkrum dögum áður en hann
framdi morðið, en verið vísað frá.
Sunnudagur
27. september 2003
Sigrún Edda Björnsdóttir lék Línu Langsokk
þegar leikritið var sýnt í Þjóðleikhúsinu fyrir
tuttugu árum. Það er því svolítið fyndið að
Sigrún Edda skuli leika frú Prússólín í Borg-
arleikhúsinu nú í vetur.
„Það er mjög gaman að fá að leika frú
Prússólín eftir að hafa verið Lína,“ segir Sig-
rún Edda. „Lína og frú Prússólín eru algerar
andstæður þar sem Lína er til dæmis í allt of
stórum skóm en frú Prússólín er í skóm sem
eru bara ætlaðir fyrir leigubíla. Svo vill hún
að Lína fari í skóla til að hún læri að haga sér
vel en Lína vill bara fara í skóla til að fá frí.“
Kannski líkar innst inni
Sigrún Edda segir að innst inni sé frú
Prússólín þó kannski svolítið lík Línu.
„Kannski hefur frú Prússólín einhvern tím-
ann verið eins og Lína,“ segir hún. „Það er
bara oft þannig með konur að þegar þær eld-
ast þá verða þær svo óskaplega stilltar og
prúðar. Ég held reyndar að stelpur þurfi að
passa sig á því að varðveita Línurnar í sér til
að verða ekki eins og frú Prússólín.“
Sigrún Edda segist þó viss um að Lína
verði aldrei eins og frú Prússólín. Hún hafi
bara allt of góðan grunn til þess.
Morgunblaðið/Kristinn
Lína verður
frú Prússólín!
Þegar leikritið um Línu Langsokk var sýnt í
Kópavogi fyrir fjörutíu árum lék alvöru api
herra Níels. Þegar leikritið var aftur sýnt þar
átta árum síðar átti apinn aftur að leika í
sýningunni en leikkonan sem lék Línu var
svo hrædd við hann eftir að hann beit hana í
handlegginn að það var hætt við að hafa
hann með.
Síðan hafa krakkar leikið herra Níels þegar
Lína hefur verið sýnd í leikhúsum í Reykjavík
og nú eru það tvær Vökur sem leika hann.
Vaka Dagsdóttir, sem er níu ára og Vaka
Vigfúsdóttir, sem er sjö ára munu leika hann
til skiptis í Borgarleikhúsinu í vetur.
Vökurnar segja að það sé ekkert erfitt að
líkja eftir apaskrækjunum og hoppunum í
herra Níelsi en að það sér erfitt að vera
svona lengi í búningunum þar sem þeir séu
mjög heitir.
Morgunblaðið/Ásdís
Hver er herra Níels?
Þ
að dreymir örugglega marga krakka
um að vera eins og Lína Langsokkur.
Að eiga apa og hest, fulla kistu af gulli
og tvo góða vini. Vera sterkust í heimi
og ráða við alla, löggur, ræningja, og meira að
segja pabba sinn sem er sjóræningi.
Ætli það dreymi samt ekki enn þá fleiri um
að vera í sporum Önnu og Tomma og fá að
vera besti vinur Línu. Því þótt það sé ábyggi-
lega gaman að vera Lína þá er það örugglega
líka svolítið erfitt. Lína verður nefnilega að
vera mjög dugleg af því hún þarf að sjá um sig
alveg sjálf og leysa öll vandamál upp á eigin
spýtur.
Gusur af skröki
Sjóræningjastelpan Sigurlína Rúllugardína
Nýlendína Krúsimunda á samt ekki í neinum
vandræðum með það. Hún hefur siglt um öll
heimsins höf á sjóræningjaskipinu Skopp-
arakringlunni og er besti stýrimaður sem sög-
ur fara af.
Þegar pabbi hennar dettur í sjóinn sest hún
að á Sjónarhóli og þótt hún hafi aðallega verið
með sjóræningjum og viti ekki alltaf hvernig
venjulegt fólk er vant að haga sér þá gerir
hún sitt besta til að ala sjálfa sig upp. Hún
skammar sjálfa sig til að fara að sofa og þegar
hún verður leið huggar hún sjálfa sig með því
að syngja og dansa.
Það gusast samt upp úr henni skrökið og
hún hefur engan áhuga á að læra fargnöldr-
unartöfluna (margföldunartöfluna) eða hvern-
ig maður á að haga sér í skólanum og kaffi-
boðum. Í skólanum fær hún alla til að fara í
„má ekki snerta gólf“ og í kaffiboðinu hjá
Önnu og Tomma hrækir hún upp í loft, hermir
eftir gestunum og stekkur á kökuna.
Lína er nefnilega vön því að fara eftir sín-
um eigin reglum og þegar hún kann ekki regl-
urnar þá býr hún þær bara til sjálf.
Í góðu lagi að snúa öfugt
Lína er samt ekki bara fyndin. Hún getur
líka kennt okkur ýmislegt og það er sennilega
þess vegna sem hún er svona vinsæl bæði hjá
börnum og fullorðnum. Hún kennir okkur til
dæmis að treysta á okkur sjálf og að það sé
best að fara okkar eigin leiðir í lífinu. Því þó
við flytjum kannski ekki að heiman þegar við
erum níu ára eins og Lína og við berjumst
ekki við bófa og ræningja þá getur vel verið að
okkur langi stundum til að gera hlutina svolít-
ið öðruvísi en fólkið í kring um okkur. Það er
nefnilega ekkert að því að snúa öfugt í rúminu
og segja eða gera eitthvað skrýtið í kaffiboð-
um svona einstöku sinnum – bara ef það er
ekki gert af illgirni.
Ekki bara kraftarnir sem gera hana sterka
Þótt Lína sé sterkasta stelpa í heimi eru
það ekki bara kraftarnir sem gera hana
sterka heldur líka það að hún treystir á sjálfa
sig og er ekki hrædd við hlutina. Hún er til
dæmis ekkert hrædd við að hleypa þjófunum
inn til sín. Hún treystir því að þeir séu góðir
og það verður til þess að þeir sýna henni sínar
bestu hliðar – þó þeir reyni nú reyndar líka að
stela af henni.
Með því að vera hún sjálf fær Lína að lok-
um alla í lið með sér þannig að þegar pabbi
hennar kemur að sækja hana vill enginn að
hún fari – ekki einu sinni frú Prússólín sem
hafði verið alveg ákveðin í að koma henni und-
ir eftirlit. Þannig að það getur greinilega
borgað sig að vera góður og fara sínar eigin
leiðir.
Hér sérðu Línu Langsokk?
Astrid Lindgren, höfundur bókanna um Línu Lang-
sokk, fæddist í Smálöndum í Svíþjóð árið 1907. Hún
varð síðar þekktasti barnabókahöfundur Norðurlanda
og skrifaði margar bækur sem íslenskir krakkar
þekkja eins og til dæmis bækurnar um Emil í Katt-
holti, Lottu, bræðurna Ljónshjarta og Ronju ræn-
ingjadóttur.
Lindgren, sem lést á síðasta ári, sagði að Lína hefði
orðið til þegar Karen dóttir hennar lá veik og bað hana
um að segja sér sögu. Lindgren fór þá að segja henni
söguna um Línu og fyrir tíu ára afmæli Karenar skrif-
aði hún söguna niður og gaf henni hana í afmælisgjöf.
Það liðu þó þrjú ár þar til fyrsta bókin um Línu kom
út þar sem stærsta bókarforlagið í Svíþjóð vildi ekki
gefa hana út. Lindgren fann þó annan útgefanda og
þegar bókin kom loks út varð hún strax mjög vinsæl.
Það finnst mörgum skrýtið að bókaforlagið skuli hafi
hafnað bókinni en við megum ekki gleyma því að Lína
hefur örugglega þótt miklu óþekkari á þeim tíma en
hún þykir í dag þar sem börn voru þá alin upp við mun
meiri aga en nú til dags. Það voru heldur ekki allir sem
viðurkenndu það á þeim tíma að börn geti verið góð á
sama tíma og þau eru óþekk. En það er einmitt eitt af
því sem gerir Astrid Lindgren svo sérstaka að hún
skildi það og lét sumar af persónum sínum skilja það
líka, eins og fólkið sem lærði að meta Línu og mömmur
Emils og Lottu.
Hvernig varð Lína til?
SYSTKININ Ólafur Lárus (11 ára)
og Urður (5 ára) voru ánægð með
leikritið um Línu langsokk sem sýnt
er í Borgarleikhúsinu. Urður, sem
fór syngjandi heim af leikritinu,
sagði að söngurinn hefði verið afar
skemmtilegur og fannst Lína syngja
vel.
„Mér fannst líka kökuboðið
skemmtilegt og þegar Lína settist of-
an á kökuna. Þá hló ég,“ sagði Urður.
Ólafi fannst kakan merkileg og
hafði áhuga á að skoða hana betur.
Hann sagðist hins vegar alveg vera
með á hreinu hvernig Lína hefði farið
að því að lyfta steininum, öðrum þjóf-
inum og skipinu. Annars fannst hon-
um atriðið með þjófunum einna best.
Og skemmtilegasta persónan fyrir
utan Línu var að hans mati apinn,
hann herra Níels.
Urði finnst gott að kúra í rúminu
hjá mömmu og pabba, en sagðist
samt alveg vera til í að búa ein á
Sjónarhóli. „Það er allt í lagi að sofa
ein ef maður er með hest og apa hjá
sér.“
Krakkarýni: Lína langsokkur
Væri til í
að búa á
Sjónarhóli
Morgunblaðið/Þorkell
Urður og Ólafur voru ánægð með leik-
ritið um Línu Langsokk.
Hver er sá veggur víður og hár, vænum settur röndum, rauður, gulur, grænn og blár gerður af meistara höndum?
Prentsmiðja
Árvakurs hf.
Svar: Regnboginn.
KVENLEIKI hátískunnar var allsráð-
andi á 55. Emmy-verðlaunahátíðinni í
Los Angeles í upphafi vikunnar. Lang-
flestar leikkvenna völdu tignarlega síð-
kjóla og stórir eða síðir eyrnalokkar
voru mjög áberandi.
Ljósir litir voru afgerandi valkostur
og margar sætar í daufbleiku, ferskju-
litu og kampavínshvítu. Sarah Jessica
Parker, aðalleikkona Beðmála í borg-
inni, var til að mynda í ljósbleikum og
freyðandi Chanel samkvæmiskjól og
Marg Helgenberger (CSI) í borðalögð-
um Donnu Karan satínkjól með bleikum
tóni.
Mildir litir og kvenlegar útlínur voru
í fyrirrúmi, en með undantekningum
þó. Allison Janney (Vesturálman) var
glæsileg í hindberjableiku, sem spáð er
að verði mikill tískulitur innan tíðar.
Hin þokkafulla Helen Mirren valdi
mynstraðan kjól frá Badgley Mischka
með málmáferð og Debra Messing úr
Will og Grace kaus koparlitan kjól frá
Elie Saab sem undirstrikaði hárið.
Rauðbrúnar, götóttar, bláar
Beðmálsdömurnar Cynthia Nixon og
Kim Cattrall sneiddu hjá draumkennda
stílnum, völdu þess í stað þokkafyllri
flíkur. Leðurkjóll Nixon var með rauð-
brúnu, hlýralausu korseletti og samlitu
belti frá Halston. En Cattrall, sem mun
hafa viðurkennt að vera í megrun alla
daga ársins, klæddist Armani síðkjól
alsettum kristöllum og með götum á
hliðunum. Vinirnir Jennifer Aniston
og Courtney Cox voru glæsilegar í
bláu, Aniston í dökkbláum stuttum
hanastélskjól frá Halston og Cox í
ljósbláum Carolina Herrera síðkjól
með svörtum borðum.
Naumhyggja er ekki lykilorðið þegar
kemur að djásnum hinna ríku og frægu
(bleikur trúlofunarhringur Jennifer Lopez mun til að mynda hafa kostað hálf-
an milljarð króna), en magn demanta, eðalsteina og góðmálma í eyrnalokkum
leikkvenna þykir samt sem áður hafa náð nýju hámarki á þessari Emmy-
verðlaunahátíð.
Kristen Davis, Charlotte í Beðmálum, var til að mynda í berjalitum sam-
kvæmiskjól frá Ralph Lauren og með stóra eyrnalokka í stíl. Annað og enn
betra dæmi er Jane Kaczmarek („mamma“ Malcolms „í miðjunni“) var í lát-
lausum, svörtum, hlýralausum kjól en með eyrnalokka á stærð við kristals-
ljósakrónur.
Annað nýnæmi í skarti var stórir hanastélshringir á hægri hendi, sem voru
áberandi á sýningarpöllum á síðustu tískuviku í New York.
Margföld armbönd, bæði á úlnliðum og ökklum, gerðu líka sitt til þess að ýta
undir mikilfengleikann.
Nokkur vesti og húfa
Svo nokkur dæmi séu tekin af herratískunni leyfði Matthew Broderick, eig-
inmaður Söruh Jessicu Parker, konunni að eiga sviðsljósið en valdi bindi í
sama lit og kjóllinn hennar. Grínistinn Jon Stewart var með glysmeira glit-
bindi í svörtu og Kiefer Sutherland (24) og George Lopez í samnefndum þætti
voru báðir í vestum undir jökkunum.
Helsti brautryðjandi í karltískunni var hins vegar Joe Pantoliano, sem var í
vesti eins og hinir en líka með húfu og vann verðlaun, þótt ekki væri fyrir
klæðaburð.
Stjörnublær
Að lokum. Þeir sem vilja setja á sig örlítinn stjörnublæ fyrir kvöldið mega
hafa eftirfarandi í huga:
Litaval Veljið liti sem hæfa litarhafti, hvort sem þeir eru ljósir og látlausir eða
æpandi skærir.
Fellingar og sjöl yfir brjóstið, í mittið eða jafnvel yfir pilsið
ljá kjólnum gyðjulegt yfirbragð.
Eðlilegt hár Sleppið stífri uppgreiðslu, veljið í staðinn mjúka liði eða lauslega
uppsett hár.
Axlasíðir lokkar fara vel með einföldum kjól en passa langbest við hlýra-
lausan.
Debra Messing var í hlýralausum kjól með málmáferð, sem og Helen Mirren sem hefur engu gleymt. Marg Helgenberger var í fisléttum kjól með bleikum tóni og borðum. Jane Kaczmarek var
með eyrnalokka á stærð við ljósakrónur og Patricia Heaton var ekki með miklu minni lokka. Fulltrúi karla, Joe Pantoliano, var í vesti eins og margir herrar og mætti líka með húfu.
„Njósnaramamman“ Lena Olin og
Jennifer Garner gætu allt eins
verið á leið upp að altarinu.
Jennifer Aniston ákvað að vera í
Halston-hanastélskjól frá fyrri tíð.
Kristin Davis mætti í hlýralausum
Ralph Lauren-kjól og bar stóra og
síða eyrnalokka í sama lit.
Mildar og kvenlegar
með stóra lokka
Allison Janney kaus að vera í síð-
kjól í hindberjaskærbleiku sem
veðjað er á sem næsta tískulit.
Nixon í hlýralausum leðurkjól.
Sarah Jessica
Parker þótti ein
best klædda kon-
an á Emmy-
hátíðinni.


TÍ
S
K
A
LAUGARDAGUR
27. SEPTEMBER 2003
AP
Yf ir l i t
Í dag
Sigmund 8 Viðhorf 36
Viðskipti 14 Kirkjustarf 36/37
Erlent 16/19 Minningar 38/41
Minn staður 20 Myndasögur 48
Höfuðborgin 21 Bréf 48
Akureyri 22 Dagbók 50/51
Suðurnes 23 Staksteinar 50
Árborg 24 Brids 51
Landið 25 Íþróttir 52/55
Daglegt líf 26/27 Leikhús 56
Listir 28/29 Fólk 56/61
Umræðan 30/31 Bíó 58/61
Skák 31 Ljósvakamiðlar 62
Forystugrein 38 Veður 63
* * *
L a u g a r d a g u r
27.
s e p t e m b e r ˜ 2 0 0 3
ÍBÚAR Akraness eru á varðbergi
gagnvart þeim breytingum sem
kunna að verða á gerðar á Brimi,
sjávarútvegsstoð Eimskipafélagsins,
í kjölfar breytinga á eignarhaldi fé-
lagsins fyrir skömmu. Þetta er mat
Gísla Gíslasonar, bæjarstjóra á
Akranesi, og kom m.a. fram í ræðu
hans við opnun atvinnuvegasýningar
á Akranesi í gær. Hann segir að
breytingar sem ógna muni atvinnu-
lífi bæjarins verði aldrei liðnar.
Útgerðarfélagið Haraldur Böðv-
arsson hf. á Akranesi myndar Brim,
ásamt Útgerðarfélagi Akureyringa
og Skagstrendingi hf. á Skaga-
strönd. Í ljósi breytinga á eignar-
haldi Eimskipafélagsins og ráðandi
hlut Landsbankans í félaginu hafa
orðið vangaveltur um framtíð Brims.
Gísli segir að nýlegar fréttir af hrær-
ingum á eignarhaldi stórra fyrir-
tækja geti á næstu misserum haft
áhrif á útgerð og fiskvinnslu á Akra-
nesi. Hann segir að atvinnulífið taki
stöðugum breytingum og Akurnes-
ingar óttist ekki breytingar á eign-
arhaldi fyrirtækja ef markmið með
breytingunum séu þau sömu og áð-
ur, það er að treysta og efla þá starf-
semi sem fyrir hendi er á Akranesi.
„Við höfum í gegnum tíðina átt mjög
gott samstarf við bæði Landsbank-
ann og Eimskip og höfum fulla trú á
að það góða samstarf haldi áfram.
Við höfum trú á að þær breytingar
sem boðaðar hafa verið á Brimi verði
gerðar með hagsmuni viðkomandi
byggðarfélaga að leiðarljósi. Ef sú
verður raunin höfum við engar
áhyggjur af þeim breytingum sem
kunna að verða.
Það er hinsvegar ljóst að ef brugð-
ið verður frá þessum markmiðum
mun það kalla á mjög sterk viðbrögð
á þeim stöðum sem það á við.
Haraldur Böðvarsson hf. er eitt af
fjöreggjunum í atvinnulífi Akraness,
þar starfa yfir 300 manns og launa-
greiðslur fyrirtækisins nema um 2
milljörðum króna á ári. Fyrirtækið á
sér aldarlanga sögu og gerir út afla-
sælustu skip landsins. Það er ljóst að
breytingar sem ógna umhverfinu
hér á Akranesi verða aldrei liðnar.
Við treystum því að ráðamenn hluta-
fjár grundi ákvarðanir sínar á þeirri
ábyrgð sem þeir hafa gagnvart ein-
staklingum og samfélaginu á Akra-
nesi. Allt byggist þetta jú á vinnu-
framlagi fólksins. Að svo stöddu
höfum við ekkert að óttast en erum á
varðbergi gagnvart því sem er að
gerast í viðskiptalífinu,“ sagði Gísli.
Íbúar á Akranesi á varðbergi
gagnvart breytingum á Brimi
Bæjarstjóri Akraness um hugsanleg áhrif af breyttu eignarhaldi á Eimskip
SVISSNESKT fyrirtæki sem vinnur að þró-
un rafskautaframleiðslu fyrir álver hefur
stofnað þróunarfélag hér á landi til að und-
irbúa stofnun rafskautaverksmiðju í landi
Kataness í Hvalfirði. Þrír stjórnarmenn þró-
unarfélagsins og framkvæmdastjóri unnu
hjá svissneska álfyrirtækinu Alusuisse sem
byggði álverið í Straumsvík og síðar samein-
aðist Alcan.
Fjárfestingarstofa – orkusvið hefur frá því
í maí verið í viðræðum við R&D Carbon Ltd.
um samstarf um undirbúning rafskautaverk-
smiðju í Katanesi. Áður hafði þýska fyrir-
tækið RAG Traiding GmbH sýnt málinu
áhuga en viðræður við það féllu niður þegar
móðurfélag RAG Traiding keypti risastórt
efnaiðnaðarfyrirtæki og sló öllum öðrum
fjárfestingum á frest. R&D Carbon var
stofnað upp úr þróunardeild rafskauta hjá
Alusuisse og á fyrrverandi yfirmaður henn-
ar, Werner K. Fischer, 90% hlutabréfa en
RAG Trading 10%.
Þetta fyrirtæki hefur nú stofnað Kapla hf.,
þróunarfélag rafskautaverksmiðju á Kata-
nesi, til að undirbúa verkefnið, svo sem með
gerð umhverfismats, fýsileikakönnun og
samskiptum við stjórnvöld og aðra sem
semja þarf við vegna verkefnisins. Með
Fischer sitja í stjórn íslenska fyrirtækisins
Werner Regli, sem er stjórnarformaður, og
Eugen Arpagaus, en þeir eru að sögn Garð-
ars Ingvarssonar, framkvæmdastjóra orku-
sviðs Fjárfestingarstofu, einnig fyrrverandi
starfsmenn Alusuisse og þekkja vel til hér á
landi auk þess að vera vel þekktir í áliðn-
aðinum í heiminum. Sömu sögu er að segja
um framkvæmdastjóra Kapla, Age Jan de
Vries.
Unnið að gerð umhverfismats
Kapla hf. hefur ráðið verkfræðistofuna
Hönnun hf. til að vinna að gerð umhverf-
ismats fyrir væntanlega verksmiðju en sam-
kvæmt aðgerðaráætlun er gert ráð fyrir að
það liggi fyrir í lok næsta árs ásamt drögum
að starfsleyfi og þá verði hægt að taka fulln-
aðaraðstöðu til þess hvort framhald verður á
verkefninu eða ekki.
Ef niðurstöður athugana reynast jákvæð-
ar stefnir þetta fyrirtæki að því að fá til liðs
við sig fleiri hluthafa og byggja rafskauta-
verksmiðjuna, að sögn Garðars. Mjög er
horft til markaðarins hér, stækkunar Norð-
uráls og byggingar nýs álvers Alcoa á Reyð-
arfirði, en Garðar segir að einnig hafi eig-
endur álvera í Evrópu sýnt áhuga á að ganga
til liðs við félagið og kaupa af því rafskaut.
Gert er ráð fyrir að verksmiðjan á Grund-
artanga framleiði í upphafi 340 tonn af raf-
skautum á ári, í lokaðri hringrás, og veiti 140
manns atvinnu. Kostnaður við uppbyggingu
verksmiðjunnar er áætlaður 17 milljarðar.
Stofna þró-
unarfélag
rafskauta-
verksmiðju
Fjórir fyrrverandi
starfsmenn Alusuisse
stjórna félaginu
HÉRAÐSDÓMUR Reykjavíkur
dæmdi bandaríska varnarliðsmað-
inn, sem ákærður var fyrir tilraun
til manndráps í Hafnarstræti í
sumar, í eins og hálfs árs fangelsi.
Auk fangelsisrefsingarinnar var
hann dæmdur til greiðslu 1,7 millj-
óna króna, þar af 800 þúsund krón-
ur í miskabætur, 700 þúsund í
málsvarnarlaun og 200 þúsund í
réttargæsluþóknun.
Í dóminum segir að þrjár hnífs-
stungurnar af fimm hafi verið lífs-
hættulegar og hefðu þær dregið
brotaþola til dauða hefði hann ekki
komist undir læknishendur. Ljóst
sé þó að varnarliðsmaðurinn hafi
ekki verið einn um að leggja til
brotaþola en ekki hefur verið upp-
lýst hver eða hverjir aðrir voru þar
að verki. Að mati dómsins var því
ósannað að varnarliðsmaðurinn
hafi lagt oftar til brotaþola en einu
sinni, eins og hann hafi játað. At-
laga hans hafi engu að síður verið
stórhættuleg og hending hafi ráðið
að ekki fór verr.
Vísaði lögreglu á hnífinn
Ákærði gaf sig fram við rann-
sóknadeild bandaríska sjóhersins
daginn eftir atburðinn og vísaði
lögreglu á hníf sem hann sagðist
hafa notað og síðan fleygt í rusla-
tunnu í Ingólfsstræti. Með DNA-
rannsókn var staðfest að blóð úr
fórnarlambinu var á hnífnum. Sam-
kvæmt þessu og öðru var talið
sannað að ákærði hefði lagt til fórn-
arlambsins með hnífnum. Ekkert
þótti hafa komið fram sem benti til
þess að hann hefði ætlað að ráða
brotaþola bana eða að honum hefði
mátt vera ljóst að mannsbani gæti
hlotist af atlögunni, sem hann kvað
hafa verið gerða í sjálfsvarnar-
skyni. Hann hefði hins vegar beitt
hættulegu vopni og það án þess að
skeyta um afleiðingarnar. Ekki var
fallist á kröfu ákærða um að hann
hefði beitt hnífnum í nauðvörn eftir
að hafa verið sleginn í andlit með
flösku.
Sveinn Andri Sveinsson verjandi
ákærða segir dóminn í þyngri kant-
inum og hafi ákærði tekið sér frest
til að ákveða hvort áfrýjað verði til
Hæstaréttar. „Dómurinn felst á
flest allt í vörn ákærða,“ segir
Sveinn, en segist á hinn bóginn
ósáttur við að dómurinn hafi ekki
tekið til greina nauðvarnarástæðu
ákærða.
Málið dæmdu héraðsdómararnir
Guðjón St. Marteinsson sem dóms-
formaður, Benedikt Bogason og
Hjörtur O. Aðalsteinsson. Sækj-
andi var Kolbrún Sævarsdóttir
saksóknari hjá ríkissaksóknara.
Morgunblaðið/Þorkell
Bandaríski varnarliðsmaðurinn, annar frá vinstri á myndinni, fékk 18 mánaða fangelsi fyrir að hafa stung-
ið mann í Hafnarstræti í sumar. Hann ber líka kostnað upp á 1,7 milljónir króna vegna hnífstungumálsins.
Talið að atlagan hafi
verið stórhættuleg
LÖGREGLAN í Reykjavík
rannsakar nú hvort erlend
kona, sem grunuð er um
vændi hérlendis, hafi átt sér
íslenska eða erlenda milli-
göngumenn sem skipulögðu
brotin. Í lok ágúst var konan
handtekin, grunuð um vændi
og hófst lögreglan þá handa
við að kanna tengsl hennar við
þá sem kynnu að hafa haft
tekjur af hinni meintu starf-
semi. Milliganga af þessu tagi
varðar allt að 4 ára fangelsi
samkvæmt almennum hegn-
ingarlögum.
Lögreglan hafði ennfremur
afskipti af tveimur konum í
vor, á sömu forsendum en
rannsókn leiddi ekki til ákæru
þar sem sannanir skorti. Fóru
konurnar úr landi í kjölfarið.
Alls óvíst er hvort mál þessi
tengjast að sögn lögreglunnar.
Lögreglurannsókn
hafin á meintu vændiTIL ryskinga kom milli lögreglu
og tveggja 16 og 17 ára pilta þegar
þeir voru eltir uppi og handteknir
við Þjóðarbókhlöðuna í gærkvöldi.
Samkvæmt upplýsingum lög-
reglu höfðu piltarnir stolið farsíma
af karlmanni í grennd við Hótel
Sögu og hafði sá óskað eftir að-
stoð.
Nokkrir lögreglubílar voru
sendir á vettvang til aðstoðar
manninum. Talið er að þjófarnir
hafi stolið fleiri hlutum, en málið
er í rannsókn hjá lögreglunni í
Reykjavík.
Slógust við
lögreglumenn